Connect with us

سوداگري

راتلونکې اوونۍ به د هوايي دهلیزونو له لارې سوداګریزې الوتنې پیل شي

خپور شوی

 په

(Last Updated On: تله ۱۵, ۱۴۰۰)

د افغانستان د سوداګرۍ او پانګونې خونې مسوولینو ويلي، چې په راتلونکۍ اوونۍ کې به د هوايي دهلیزونو له لارې سوداګریزې الوتنې پیل شي.

په افغانستان کې د سیاسي بدلون او اسلامي امارت د رامنځته کیدو راپدیخوا اقتصادي او سوداګریز فعالیتونه نور هم ټکني شوي دي.

د افغانستان د سوداګرۍ او پانګونې خونې مسوولین وايي، چې په هېواد کې د امنیت له خوندي کیدو سره د اقتصادي چارو د پیل کیدو هڅې روانې دي.

د دې خونې مسوولینو له آریانا نیوز سره په خبرو کې څرګنده کړې، چې په راتلونکۍ اوونۍ کې به د هوايي دهلیزونو له لارې بهر ته سوداګریزې الوتنې پيل شي او په لومړۍ الوتنه کې به د افغانستان جلغوزي بهر ته صادر شي.

د افغانستان د سوداګرۍ او پانګونې خونې مسوولین وايي، چې د امریکا لخوا د افغانستان د پانګې کنګلولو د هېواد پر اقتصاد ناوړه اغېزه کړې ده.

د سوداګرۍ او پانګونې خونې مرستیال محمد یونس مومند وایي: الوتنې چمتو دی. ان شالله په راتلونکیو څلور ، پېنځه ورځو يعنې راروانه اوونکۍ کې به د کارګو لومړۍ الوت تر سره شي.

نوموړی له افغان سوداګرو سره د پاکستان پر چلند نیوکه کوي او وايي، چې افغان سوداګرو ته یې ستونزې جوړې کړي دي او له دغه هېواده غواړي، چې له افغانستان سره ښې سوداګریزې اړیکې وپالي.

محمد یونس مومند وایي: اوسنۍ کړنې ناسمې دي: مونږ د خپل هېواد په ټولو اقتصادي برخو کې له ټولو ملګرو، ګاونډ هېوادونو غواړي، چې اقتصادي وضعیت سم کړي؛ مونږ دوه اړخیزو اړیکو ته درناوی لرو.

د امریکا لخوا د افغانستان شاو خوا لس میلیارډه ډالر کنګل شوي، چې د افغانستان د سوداګرۍ او پانګونې خونې مسوولینو د څرګندونو له مخې د افغانستان پر اقتصاد یې ناوړه اغېزه کړې ده.

نوموړی په سپین بولدک او تورخم کې د افغان سوداګرو لپاره د سوداګریزیزو آسانتیاوو د برابرولو غوښتنه کوي او وایي: مونږ د خپلو بندو پیسو د آزادولو غوښتونکي یوو؛ زمونږ روان بانکي سیسټم هم همدغو بندو پیسو له ستونزو سره مخ کړی او ټولې لویې پروژې درېدلي دي.

د افغانستان د سوداګرۍ او پانګونې خونې مسوولین وايي، چې د بانکي خدمتونو عادي کیدل به د سوداګرۍ او اقتصاد له غوړیدا سره مرسته وکړي.

سوداگري

په افغانستان کې د ټاپي پروژې کار وځنډول شوـ راپور

خپور شوی

په

توسط

(Last Updated On: ليندۍ ۶, ۱۴۰۰)

د روسیې ټاس خبري سرچینې د پاکستانيو چارواکو د څرګندونو له مخې ویلي، چې د ترکمنستان لخوا افغانستان، پاکستان او هند ته د ګازو ټاپي پروژې کار ځنډول شوی دی.

د پاکستان د اقتصادي چارو فډرالي وزیر عمر ایوب خان ويلي، د ټاپي پروژې عملي کار د افغانستان د وضعیت له کبله ځنډول شوی دی.

ايوب خان ټاس خبري آژانس ته ويلي، چې په افغانستان کې د وضعيت له ښه کېدو وروسته به پر دې پروژې کار بيا پيل شي.

هغه ويلي: د هغو معلوماتو پر بنسټ، چې مونږ لرو؛ په افغانستان کې هیڅوک پر پروژو او کار نکوي؛ خلک ایستل شوي او د نړیوال بانک استازي هم په افغانستان کې نشته.

ایوب خان زیاته کړې، چې د برېښنا د لېږد پروژې (کاسا ۱۰۰۰) چارې هم د افغانستان د وضعیت له کبله ځنډول شوې دي.

دا په داسې حال کې ده، چې د ترکمنستان یو پلاوی هم څه وخت مخکې پدې اړه کابل ته راغلی و او د افغانستان اسلامي امارت له چارواکو سره یې د ټاپي پروژې او نورو اړوند مسایلو په اړه یې خبرې کړې دي.

Continue Reading

تازه خبرونه

هند کولی شي افغانستان ته د پاکستان له لارې بشري مرستې ورسوي – عمران خان

خپور شوی

په

توسط

(Last Updated On: ليندۍ ۲, ۱۴۰۰)

د پاکستان لومړي وزیر عمران خان د دوشنبې پر ورځ ویلي، چې هند کولی شي افغانستان ته د پاکستان له لارې خپل ۵۰۰۰۰ ټنه غنم او بشري مرستې ورسوي.

عمران خان دا خبرې د افغانستان له وزارتونو سره د همغږۍ کمېټې ته، چې نوې جوړه شوي کړي دي. د دې کمېته په دې ناسته کې د  پاکستان د پوځ مشر جنرال قمر جاوید باجوه، د بهرنیو چارو وزیر شاه محمود قریشي او دملي امنیت شورا د استازي معید یوسف ګډون کړی و.

دغه راز پاکستان به د هغو افغان ناروغانو د راستنېدو آسانتیا هم برابره کړي، چې د درملنې لپاره هند ته تللي او هلته بند پاتې دي.

پاکستان به سمدستي د ۵۰۰۰۰ ټنه غنمو او ژمنيو سرپناه په شمول د ۵ میلیارد روپیو پر ارزښت بشري مرستې هم افغانستان ته ولېږدوي.

د انډیا ټریبیون د راپور له مخې؛ پاکستانيو چارواکو دا ندي ویلي، چې آیا هندي لاریو ته به افغانستان ته د تګ اجازه ورکړ شي او که به له پولې څخه پر پاکستانيو یا افغان لاریو کې بار یا لېږدول کیږي.

Continue Reading

سوداگري

په تېرو دوه اوونیو کې ۶۹۸ ټنه وچه میوه صادره شوې – اسلامي امارت

خپور شوی

په

توسط

(Last Updated On: ليندۍ ۱, ۱۴۰۰)

د افغانستان اسلامي امارت د ویاند مرستیال په ډاګه کړی، چې د روان کال په وروستیو دوه اوونیو کې (۶۹۸) مټریک ټنه وچه میوه له افغانستان څخه اروپايي هېوادونو، آسیا، آمریکا او آسترالیا ته صادره شوې، چې ۵۸۵ ټنه یې ممیز دي.

د اسلامي امارت د ویاند مرستیال احمدالله وثیق ویلي؛ يادو هېوادونو ته په ټوليزه توګه د ٦٩٨ مټريک ټنه وچې مېوې صادر شوي، چې ٥٨٥ مټريک ټنه يې مميز دي.

احمدالله وثیق له افغانستان څخه بهر د وچې میوې صادرول د هېواد د اقتصادي ودې لپاره مهم ګام وباله او وایي، چې د افغانستان صادرات اوس تر بل هر وخت ډېر لوړ شوي دي.

دا په داسې حال کې ده، چې د ملګرو ملتونو چارواکو په دې وروستیو کې خبرداری ورکړی؛ که د افغانستان بانکي سیستم ته لازمې مرستې ور نکړ شي، ښايي په راتلونکیو میاشتو کې د افغانستان بانکي سیستم له سقوط سره مخ شي.

د ملګرو ملتونو پراختیايي پروګرام (یو ان ډي پي) دوشنبې پر ورځ ( د تلې لومړۍ) یو درې مخیز راپور خپور کړ، چې په کې د افغانستان د بانکي سیستم له احتمالي سقوط خبر ورکوي او د افغان بانکونو د ملاتړ لپاره د بېړنیو نغدي مرستو غوښتنه کوي.

د ملګرو ملتونو د پراختیایي پروګرام د راپور له مخې؛ د افغانستان د بانکي سیستم د احتمالي سقوط پایلې به ډېرې ښې نه وي.

په راپور کې ویل شوي: اقتصادي لګښت د بانکدارۍ سیسټم کمزوری کوي او په پایله کې به یې منفي ټولنیز اغېز پراخه وي.

دا په داسې حال کې ده، چې اسلامي امارت کنګل شوې پولي زیرمه ولسي او د خلکو بولي او د ملي سوداګرو د اقتصادي هڅو لپاره یې د آزادولو غوښتنه کوي او څرګندوي، چې حکومت ترې بله ګټه پورته کولی نشي.

Continue Reading

Trending

آریانا نیوز: ټول حقونه خوندي دي