Connect with us

تازه خبرونه

د کابل نړیوال هوایي ډګر د ادارې او ساتنې وروستۍ پرېکړه نده شوې – ترکیه

خپور شوی

 په

(Last Updated On: چنګاښ ۱۲, ۱۴۰۰)

د ترکیې دفاع وزیر ویلي، چې هېواد یې په مالي او لوجستیکي برخه کې د افغانستان د هوایي ترافیکو لاس نیوی کوي؛ خو تر دې دمه یې د ادارې او ساتنې په اړه وروستۍ پرېکړه نده شوې.

ترکیه تر دې دمه له امریکا سره دې هوکړې ته نده رسېدلې، چې په کابل کې د حامد کرزي نړیوال هوایي ډګر ساتنه او اداره پر غاړه واخلي.

په دې اړه د ترکیې او امریکا ولسمشرانو د ناټو په سرمشریزه کې، چې په بروکسل کې جوړه شوې وه؛ خبرې کړې وې.

د ترکیې دفاع وزارت ویلي، چې له امریکا او نړیوالو شریکانو سره پدې اړه خبرې روانې دي.

د ترکیې دفاع وزیر باکان آکار وایي: مونږ له ناټو، ملګرو ملتونو او افغان حکومت سره د ځینو پرېکړو په اړه هوکړې ته رسېدلي یو. له بلې خوا له بېلابېلو هېوادونو سره د مالي او لوجسټیک ملاتړ په اړه خبرې روانې دي او له امریکا سره مو هم اړیکه دوام لري؛ خو تر دې دمه پرېکنده  پرېکړې ته رسېدلي نه یو.

نوموړي زیاته کړې؛ هوایي ډګر باید پرانستی وي او الوتنې تر سره شي. که پرانستی نه وي؛ نو، بیا به سفارتونه هم تړلي وي او په داسې یو حالت کې به افغانستان له نورې نړۍ سره بې اړیکو پاتې شي.

امریکا هم د ترکیې خبره تایید کړې ده.

د امریکا د بهرنیو چارو وزارت ویلي، چې له افغانستان څخه د امریکایي ځواکونو له وتو وروسته د حامد کرزي ډګر امنیت ساتنې په اړه د واشنګټن او انقرې خبرې روانې دي.

د امریکا د بهرنیو چارو وزارت ویاند ند پرایس وایي: انقره او واشنګټن له افغانستان څخه د ټولو امریکایي سرتېرو له وتو وروسته د حامد کرزي نړیوال ډګر د امنیت ساتنې په اړه د سلا مشورو په حال کې دي.

د ولسمشر د ویاند مرستیال محمد امیري د بهرنیو متحدینو له همکاریو ډاډ څرګندوي او ټینګار کوي، چې د حامد کرزي نړیوال هوایي ډګر ساتنه افغان ځواکونه کوي او پوځي مسوولیتونه به یې پر مخ وړي.

له دې مخکې د افغانستان بهرنیو چارو وزارت ویلي وه، چې د حامد کرزي نړیوال هوایي ډګر په اړه د ترکیې د ولسمشر له خبرو ناسم تعبیر شوی او دا هېواد یوازې غواړي د افغان ځواکونو ملاتړ وکړي.

تازه خبرونه

د کابل ښار د هوا ککړتیا مرګونې ده ـ ډاکټران

خپور شوی

په

توسط

(Last Updated On: ليندۍ ۱۴, ۱۴۰۰)

په کابل ښار کې د هوا ککړتیا د هېوادوالو او ډاکټرانو ژورې اندېښنې راپارولي دي.

ډاکټرانو خبرداری ورکړی، چې که په پلازمېنه کابل ښار کې د هوا د ککړتیا د مخنیوي لپاره ډاډمنې هڅې تر سره نشي؛ نو د ډېرو خلکو ژوند به له ګواښ سره مخ شي.

ډاکټر محمد هاشم وهاج آریانا نیوز ته ویلي: د هوا ککړتیا په کابل کې یوه مهمه، ژوره او خطرناکه ستونزه ده.

په ورته وخت کې د کابل ښاریان د لوړو ودانیو له خاوندانو غواړي، چې د معیاري چاڼیز سیټم له کارولو سره د هوا د ککړتیا په مخنیوي کې مرسته وکړي.

د کابل يوه اوسېدونکي محمد رسول ويلي: هغه کسان، چې د ډبرو سکاره او لوګي رامنځته کوونکي توکي سوځوي؛ بايد مخه یې ونیول شي.

د کابل یو بل اوسېدونکی سهراب نومی وايي: دوی باید ګاز او برښنا وکاروي، چې ارزانه ده. عام خلک  خلک د ډبرو سکاره او پلاستیک نه سوځوي.

کابل ښاروالۍ ويلي، د هوا د ککړتیا د مخنیوي په موخه یې د یو شمېر هغو لوړ پوړیو ودانیو او حمامونو دروازې تړلي، چې چاڼیزسیستم یې هم نه کاراوه.

د کابل ښاروالۍ د نشراتو او عامه پوهاوي مشر نعمت الله بارکزي ويلي: په کابل کې دوه مرکزګرمۍ کار کوي، چې ګاز کاروي او نورر دې هم له معیاري ګاز څخه ګټه پورته کړي.

په کابل کې د هوا د ککړتیا له عمده عواملو څخه په ځانګړي ټوګه په ژمي کې د سون توکو لکه د ناپاکو ډبرو او لرګیو کارول دي.

Continue Reading

تازه خبرونه

قطر او ترکیه د کابل هوايي ډګر د څارنې، رغونې  او سمبالونې لیوالتیا لري

خپور شوی

په

توسط

(Last Updated On: ليندۍ ۱۴, ۱۴۰۰)

د قطر بهرنیو چارو وزیر ویلي، چې د کابل هوايي ډګر ټولې مسلې له ترکیې او افغان حکومت سره تر څارنې لاندې دي.

د قطر د بهرنیو چارو وزیر د کابل نړیوال هوايي ډګر د الوتنو د عادي کولو او رغونې او سمبالولو له هڅو وروسته ويلي، چې د ترکیې په همکارۍ د دې هوايي ډګر د مدیریت د څرنګوالي په اړه سلا مشورې کوي.

د قطر د بهرنیو چارو وزیر محمد بن عبدالرحمن آل ثاني وایي؛ مونږ د هوايي ډګر پر مسلې له نږدې کار کوو، که د هوايي ډګر د بېرته فعالولو لپاره د اړتیاوو ارزونه وي او یا هم په راتلونکي کې د هوايي ډګر د فعالیت موضوع. مونږ  د اسلامي امارت له حکومت سره له نږدې کار کوو. مونږ له قطر او ترکیې سره له نږدې کار کوو او زموږ مشورې روانې دي.

د قطري چارواكو د څرګندونو له مخې؛ نړيواله ټولنه تر اوسه د افغانستان په اړه روښانه تګلاره نلري او ټول هغه هېوادونه، چې د افغانستان مسئلې ته لیوالتيا لري باید له اسلامي امارت سره خبرې وکړي.

نوموړی وایي: هغه څه، چې مونږ یې غواړو هغه د افغانستان له طالبانو( اسلامي امارت ) سره د ټولو ښکېلو اړخونو، ټولو ګاونډ هېوادونو او د امنیت شورا د دایمي غړيو، چې په یو ډول له افغانستان سره تړلي دي؛ تعامل ته وهڅوو.

له بلې خوا د ملکي هوايي چلند اداره وايي، چې د کابل نړیوال هوايي ډګر د مدیریت د قرارداد ټول شرطونه شرکتونو ته وړاندې شوي او قرارداد به هم د ملي ګټو پر بنسټ ترسره شي.

د ملکي هوایي چلند خپلواکې ادارې ویاند امام الدین احمدي ویلي: تر اوسه د کابل نړیوال هوايي ډګر د څارنې، رغونې او سمبالولو قرارداد له کوم شرکت سره ندی شوی. مونږ د ملي ګټو پر بنسټ بېلابېلو شرکتونو ته خپل شرایط وړاندې کړي او له هر هغه شرکت سره، چې زمونږ ملي ګټو ته په ښه توګه خدمت کوي؛ قرارداد کوو.

د کابل نړیوال هوايي ډګر تخنیکي برخې په ځانګړي توګه د رادار وسایل شاوخوا څلور میاشتې وړاندې د پخواني حکومت له پرځېدو وروسته له هېواده د بهرنیانو او د هغوی د افغان ملاتړیو د وتلو په ماموریت کې سخت زیانمن شول. که څه هم یو شمېر هېوادونو ته الوتنې روانې دي؛ خو چارواکي وايي، چې اوس هم ګڼې ستونزې شته، چې د الوتنو تر پوره عادی کیدو پورې به حل شي.

Continue Reading

تازه خبرونه

سر له سبا به په ۱۴ نورو ولایتونو کې هم پاسپورټ وېش پیل شي

خپور شوی

په

توسط

(Last Updated On: ليندۍ ۱۴, ۱۴۰۰)

د پاسپورټ ادارې مشر ټولو خلکو ته د یوشان خدمتونو پر وړاندې کولو ټینګار کړی او له خلکو غواړي، چې کمیشنکار ته له پیسو ورکولو پرته پاسپورټونه ترلاسه کولی شي.

د پاسپورټ ادارې د ولایتي څانګو د پرانیستل کېدو په لړ کې د دغه ادارې مشر عالم ګل حقاني یوې خبري ناستې ته په فراه، نیمروز، بادغیس، پکتیکا، سمنګان، لغمان، روزګان، کونړ، تخار، زابل، جوزجان، بامیان، پنجشېر او بغلان ولایتونو کې د پاسپورټ دفترونو له پرانیستل کېدو خبر ورکړ.

د پاسپورټ عمومي مشر عالم ګل حقاني ويلي، چې په مرکز کې د پاسپورټ د وېش په برخه کې تخنیکي ستونزو دا لړۍ درولي؛ خو ټینګار کوي، چې په نږدې راتلونکې کې به یې حل کړي او د پاسپورټ وېشلو لړۍ به ژر پیل شي.

نوموړی زیاتوي؛ مونږ نوي کاري تجهیزات پېرلي، چې یوشمېر یې رارسېدلي او ځینې نور یې د رارسېدو په حال کې دي. کله، چې مو ماشین الات بشپړ شي؛ مونږ به په مرکز کې هم ان شاالله ډېر ژر کارونه بیل کړو.  

د پاسپورټ ادارو له کابل پرته د افغانستان په ډېرو ولایتونو کې خپل کار پیل کړی او چارواکي له خلکو غواړي، چې د پاسپورټ ترلاسه کولو لپاره دې خپلو ولایتونو ته مراجعه وکړي.

Continue Reading

Trending

آریانا نیوز: ټول حقونه خوندي دي