Connect with us

تازه خبرونه

روان تاوتریخوالی خلکو ته د منلو ندی – نادر نادري

خپور شوی

 په

(Last Updated On: تله ۲۳, ۱۳۹۹)

د حکومت د خپلمنځي خبرو د پلاوي غړي نادر نادري ویلي؛ که په هېواد کې تاوتریخوالی روان وساتل شي؛ حکومت به د روانې جګړې او سولې پر خبرو له سره غور وکړي. په داسېحال کې، چې جګړه په هلمند کې روانه ده او تاوتریخوالی هم په ټول هېواد کې ډېر شوی دی.

نادر نادري له بي بي سي سره په یوه مرکه کې ویلي: که د تاوتریخوالي کچه لوړه شي یا د اوږدې مودې لپاره روان وي؛ د حکومت د خپلمنځي خبرو پر پلاوي به د خلکو فشارونه ډېر شي. مونږ به له خلکو سره خبرې وکړو، چې آیا د جنګ او خبرو اترو دوه لارې به سولې ته لار اواره کړي او که نه.

نوموړي زیاته کړې، چې له جګړې او تاوتریخوالي را منځته شوې ستونزې نورې د منلو ندي.

نادري د دې پوښتنې په ځواب کې، چې آیا د پلاویو له خبرو د کوم پرمختګ هیله شته ویلي؛ دوی هڅه کوي د حل لارې د موندلو او اړتیا تر منځ تعادل رامنځته کړي او ګړندی بهیر دوامداره سوله زیانمنه نکړي.

دا په داسې حال کې ده، چې د شنبې له ورځې په هلمند کې د افغان امنیتي ځواکونو او طالبانو تر منځ سختې نښتې روانې دي؛ په لسګونه زره خلک هم ترې بې ځایه شوي، د ولایت په یو شمېر برخو کې برښنا پرې شوې او یو شمېر مخابراتي شبکې تړل شوې دي.

تازه خبرونه

د ا.ا.ا پلاوی د افغانستان په اړه د خبرو لپاره مسکو ته رسېدلی

خپور شوی

په

توسط

(Last Updated On: تله ۲۸, ۱۴۰۰)

د افغانستان د اسلامي امارت یو پلاوی د لومړي وزیر د مرستیال مولوي عبدالسلام حنفي پر مشرۍ مسکو ته رسېدلی، چې ټاکل شوې نن د افغانستان د راتلونکي په اړه په جوړېدونکې ټرویکا غونډه کې ګډون وکړي.

په کابل کې د روسیې سفارت ویلي، چې نن (چارشنبه د تلې ۲۸ / د اکتوبر ۲۰)  د افغانستان د حالاتو په اړه یوه لویه نړیواله غونډه جوړيږي.

د سرچینې خبرپاڼې زیاته کړې؛ په دې غونډه د کورني سیاست په ګډون له شخړو وروسته رامنځته شوي شرایط، چې د دغه هیواد بیارغونې لپاره اړین دي څېړل کیږي.

دا په داسې حال کې ده، چې دې غونډې ته د افغانستان ی د لومړي وزیر د مرستیال مولوي عبدالسلام حنفي په مشرۍ د بهرنیو چارو ، اقتصاد ، صنعت او سوداګرۍ وزیران او نور لوړپوړي چارواکي ورغلي دي.

دې ناستې ته، چې د افغانستان پر راتلونکي راڅرخي د ا.ا.ا، روسیې، چین، هند، ایران، د منځنۍ آسیا د حکومتونو او پاکستان په ګډون ۱۱ هېوادونه بلل شوي دي.

Continue Reading

تازه خبرونه

په کابل ښار کې پر امنیتي ځواکونو د لاسي بم برید وشو

خپور شوی

په

توسط

(Last Updated On: تله ۲۸, ۱۴۰۰)

د کورنیو چارو وزارت ویاند قاری سعید خوستي څرګنده کړې؛ د چارشنبې پر سهار د کابل ښار د درېيمې امنیتي حوزې اړوند په دهمزنګ سیمه کې د ژوبڼ له لورې پر امنیتي ځواکونو د لاسي بم برید شوی، چې دوه کسان يې ټپیان کړي دي.

قاري سعید زیاته کړې د پېښې د عاملينو پلټنه روانه ده.

عیني شاهدانو ویلي، چې په دې برید کې ۴ کسان ټپیان شوي دي.

دبرید پړه  تر دې دمه چا پرغاړه نده اخیستې.

Continue Reading

تازه خبرونه

په مسکو کې د روسیې، چین او پاکستان استازیو ګډه ناسته کړې

خپور شوی

په

توسط

(Last Updated On: تله ۲۸, ۱۴۰۰)

د روسیې، چین او پاکستان استازیو پرون د سې شنبې پر ورځ په مسکو کې د افغانستان پر اړوند سیاسي، امنیتي اوله شخړې وروسته مسایلو بحث خبرې کړي دي.

درې واړو خواوو د شوني امنیتي ګواښونو په اړه د اندونو تبادله کړې او افغانستان ته یې د بېړنیو بشري او اقتصادي مرستو د برابرولو لپاره خپله ګډه اراده څرګنده کړې ده.

روسیې امریکا ته بلنه ورکړې وه، چې د مسکو په خبرو کې برخه واخلي؛ خو د هغه هېواد د بهرنیو چارو وزارت ویاند نډ پرایس د لوژستیکي ستونزو له کبله په دې خبرو کې ګډون رد کړی وایي، چې امریکا له دې بهیره ملاتړ کوي.

د رویټرز د څرګندونو له مخې، د روسیې بهرنیو چارو وزارت ویلي؛ د چارشنبې پر ورځ به د افغانستان د اسلامي امارت او د نورو هېوادونو استازي هم په ډې خبرو کې برخه واخلي.

د روسیې د بهرنیو چارو وزیر سرګي لاوروف به د چارشنبه په غونډه کې وینا وکړي.

استازي به په افغانستان کې د نظامي او سیاسي وضعیت، د ټولمنلي افغان حکومت پر جوړولو او په افغانستان کې د بشري ناورین په مخنیوي کې د نړیوالې ټولنې د رول په اړه بحث او خبرې وکړي.

دې ناستې ته، چې د افغانستان پر راتلونکي راڅرخي د ا.ا.ا، روسیې، چین او پاکستان په ګډون  ۱۱ هېوادونه بلل شوي دي.

په کابل کې د روسیې سفارت ویلي، چې په دې غونډه کې د کورني سیاست په ګډون له شخړو وروسته رامنځته شوي شرایط، چې د دغه هېواد د بیارغونې لپاره اړین دي وڅېړل شي.

دا په داسې حال کې ده، چې دې غونډې ته د افغانستان د لومړي وزیر د مرستیال مولوي عبدالسلام حنفي په مشرۍ د بهرنیو چارو، اقتصاد، صنعت او سوداګرۍ وزیران او نور لوړپوړي چارواکي ورغلي دي.

Continue Reading

Trending

آریانا نیوز: ټول حقونه خوندي دي