Connect with us

نړۍ

روسیې له ۱۰ امریکایي ډیپلوماټانو غوښتي، چې دغه هېواد پریږدي

Ariana News

خپور شوی

 په

(Last Updated On: April 17, 2021)

پر روسیې د امریکا له بندیز لګولو وروسته مسکو د جمعې پر ورځ( د وري ۲۷) په دې هېواد کې له میشتو ۱۰ امریکایي ډیپلوماټانو غوښتي، چې روسیه پریږدي.

د راپورونو له مخې؛ روسیې په مسکو کې د امریکا له سفیره هم وغوښتل، چې په لنډمهاله توګه د مشورو لپاره خپل هېواد ته ستون شي.

امریکا دوه ورځې مخکې د ۲۰۲۰ کال د امریکا په ولسمشریزو ټاکنو او د اوکراین په چارو کې د لاسوهنو د تور له کبله روسیه له پراخو بندیزونو سره مخ کړه.

د رویټرز د څرګندونو له مخې؛ امریکا د روسيې شرکتونه په تور نوملړ کې نیولي او لس روسي ډیپلوماټان یې له هېواده ایستلي دي.

د راپورونو له مخې؛ روسیې د جوبایډن او ولادمیر پوتین تر منځ ناسته نه ده لغوه کړې، چې د خبرو لار پرانستې وي.

د روسیې بهرنیو چارو وزارت په ډاګه کړې؛ اوس هغه وخت رارسېدلی، چې ښه نیت ښکاره کړي او په مخامخ بهیر کې ښکېل شي. که نه؛ نو د امریکا پروړاندې به دردناک پرېکړه وشي.

دغه راز روسیې خبرداری ورکړی، چې غواړي د امریکا اقتصاد زیانمن کړي او په روسیه کې د امریکا سیاسي ماموریتونه ۳۰۰ کسانو ځانګړی کړي او زیاتوي، چې دمګړۍ دې ته اړتیا نشته.

د روسیې او امریکا اړیکې له هغې وروسته ناندریزې شوې، چې د امریکا ولسمشر جوبایډن په خپلو خبرو کې پوتین وژونکی یاد کړ.

روسیې د جوبایډن د خبرو په ځواب کې له واشنګټن څخه خپل سفیر د مشورې لپاره راوغوښت.

له روسیې څخه د امریکایي ډیپلوماتانو د شړلو په غبرګون کې د امریکا بهرنیو چارو وزارت یوه چارواکي ویلي، چې د روسیې دا هڅه هڅوونکې او د خواشینۍ وړ ده.

هغه وویل: “دا زموږ په ګټه نده چې یوه اشتباه کونکي کړۍ ته ننوځي ، مګر موږ خپل ځان ته دا حق ورکوو چې د روسیې انتقام اخیستونکو اقداماتو ته ځواب ووایی. مونږ ځانته دا حق ورکوو، چې د روسیې د غچ اخیستنې ځواب ورکړو.

تازه خبرونه

په غزه کې اسرائیلو د حماس پر ځمکنیو سمڅو هوایي بریدونه کړي

Ariana News

خپور شوی

په

توسط

Photo credit Reuters
(Last Updated On: May 14, 2021)

د اسرائیلو اردو د غزې په تړانګه کې د حماس پر ځمکنیو سمڅو( تونلونو) هوايي او توپچي بریدونه کړي دي.

رویټرز په ډاګه کړې، چې حماس هم د اسرائیلو پر ښارونو خپل توغندیز بریدونه ډېر کړي دي.

د اسرئیلو د پوځ ویاند جاناتان کنریکس ویلي؛ د شخړې له پیل راپدیخوا دا د اسرائیلو ترټولو لوی عملیات دي، چې د غزې له تړانګې بهر۱۶۰ الوتکو، ټانکونو او توپونو په کې برخه اخیستې ده.

په داسې حال کې، چې د دواړو لوریو تر منځ روانه جګړه پېنځمې ورځ ته ننوتې؛ خو ویل کیږي، چې دغه روانه جګړه له ۲۰۱۴ کال راپدیخوا د فلسطین او اسرائیلي ځواکونو تر منځ له ټولو سخته او کرکجنه ده.

د فلسطین روغتیايي چارواکو ویلي؛ یوه ښځه او د هغې درې ماشومان په غزه کې وژل شوي، چې مړي یې د ویجاړو کورونو له خاورو وموندل شول.

دغه راز په اسرائیلو کې یوه سپین سرې ښځه هغه مهال پر غندیزو بریدونو ولګېده وژل شوې، چې خوندي ځای ته د تګ په حال کې وه.

حماس د بیت المقدس اقصی جومات ته نږدې له فلسطینیانو سره د اسرائیلي پولیسو د نښتو په غبرګون کې راکټي بریدونه پیل کړي دی.

د فلسطیني چارواکو د څرګندونو له مخې؛ تر دې دمه په غزه کې د ۳۱  ماشومانو او ۱۹ ښځو په ګډون ۱۱۹ کسان وژل شوي او ۸۳۰ نور ټپیان دي.

اسرائیلي چارواکي دا هم وايي، چې په اسرائیلو کې د وژل شویو کسانو شمېر د یو پوله ساتی سرتېری او دوه ماشومانو په ګډون شپږ اسرائیلي ملکیانو ته رسېدلی دی.

Continue Reading

نړۍ

د اسرائیلو په هوایي بریدونو کې لسګونه فلسطینیان وژل شوي

Ariana News

خپور شوی

په

توسط

(Last Updated On: May 12, 2021)

د راپورونو له مخې؛ نن (چارشنبه د غویی۲۲) له اسرائیلي ځواکونو سره د غزې په نښتو کې ۳۵ فلسطینیان وژل شوي دي.

دغه راز څرګنده شوې، چې په نښتو کې پېنځه اسرائیلیان هم وژل شوي دي.

اسرائیلیانو نن سهار څرګنده کړې، چې دوی پر غزه سلګونه هوایي بریدونه کړي دي.

دوی دا هم ویلي، چې د حماس د مشرانو پر کورونو په هوايي بریدونو کې د دوی دوه اطلاعاتي مسوولین وژل شوي دي.

حماس هم ویلي، چې پر اسرائیلو یې سلګونه توغندي توغولي دي.

د فلسطین اسلامي جهاد څرګنده کړې، چې د چارشنبې د سهار پر پېنځه بجو مو پر دښمن ځواکمن بریدونه کړي دي.

په غزه کې د فلسطین د عامې روغتیا وزارت منلې، چې د اسرائیلو په هوایي بریدونو کې د ښځو او ماشومانو په ګډون ۳۵ کسان وژل شوي او۲۳۳ نور ټپیان دي.

په غزه کې د اسرائیلو او فلسطینیانو ترمنځ له تېرو دوه شپو راپدیخوا د توغندیزو او هوایي بریدونو په کچه کې ډېروالی راغلی دی.

د اسرائیلو اردو د سې شنبې پر ماښام د غزې په تړانګه کې یوه ۱۳ پوړیزه ودانۍ ړنګه کړه او دغه راز یې د الجوهرا، السعدهو الظفار لوړ برجونه بمبارد کړي دي.

د اسرائیلو پوځي خبریالانو ویلي، چې دا ډول بریدونه به روان ساتل کیږي.

د اسرائیلو او فلسطیني ځواکونو ترمنځ نښتې د روژې پر ۲۷ شپه له هغې وروسته پیل شوې، چې اسرائیلي ځواکونو پرفلسطینیانو اوښکې بهوونکی ګاز وویشت او پر عبادت کوونکیو یې ډزې وکړې.

Continue Reading

نړۍ

د اندونیزیا پولیسو له افغانستان څخه قاچاق شوي دوه نیم ټنه نشه یي توکي نیولي

Ariana News

خپور شوی

په

توسط

(Last Updated On: April 29, 2021)

د انډونیزیا پولیسو ویلي؛ دوی د مخدره توکو یوه ډله قاچاق وړونکي، چې له افغانستان څخه یې دوه نیم ټنه مټ آمفټامین یا شیشه دې هېواد ته قاچاق کړې نیولي دي.

د دغو نشه یي توکو ارزښت ۸۲ میلیونه ډالر اټکل شوی دی.

د انډونیزیا پولیسو د دې هېواد په سوماترا ټاپو او د پلازمېنې جکارتا په آچه ولایت کې د نشه يي توکو د قاچاق وړونکیو پرضد یو لړ عملیات پیل کړي.

پولیسو ويلي، چې د عملیاتو په لړ کې یو شکمن قاچاقبر وژل شوی او ۱۷ نور د یو نایجریایي په ګډون نیول شوي دي.

پولیسو ویلي، چې یوشمېر نشه یي توکي د کښتۍ د خوراکي توکو په کانټینرونو او وچه کې ځای پر ځای شوي وه.

پولیسو د چار شنبې پر ورځ په یوه خبري کنفرانس کې دا توکي نندارې ته وړاندې کړل.

پولیسو ويلي؛ یو شمیر شکمن کسان دمخه د مخدره توکو پر جرمونو په بند کې دي  او ځینې یې پر مرګ هم محکوم شوي دي؛ خو هغه پ​​دې اړه جزئیات ورنکړل، چې دا خلک له زندانه څنګه ښکېل پاتې شوي دي.

دا هېواد اوس په سویل ختیځه آسیا کې د نړیوال قاچاق کوونکیو لپاره د ټرانزیت پر یو پراخ مرکز بدل شوی دی.

اندونیزیا د مخدره توکو پروړاندې یو سخت قانون لري. د دې میاشتې په لومړیو کې د ایرانيانو او پاکستانیانو په ګډون یوه ډله اندونیزیا ته د ۴۰۰ کیلوګرامه شیشې د قاچاق پر تور پر مرګ محکومه شوه.

اندونیزیا په ۲۰۱۵ کال کې د مخدره توکو د قاچاق پر تور څو خپل او بهرني اتباع هم اعدام کړي دي.

Continue Reading

Trending

آریانا نیوز: ټول حقونه خوندي دي