Connect with us

نړۍ

روسیې خپل ډېري وګړي له وینزویلا ایستلي دي- ترمپ

Ariana News

خپور شوی

 په

(Last Updated On: June 4, 2019)

د امریکا ولسمشر دونااد ترمپ وایي؛ روسیې امریکا ته ویلي، چې دوی خپل ډېري وګړي له وینزویلا څخه ایستلي دي.

ترمپ دا خبره د جون پر درېیمه نېټه پر خپل تویت په داسې حال کې کړې، چې دا مهال د بریتانیا پر سفر بوخت دی؛ خو نوموړي په دې اړه ډېر جزئیات ندي ورکړي.

روسي چارواکو تر اوسه د ترمپ د دې ادعا په اړه څه ندي ویلي.

امریکا د مارچ په میاشت کې پر روسیې غږ کړی و، چې له وینزویلا څخه دې ووځي.

دا په داسې حال کې ده، چې په وینزویلا کې د سیاسي مخالفانو مشر خوان ګوایدو د دې هېواد د لنډمهاله ولسمشر په توګه ځان اعلان کړ او د مسکو شاوخوا ۱۰۰ پوځيان یې په وینزویلا کې ځای پر ځای کړل.

تازه خبرونه

د ایراني اتومي ساینس پوه د وژلو غچ به اخلو – خامنه یي

Ariana News

خپور شوی

په

توسط

(Last Updated On: November 28, 2020)

د ایران ستر مذهبي مشر ایت الله علي خامنه ای د شنبې پر ورځ( د لیندۍ ۸) څرګنده کړې؛  تهران بهپه مناسب وخت کې د خپل اتومي ساینس پوه د وژلو غچ واخلي.

دغه ایراني اتومي ساینس، چې  لویدیځ هېوادونه یې د اتومي وسلو د پټو پروګرامونو مشربولي؛ تېره  تېره ورځ تهران ته نږدې ترور شو.   

خامنه يي زیاته کړې، چې ساینس پوه محسن فخری‌زاده د “وحشي اجیرانو لخوا” وژل شوی دی.

هغه ویلي؛ دوه مهمې مسلې باید د اړوند بنسټونو په اجندا کې مطرح شي؛ لومړی، د دې جرم څارنه او د عاملینو او قومندانانو مجازات، دوه یم، د ټولو هغو برخو څارنه، چې شهید (فخری‌زاده) په کې علمي او تخنیکي هڅې تر سره کړي دي.

خامنه ای ویلي؛ تهران هیڅکله اتومي وسلې نه غوښتي او په خپله اعلامیه کې یې ژمنه کړې، چې د محسن فخری‌زاده کار به روان وي.

د رویترز د څرګندونو له مخې؛ دغه وژنه، چې د ایران ولسمشر یې پړه پر اسرائیلو وراچولې، د امریکا د ولسمشر دونالد ترمپ د کاري دورې په وروستيو اوونیو کې د منځني ختیځ د نوې لانجې د رامنځته کیدو ګواښ کوي.

دا کولی شي د غوره شوي ولسمشر جو بایدن لخوا له تهران سره د اختلافاتو د راپورته کولو د هغې هوکړې هڅې دي، چې د بارک اوباما په اداره کې هغه وخت رامنځته شوې وې. ترمپ واشنګتن د تهران له نړیوال اتومي تړون څخه، چې په ۲۰۱۵ کې پرې هوکړه شوې وه؛ ایستلی دی.

د اسرائیلو ان-۱۲ خبري چینل څرګنده کړې، چې د ایران لخوا د غچ اخیستنې له ګواښونو سره سم په ټوله نړۍ کې د اسرائیل سفارتونو د چمتووالی حالت نیولی دی.

د ایران ولسمشر حسن روحاني د کابینې یوې تلویزیوني غونډې ته ویلي، چې ایران به “په مناسب وخت” کې خپل ځواب ووایي.

هغه د اسرائیلو د کړنو په اړه په ډاګه کړې: نړیوالو صهیونیست اجیرانو یو ځل بیا خپل ناوړه لاسونو د یوه ایراني بچي پر وینو ولړل.

اسرائیلو د دې وژنې په اړه له څه ویلو ډډه کړې.

د رویترز د څرګندونو له مخې؛ سپینې ماڼۍ، پنتاګون، د امریکا بهرنیو چارو وزارت او سي آی ای هم په دې اړه له څه ویلو ډډه کړې ده.

Continue Reading

تازه خبرونه

اسرائیل د ایراني ساینس پوه په وژلو کې لاس لري – جواد ظریف

Ariana News

خپور شوی

په

توسط

(Last Updated On: November 28, 2020)

د ایران د بهرنیو چارو وزیر محمد جواد ظریف په یوه تویت کې څرګنده کړې، چې د ایران اتومي ساینس پوه محسن فخری‌‌‌زاده په وژنه کې د اسرائیلو د لاسرلو نښې نښانې ښکاره دي.

د نوموړي د څرګندونو له مخې؛ ایران له نړیوالې ټولنې او په ځانګړي توګه اروپایي اتحادیې غوښتي، چې شرمیدلي دوه ګوني معیارونه پای ته ورسوي او دغه دولتي تروریستي عمل وغندي.

هغه د نوموړي وژنه په کلکه غندلې ده.

اسرائیلو تر دې دمه پدې اړه څه ندي ویلي.

ایراني چارواکو په ډاګه کړې؛ د دفاع وزارت د څېړنو او نوښت سازمان د مشر محسن فخری‌زاده پر موتر وسلوالو برید کړی دی.

چارواکو زیاته کړې، چې د محسن فخری‌زاده یو ساتونکی له وسلوالو سره په نښته کې سخت ټپي شوی و ؛ خو په روغتون کې یې له ټپونو ساه ورکړه.

Continue Reading

تازه خبرونه

دونالد ترمپ خپل دفاع وزیر مارک سپیرله دندې ګوښه کړ

Ariana News

خپور شوی

په

توسط

(Last Updated On: November 10, 2020)

د امریکا ولسمشر دونالد ترمپ د دوشنبې پر ورځ (لړم ۱۹) په خپلو دوه تویتونو کې دفاع وزیر مارک سپیر لرې او د نوي چارسمبالي پېژندنه یې په ډاګه کړې ده.

ښاغلي ترمپ په خپلو پیغامونو کې لیکلي، چې له ترهګرۍ سره د مبارزې لپاره د دفاع وزارت د څانګې مشر کریستوفر میلر یې پر ځای د سرپرست په توګه ټاکل شوی دی.

ولسمشر ترمپ پرته له دې، چې د ښاغلي سپیر د لرې کولو ځانګړی دلیل وړاندې کړي؛ په خپل یوه  تویت کې یې څرګنده کړې؛ مارک اسپیر له دندې لرې شوی او زه یې د هغه د کار له امله له هغه مننه کوم.  کرس[کریستوفر میلر] به غوره دنده ترسره کړي.

د امریکا دفاع وزارت ته نوی ټاکل شوی چارسمبالی کریستوفر میلر د ولسي جرګې څخه د باور رای ته اړتیا لري. په داسې حال کې، چې د جنورۍ پر ۲۰ د امریکا نوي حکومت ته واک لیږدول کیږي. فکر نکیږي، چې د دې هېواد ولسي جرګه نوي چارسمبالي ته د باور رای ورکړي.

تر دې دمه پنتاګون په دې اړه څه ندي ویلي.

د یو شمېر سرچینو د څرګندونو له مخې؛ سپیر له ټاکنو وروسته د استعفا یا ګوښه کیدو ته چمتووالی نیولی و. په ځانګړي توګه که ترمپ په دوه یم ځل انتخابات وګټي.

Continue Reading
Advertisement

Trending