لوبی
د ۲۰۲۴ فوټسال نړیوال جام ته ازبکستان بشپړ چمتووالی نیولی
دا سپورتي سیالۍ په خپل ذات کې تاریخي دي؛ ځکه دا لومړی ځل دی، چې د فوټسال نړیوال جام په منځنۍ آسیا کې ترسره کیږي.
د ۲۰۲۴ فوټسال نړیوال جام پیل ته یوازې درې ورځې پاتې دي؛ کوربه هېواد ازبکستان چمتو دی، چې راتلونکیو نسلونو ته هغه څه پر میراث پرېږدي، چې تمه ترې کیږي.
دا سپورتي سیالۍ په خپل ذات کې تاریخي دي؛ ځکه دا لومړی ځل دی، چې د فوټسال نړیوال جام په منځنۍ آسیا کې ترسره کیږي.
د ازبکستان فوټبال فډراسیون ( یوفا ) مشر محمد سادیک اخونوف تېره اوونۍ ویلي وه، چې هېواد یې د دې سیالیو لپاره بشپړ چمتووالی لري.
هغه ويلي: ازبکستان د فوټسال ډګرونو او پرمختللیو ښوونيزو تاسيساتو په ګډون د خپلو سپورټي بېخبناوو په عصري کولو او پراخولو کې پانګونه کړې ده. دا پانګه اچونه به دا ډاډ رامنځته کړي، چې هېواد د فیفا فوټسال نړیوال جام کوربتوب ته چمتو دی او له سیالیو وروسته به د سپورټ د پرمختګ لپاره پرلهپسې ملاتړ چمتو کړي.
هغه زیاته کړې: د ازبکستان فوټبال فډراسیون په پام کې لري، چې دا تاسیسات خوندي او د راتلونکیو سیالیو او روزنیزو موخو لپاره یې وکاروي.
د فوټسال نړیوال جام د روانې میاشتې پر څوارلسمه پیلېږي او د اکتوبر پر شپږمه پای ته رسېږي.
اوس هم یو تخنیکي مرکز شته، چې کولی شي د لوبو کوربتوب وکړي او ځوانې لوبډلې ځای پر ځای کړي. په دغه مرکز کې د لوبغاړو لپاره د نظري غونډو لپاره هم اسانتیاوې شته.
دا د راتلونکیو نسلونو لپاره میراث دی، چې فیفا او یوفا سره یوځای شوي او فوټسال به هم ترې ګټه پورته کړي.
د ازبکستان فوټبال فډراسیون مشر زیاته کړې: یوفا نیت لري، چې د فوټسال پرمختللې بېخبنا پر میراث پریږدي؛ د خلکو ګډون زیات او د دې سپورټ په اړه پوهاوی زیات کړي. د فوټسال نړیوال جام په کوربتوب، یوفا هیله لري، چې د فوټسال د ودې لپاره یو پیاوړی چوکاټ رامنځته او ډاډ ترلاسه کړي، چې دا د راتلونکیو کلونو لپاره په ازبکستان کې یو مهم سپورټ پاتې کیږي.
هغه د خپل هېواد د لوبډلې په اړه ویلي، مونږ غواړو، چې په سیالیو کې د امکان تر حده مخته ولاړ شو؛ هیله لرو، چې په نړۍ کې د ازبکستان استعداد څرګند کړو، د فوټسال لوبې ته په کور دننه وده ورکړو او د راتلونکي نسل لوبغاړي وهڅوو.
هغه وایي: د فوټسال نړيوال جام کوربتوب د دې لوبې د وقار د لوړولو او د مهمو نړيوالو سياليو په تنظيمولو کې د ازبکستان د وړتياوو د ښودلو فرصت برابروي.
په ازبکستان کې د فوټسال نړیوال جام په لسم پړاو کې به ۲۴ لوبډلې برخه واخلي، چې افغانستان، تاجکستان، نیوزیلینډ او فرانسه به خپله لومړۍ لوبه کوي او پرتګال به له هغې اتلولۍ دفاع کوي، چې درې کاله مخکې یې په لیتوانیا کې ګټلې وه.
د افغانستان فوټسال ملي لوبډلې لوبغاړي، چې دا مهال په تاشکند کې دي، خپله لومړۍ لوبه به د سپټمبر پر پېنځلسمه د یکشنبې پر ورځ له انګولا سره تر سره کړي.
آریانا ټلویزیون په افغانستان کې د دغو زړهراکښونکیوسیالیو د ژوندۍ خپرولو ځانګړی او قانوني حق ترلاسه کړی دی. له همدې کبله به د جمعې پر ورځ په ټول هېواد کې د فوټسال مینهوال دا سیالۍ د آریانا ټلویزیون له لارې وګوري.
لوبی
د افغانستان کرکټ ملي لوبډلې د زیمبابوې پر وړاندې ستره بریا خپله کړه
په دې لوبه کې، چې نن (پنجشنبه د لیندۍ نههویشتمه ) ترسره شوه؛ د افغانستان لوبډلې ۲۸۷ منډې هدف وټاکه، چې له ډلې یې ۱۰۴ منډې د صدیق الله اتل او ۸۴ منډې عبدالمالک ترسره کړې.
د افغانستان کرکټ ملي لوبډلې له زیمبابوې څخه د یو ورځنیو لوبو د لړۍ دوهیمه لوبه د ۲۳۲ منډو پر توپیر وګټله.
په دې لوبه کې، چې نن (پنجشنبه د لیندۍ نههویشتمه ) ترسره شوه؛ د افغانستان لوبډلې ۲۸۷ منډې هدف وټاکه، چې له ډلې یې ۱۰۴ منډې د صدیق الله اتل او ۸۴ منډې عبدالمالک ترسره کړې.
د زیمبابوې لوبډلې خپل ټول لوبغاړي په ۱۷.۵ اورونو کې له لاسه ورکړل او ۵۴ منډې یې جوړې کړې، چې په دې توګه هدف ته په رسیدو کې پاتې راغله.
الله محمد غضنفر او نوید ځدراڼ درې درې لوبغاړي وسوځول؛ فضل الحق فاروقي دوه او عظمت الله عمرزي یوه ویکټه ترلاسه کړه.
دا د افغانستان او زمبابوې تر منځ د یو ورځنیو لوبو د لړۍ دوهیمه لوبه وه. لومړۍ سیالي د باران له کبله لغو شوې وه.
درېیمه او وروستۍ لوبه به د شنبې پر ورځ ترسره شي.
لوبی
د افغانستان او زمبابوې کرکټ لوبه د باران له کبله لغو شوه
د افغانستان کرکټ بورډ ويلي، چې د کرکټ ملي لوبډلې لوبغاړي به سبا پنجشنبه ( د لیندۍ تههویشتمه) د دغو سیالیو په دوهیمه لوبه کې بیا سره مخامخ شي.
د افغانستان او زمبابوې ترمنځ لومړۍ یو ورځنۍ لوبه د پرلهپسې باران له کبله بې پایلې پای ته ورسېده.
د افغانستان کرکټ بورډ ويلي، چې د کرکټ ملي لوبډلې لوبغاړي به سبا پنجشنبه ( د لیندۍ تههویشتمه) د دغو سیالیو په دوهیمه لوبه کې بیا سره مخامخ شي.
ټاکل شوې وه،، چې دا لوبه د سېشنبې پر ورځ ( د لیندۍ اووه ویشتمه ) د کابل پر وخت شاوخوا ۱۲ بجې پیل شي.
د افغانستان کرکټ ملي لوبډلې پچه وګټله او لومړی یې د توپاچونې پرېکړه وکړه.
د Iaspian Creek Info د معلوماتو له مخې، د افغانستان او زمبابوې ترمنځ لومړۍ ۵۰ اوریزه لوبه د باران له کبله ۲۸ اورونو ته راکمه شوه.
حشمت الله شهیدي د زیمبابوې خلاف په یو ورځنیو سیالیو کې د هېواد د کرکټ ملي لوبډلې لوبډلمشر دی.
دا لوبې د زیمبابوې په پلازمېنه هرارې کې ترسره کېږي.
لوبی
آریانا زاډیو ټلویزیون د IPL سیالیو د خپرولو تړون لاسلیک کړ
دا سیالۍ د ۲۰۲۵ کال د مارچ پر څوارلسمه پیلیږي او د می تر بېنځهءویشتمې به روانې وي
د آریانا راډیو ټلویزیون (ATN) یو ځل بیا په افغانستان کې د هند غوره لیګ (IPL) زړه راکښونکیو سیالیو د ژوندۍ ځانګړې خپرونې حق ترلاسه کړ.
دا سیالۍ د ۲۰۲۵ کال د مارچ پر څوارلسمه پیلیږي او د می تر بېنځهءویشتمې به روانې وي
د هند کرکټ بورډ تر اوسه د دغو سیالیو مهالویش نه دی اعلان کړی.
د تېر کال ته ورته د راتلونکي کال په سیالیو کې به ۱۰ لوبډلې په ۷۴ لوبو کې برخه واخلي.
د کلکته نایټ رایډرز لوبډله دفاعي اتلولي لري. دې لوبډلې په ۲۰۲۴ کال کې په وروستۍ لوبه کې سن رایزرز حیدرآباد ته پر ماتې ورکولو درېیمه اتلولي خپله کړه.
لوبډلې دا دي:
- چینای سوپر کینګز
- ډیلي کپیټلز
- ګجرات ټایټنز
- کلکته نایټ رایډرز (دفاعي اتل)
- لکنو سوپر جایانټز
- ممبی انډیینز
- د پنجاب کینګز
- راجستان رویالز
– رایل چیلنجرز بنګلور
سنرایزرز حیدرآباد
د هند ۲۰۲۵غوره لیګ به د لوبډلو زړهراکښونکیو بدلونونو، د لوبډلو د لوبغاړو په جوړښت کې بدلون او د لوبغاړو ستراتیژیکې داوطلبۍ شاهد وي.
د بېلګې په توګه، ریشاب پنټ په جده کې د لوبغاړو د داوطلبۍ په لومړۍ ورځ د ترټولو قیمتي لوبغاړي ریکارډ مات کړ. کله، چې لکنو سوپر جایانټز دا ستوری پر ۳ اعشاریه ۲۰ میلیون ډالرو وپېرو.
همدارنګه پنجاب کینګز شریاس آییر په ۳ اعشاریه ۱۷ میلیون ډالرو واخیست.
د هند غوره لیګ د لوبغاړو د داوطلبۍ په مراسمو کې د تر ټولو ځوان لوبغاړي د اخیستو شاهد و.
د هند یو دیارلس کلن لوبغاړی وییهاو سوریاوانشي د راجستان رویلز سره پر ۱۳۰ زره ۵۰۰ ډالرو یوځای شو.
اووه افغان لوبغاړي هم د دغو سیالیو لپاره غوره شوي او راشد خان هم په کې شته، چې د ګجرات ټایټاینز لخوا پر ۲ اعشاریه ۱ میلیون ډالرو وساتل شو.
کریم جنت به د لومړي ځل لپاره د هند غوره لیګ کې ولوبېږي. نوموړی د ګجرات ټایټنز لخوا پر ۸۸ زره ډالرو اخیستل شوی.
نور احمد د چنای سوپر کینګز لخوا پر ۱ اعشاریه ۱۸ میلیون ډالرو اخیستل شوی.
عظمت الله عمرزی پر ۲۸۴ زره ډالره پنجاب کینګز اخیستی.
رحمان الله ګربز د کلکتې نایټ رایډرز لخوا د ۲۳۶ زره ډالرو په بدل کې وټاکل شو.
فضل الحق فاروقي پر ۲۳۶ زره ډالرو راجستان رویالز سره یوځای شو.
۱۸ کلن ځوان الله محمد غضنفر د ممبۍ انډینز لخوا پر ۵۶۸ زره ډالرو وپېرل شو.
په داسې حال کې، چې تر اوسه د دغو سیالیو جزئیات ندي اعلان شوي؛ د هېواد پر کچه د کرکټ مینهوال کولی شي د سیالیو په اړه د خبرونو او معلوماتو لپاره آریانا راډیو تلویزیون او ټولنیزې رسنۍ وګوري.
تلویزیون آریانا مسابقات جام قهرمانان کریکت ۲۰۲۵ را نشر میکند
تحول: د سوریې او افغانستان د حاکمو نظامونو برتله
څار: پر سیمه او نړۍ د اوکراین د جګړې اغېز
د افغانستان کرکټ ملي لوبډلې د زیمبابوې پر وړاندې ستره بریا خپله کړه
د هرات حوزوي روغتون د اسانتیاوو د نشتوالي ستونزه لري
مونږ او اسلامي امارت ډېر توپيرونه لرو – د سوریې واکمن
حزب الله او اسرائیلو اعلان شوی اوربند ومانه
بایډن او ماکرون د اسرائیلو او حزب الله اوربند اعلانوي -لبناني سرچینې
په کابل کې د ۲۰۲۵ کال کرکټ اتلولۍ څلی نندارې ته وړاندې شو
په زمبابوې کې د افغانستان د دوه اړخیزو کرکټ لوبو پر اړینو ټکو ځان خبر کړئ
آریانا ټلویزیون د ۲۰۲۵ کال د کرکټ اتلانو جام خپروي
-
تازه خبرونه2 days agoمونږ او اسلامي امارت ډېر توپيرونه لرو – د سوریې واکمن
-
نړۍ4 days agoد سوریې په یوه ډلهییز قبر کې لږ تر لږه ۱۰۰ زره جسدونه براته دي – راپور
-
تازه خبرونه3 days agoآریانا ټلویزیون د کرکټ ټست نړیوالې اتلولۍ د پایلوبې د خپراوي حق ترلاسه کړ
-
لوبی4 days agoآریانا زاډیو ټلویزیون د IPL سیالیو د خپرولو تړون لاسلیک کړ
-
سیمه ییز خبرونه4 days agoپه مسکو کې د روسیې د اټومي دفاعي ځواکونو قومندان د یوې چاودنې له کبله ووژل شو
-
نړۍ3 days agoناټو ته د اوکراین د پوځي مرستو د همغږۍ دنده وروسپال شوه
-
تازه خبرونه2 days agoد کابل- کندهار پر لويه لار د دوه ترافيکي پېښو له کبله له ۱۰۰ ډېرو کسانو ته مرګ او ژوبله اوښتې
-
لوبی3 days agoد افغانستان او زمبابوې کرکټ لوبه د باران له کبله لغو شوه