Connect with us

تازه خبرونه

د کابل ښار په شېر شاه سوري جومات کې چاودنې ۱۲ کسانو ته مرګ و ژوبله رامنځته کړې

خپور شوی

 په

(Last Updated On: غبرګولى ۲۴, ۱۳۹۹)

کورنیو چارو وزارت ویلي، چې د جمعې لمانځه پر مهال د کابل ښار  په  شېر شاه سوري جومات کې ځای پر ځای شویو چاودیدونکیو توکو چاودنه کړې، چې په کې  ۲ لمونخ کوونکې او  د جومات خطیب وژل شوي او یو شمېر نور ټپیان دي.

 کورنیو چارو وزارت ویاند طارق آرین څرګنده کړې، چې د  کابل ښار د څلورمې کارتې په شېرشا سوري جومات کې چاودنې د دې جومات ملا امام او خطیب مولوي عزیز الله مفلح او ۳  نور لمونځ کوونکي وژلي او ۸ نور ټپیان کړي دي.

عیني شاهدانو ویلي؛ کله، چې لمونځ کوونکیوغوښتل لمونځ پیل کړي، تر ممبر لاندې چاودیدونکیو توکو ته چاودنه ورکړ شوه او د جومات د ملا امام عزیزالله مفلح  په ګډون یې  له ۴ کسانو ژوند واخیست.

د ملا امام زوی وایي؛ جومات ته روان وم، چې چاودنه رامنځته شوه. کله، چې وردننه شوم د پلار ساه مې ختلې وه.

طالبانو د کابل په شیرشاه سوري جومات کې چاودنه په کلکو ټکو وغندله او دا کړنه یو جنایت بولي.
 
طالب ویاند ذبیح الله مجاهد پخپل ټوېټر کې څرګنده کړې، چې: دغه زنځيري وژنې داسې مهال ترسره کېږي، چې افغان ولس د سولې په لور ګامونه اخلي.
ولسمشر غني د کابل په شېرشاه سوري جومات کې چاودنه، چې په کې مولوي عزیزالله مفلح حپل خوږ ژوند له لاسه ورکړ وغندله او هغه یې یو بشري جنایت یاد کړ.
د مرکزي او جنوبي آسیا په چارو کې د امریکا بهرنیو چارو وزارت څرګنده کړې، چې: مونږ په کابل کې پر شېرشاه سوري روغتون برید په کلکه غندواو خپله خواشیني له هغو خلکو سره په ډاګه کوو، چې خپل خواخوږي یې له لاسه ورکړي دي او دا مونږ ته ښیي، چې افغانان له ګواښونو څخه د پاک ژوندانه ارزښت لري.

د ناتو ملکي استازي سټیفانو پونټیکورو په یوه ټویټ کې د شېرشاه سوي پر جومات برید غندلی او وایي، چې د پېښې عاملین باید مجازات شي. هغه زیاته کړې: لکه څرنګه، چې مونږ د سولې راوستلو یو تاریخي پړاو ته رسیدلي یو، خند اچوونکیو ته به د دی فرصت د ویجاړولو اجازه ورنکړ شي.

هغه همدا راز څرګنده کړې، چې مونږ له ترهګرۍ سره په مبارزه کې له افغانستان سره مل یو.

ښاغلی مفلح د همدغه جامع جومات په انګړ کې له خپلې کورنۍ سره اوسیده.

دا جومات دوه دروازې لري، چې تل د امنیتي سرتېرو لخوا څارل کیږي او له تلاشۍ پرته هیچاته د ورتګ اجازه نه ورکوي.

 له دې مخکې د جون پر ۲ ماښام مهال د پلازمېنې کابل په وزیر اکبرخان جومات کې له لمانځه وروسته چاودنې د دې جومات املا امام او خطیب ډاکټر مولوي ایاز نیازی او یو بل  کس هم وواژه او درې نور ټپیان کړي.

تازه خبرونه

په مسکو کې د روسیې، چین او پاکستان استازیو ګډه ناسته کړې

خپور شوی

په

توسط

(Last Updated On: تله ۲۸, ۱۴۰۰)

د روسیې، چین او پاکستان استازیو پرون د سې شنبې پر ورځ په مسکو کې د افغانستان پر اړوند سیاسي، امنیتي اوله شخړې وروسته مسایلو بحث خبرې کړي دي.

درې واړو خواوو د شوني امنیتي ګواښونو په اړه د اندونو تبادله کړې او افغانستان ته یې د بېړنیو بشري او اقتصادي مرستو د برابرولو لپاره خپله ګډه اراده څرګنده کړې ده.

روسیې امریکا ته بلنه ورکړې وه، چې د مسکو په خبرو کې برخه واخلي؛ خو د هغه هېواد د بهرنیو چارو وزارت ویاند نډ پرایس د لوژستیکي ستونزو له کبله په دې خبرو کې ګډون رد کړی وایي، چې امریکا له دې بهیره ملاتړ کوي.

د رویټرز د څرګندونو له مخې، د روسیې بهرنیو چارو وزارت ویلي؛ د چارشنبې پر ورځ به د افغانستان د اسلامي امارت او د نورو هېوادونو استازي هم په ډې خبرو کې برخه واخلي.

د روسیې د بهرنیو چارو وزیر سرګي لاوروف به د چارشنبه په غونډه کې وینا وکړي.

استازي به په افغانستان کې د نظامي او سیاسي وضعیت، د ټولمنلي افغان حکومت پر جوړولو او په افغانستان کې د بشري ناورین په مخنیوي کې د نړیوالې ټولنې د رول په اړه بحث او خبرې وکړي.

دې ناستې ته، چې د افغانستان پر راتلونکي راڅرخي د ا.ا.ا، روسیې، چین او پاکستان په ګډون  ۱۱ هېوادونه بلل شوي دي.

په کابل کې د روسیې سفارت ویلي، چې په دې غونډه کې د کورني سیاست په ګډون له شخړو وروسته رامنځته شوي شرایط، چې د دغه هېواد د بیارغونې لپاره اړین دي وڅېړل شي.

دا په داسې حال کې ده، چې دې غونډې ته د افغانستان د لومړي وزیر د مرستیال مولوي عبدالسلام حنفي په مشرۍ د بهرنیو چارو، اقتصاد، صنعت او سوداګرۍ وزیران او نور لوړپوړي چارواکي ورغلي دي.

Continue Reading

تازه خبرونه

پوتین په جي ـ ۲۰ سرمشریزه کې انلاین برخه اخلي

خپور شوی

په

توسط

(Last Updated On: تله ۲۸, ۱۴۰۰)

کرملین یا د روسیې ولسمشرۍ ماڼۍ نن څرګنده کړې، چې ولسمشر ولادمیر پوتین به دجي – ۲۰ په سرمشریزه کې انلاین ګډون وکړي.
کرملین ویلي، چې پوتین په دې اړه د ایټالیا له لومړي وزیر سره د ټیلیفون له لارې خبرې کړې دي.
د کرملین په څرګندونو کې راغلي، چې دواړو هېوادونو د دوه اړخیزو اړیکو او د افغانستان وضعیت تر بحث لاندې نیولی دی.
له دې مخکې د امریکا بهرنیو چارو وزارت ویلي، چې د افغانستان په اړه د مسکو په غونډه کې به ګډون ونکړي.
د امریکا بهرنیو چارو وزارت ویاند نډ پرایس ویلي: مونږ د مسکو په غونډه کې ګډون نه کوو. پرمختللې ټریکا یو ګټوره او حیاتي اړخ لري. مونږ هڅه کوو په راتلونکيو ناستو کې ولرو؛ اوس په دې غونډه کې د نډې لرلو په حالت کې نه یو.
له دې مخکې د افغانستان لپاره د روسیې د ولسمشر ځانګړي استازي ضمیر کابلوف ویلي وه، چې د هغه هیواد به د افغانستان په اړه د اسلامي امارت له پلاوي او د پاکستان او چین له استازیو سره ناسته ولري.
دا په داسې حال کې ده، چې د افغانستان اسلامي امارت یو لوړپوړی پلاوی نن په اړوند ناسته کې د ګډون لپاره مسکو ته روان شوی دی.

Continue Reading

تازه خبرونه

د افغانستان پر روانو حالاتو د وزیرانو شورا غونډه تر سره شوه

خپور شوی

په

توسط

(Last Updated On: تله ۲۷, ۱۴۰۰)

تېره ورځ د افغانستان اسلامي امارت د لومړي وزیر ملا محمد حسن اخوند پر مشرۍ د وزیرانو شورا غونډه ترسره او پر اړینو مسایلو بحث او خبرې وشوې.

د اطلاعاتو او فرهنګ وزارت مرستیال او د اسلامي امارت ویاند ذبیح الله مجاهد په څرګنده کړې، چې د لومړي وزیر ملا محمد حسن مرستیال ملا عبدالسلام حنفي د خپلو اقتصادي فعالیتونو راپورغونډې ته وړاندې کړ.

له عبدالسلام حنفي وروسته د افغانستان د بهرنیو چارو وزارت چارسمبالي مولوي امیرخان متقي هم د خپلو بهرنیو سفرونو په اړه معلومات وړاندې کړل.

مجاهد زیاته کړې، چې په دې غونډه کې یوه پلاوي ته سپارښتنه وشوه، چې د نادر پښتون جادې د پلورنځیو د چارو د بیا رغونې او د کانونو د کېندنې چارې وڅیړي او پایله یې لومړي وزیر ته ولیږي.

په دې غونډه کې د لوړو زدکړو وزارت ته هم لارښوونه وشوه، چې د لوړو زدکړو معیاري کولو لپاره هڅې وکړي او همدارنګه خصوصي پوهنتونونه وهڅوي، چې رسمي جواز ترلاسه او خپل فعالیت روان وساتي.

کابینې ټولو اړوند کمیسیونونو ته سپارښتنه کړې، چې د موسسو فعالیتونه وڅېړي او د دغو بنسټونو فعالیتونه باید د هېواد ګټو پر بنسټ وي.

Continue Reading

Trending

آریانا نیوز: ټول حقونه خوندي دي