Connect with us

نړۍ

د کاناډا په بریټش کولمبیا کې د سیلابونو له کبله د مړو شمېر مخ  پر ډېریدو دي

خپور شوی

 په

(Last Updated On: لړم ۲۷, ۱۴۰۰)

د کاناډا په بریټش کولمبیا او ځینې نورو ایالتونو کې د سیلابونو او ځمکښویېدنې له کبله یو شمېر سیمې زیانمنې او ویجاړې شوي او د مړو شمېر هم مخ پر ډېرېدو دی.

چارواکو د یو تن مړینه له هغې وروسته تائید کړه، چې سخت بارانونه او د خټو ښویېدو د یاد ایالت سړکونه ویجاړ او څو غرني ښارونه بېل کړل.

د کاناډا د اړوند ایالت د عامه خوندیتوب وزیر مارکو منډسینو رویټرز ته ویلي؛ لږ تر لږه درې کسان ورک دي او شاوخوا ۱۸۰۰۰ خلک د آرام سمندر ساحل ته بې ځایه شوي دي.

د بریټش کولمبیا ایالتي وزیر جان هورګان دې ناورین ته په نغوته کې، چې په هرو ۵۰۰ کلونو کې یو ځل رامنځته کیږي ویلي؛ مونږ تمه لرو، چې په راتلونکیو ورځو کې به نور تلفات هم تائید کړو.

هورګان یوې خبري غونډې ته څرګنده کړې: مونږ د سفر محدودیتونه لګوو او غواړو ډاډ ترلاسه کړو، چې اړین توکي، طبي او عاجل خدمات هغو ټولنو ته ورسیږي، چې ورته اړتیا لري.

سیلابونو او د خټو ښویېدو د دې هېواد ترټولو لوی بندر وینکوور ته لاسرسی له خنډ سره مخ کړی، چې د ورسره د نړیوالو اکمالاتو بهیر ګډوډ شوی دی.

د کاناډا لومړي وزیر جسټین ټروډو ویلي، چې حکومت به له دې ولایت سره مرسته وکړي، چې له دې وېروونکي ناورین  یې وژغوري.

ټروډو د پنجشنبې پر ورځ د امریکا، کاناډا او مکسیکو له سرمشریزې مخکې په واشنګټن کې خبریالانو ته وویل؛ اټاوا د لټون او مرستې لپاره د هوایي ځواک سلګونه ځواکونه لیږي او په زرګونه نور ورته چمتووالی لري.

ځینې ​​اغېزمن شوي ښارونه په لرې پرتو غرنیو سیمو کې دي، چې یخې هوا لاسرسی او ورتګ ورته محدود کړی دی.

نړۍ

د امریکا د ۲۰۰ میلیون ډالرو دفاعي مرسته اوکراین ته ورسېده

خپور شوی

په

توسط

(Last Updated On: سلواغه ۳, ۱۴۰۰)

رویټرز خبري آژانس د څرګندونو له مخې؛ د امریکا سفارت د شنبې پر ورځ په ډاګه کړې، چې د اوکراین لپاره د امریکا د ۲۰۰ میلیون ډالرو پر ارزښت د امنیتي ملاتړ لومړۍ ټولګه کیف ته ورسېده.

د امریکا دغه نوښت له هغې وروسته په ډاګه کیږي، چې په روانه اوونۍ کې یې د بهرنیو چارو وزیر کیف ته سفر وکړ. دا کار له اوکراین سره په پوله کې د لسګونه زره روسي سرتېرو د ځای پرځای کیدو له غبرګون او د کیف او لویدیځو متحدینو له اندېښنې رامنځته شو. په داسې حال کې، چې روسیې پر اوکراین برید رد کړی دی.

د رویټرز د راپور له مخې؛  واشنګټن د تېر کال په ډسمبر میاشت کې د ۲۰۰ میلیون ډالرو دغه ټولګه تصویب کړې وه.

دغه راز امریکا به د روسیې د تېري پر وړاندې د اوکراین له ملي حاکمیت او ځمکنۍ بشپړتیا څخه د دفاع په روانو هڅو کې د اوکراین له وسلوالو ځواکونو ملاتړ هم روان ساتي.

دا په داسې حال کې ده، چې د اوکراین دفاع وزیر د امریکا له دغې دفاعي مرستې مننه کړې ده.

Continue Reading

نړۍ

د سعودي په مشرۍ ائتلاف د یمن پر زندان هوایي برید رد کړ

خپور شوی

په

توسط

(Last Updated On: سلواغه ۲, ۱۴۰۰)

د سعودي رسمي خبري آژانس د شنبې پر ورځ څرګنده کړې، چې د سعودي په مشرۍ ائتلاف د یمن په صعده ولایت کې د ایران پلوه حوثي یاغیانو پر زندان برید رد کړ او وایي، چې پر اړوند ودانیو برید بند هم ندی.

د رویټرز یوه عیني شاهد ویلي؛ د جمعې په برید کې د آفریقایي مهاجرو په ګډون لږ تر لږه ۶۰ کسان وژل شوي او له دوه سوه ډېر نور ټپیان دي.

د سعودي دولتي خبري آاژانس د ائتلاف د یوه ویاند د څرګندونو له مخې ویلي؛ ائتلاف به په یمن کې د بشري چارو د همغږۍ دفتر (اوچا) او د سره صلیب نړیوالې کمیټې (آی سي آر سي) ته د حقایقو او جزئیاتو په اړه خبر ورکړي.

په یمن کې د حوثیانو د روغتیا وزیر طه المتوکل د جمعې پر ورځ ویلي، چې د سعودي پر مشرۍ ائتلاف د حوثیانو تر څارنې لاندې پر زندان هوایي برید کړی؛ ۷۰ کسان یې وژلي او لسګونه نور ټپیان دي.

د ایران او عربانو د سیالیو او نیابتي جګړو په اړه له ایران سره د عربستان د اړیکو پر عادي کولو خبرې روانې دي؛ خو د ابوظبۍ پر خاوره د حوثي یاغیانو د بې پلوټه الوتکې برید د سیمې وضعیت نور هم پېچلی کړی دی.

د یادونې ده، چې د ملګرو ملتونو عمومي منشي انټونیو ګوټیرش دغه برید غندلی او په دې اړه یې د پوره څېړنو غوښتنه کړې ده.

Continue Reading

نړۍ

د ایران ولسمشررییسي په کرملین کې له پوتین سره وکتل

خپور شوی

په

توسط

(Last Updated On: مرغومی ۳۰, ۱۴۰۰)

د ایران ولسمشر ابراهیم رییسي د چارشنبې پر ورځ په مسکو کې د روسیې له ولسمشر ولادمیر پوتین سره وکتل او پر مهمو دوه اړخیزو، سیمه ییزو او نړیوالو مسایلو یې خبرې وکړې.

د رویټرز د څرګندونو له مخې؛ کرملین په ډاګه کړې، چې پوتین او ولسمشر رییسي پر دوه اړخیزو همکاریو خبرې وکړې.

رییسي په دې کتنه کې څرګنده کړې؛ روسیې ته سفر د دواړو هېوادونو په سیاسي، سوداګریزو او اقتصادي اړیکو کې د بدلون ښکارندویي کوي.

دا د ابراهیم رییسي دوه یم بهرنی سفر دی، چې د روسیې او چین په ګډون د نړۍ له قدرتونو سره د ایران د اټمي موافقې په بهیر کې ترسره کیږي.

امریکا او متحدینو یې(بریتانیا، فرانسې او جرمني) د ایران د اټومي پروګرام په اړه په وار وار ویلي، چې  ایران او امریکا د خپلو ژمنو د عملي کولو لپاره دوه اړخیزې ستنېدنې لږ وخت لري.

روسیه او چین د ملګرو ملتونو د امنیت شورا دوه ویټو لرونکي غړي دي او له ایران سره د خپلو نږدې اړیکو له کبله یې پرلپسې د تهران پر ضد ځینې پرېکړه لیکونه لغو کړي دي.

Continue Reading

Trending

Copyright © 2022 Ariana News. All rights reserved!