Connect with us

تازه خبرونه

د ښځو پر وړاندې تاوتریخوالی جرم دی- ولسمشر غني

Avatar

خپور شوی

 په

(Last Updated On: ليندۍ ۴, ۱۳۹۸)

ولسمشر غني د ښځو پر وړاندې د تاوتریخوالي د له منځه وړلو د ۱۶ ورځني کمپاین د پیل په مراسمو کې څرګنده کړې، چې تاوتریخوالی جرم دی.

ولسمشر اشرف غني دا هم په ډاګه کړه، چې د ولسمشر لومړنۍ دنده د اساسي قانون پلي کول دي. د هغه په وینا د امنیتي بنسټونو او پولیسو دنده د جرم کشف او په ډاګه کول  او د څارنوالانو او محکمې دنده د قانون پلي کول دي.

هغه د قانون د پلي کیدو او عدالت د خوندي کولو په اړه څرګنده کړې، چې یو هېواد او خلکو ته ژمن قاضي او څارنوال د عدالت بنسټیز رکن دی.

ولسمشر اشرف غني وایي، نن د هېواد په ټولو ولایتونو کې ښځینه څارنوالانې او قاضیانې لرو.

د نوموړي د څرګندونو له مخې؛ مونږ د خپل مسوولیت الهام له نبوي سیرته اخیستی او حضرت محمد (ص) هیڅکله پر ښځو لاس ندی پورته کړی.

هغه دا هم ویلي، چې ښځې باید نه یوازې خپل حقونه پخپله وغواړي، بلکې د نرینه وو هم خوندي کړي.

ولسمشر غني د خبریالانو په وړاندې تاوتریخوالي ته په نغوته او اشاره څرګنده کړه، چې د دوی پر وړاندې د تاوتریخوالي ۱۷۲ دوسیې څېړل شوي؛ ۶۰ پېښو ته لاسرسی شوی او ۸۳ کسان د خبریالانو په وړاندې د تاوتریخوالي له کبله محاکمه شوي دي.

ولسمشر غني دغه راز له ځوانانو او پېغلو وغوښتل، چې په بهر کې د کډوالۍ د غوښتنې لپاره د افغانستان د خلکو حیثیت ته زیان مه رسوئ.

د لیندۍ ۴، چې د نومبر له ۲۵ سره برابره ده؛ په ټول هېواد کې د ښځو پر وړاندې د تاوتریخوالي د کمیدو لپاره د خلکو د پوهاوي د زیاتیدو په خاطر ۱۶ ورځنی کمباین  پیل شو.

تازه خبرونه

په افغانستان کې د رسنیو ډېر کارکوونکي پر کرونا اخته دي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د بې سرحده  خبریالانو ټولنې په ډاګه کړې، چې په افغانستان کې د کرونا ویروس له خوریدو راپدیخوا د دې هېواد د رسنیو څه نا څه ۷۰  کارکوونکي پر کرونا ویروس اخته شوی دي.

یادې ټولنې د رسنیو مسلکي کارکوونکي ( د مړینې نوملړ ته څه له بریدونو او څه هم د کرونا له ډګره ورزیاتیږي ) تر سرلیک لاندې ګزارش خپور کړی، چې په افغانستان کې د کرونا ویروس له خوریدو راپدیخوا د دې هېواد د رسنیو څه نا څه ۷۰  کارکوونکي پر کرونا ویروس اخته ښودل شوي دي.

دې راپور دا هم په ډاګه کړې، چې په افغانستان کې تر دې دمه پر کرونا اخته د رسنیو دوه کارکوونکيو خپل خوږ ژوند له لاسه ورکړی دی.

د خبریالانو دې ټولنې ویلي، چې د آریانا نیوز او آریانا تلویزیونونو ډریور سلیمان یوسفي او د ننګرهار ملي رادیو ټلویزیون خبریال نصیر احمد ساپی د رسنیو هغه کارکوونکی دي، چې له دې ویروسه یې خپل خواږه ځانونه له لاسه ورکړی دي.

دغه راز د بې سرحده خبریالانو ټولنې ویلي، چې په افغانستان کې پر کرونا اخته خبریالان نه د درملنې او نه هم له مالي امکاناتو برخمن دي.

Continue Reading

تازه خبرونه

خلک د سولې په بهیر کې د روڼتیا غوښتونکي دي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

خلکو د پخلاینې له ملي شورا غوښتي، چې د سولې په اړه راڼه او عملي ګامونه واخلي؛ ولس له مبهمو هڅو نه یوازې راوباسي، بلکې له حکومت سره په ګډه یې په دې اړه له پرمختګونو هم خبر کړي.

د کابل اوسیدونکيو له حکومته غوښتي، چې د سولې بهیر باید روڼ اوروان وساتل شي.

دوی دا هم په ډاګه کړې، چې خلک د سولې له هڅو پوره خبر ندي او د افغانانو خپلمنځي خبرو پیل هم د ۶۰۰۰ طالب او حکومتي بندیانو له خلاصون سره تړاو لري. په داسې حال کې، چې په تېرو څلور ورځو کې د دواړو خواوو لخوا دا بهیر درول شوی او د طالب بندیانو تخنیکي پلاوی، چې له تېرو څو اوونیو راپدیخوا کابل ته د بندیانو د پېژندنې لپاره راغلی؛ اوس هم په کابل کې دی.

پخوانی طالب سید اکبر آغا په دې اړه ویلي؛ تر هغې، چې ۵۰۰۰ طالب بندیان خوشې نشي؛ خپلمنځي خبرې هم نه کیږي.

د افغانستان د ملي امنیت شورا د څرګندونو له مخې؛ تر اوسه نږدې ۳ زره طالب او څلور سوه حکومتي بندیان له زندانونو خوشې شوي دي.

دغه راز د چین او روسیې استازیو هم د بندیانو په خلاصون کې د چټکو ګامونو پورته کولو غوښتنه کړې ده.

د افغانستان د بشر حقونو خپلواک کمیسیون د ملي پخلاینې عالي شورا  مشر ته د خپلو وړاندیزونو نوملړ وړاندې کړی، چې د افغانانو په خپلمنځي خبرو کې ځای ورکړشي.

د بشر حقونو خپلواک کمیسیون مرستیال نعیم نظري ویلي؛ د سولې په خپلمنځي خبرو کې باید د ماشومانو ، ښځو، لږکیو او د جګړې د قربانیانو حقونه په پام کې ونیول شي.

د سولې مرکچي پلاوي غړې فوزیه کوفي ویلي: د سولې په بهیرونو کې باید ښځې له پوره ونډې برخمنې وي.

 همدارنګه د ناروې د بهرنیو چارو وزیر د هېواد د بهرنیو چارو وزارت له چارسمبالي حنیف اتمر سره غږېیلی او ورته یې ویلي؛ هڅه کوي، چې هېواد یې د افغانانو خپلمنځي خبرو لپاره زمینه برابره کړي.

له دې مخکې یو شمېر سرچینو په ډاګه کړې وه، چې د جون ۱۵ د افغانانو خپلمنځي خبرو لپاره ټاکل شوې او اوس دواړه لوري هڅه کوي، چې له قطر، آلمان، ناروې او ازبکستان څخه یو یې د دې خبرو د تر سره کولو لپاره وټاکي.

Continue Reading

تازه خبرونه

د ټینس نومیالی لوبغاړی خپلې پخوانۍ میرمنې پر زور زیاتي تورن کړ

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

سي این این په ډاګه کړې، چې  د نړۍ د نومیالي ټینس لوبغاړي نیکولوز باسیلاشویلي پخوانۍ میرمنې له محکمې غوښتي، چې د هغه لخوا پرې زورزیاتي شوی دی.

د جورجیا لویې څارنوالۍ څرګنده کړې؛ نیکولوز باسیلاشویلي، چې د نړۍ په ټینس لوبغاړیو کې ۲۷ ځای لري د خپلې پخوانۍ میرمنې نیلي دوروکاشویلي لخوا پرې د زورزیاتي تور پورې شوی دی.

که څه هم د قضیې په اړه څېړنې اوس هم روانې دي؛ خو باسیلاشویلي د ۳۱۳۰۰ ډالرو په ضمانت خوشې شوې او ټاکل شوې، چې د جولای پر ۱۶ بیا محکمې ته حاضر شي.

 د نوموړي وکیلانو او استازیو د باسیلاشویلي په فیسبوک پاڼه کې، چې له تضمین وروسته خوشې شوې شوی؛ څرګندوي، چې دغه تورونه “دروغ او بشپړ بې بنسټه دي.”

د هغه وکیلانو ویلي: مونږ د نیکولاس باسیلاشویلي پلویانو ته ډاډ ورګوو، چې له دې مخکې محکمې ته سپارل شوې ویډیوګانې زمونږ د مؤکل دریځ ښیې او هغه د پورته ذکر شويو ناقانونه تورونو څخه پاکوي.

له بلې خوا، د دوروکاشکا وکیل هم ویلي؛ داسې اسناد او شواهد شته، چې د دې ښځې ادعاګانې ثابتولی شي.

د هغې وکیل ویلي داسې خلک شته، چې د دوی د اړیکو شاهدان دي او وايي، چې د قضیې په اړه ویډیوګانې او آډیو ریکارډونه شته او دغه رازد ټیلیفون غږیز پیغامونه هم ثبته شوي دي.

د یادونې ده، چې د دې جوړې د واده پایله پېنځه کلن زوی دی او تېرکال سره بېل شوي دي.

Continue Reading

Trending