Connect with us

لوبی

د ۲۰۲۱ فوټسال نړیوال جام لوبې نن پیل کیږي

خپور شوی

 په

(Last Updated On: وږی ۲۱, ۱۴۰۰)

د ۲۰۲۱ فوټسال نړیوال جام لوبې نن په لیټوانیا کې پیل کیږي.

دغه ټورنمنټ د لیټوانیا په ویلینس، کاووناس او کلایپیډا په درې لوبغالو کې ترسره کیږي.

مینه وال کولی شي د فوټسال نړیوال جام سیالۍ په آریانا ټلویزیون کې وګوري.

آریانا ټلویزیون د دې سیالیو د خپراوي ویاړ ترلاسه کړی دی.

د دې ټورنمنټ لومړۍ لوبه نن شپه ۹:۳۰ له آریانا ټلویزیون خپریږي او د دې لوبو کوربتوب د لیټوانیا او وینزویلا پر غاړه دی.

د نړۍ له ګوټ ګوټ څخه ۲۴ لوبډلې به په دې سیالیو کې برخه واخلي او د دې سیالیو وروستۍ لوبه به د روان کال د اکتوبر پر ۳ په کاووناس لوبغالي کې ترسره شي.

د ارجنټاین دفاعي اتل به راتلونکې سې شنبه په ویلینس لوبغالي کې له امریکا سره مخ شي.

دغه راز برازیل، چې تر دې دمه یې پېنځه ځله د فوټسال نړیوال جام ګټلی؛ راتلونکې دوشنبه به د ویټنام پروړاندې لوبه وکړي.

اسپانیه، چې اروپایي لوبډله ده تر دې دمه یې دوه اتلولۍ ګټلي او هڅه کوي د لوبې اتلولي  بېرته اروپا ته راوګرزوي.

د اسپانیا ملي لوبډله به خپله لومړۍ لوبه له سویلي امریکا څخه د پاراګویي لوبډلې پر وړاندې ترسره کړي.

له بلې خوا ، د پرتګال ملي لوبډله به خپله لومړۍ لوبه د ټایلینډ پر وړاندې ترسره کړي او د روسیې فوټسال اتحادیه به خپله لومړۍ لوبه د مصر پروړاندې ترسره کړي.

ایران او ازبکستان، د افغانستان دوه ګاونډ هېوادونه هم سیالي کوي. ایران به د سې شنبې پر ورځ په اف ګروپ کې له سربیا سره مخ شي. په داسې حال کې، چې ازبکستان او ګواتیمالا به په بي ګروپ کې ولوبیږي.

د ۲۰۲۱ فوټسال نړیوال جام په اړه د نورو معلوماتو لپاره دا ځای  کېکاږئ.

لوبی

پاکستان د نړیوال جام په لومړۍ بریا کې هند ته پر ماتې ورکولو خوښي څرګنده کړه

خپور شوی

په

توسط

(Last Updated On: لړم ۴, ۱۴۰۰)

د رویټرز د څرګندونو له مخې د یکشنبې پر ورځ د پاکستان په ښارونو کې پر بېلابېلو بڼو خوښي په ډاګه شوه؛ چا پټاکې والوځولې، څوک سړکونو ته راووتل او په دې توګه د نړیوال جام لومړۍ بریا ونمانځل شوه.

پاکستا د شل آوريز نړيوال کرکټ جام د سوپر ۱۲ پړاو په څلورمه سیالۍ کې هندوستان ته پر ۱۰ وکټو ماته ورکړه.

دا سيالي د تلې پر ۲ / د اکتوبر پر ۲۴ د دوبۍ په نړیوال کرکټ لبغالي کې ترسره شوه، چې هند په لومړۍ توپوهنه کې د ۷ لوبغاړیو پر سوزېدو ۱۵۱ منډې جوړې کړې.

همدارنګه په شارجه کې د سوپر ۱۲ پړاو په درېيم او د نړيوال شل آوريز جام په ۱۵ سیالۍ کې سريلنکا بنګلاديش ته پر ۵ وکټو ماتې ورکړه.

په شل آوريز نړيوال کرکټ جام کې د پاکستان لوبډله پخپل ګروپ کې له افغانستان، هند، نیوزیلېنډ ،ناميبيا او سکاټلېنډ سره لوبې لري.

لومړي وزیر عمران خان د پاکستان لوبډلې بریا د ستایلو تر څنګ ویلي؛ ملت پر تاسو ټولو ویاړي.

پاکستانيو رسنیو هم د هند تر کنټرول لاندې کشمیر کې د دغو مراسمو د تر سره کولوراپور ورکړی، چې د مسلمانانو اکثریت سیمه ده.

سوپر پړاو، چې د نومبر پر اتمه پای ته رسیږي او بیا به د پاتې څلور بریالیو لوبډلیو ترمنځ د نومبر پر ۱۰ او ۱۱ وروستۍ سیالۍ تر سره شي او د دوه بریالیو لوبډلیو ترمنځ به بیا د نومبر پر ۱۴ پایلوبه ترسره شي.

Continue Reading

لوبی

په سوپر ۱۲ کرکټ نړیوال جام کې د افغانستان سیالان وټاکل شول

خپور شوی

په

توسط

(Last Updated On: لړم ۱, ۱۴۰۰)

د کرکټ ۲۰ آوریز نړیوال جام سیالیو په سوپر ۱۲ پړاو کې د افغانستان سیالان وټاکل شول.

د روزنیزو لوبو د لومړني پړاو له پای ته رسېدو وروسته؛ ۴ لوبډلې په سوپر ۱۲ پړاو کې راغلې.

په دوی کې د افغانستان دوه سیالان؛ سکاټلینډ او نامیبیا هم شته.

نامیبیا ایرلینډ ته پر ماته ورکولو دې پړاو ته لار وموندله او سکاټلینډ هم عمان ته ماتې ورکړې ده.

د افغانستان لومړۍ لوبه به په یاد شوي ټورنمنټ کې له دوه ورځو وروسته ( د اکتوبر ۲۴) ترسره شي. په دې سیالۍ کې به له غرمې ورته۲:۳۰ نیلي زمریان د سکاټلینډ پر وړاندې ولوبیږي.

د پاکستان پر وړاندې له لوبې وروسته، چې د جمعې پر ورځ د مازیګر پر ۶:۳۰ بجو ترسره کیږي؛ دا لوبډله به د یکشنبې پر ورځ له غرمې وروسته ۲:۳۰ د نامیبیا پر وړاندې لوبې ته چمتووالی ونیسي.

افغانستان به بیا د چارشنبې پر ورځ د نومبر پر درېیمه د ماښام پر ۶:۳۰ له هند او بیا د یکشنبې پر ورځ د نومبر پر اوومه له نیوزیلنډ سره مخ شي.

افغانستان باید لږ تر لږه څلور لوبې وګټي، چې د لوبو بل پړاو ته لار ومومي.

Continue Reading

لوبی

د کرکټ ملي لوبډلې ویسټ انډیز ته پر ۵۶ منډو ماته ورکړه

خپور شوی

په

توسط

(Last Updated On: تله ۲۹, ۱۴۰۰)

د افغانستان کرکټ لوبډلې د تېرې شپې په روزنیزه لوبه کې ویسټ انډیز ته پر ۵۶ منډو ماته ورکړه.

افغان لوبغاړیو سیالې لوبډلې ته ۱۹۰ منډې هدف وټاکه؛ خو ویسټ انډیز په ۲۰ آورونو کې یوازې ۱۳۳ منډې جوړې کړې.

د کرکټ بورډ چارواکو منلې، چې افغانستان ویسټ انډیز ته په لوی توپیر ماتې ورکړې ده.

د چارواکو د څرګندونو له مخې؛ محمد نبي عیسی خېل، حضرت الله ځاځی، شېرزاد محمدي، رحمان الله ګوربز په دغو لوبو کې ښې پایلې درلودې.

ټاکل شوې، چې کرکټ ملي لوبډله به راتلونکې دوشنبه خپله اصلي لوبه (د لړم پر ۳) ترسره کړي؛ خو سیاله لوبډله یې تر اوسه ټاکل شوې نده.

د یادونې ده، چې د کرکټ شل آوریز نړیوال جام څلور ورځې مخکې پیل شوی او شاوخوا درې نورې اوونۍ به روان وي.

Continue Reading

Trending

آریانا نیوز: ټول حقونه خوندي دي