Connect with us

لوبی

د کرکټ ملي لوبډلې د مشر روزونکي قرارداد به ونه غزول شي

خپور شوی

 په

(Last Updated On: ليندۍ ۹, ۱۴۰۰)

د افغانستان کرکټ بورډ په خبرپاڼه کې په ډاګه شوې، چې د کرکټ ملي لوبډلې د مشر روزونکي په توګه به د لانس کلوزنر قرارداد تمدید نشي.

له ملي لوبډلې سره د لانس کلوزنر تړون د روان کال د ډسمبر تر پایه پای ته رسېږي.

په خبرپاڼه کې راغلي؛ د افغانستان کرکټ بورډ او د افغانستان کرکټ ملي لوبډلې مشر روزونکي لانس کلوزنر د دوه اړخیزې هوکړې په پایله کې پرېکړه کړې، چې د افغانستان ملي لوبډلې د مشر روزونکي په توګه د کلوزنر قرارداد ونه غزوي.

د سویلي آفریقا دغه پخواني “آلرونډر” د ۲۰۱۹ زېږدیز کال په ډسمبر کې د افغانستان  کرکټ ملي لوبډلې مشر روزونکی ټاکل شوی و.

د کرکټ بورډ د معلوماتو له مخې؛ د افغانستان کرکټ ملي لوبډلې د روزونکي لانس کوزنر په مشرۍ له ۱۴ شل آوریزو لوبو څخه نهه، له شپږ یو ورځنیو لوبو څخه درې ګټلي او له  درې ټیسټ لوبو څخه یوازې په یوه لوبه کې بریالی شوی دی.

ملي لوبډلې او د افغانستان کرکټ بورډ د لانس کلوزنر له خدمتونو او ترسره کړې دندې ستاینه وکړه.

کرکټ ملي بورډ د ملي لوبډلې د نوي روزونکي د ګومارلو بهیر پیل کړی او هڅه کوي، چې د لانس کلوزنر پر ځای نوی روزونکی وروپېژني.

لوبی

کرکټ ملي لوبدلې د ۳۶ منډو پر توپیر نیډرلینډ له ماتې سره مخ کړ

خپور شوی

په

توسط

(Last Updated On: سلواغه ۲, ۱۴۰۰)

د افغانستان کرکټ بورډ په ډاګه کړې، چې ملي لوبډلې تېره ورځ د سلواغې لومړۍ د ۳۶ منډ پر توپیر د  نیډرلیند ملي لوبډله له ماتې سره مخ کړه.

د کرکټ بورډ د څرګندونو له مخې؛ د افغانستان او نيدرلینډ ملي لوبډلې په دوحه کې د سوپر ليګ سياليو لوبلړۍ پیل کړه، چې د لومړنۍ سيالۍ بریا افغان ملي لوبډلې ته د لوبډلمشر حشمت الله شهیدي او رحمت شاه د غوره توپوهنې او د راشدخان، مجیب الرحمن او یمین احمدزي د غوره توپ اچونې په پایله کې پر برخه شوه.

د لوبې په پیل کې د نيدرلینډ کرکټ ملي لوبډلې پچه وګټله او لومړۍ توپ اچونه یې پیل کړه چې په پایله کې یې د افغانستان کرکټ ملي لوبډلې له لوري په ټاکلو ۵۰ آورونو کې سیالې لوبډلې ته د ۲۲۳ منډو هدف وټاکل شو.

د افغان اتلانو له لوري لوبډلمشر حشمت الله شهيدي ۷۳، رحمت شاه زرمتي ۷۰ او عثمان غني ۲۴ منډې جوړې کړې؛ خو د نيډرلينډ لوبډلې په ګټه برنډن ګلور درې او فريډ کلاسين دوه ويکټې ترلاسه کړې.

نيډرلينډ لوبډلې که څه هم ښه پيل درلود؛ خو د افغان ملي لوبډلې توپ اچوونکیو یې مخه ونیوله او ټاکلی هدف یې ترلاسه نکړ.

د نيډرلنډ په توپوهنه کې سکاټ اډورډز ۶۸ او لوبډلمشر پيټر سيلار ۳۲ منډې جوړې کړې.

په دې لوبه کې د افغانستان لپاره راشد خان درې، مجيب الرحمن او يمين احمدزي هر يوه ۲ ويکټې ترلاسه کړې او افغان لوبډلمشر حشمت الله شهيدي په ۷۳ منډو جوړولو د يادې سيالۍ غوره لوبغاړی ونومول شو.

د یادونې وړ ده، چې د افغانستان کرکټ ملي لوبډله به له نيډرلنډ ملي لوبډلې سره خپله دوه يمه لوبه د یکشنبې پر ورځ د غرمې ۱۱:۳۰ ترسره کړي.

Continue Reading

لوبی

پاکستان د افغانستان ۱۹ کلنو کرکټ لوبډلې ته ماتې ورکړه

خپور شوی

په

توسط

(Last Updated On: سلواغه ۱, ۱۴۰۰)

د افغانستان د ۱۹ کلنو کرکټ ملي لوبډلې د کرکټ نړیوال جام په دوه یمه یوه ورځنۍ لوبه کې له پاکستان ماتې وخوړه.

پاکستان د پنجشنبې پر ورځ لوبه پیل کړه او افغان لوبډلې ته یې په ۵۰ آورونو کې د ۲۴۰ منډو هدف وټاکه.

افغان لوبغاړي بریالي نشول، چې په ۵۰ آورونو کې ځان دې موخې ته ورسوي.

دا په داسې حال کې ده، چې د افغانستان د ۱۹ کلنو کرکټ لوبډلې د سې شنبې پر ورځ په خپله لومړۍ لوبه کې پاپو نوګیني ته د ۱۳۵ منډو پر توپیر ماتې ورکړه.

د یادونې ده، چې د افغانستان کرکټ ملي لوبډله به سبا (شنبه د سلواغې ۲) په دې جام کې خپله درېیمه لوبه د زمبابوی له کرکټ ملي لوبډلې سره وکړي.

Continue Reading

لوبی

د افغانستان له ۱۹ کلونو لږ عمره لوبډلې د نړیوال جام لومړۍ لوبه پر ۳۵ منډو وګټله

خپور شوی

په

توسط

(Last Updated On: مرغومی ۲۹, ۱۴۰۰)

د افغانستان د کرکټ له ۱۹ کلونو  لږ عمرو  ملي لوبډلې د سې شنبه پر ورځ د مرغومي ۲۸ د نړیوال جام په لومړۍ لوبه کې پاپوا نیوګیني ته د ۱۳۵ منډو پر توپیر ماتې ورکړه.

افغانستان په ۳۸.۲ اورونو کې د ټولو لوبغاړیو پر سوځېدو ۲۰۰ منډې جوړې کړې، چې لوبډلمشر سلیمان ساپي پر ۷۶ توپونو ۶۲ منډې تر سره کړې.

اعجاز احمدزي هم په ۵۰ توپونو ۴۵ منډې وکړې.

پاپوا نیو ګیني لوبډله د ۲۰۱ منډو هدف ته د ۲۰.۵ آورونو په ۶۵ منډو کې اوټ شوه.

د افغانستان لپاره اشرالحق نوید په زړه پورې لوبه وکړه او درې ویکټې یې واخیستې.

دغه راز نوید ځدراڼ، ننګیالي خروټي او نوراحمد دوه دوه لوبغاړي وسوځول.

د لوبې په پای کې د افغان لوبډلې لوبډلمشر سلیمان ساپی د خپلو سیالانو پر وړاندې د افغانستان په ګټه د ۶۲ منډو پر جوړولو د لوبې غوره لوبغاړی وټاکل شو.

Continue Reading

Trending

Copyright © 2022 Ariana News. All rights reserved!