Connect with us

تازه خبرونه

د یو شمېر سیاسیونو په ګډون د ملي پخلاینې عالي شورا ۴۸ غړي اعلان شوي

Ariana News

خپور شوی

 په

(Last Updated On: August 30, 2020)

د خپلمنځي خبرو د تر سره کولو لپاره ولسمشر اشرف غني د شنبې پر ورځ د پخلاینې عالي شورا د غړیو په توګه د ۴۸ نوماندانو نومونه تائید کړل.

ولسمشر اشرف غني د یو فرمان له لاسلیکولو سره یو شمېر افغان سیاسي څېرې د پخواني ولسمشر حامد کرزي، د حزب اسلامي د مشر ګلبدین حکمتیار، د مجاهدینو د پخواني مشر عبدالرب سول سیاف، د ولسمشرۍ پخواني مرستیال مارشال عبدالرشید دوستم او د بلخ د پخواني والي عطا محمد نور په ګډون د سولې د خبرو اترو د پلاوي په توګه ټاکلي دي.

د سولې عالي شورا به د پخواني اجرائیه مشر داکتر عبدالله عبدالله په مشرۍ د سولې د خبرو په ترسره کولو کې د پوره واک لرونکې وي؛ خو دا یوازې خبرو اترو ته لار اواروي او د پرېکړې بنسټ ندی.

د ښاغلي غني دا فرمان د داکتر عبدالله لخوا په روانه اوونۍ کې د خپلمنځی خبرو د پیل له اعلان وروسته صادر شوی دی.

په هره توګه د خپلمنځي خبرو اترو د پیل نېټه تر دې دمه ځانګړې شوې نده.

له طالبانو سره خپلمنځي خبرې له هغې وروسته وځنډېدې، چې اشرف غني د روانې میاشتې په لومړیو کې د ۳۲۰ طالب بندیانو خوشې کول ودرول. که څه هم د بندیانو خوشې کول له خبرو مخکې د امریکا او طالبانو د هوکړې یو شرط دی.

د سولې راوستلو دغه تړون، چې د افغان حکومت لخوا ندی رد شوی؛ د طالبانو لخوا د ۱۰۰۰حکومتي بندیانو پر خوشې هم ټینګار وړاندې کړی او حکومت هم باید له خبرو اترو له پیلیدو مخکې ۵۰۰۰ طالب بندیان خوشې کړي.

د اشرف د فرمان له مخې حکومت په تېرو څو میاشتو کې له ۵۰۰۰ ډېر بندیان خوشې کړي؛ خو د طالبانو د نوملړ د پاتې ۳۲۰ بندیانو د خوشې کولو په اړه زړه نازړه شوي دي.

له دې بندیانو څخه ډېري یې ناندریزې څېرې ګڼل کیږي، چې ځینو یې په افغانستان کې ترټولو ناوړه بریدونه کړي او ځینې یې د مخدره توکو د قاچاقچیانو په نوم یادیږي.

د اشرف غني لخوا د د خپلمنځي خبرو لپاره وروستۍ هڅې ښیي، چې د افغانانو ترمنځ خبرو اترو ته چمتووالی نیول کیږي.

د اشرف غني په فرمان کې دغه نومونه راغلي دي:

د داکتر عبدالله عبدالله په مشرۍ عبدالسلام رحیمي، عنایت الله فراهمند او اسدالله سعادتي د مرستیالانو په توګه ټاکل شوي دي.

پاتې نور د پکتيا والي پخوانۍ مرستیاله زهره مطهري، د افغانستان د علماوو شورا غړی عطاء الرحمن سليم ، د نوي اسلامي ګوند مشر دين محمد، سیاسي څېره اکرم خپلواک، د مرکچي پلاوي مشر محمد معصوم ستانکزی او د ولسمشر ځانګړي استازی نورالحق علومي دي.

په نورو غړیو کې پخوانی ولسمشر حامد کرزی، د مجاهدینو پخوانی مشر عبدالرسول سیاف، د حزب اسلامي مشر ګلبدین الدین حکمتیار، د ولسمشر پخوانی مرستیال محمد کریم خلیلي ، پخواني اجرائیه مشر مرستیال محمد محقق، د ولسمشر پخوانی مرستیال مارشال عبدالرشید دوستم، د بهرنیو چارو پخوانی وزیر صلاح الدین رباني، د ولسمشر پخوانی مرستیال محمد یونس قانوني، د مجاهدینو پخوانی مشر او د اوبو او انرژۍ پخوانی وزیر محمد اسماعیل خان، د بلخ پخوانی والي او د جمعیت اسلامي د رهبرۍ غړی عطا محمد نور، د محاذ ملي ګوند مشر سید حامد ګیلاني، د ملي جبهې مشر ذبیح الله مجددي، سید منصور نادري ، عنایت الله شهراني، محمد خان، د افغانستان د علماوو شورا مشر صدیق مودبر، محمد اسمعیل غضنفر او مولوي خدا داد صالح شته دي.

د حکومت په استازیو کې د ولسمشر لومړی مرستیال امرالله صالح، دوه یم مرستیال محمد سرور دانش،  د بهرنیو چارو وزارت چارسمبالی محمد حنیف اتمر، د ملي امنیت سلاکار حمدالله محب، د مشرانو جرګې مشر فضل هادي مسلمیار، د ولسي جرګې مشر میر رحمان رحماني، د ولسمشر سلاکاران الماس زاهد او مولوي جوره طاهري شامل دي. دغه راز د نوملړ له بشپړیدو وروسته د سولې په چارو کې د دولت وزیر هم د پلاوي د بل غړي په توګه په پام کې نیول شوی دی.

همدارنګه د ښځو په استازیتوب اته ښځینه وکیلانې غوره شوي، چې مدني هڅانده صفیه صدیقي، د ملسي جرګې پخوانې غړې نجیبه ایوبي، د ښځو شبکې پخوانۍ غړې ماري اکرمي، مدني هڅانده ضیا ګل رضایي، د اداري اصلاحاتو او ملکي خدمتونو خپلواک کمیسیون غړې علیه یلماز، د لوړو زدکړو پخوانۍ وزیره فریده مومند، د افغانستان د طبي شورا مشره نسرین اوریاخېل او د مدني ټولنې فعاله زرقا یفتلي د پلاوي غړي دي.

دا په داسې حال کې ده، چې پر دغه اعلان شوي ۴۸ کسیز نوملړ د یو شمېر نورو سیاسیونو نیوکې، اندېښنې او غبرګونونه هم راپاریدلي دي.

تازه خبرونه

پاکستان دې له دوستۍ او دښمنۍ، یو غوره کړي ـ اشرف غني

Ariana News

خپور شوی

په

توسط

(Last Updated On: April 18, 2021)

د افغانستان ولسمشر اشرف غني د یکشنبې پر سهار یوې امنیتي ناستې ته په ډاګه کړه؛ له تېرو څو لسیزو راپدیخوا دا لومړي ځل دی، چې د سولې یو رښتینی فرصت رامنځته شوی او افغانستان د بهرنیو ځواکونو وتلو ته پوره چمتووالی لري.

د ولسمشر اشرف غني دغه څرګندونوې له هغې وروسته راپورته کیږي، چې تېره اوونۍ د امریکا ولسمشر جو بایډن او د ناټو عمومي منشي ینس سټولټنبرګ په ډاګه کړه، چې د ټولو بهرنيو سرتېرو وتل به د روان کال د می له لومړۍ پیل او د سپټمبر پر ۱۱ نېټه افغانستان بشپړ شي.

ولسمشر غني د یکشنبې  پر ورځ په ارګ کې د کابل ښار د شپږنیمو بجو په امنیتي غونډه کې له افغانستان څخه د امریکایي ځواکونو د وتلو اعلان ته په نغوته کې څرګنده کړې: په اوسني تاریخ کې په لومړي ځل د افغانستان لپاره تر ټولو غوره فرصت برابر شوی؛ مونږ له دوه کلونو راپدیخوا دې ورځې ته بشپړ چمتوالی لرو او د هغوی د وتلو لپاره مو هر اړخیز پلان برابر کړی دی.

ولسمشر غني ویلي؛ مونږ د خپلې خاورې ساتنې ته بشپړ چمتوالی لرو او د دې وخت را رسېدلی، چې د افغانستان ملي حاکمیت په بشپړ ډول عملي او افغانستان خپل ناپېیلتوب ثابت کړي.

ولسمشر ویلي: یو د جمهوریت صف دی او بل د دښمن، هغوی، چې د جمهوریت په صف کې نه درېږي نور ورته په دولت کې ځای نشته.

د ولسمشر غني د څرګندونو له مخې؛ طالبان د جګړې د دوام لپاره هېڅ راز دیني مشروعیت نلري او د اسلامۍ نړۍ دیني علماوو په افغانستان کې جګړه غندلې ده.

ولسمشر غني له افغانستان سره سیمه ییزو اړیکو ته په نغوته کې څرګنده کړې: نن د پاکستان لپاره د پرېکړې ورځ ده؛ که زمونږ هېواد نارامه وي، د دوی هېواد به هم ناارامه وي او که زمونږ هوساینه غواړي، دوی به هم هوسا شي.

غني زیاته کړې؛ د دوستۍ او دښمنۍ غوراوی د دوی په لاس کې دی؛ د دوستۍ په اړه افغانستان له پاکستان، سیمې او نړۍ سره همکارۍ ته چمتو دی.

دغه راز ولسمشر غني په ډاګه کړې: زمونږ لیدلوری ملي حاکمیت، جمهوریت، ولسواکي، آباد، آزاد او خپلواک افغانستان دی؛ که طالبان په دې چوکاټ کې سوله کوي زمونږ غېږ ورته پرانېستې ده او له دې پرته بل هر انتخاب د جګړې د دوام لپاره د طالبانو پلمه ده.

هغه زیاتوي؛ مونږ د ډار نه، د ټینګې ارادې خلک یو.

همدارنګه نوموړي د یکشنبې د ورځې په امنیتي ناسته کې د لومړۍ امنیتي حوزې ۱۶ منسوبینو ته د بریال دوه یمې درجې دولتي مډالونه هم پر سینه وټومبل.

د ولسمشر لومړي مرستیال امرالله صالح د ستاینو او ویاړلو وروسته د شپږنیموغونډو د لاسته راوړنو په اړه د معلوماتو ورکولو پرمهال وویل: د ژمنو تعقیب پر یو اصل بدل شوی او د دوامداره هڅو په نتیجه کې د جرمونو ګراف په بېساري توګه راټیټ شوی او له دولتي خدمتونو د خلکو د رضایت کچه لوړه شوې ده.

ولسمشر اشرف غني د شپږنیموغونډو لاسته راوړنې وستایلې او وایي: تاسو د ګروپي مدیریت په پایله کې مثبت تغییرات راوستي؛ ظرفیت لرئ، دوام ورکړئ او زه ستاسو بشپړ ملاتړی یم.

Continue Reading

تازه خبرونه

عباس کریمي د امریکا له پارا لمبا سیالیو د سپینو زرو مډال ترلاسه کړ

Ariana News

خپور شوی

په

توسط

(Last Updated On: April 18, 2021)

د هیواد ویاړلی معلول لامبوزن عباس کریمي د امریکا په پارا لمبا سیالیو کې د سپینو زرو مډال ترلاسه کړ.

عباس کریمي د خپلو نړیوالو سیالانو پروړاندې په څلورو ۵۰ مټره شاپرکي برخو، ۱۰۰ او ۲۰۰ آزادې لمبا کې وځلید.

کریمي به سبا د شا پرتختې ۵۰ مټرو په وروستۍ سیالۍ کې د خپلو سیالانو پروړاندې لامبو وکړي.

دغه نړیوالې پارالمبا سیالۍ د امریکا د تګراس ایالت پر کوربتوب د ۲۰ هېوادونو څخه د ۱۱۵ لامبوزنو په ګډون تر سره شوې دي.

عباس کريمي په هېواد کې یوازنی معلول لامبوزن دی، چې د ټوکیو پارالمپیک لوبو ته نوماند شوی دی.

Continue Reading

تازه خبرونه

په افغانستان کې د امریکايي ځواکونو ډېرول شوني دي – امریکا

Ariana News

خپور شوی

په

توسط

(Last Updated On: April 17, 2021)

امریکایي چارواکو ویلي، چې له افغانستان څخه د ټولو بهرنیو سرتېرو د ډاډمنو وتلو لپاره ښایي په شمېر کې یې ډېروالی رامنځته شي.

د امریکا د دفاع وزارت ویاند جان کربي د جمعې پر ورځ یوې خبري غونډې ته څرګنده کړې؛ دا به غوره وي، چې تر سپټمبره د لنډې مودې لپاره د سرتېرو د ډاډمنو وتلو لپاره په وړتیاوو کې ډېروالي رامنځته شي.

نوموړي د سرتېرو د رارسیدو او څرنګوالي په اړه پوره څه ندي ویلي.

هغه په دې اړه زیاته کړې؛ لکه څنګه، چې مونږ عراق پریښود، دغه راز په افغانستان کې هم مونږ لوژیستیکي او انجنري مرستې ته اړتیا لرو.

هغه دا هم ویلي، چې د امریکا دفاع وزارت اوسمهال له افغانستان سره د راتلونکیو کلونو پر امنیتي اړیکو کار کوي.

جان کربي زیاته کړې، چې امریکا به له تروریزم سره په مبارزه کې خپلې هڅې روانې ساتي او د ترهګرو د پټنځي د جوړولو مخنیوی به کوي.

کربي زیاته کړې: مونږ په دې برخه کې ډېر ظرفیتونه لرو  او زه نه غواړم پدې اړه تفصيلاتو ته لاړشم، چې مونږ دا ظرفیتونه څنګه کاروو.

هغه دا هم ویلي، چې له افغانستان څخه د بهرنیو ځواکونو وتل د اړیکو د پرې کولو معنی نلري؛ خو امریکا به د افغان ځواکونو ملاتړ روان ساتي.

دغه راز امریکايي چارواکو ژمنه کړې، چې د افغان امنیتي او دفاعي ځواکونو معاشونه به ورکوي.

طالبانو تر دې دمه په دې اړه څه ندي ویلي؛ خو مخکې یې د دې اعلان په غبرګون کې، چې د سپټمبر تر یوولسمې به امریکایي سرتېري له افغانستان څخه وځي ویلي، چې د امریکا دا کړنې به طالب جنګیالي پوځي ټینګار او مقاومت ته اړ کړي، چې مسوولیت به یې د امریکا پر غاړه وي.

Continue Reading

Trending

آریانا نیوز: ټول حقونه خوندي دي