Connect with us

تازه خبرونه

روسیه په افغانستان کې پوځي ښکېلتیا نه غواړي – پوتین

خپور شوی

 په

(Last Updated On: وږی ۴, ۱۴۰۰)

د رویټرز د څرګندونو له مخې؛ د روسیې ولسمشر ولادیمیر پوتین د سې شنبې پر ورځ د وږي ۲ په ډاګه کړه، چې روسیه به خپل وسلوال ځواکونه افغانستان ته د جګړې لپاره ونلیږي او مسکو د شوروي اتحاد له لس کلنې ناکامې لاسوهنې زدکړه کړې ده.

ولادمیرپوتین د متحدې روسیې د حاکم ګوند د کنګرې په جوړوشویو مراسمو کې ویلي؛ تاسې پوهیږئ، چې دا مهال په افغانستان کې وضعیت څومره ستونزمن او د اندېښنې وړ دی. مونږ د وضعیت څارنه کوو او له خپلو متحدینو سره په ډله ییز امنیت تړون ټولنه (سي اس ټي او) کې له نږدې کار کوو.

پوتین زیاته کړې؛ مونږ به د افغانستان په کورنیو چارو کې لاسوهنه ونکړو او وسلوال ځواکونه مو په جګړه کې نه ښکېلیږي.

دغه راز د روسیې د بهرنیو چارو وزیر سرګې لاوروف د سې شنبې پر ورځ ویلي، چې چین، امریکا او پاکستان د افغانستان د کړکیچ د حل لپاره منځګړیتوب ته لیواله دي.

لاوروف وایي: مونږ په افغانستان کې د سولې او ثبات خوندي کولو ته ژمن یو، چې سیمې ته هیڅ راز ګواښ نه وي.

دا په داسې حال کې ده، چې روسیي چارواکو څرګنده کړې: پخوانی شوروي اتحاد له هغه هېواد(افغانستان) څخه خپله ځانګړې تجربه لري او مونږ دا درس زدکړی دی.

تازه خبرونه

فرانسې له ۳۰۰ ډېر کسان له افغانستان څخه ووېستل

خپور شوی

په

توسط

Reuters
(Last Updated On: ليندۍ ۱۳, ۱۴۰۰)

د فرانسې د بهرنیو چارو وزارت پرون (جمعه د لیندۍ ۱۲) په ډاګه کړې، چې دې هېواد له ۳۰۰ ډېر افغانان، فرانسوي او هالنډي اتباع له افغانستان څخه ایستلي دي.

دغه وزارت زیاته کړې، چې ۲۵۸ افغانان، ۶۰ هالنډيان، ۱۱ فرانسويان او له دوی سره اړوند یو شمېر ناڅرګند کسان یې له افغانستان څخه ایستلي دي.

سرچینې زیاته کړې، چې قطري چارواکو د دوی په ایستلو کې مرسته کړې ده.

د فرانسې د بهرنیو چارو وزارت وايي، د سپټمبر له ۱۰ راپدیخوا یې له کابله شاوخوا ۴۰۰ افغانان او ۱۱۰ فرانسوي وګړي ایستلي دي.

دغه وزارت زیاته کړې، چې فرانسې او قطر د ډسمبر پر دوه یمه په افغانستان کې میشتو نړیوالو موسسو ته د طبي وسایلو، خوراکي توکو او ژمنیو توکو د لېږد په موخه یو بشري ماموریت هم ترسره کړی دی.

Continue Reading

تازه خبرونه

د کډوالو په چارو کې د ملګرو ملتونو عالي کمشنرۍ د نورو مرستو غوښتنه وکړه

خپور شوی

په

توسط

(Last Updated On: ليندۍ ۱۳, ۱۴۰۰)

د کډوالو په چارو کې د ملګرو ملتونو عالي کمېشنرۍ (یو ان اچ سي آر) په افغانستان کې د جګړې له بې ځایه شویو درې نیم میلیو کسانو سره د بشري مرستو د رسولو لپاره د نورو مرستو غوښتنه کړې ده.

دغه سازمان ویلي، چې بې ځایه شوي کسان سرپناه، ګرمو جامو، سونګ توکو، خواړو او طبي وسایلو ته اړتیا لري.

د سرچینې د څرګندونو له مخې؛ بشري کړکېچ مخ په پراخېدو دی؛ لوږه د اټکل وړ کچې ته رسیدلې ده. نږدې ۲۳ میلیون وګړي، چې د افغانستان د نفوس ۵۵ سلنه جوړوي، لوږې لاندې کړي او شاوخوا ۹ میلیون نور یې د لوږې له ګواښ سره مخ دي.

دې ټولنې په هېواد کې د زیان منونکیو خلکو لپاره د خوړو پر چمتو کولو ټینګار کړی او دا یې ورته خپل لومړیتوب ټاکلی دی .

د خبرپاڼې له مخې: سږ کال د کډوالو لپاره د ملګرو ملتونو عالي کمیشنرۍ د اګست له نیمايي راپدیخوا له څه باندې ۷۰۰ زره کورنیو بې ځایه شویو سره مرستې کړې او اوس مهال هم هره اوونۍ ۶ سوه زره خلکو ته پاملرنه کیږي.

Continue Reading

تازه خبرونه

ښځې ملکیت نه، بلکې آزاد او باعزته انسانان دي – اسلامي امارت

خپور شوی

په

توسط

(Last Updated On: ليندۍ ۱۳, ۱۴۰۰)

د افغانستان د اسلامي امارت امیر ملا هبة الله اخوندزاده د ښځو د حقونو په اړه په یوه نوي فرمان کې سپارښتنه کړې، چې ښځې ملکیت نه، بلکې آزاد او باعزته انسانان دي.

په فرمان کې ټینګار شوی؛ هیڅوک حق نلري، چې د سولې او یا د دښمنۍ د له منځه وړلو په بدل کې چا ته ښځه ورکړي.

په فرمان کې پر دې هم ټینګار شوی، چې د واده پر مهال د نجونو رضایت اړین دی او هيڅوک نشي کولی چې کونډې ښځې پېغلې نجونې پر زور واده کړي.

په دې حکم کې، چې د افغانستان اسلامي امارت د ویاند ذبیح الله مجاهد لخوا رسنیو ته رسیدلی راغلي، چې:

هیڅوک نشي کولی، چې ښځه په جبر نکاح کړي.

ښځه مال او ملکیت ندی، بلکې یو اصیل او آزاد انسان دی او هیڅوک یې په بدو کې نشي ورکولی .

کونډه د خپلې نکاح او برخلیک په اړه د پرېکړې واک لري.

له نوي خاونده د مهر اخیستل د کونډې حق دی.

او هغه کسان، چې څو ښځې لري؛ اړ دي، چې د شرعي احکامو له مخې د ټولو حقونه ورکړي او تر منځ یې عدالت خوندي او رامنځته کړي.

د ښځو د حقونو فعالانې د میرنو د حقونو په اړه له دې حکمه هرکلی کوی او د عملي کیدو غوښتنه یې کوي.

په دې فرمان کې د اسلامي امارت رهبر ملا هبة الله اخوند حج او اوقافو او اطلاعاتو او فرهنګ وزارتونو ، سترې محکمې او والیانو ته امر کړ چې پر ښځو د هر ډول ظلم مخه ونیسي.

په افغانستان کې د پخواني حکومت له پرځيدو وروسته یو شمېر میرمنې د خپلو حقونو په اړه اندېښنه ښيي او وايي، چې، زدکړو، کار او سیاست کې یې ونډه پیکه شوې ده.

د اسلامي امارت د مشر په دې فرمان کې د ښځو د کار او زدکړو په اړه څه ندي ویل شوي.

Continue Reading

Trending

آریانا نیوز: ټول حقونه خوندي دي