Connect with us

تازه خبرونه

روسیې ته د طالبانو له سفر سره همهاله عبدالله د سولې پر خبرو ټینګار کړی

خپور شوی

 په

(Last Updated On: سلواغه ۹, ۱۳۹۹)

د ملي پخلاینې عالي شورا مشر عبدالله عبدالله نن (پنجشنبه د سلواغې ۹) ویلي، چې هغه د خپلمنځي خبرو جمهوريت پلوي پلاوي له غړیو سره په یوه انلاین ناسته کې د سولې بهیر پر پرمختګونو او ننګونو خبرې کړې دي.

عبدالله زیاته کړې؛ یادې ډلې ته سپارښتنه شوې، چې په افغانستان کې د سولې لپاره خپلې هڅې روانې وساتي.

عبدالله عبدالله وایي: ما د خبرو اترو ډلې ته سپارښتنه وکړه، چې پر اور کم  اوربند او د هدفي وژنو پر پای ته رسولو راوڅرخیږي؛ ځکه دا د جمهمریت لومړیتوبونه دي.

دغه راز په قطر کې د طالبانو د سیاسي دفتر ویاند محمد نعیم ویلي، چې د دوی د سیاسي دفتر مرستیال شېرمحمد عباس ستانکزی د یوه پلاوي پر مشرۍ مسکو ته رسیدلی دی.

محمد نعیم زیاته کړې، چې د غونډې په بهیر کې  طالب پلاوي له روسي چارواکو سره د سولې پر بهیر او د دوحې پر تړون خبرې کړې دي.

نوموړي ویلي، چې د طالبانو پلاوي په افغانستان کې د روسیې د ولسمشر ځانګړي استازي زلمي کابلوف او د هغه له مرستیال سره هم لیدلي دي.

همدارنګه اوړمه ورځ د طالبانو یو بل پلاوي د ملابرادر پر مشرتابه ایران ته سفر کړی و او د هفه هېواد له اړوند چارواکو سره یې د سولې پر بهیر او اړوند اړیکو بحث او خبرې کړې دي.

دا په داسې حال کې ده، چې د افغانستان جمهوريت پلوي پلاوي ویلي، چې طالبان له څو ورځو راپدیخوا د سولې خبرو ته حاضر شوي ندي؛ خو طالبانو تر دې دمه پر دغو څرګندونو رسنیو ته څه ندي ویلي.

تازه خبرونه

مونږ د کابل هوایي ډګر د ساتنې چارې ترسره کولی شو – ترکیه

خپور شوی

په

توسط

(Last Updated On: تله ۲۴, ۱۴۰۰)

د ترکیې ولسمشر د جمعې پر ورځ له رسنیو سره په خبرو کې ویلي؛ ترکیې پخوا هم د کابل هوايي ډګر د چارو مشري کړې او په راتلونکي کې هم که هوکړې ته ورسیږي؛ اړوند چارې تر سره کولی شي.

د ترکیې ولسمشر رجب طیب اردوغان خبریالانو ته ویلي؛ مونږ د افغانستان په بېخبناوو کې ډېرې هڅې کړي. که په راتلونکي کې ترکیه، قطر او افغانستان هوکړه وکړي؛ مونږ کولی شو د کابل هوایي ډګر چارې ډاډمنې ترسره کړو.

ترکیې ته د افغان پلاوي د سفر په اړه نوموړي ویلي، چې افغان حکومت ترې د بشري مرستو او په افغانستان کې له نوي پیل شوي بهیره د ملاتړ غوښتنې کړي دي.

اردوغان ژمنه کړې؛ تر هغې، چې د اسلامي امارت لنډ مهاله اداره د افغانانو د حقونو په ساتنه کې عادلانه دریځ ولري؛ مونږ به له افغان ولس هر اړخیز ملاتړ روان ساتو.

اردغان دغه څرګندونې په داسې حال کې کړي، چې تېره ورځ د افغانستان د حکومت یو لوړ پوړی پلاوی د ترکیې پر رسمي بلنه  د دې هېواد انقرې ته سفر کړی او له ترکي چارواکو سره یې پر ديپلوماتیکو اړیکو، بشري مرستو، مهاجرت، افغانستان ته د پروازونو بیا پیلولو او کابل هوايي ډګر بیا فعالولو خبرې کړې دي.

د کابل هوايي ډګر له تېرو درې اوونیو راپدیخوا داخلي او بهرنيو الوتنو ته چمتو اعلان شوی؛ خو تر دې دمه دغه هوايي ډګر ته ډاډمن او منظم سوداګریز پروازونه شوي ندي.

Continue Reading

تازه خبرونه

ملګرو ملتونو افغان کډوالو ته مرستې رالیږلي

خپور شوی

په

توسط

(Last Updated On: تله ۲۴, ۱۴۰۰)

د ملګرو ملتونو د کډوالو عالي کمیشنرۍ په ډاګه کړې، چې د افغانستان بې ځایه شویو کدوالو ته د ملګرو ملتونو د مرستې لومړۍ الوتنه ازبکستان ته رسیدلې ده.

د سرچینې د څرګندونو له مخې؛ په دې مرسته کې د سرپناه توکي دي، چې په مزار شریف کې به پر زرګونه بې ځایه شویو خلکو ووېشل شي.

د ملګرو ملتونو د کډوالو عالي کمیشنرۍ ویاند بابر بلوچ ویلي: د دغو توکو لومړۍ الوتکه په ترمذ کې راکښته شوې ده.

هغه زیاته کړې: دې الوتکې د دوبۍ له ګودامونو ۳۲ ټنه د سرپناه اړوند توکي، د پخلنځي وسایل او پلاستیکي ټرپالونه د یاد هېواد هوایي ډګر ته لېږدولي دي.

بلوڅ وایي، چې دغه توکي به پر ۱۸۰۰۰ زره کورنيو ووېشل شي.

هغه په دې اړه ویلي: مونږ له ژمي مخکې خلکو ته د مرستې لپاره له وخت سره سیالي کوو. که تاسې پرته له کومې مرستې په آزاده هوا کې له سرپنا بې برخې وئ؛ یخنۍ به مو مړه کړي.

د دغه بنسټ د څرګندونو له مخې؛ بې ځایه شویو کورنیو ته به نور توکي په دوه نورو الوتنو کې د ترمذ هوایی ډګر ته ولیږدول شي.

Continue Reading

تازه خبرونه

داعش په کندهار کې د شیعه ګانو پر یوه جومات د برید مسوولیت ومانه

خپور شوی

په

توسط

(Last Updated On: تله ۲۴, ۱۴۰۰)

د داعش خراسانۍ ډلې پرون (جمعه د تلې ۲۳ / د اکتوبر ۱۵) په کندهار ښار کې د شیعه ګانو پر یوه جومات د خونړي برید د ترسره کولو مسوولیت پر غاړه اخیستی دی.

د داعش  د څرګندونو له مخې؛ دوه داعشي بریدګرو لومړی د جومات پر ساتونکیو برید وکړ او بیا جومات ته ننوتل او خپلو چاودیدونکيو توکو ته یې چاودنه ورکړه.

چاودنه پرون د جمعې د لمانځه پر مهال د کندهار د لومړۍ ناحیې په امام بارګاه جومات کې رامنځته شوې ده.

د پېښې یوه شاهد ویلي، چې هغه د جومات د انګړ له دروازې څخه د درې چاودنو غږ واورید.

ویل کیږي، چې ټول قربانیان ملکي وګړي دي.

د رسنیو د راپورونو له مخې؛ د کورنیو چارو وزارت ویاند ویلي، چې د پېښې د څېړلو لپاره یو ځانګړی پلاوی د پېښې ځای ته استول شوی دی.

د اسلامي امارت ویاند ذبیح الله مجاهد په یوه پیغام کې لیکلي، چې اسلامي امارت دغه چاودنه غندي او دا ستر جنایت بولي.

هغه وایي؛ اسلامي امارت خپلو ځواکونو ته امر کړی، چې عاملین یې ونیسي او عدالت ته یې راکاږي.

د سیمه ییزو چارواکو د څرګندونو له مخې؛ د کندهار د لومړۍ حوزې د شیعه ګانو په جومات کې د جمعې لمانځه پر مهال چاودنو کې د وژل شویو کسانو شمېر ۴۷ او د ټپیانو هغه ۷۰  ته رسېدلی دی.

دې ته ورته یو برید تېره جمع په کندوز کې د شیعه ګانو پر یوه جومات شوی و، چې د داعش خراسانۍ ډلې یې مسوولیت منلی. په دې برید کې لږ تر لږه ۵۰ لمونځ کوونکي وژل شوي او له ۱۰۰ ډېر نور ټپیان دي، چې ټول ملکي وګړي وه.
Continue Reading

Trending

آریانا نیوز: ټول حقونه خوندي دي