Connect with us

تازه خبرونه

د کندوز د مقام په انګړ کې د هاوان پر لګیدو ۱۵ کسانو ته مرګ و ژوبله اوښتې

Ariana News

خپور شوی

 په

(Last Updated On: November 1, 2020)

د کندوز د والي د دفتر ودانۍ په انګړ کې د هاوان مرمۍ د لګیدو له کبله ۵ کسان وژل شوي او ۱۰ نور ټپیان دي.

یوې سرچینې، چې نه غواړي نوم یې یاد شي؛ آریانا نیوز ته ویلي، چې نن ( یکشنبه د لړم ۱۱) د مازیګر ۵ بجې د ولایت د مقام د انګړ په ولیبال ډګر کې د هاوان مرمۍ ولګېده.

د سرچینې د څرګندونو له مخې؛ په دې پېښه کې د ولایت د ساتونکیود قومندان او د والي د څلور ساتونکيو په ګډون ۵ کسان وژل شوي او لس نور ټپیان دي.

سرچینه زیاتوي؛ د ولایت د مقام پر انګړ توغېدلی هاوان د طالبانو لخوا توغول شوی دی.

وسلوالو طالبانو تر دې دمه په دې اړه څه ندي ویلي.

په همدې حال کې د کندوز حوزوي روغتون سرچینو ويلي، چې له پېښې له ځایه څلور مړي او لس ټپیان ورلیږدول شوی دي.

تازه خبرونه

په هرات کې د طالبانو موټربم برید ۶ کسانو ته مرګ و ژوبله اړولې

Ariana News

خپور شوی

په

توسط

(Last Updated On: April 20, 2021)

د هرات اوسیدونکیو آریانا نیوز ته ویلي، چې د دې ولایت په غوریان ولسوالۍ  کې طالبانو د پاڅونوالو پر پوسته موټر بم برید کړی؛ د دغو ځواکونو دوه کسان وژل شوي او څلور نور ټپیان دي.

د دغه ولایت اوسیدونکیو زیاته کړې، چې دغه موټربم برید نږدې کورونو او دکانونو ته هم مالي زیانونه اړولي دي.

د هرات والي سید وحید قتالي څرګنده کړې، چې تېره شپه  لومړی یو موټر بم  برید د سیمه ییزو پاڅونوالو پوستې او د پولیسو مرکز ته نږدې چاودنه کړې وروسته د طالبانو او پولیسو او اړوند ځواکونو ترمنځ سختې نښتې وشوې.

د قتالي د څرګندونو له مخې؛ دغه موټر، چې له چاودیدونکیو توکو ډک و؛ موخې ته له رسیدو مخکې د امنیتي ځواکونو لخوا له پېژندلو وروسته پر نښه شوی دی.

د هرات والي وايي: په دې نښتو کې ۱۵ طالبان وژل شوي او درې نور ټپیان دي.

د چارواکو د څرګندونو له مخې، د افغانستان هوایي ځواک هم له امنیتی ځواکونو ملاتړ ته پورته شول.

طالبانو تر دې دمه پدې اړه څه ندي ویلي.

طالبانو په دې وروستیو کې د هرات پر امنیتي پوستو خپل بریدونه ډېر کړي دي.

Continue Reading

تازه خبرونه

د طالبانو په برید کې د بدخشان ولایت اته پولیس وژل شوي

Ariana News

خپور شوی

په

توسط

(Last Updated On: April 20, 2021)

د بدخشان سیمه ییزو چارواکي منلې، چې د دوشنبې پر شپه (د وري ۳۰) د طالبانو په ډله ییز برید کې اته پولیس وژل شوي دي.

د بدخشان د ولایتي شورا غړي عبدالله ناجي نظري ویلي، چې دغه پولیس د دې ولایت په زیباک ولسوالۍ کې له وسلوالو طالبانو سره له نښتې وژل شوي دي.

د نظري د څرګندونو له مخي؛ طالبانو د پولیسو مرکز ته اور اچولی او ټولې وسلې او مهمات یې له ځان سره وړي دي.

د بدخشان پولیس پېښه تائیدوي؛ خو د تلفاتو په اړه جزئیات نلري.

طالبانو پدې اړه څه ندي ویلي.

طالبانو تر دې دمه د پسرلني عملیاتو اعلان ندی کړی؛ خو کارپوهانو ويلي، چې طالبانو له اعلان پرته عملیات پیل کړې دي.

په بغلان ولایت کې د دوشنبې پر ورځ طالبانو دوه پولیس وژلي وه او شپږ نور ټپیان دي.

Continue Reading

تازه خبرونه

په کابل کې د اردو یو افسر وژل شوی

Ariana News

خپور شوی

په

توسط

(Last Updated On: April 20, 2021)

سرچینو آریانا نیوز ته ویلي، چې د اردو یو افسر پرون (سې شنبه د وري ۳۰) په کابل کې د ناڅرګندو وسلوالو لخوا وژل شوی دی.

د سرچینو د څرګندونو له مخې؛ دغه پېښه د کابل ښار د دولسمې ناحیې د احمدشاه بابا مېنې په اړوند سیمه کې رامنځته شوې ده.

سرچینې زیاته کړې، چې د دغه اردو افسر موټر چلوونکی هم وژل شوی دی.

پولیسو تر دې دمه رسنیو ته څه ندي ویلي او د وژل شویو کسانو هویت تر اوسه ندی معلوم.

تر دې دمه هیچا د برید مسوولیت ندی منلی.

پدې وروستیو کې تاوتریخوالی په ځانګړي توګه هدفي وژنې یو ځل بیا ډیرې شوې دي.

Continue Reading

Trending

آریانا نیوز: ټول حقونه خوندي دي