Connect with us

تازه خبرونه

د کابل د تېرې شپې خونړي برید د شاه شهید سیمې زیاتره کورنۍ د غم په ټغر کینولې

Ariana News

خپور شوی

 په

(Last Updated On: زمری ۱۶, ۱۳۹۴)

8

ټول په درانده خوب ویده ول، چې پلازمېنه یوې زور ورې چاودنې ولړزوله او ځانمرگي خپل موټر بم د شپې یوه بجه د ملي دفاع وزارت د کشف ریاست تر څنګ والوځاوه.

د ملي امنیت سلاکار حنیف اتمر، چې د پیښې ځای ته ورغلی وایي، د برید له کبله پنځلس تنه وژل شوي او د ښځو او ماشومانو په گډون له دوه سوه اتیاوو زیات ټپیان شوي دي.

حنیف اتمر، چې د پیښې په ځای کې له خبریالانو سره خبرې کولې، دغه راز ومنله، چې حکومت د دغه برید په مخنیوي کې پاتې راغلی دی.

ځانمرگي برید کوونکي خپل موټر بم د ملي دفاع وزارت د کشف ریاست په خوا کې تېره شپه شاوخوا یوه بجه وچاوداوه.

عیني شاهدان بیا وایی، په پیښه کې له پېنځه سوه ډېرو کسانو ته تلفات اوښتي او څه باندې دوه سوه دوکانونه او کورونه هم تخریب شوي دي.

په دې سیمه کې د یوې مسافرخانې شاوخوا څلویښت کارگرانو زیانمن شوي؛ خو د دغو کارگرانو خپلوان وایی، په دې پیښه کې زیاتره هغوي له منځه تللي دي.

دغه راز په یو وران کور کې هم د یوې کورنۍ پېنځه غړي د درې ښځو په گډون وژل شوي دي.

یو سپین ږیری، چې سترگې یې له اوښکې ډنډ دي، د کورنۍ غړي یې په پیښه کې ټپیان شوي دي.

له څو ورځو پرتلیز امنیت او د ملا عمر د مړینې د خبر له اعلان وروسته دا په کابل کې تر ټولو ستر او خونړی برید دی.

د ولسمشر د ویاند مرستیال وایی، د دغې پیښې د بشپړې څېړنې له پاره یو کمیسون جوړ شوی، چې له څئېړنو وروسته به په دې اړه جزییات له رسنیو سره شریک شي.

Continue Reading
Advertisement

تازه خبرونه

په بدخشان او کندوز ولایتونو کې ۳۲ افغان ځواکونو ته مرګ و ژوبله اوښتې

Ariana News

خپور شوی

په

توسط

(Last Updated On: چنګاښ ۲۳, ۱۳۹۹)

د کندوز ولایتي شورا مشر محمد یوسف ایوبي ویلي، چې طالبانو تېره شپه د دې ولایت د امام صاحب د مبارکې روضې د امنیتي ځواکونو پر ګډ مرکز پراخ بریدونه تر سره کړي دي.

د نوموړي د څرګندونو له مخې؛ په دې برید کې ۶ سرتېري او ۶ پولیس وژل شوي او ۶ سرتېري او ۷ پولیس ټپیان دي.

هغه زیاته کړې، چې له افغان ځواکونو سره دا نښته څو ګړۍ روانه وه او د مرستندویو ځواکونو د نه رارسیدو له کبله دا پو ځي مرکز طالبانو ونیوه او ټول هجهیزات یې له ځانونو سره یوړل.

سیمه ییزو چارواکو  د پېښې رامنځته کیدل منلي؛ خو وایي، چې د ځاني زیانونو په اړه څه په ډاګه شوی ندي.

دغه راز د بدخشان والي ویاند نیک محمد نظري ویلي؛ تېره شپه ۱۱ بجې د دې ولایت د ارغنجوا ولسوالۍ پر امنیتي پوستو د طالبانو په بریدونو کې د امنیتي ځواکونو ۷ سرتېری وژل شوي دي.

نوموړي زیاته کړې، چې په دې پېښه کې ۵ طالب جنګیالي هم وژل شوي او ملکي کسانو ته کوم ځاني زیان ندي اوښتي.

همدارنګه د کندهار ولایت د شورابک پر امنیتي پوستو هم بریدونه شوي دي.

 د کندهار پولیسو ویاند جمال ناصربارکزي ویلي، چې له طالبانو سره په نښته کې ۱۱ طالبان وژول شوي او ۵ نور ټپیان دي.

نوموړي زیاته کړې، چې د وسلوالو طالبانو بریدونه پر شا تمبول شوي او امنیتي ځواکونو ته ځاني زیان ندی اوښتي.

طالبانو د دغو پېښو په اړه تر دې دمه څه ندي ویلي.

Continue Reading

تازه خبرونه

د سمنګان ولایت په ایبک ښار کې زوروره چاودنه شوې

Ariana News

خپور شوی

په

توسط

(Last Updated On: چنګاښ ۲۳, ۱۳۹۹)

سیمه ییزو چارواکو ویلي، چې نن له غرمې مخکې د سمنګان ولایت د ایبک ښاروالۍ او ملي امنیت ریاست ته نږدې زوروره چاودنه رامنځته شوې ده.

د سمنګان والي ویاند صدیق عزیزي آریانا نیوز ته منلې، چې کیدی شي دا د موتر بم چاودنه وي. تر دې د درې ماشومانو او یوې ښځې په ګډون ۴۳ ټپیان د ښار مرکزي روغتون ته لیږدول شوي دي. ویل کیږي، چې د پېښې په خای کې جګړه روانه ده.

د سمنګان ولایت چارواکو ويلي، د ملي امنیت پر ریاست په ننني برید کې ۱۰ کسان وژل شوي او له پنځوس ډېر ټپیان دي.

طالبانو منلې، چې د سمنګان ولایت د ملي امنیت پر ریاست یې ځانمرګی برید کړی دی. دوی دا هم ویلي، چې په دې برید کې تر ۱۱۹ کسانو ته مرګ و ژوبله اوښتې ده.

ولسمشر غني د سمنګان ولایت په ایبک ښار کې نننی ډله ییز برید او چاودنې په کلکه غندلي او یو ځل بیا یې له طالبانو وغوښتل، چې له افغان وژنې دې ډده وکړي؛ د خلکو، حکومت او نړیوالې ټولنې غږ دې د جګړې د پای ته رسیدو او سولې ټینګیدو لپاره واوري.

هغه زیاته کړې، چې تاوتریخوالي زیاتول او جګړه روانه ساتل به د سولې بهیر زیانمن کړي.

Continue Reading

تازه خبرونه

په پکتیا کې د طالبانو په ملاتړ جنګیدونکیو پاکستانیو ملیشو ته مرګ و ژوړبله اوښتې

Ariana News

خپور شوی

په

توسط

(Last Updated On: چنګاښ ۲۳, ۱۳۹۹)

په پکتیا کې د ډنډ پټان ولسوال ویلي، چې پر امنیتي پوستو له طالبانو سره یو ځای پاکستاني ملېشې جګړه کوي او د سږکال په اوږدو کې افغان ځواکونو ورته درانده ځاني زیانونه اړولي دي.

دپکتیا د دند پټان ولسوال عید محمد احمدزی زیاتوي، چې په دې ورستیو کې د طالبانو د کویټې شورا رهبري او جنګیالي را اوښتي، چې امنیتي وضیعت يې د تېر په پرتله خراب کړی دی.

د ډنډ پټان ولسوالۍ اوسیدونکي خراب امنیتي وضیعت اندېښمن کړي او په سیمه کې افغان سرتېرو ته له مرکزي حکومته د وسلو او پوځي وسایلو غوښتنه کوي.

دوی په سیمه کې د خراب امنیتي وضیعت لامل د امنیتي ارګانونو ترمنځ نه همغږي هم یادوي.

ډنډ پټان ولسوالي له کوزې پښتونخوا پاړا چنار سیمې سره نهه ویشت کلیومتره اوږده پوله لري، چې پر ډېرې برخې يې افغان حکومت له شتون بې برخې او وسلوال طالبان او نور ډلې په آسانه له فرضي کرښې را اوړي؛ ځکه، نو د سیمې خلک پر پوله د امنیتي پوستو د جوړلو غوښتنه کوي.

Continue Reading

Trending