Connect with us

تازه خبرونه

د ښځو له ګډون پرته د سولې خبرې بریالۍ ندي- بریتانیا

Ariana News

خپور شوی

 په

(Last Updated On: October 30, 2020)

بریتانیا خبرداری ورکوي، چې د ښځو له ګډون پرته به د سولې خبرې بریالۍ نه وي.

په کابل کې د بریتانیا سفارت په یوه اعلامیه کې د ملګرو ملتونو له بنسټونو او هېوادونو غوښتي، چې د سولې او امنیت په برخه کې د ښځو د ګډون په اړه د ملګرو ملتونو د امنیت شورا د لومړنۍ پرېکړې له شلمې کلیزې مخکې په سوله او امنیت کې د ښځو ونډه، هڅې او د ښځو پروړاندې د تاوتریخوالي مخنیوي ته پام راواړوي او د خوندیتوب زمینه ورته برابره کړي.

د منځني ختیځ لپاره د بریتانیا د دولت وزیر جیمز کلیوري ملګرو ملتونو ته په مجازی وینا کې څرګنده کړې: مونږ پوهیږو؛ هر وخت، چې میرمنې د خبرو میز ته ناستې دي، نو د سولې خبرو د ناکامۍ شونتیا هم ورسره لږ شوې ده. له همدې کبله ۲۰ کاله مخکې په ملګرو ملتونو کې هر هېواد د سولې په بحث کې د ښځو برخې اخیستنې ته نه یوازې ژمن شو، بلکې د ونډې پر ډېریدو هې هم ټینګار وشو.

نوموړي زیاته کړې: له دې سره سره د ښځو د ګډون کچه اوس هم ټیټه ده او څومره، چې میرمنې دغه بهیر ته وردانګي؛ هومره یې پروړاندې ګواښونه ډېریږي.

هغه څرګنده کړې: اوس؛ نو د نړۍ مشران باید خپلې ژمنې پلې کړي او د بریتانیا تر مشرۍ لاندې، چې د دغې هڅې په لومړۍ لیکه کې د میرمنو لپاره مشورې ترسره کوي، ځانونه چمتو کړي.

د ملګرو ملتونو د میرمنو او د بهرنیو اړیکو د شورا د څېړنې له مخې: کله، چې میرمنو د سولې په خبرو کې د پام وړ رول لوبولی؛ نو ورسره د هوکړو د ماتیدو چانس ۶۴ سلنې ته راټیټ شوی او تړونونو هم لږ تر لږه ۱۵ کاله ټینګ پاتې شوي دي. سره له دې د ۱۹۹۰ او ۲۰۱۷ کلونو تر منځ میرمنې د سولې په ټولو لویو بهیرونو کې یوازې ۲ سلنه منځګړې، ۸ سلنه خبرې کوونکې او ۵ سلنه د لیدونکیو، شاهدانو او لاسلیک کونکيو په توګه پاتې شوې دي.

د برتانیا سفارت څرګنده کړې: کلیورلي د ملګرو ملتونو د ښځو منځګړیتوب شبکې، چې د ۵۰ غړیو خپلواکه شبکه ده؛ د نوي میلیون دالرو مرستې ژمنه کړې، چې د سولې په بهیر کې د میرمنو ګډون ته د انګلستان دوامداره ژمنتیا په ډاګه کړي. دا د نړۍ منځګړې دي، چې د پخلاینې سرچینې ډاډمنوي.

دغه راز په ډاګه شوې: د دغه مالي ملاتړ له لارې به میرمنې، چې د سولې خبرو په لومړي سر کې دي، د سولې په بهیر کې د پراخ ګډون لپاره روزنې، مشورې او سرچینې چمتو کوي، چې د ملګرو ملتونو په ګډون د خبرو اترو په ټولو کچو کې له ښځو سره مشوره وشي.

دا په داسې حال کې ده، چې دغه هېواد په جنګ ځپلیو هېوادونو لکه افغانستان او نایجریا کې پر میشتو میرمنو او نجونو د ویروس د اغېزو څېړنې ته ۲۵۰۰۰ پونده مرسته هم اعلان کړې ده.

تازه خبرونه

که طالبان له سولې ډډه وکړي، پرېکړه به د جګړې په ډګر کې کوو – اشرف غني

Ariana News

خپور شوی

په

توسط

(Last Updated On: May 18, 2021)

ولسمشر غني پرون (دوشنبه د غویی  ۲۷)  د امریکا پي بي اس ټلویزیون ته ویلي، چې که طالبان له سولې ډډه نکوي؛ باید داسې سوله وغواړي، چې په کې د تېرو دوه لسیزو لاسته راوړنې او د وګړیو په ځانګړي توګه د ښځو حقونه خوندي شي.

غني ويلي، چې که طالبان د جنګ او زور له لارې واک ته رسیدل غواړي او پر خلکو یو دیکتاتور رژیم تپي؛ نو وروستۍ پرېکړه به د جګړې په ډګر رامنځته شي.

غني زیاته کړې؛ له افغانستان څخه د امریکايي سرتېرو له وتلو وروسته، امنیتي ځواکونه له هېواده د دفاع وړتیا لري.

هغه په دې اړه ویلي؛ مونږ تر میاشتو چمتووال لرو.

اشرف غني وایي: جګړه به آسانه شي؛ ځکه، چې د هغوی ټولې دسیسې او په افغانستان کې د هغوی د دایمي پاتې کېدو نړیواله هیله پای ته رسیدلې. مونږ اړ یو، چې ګډ کار وکړو.

غني زیاته کړې، د سیمې هېوادونه له افغانستان څخه د امریکايي ځواکونو پر وتلو خوښ دي.

دی وایي: که څه هم طالبان په ولایتونو کې د سیمې د نیولو هڅې کوي؛ خو مونږ باید یوه ګډه ستراتیژي خپله کړو.

ولسمشر پهدې اند دی، چې طالبان هره خوا بریدونه کوي او یو ویجاړونکی ځواک دی.

هغه څرګنده کړې: ارغنداب د کندهار يوازنۍ ولسوالۍ وه، چې طالبانوغوښتل خپله ولکه پرې ټینګه کړي؛ اوس ترې خلک کرکه لري.

د سولې خبرو په اړه ولسمشر اشرف غني ویلي؛ طالبان باید د ټاکنو پر بنسټ سیاسي سیسټم ومني.

نوموړي ویلي: دا یوه بنسټیزه موضوع ده؛ نور شیان د خبرو اترو او بحث وړ دي. که دا بنسټیزه موضوع ونه منل شي؛ نو د تېرو ۲۰ کلونو لاسته راوړنې، د ښځو، ځوانانو، اقلیتونو او ټولو حقونه به تر پوښتنې لاندې راشي.

ولسمشر خبرداری ورکړې؛ که جګړه همداسې روانه ږي، نو واک و ځواک به خوشې نکړي.

هغه په دې اړه وایي: که جګړه روانه وي؛ زه اعلی سر قومندان یم، خپل خلک او امنیتي ځواکونه نه پریږدم. زه چمتو یم، چې د خپل هېواد لپاره مرګ ومنم.  زه له واک سره مینه نلرم، زه قانون غواړم او افغان ټولنه نظم غواړي.

ولسمشر څرګندوي، چې تروریستي ګواښونه له مینځه نه دي تللي، بلکې بدل شوي دي.

هغه زیاته کړې؛ ترهګریزې شبکې یوازې د سیمې ندي، بلکې د داعش ښځې او ماشومان، چې په افغانستان کې نیول شوي د ۱۶ بېلابېلو هېوادونو وګړي دي.

Continue Reading

تازه خبرونه

د لوګر دوه ماشومان د امنیتي ځواکونو د هاوان په برید کې وژل شوي

Ariana News

خپور شوی

په

توسط

(Last Updated On: May 17, 2021)

یوې امنیتي سرچینې آریانا نیوز ته منلې؛ د لوګر ولایت د برکي برک ولسوالۍ د استوګنې پر یوه کور د هاوان مرمۍ لګېدلې، چې له کبله یې دوه ماشومان وژل شوي او درې نور ټپیان دي.

سرچینې زیاته کړې، چې د هاوان دا مرمۍ افغان ځواکونو توغولې ده.

ځایي اوسېدونکیو څرګنده کړې، تېره شپه پر یوه کور د هاوان مرمې د لګېدو له کبله درې ملکي کسان وژل شوي او شپږ نور ټپیان دي.

دا په داسې حال کې ده، چې د یکشنبې پر ورځ د افغان ځواکونو په توپچي ډزو کې د لغمان د دولت شاه ولسوالۍ امنیه قومندان عبدالظاهر له خپل ساتونکي سره وژل شوی دی.

د لغمان والي رحمت الله یارمل په دې اړه آریانا نیوز ته ویلي، چې افغان ځواکونو د وسلوالو مرکزونه ویشتل؛ خو د تخنیکي ستونزې له کبله د هاوان ګولۍ په سیمه کې امنیه قومندان ته نږدې لګېدلې ده.

یارمل دا هم منلې، چې په دې پیښه کې د ظاهر یو ساتونکی هم وژل شوی دی.

Continue Reading

تازه خبرونه

ښایي د ولایتونو پر مرکزونو د طالبان تاوتریخوالي دېر شي – جنرال میلر

Ariana News

خپور شوی

په

توسط

(Last Updated On: May 17, 2021)

په افغانستان کې د امریکایي ځواکونو قومندان جنرال سکاټ میلر ویلي، چې د طالبانو درې ورځنی اوربند د شنبې پر نیمه شپه پای ته رسیدلی او ښایي، چې د ولایتونو پر مرکزونو د طالبانو د تاوتریخوالي کچه نوره هم لوړه شي.

له بې بي سي سره په یوه مرکه کې جنرال سکاټ میلر ویلي: دوی به د تاوتریخوالي د کچې د راټیټولو لپاره خپلې هڅې روانې وساتي؛ ځکه دا هغه څه دي، چې د افغانستان خلک یې غواړي.

هغه زیاته کړې؛ ښایي هغوی ډېر ژر د تاوتریخوالي لار غوره کړي.

هغه دا هم ویلي؛ اوس هغه وخت رارسیدلی، چې افغان امنیتي ځواکونه پخپلو پښو ودریږي.

له افغانستان څخه د بهرنیو ځواکونو وتل له می میاشتې پیل شوي، چې دا بهیر به د سپټمبر تر ۱۱ بشپړ شي. تر دې دمه په کابل، کندهار، هلمند او بلخ ولایتونو کې امریکا خپلې پوځي اډې افغان اردو ته سپارلې دي.

امریکایانو ويلي، چې له افغانستان څخه د بهرنیو ځواکونو له وتلو سره د دغه هېواد راتلونکی له خطر سره مخ دي.

د نوموړي د څرګندونو له مخې، ائتلافي ځواکونه اوس هم له افغان امنیتي ځواکونو سره مرسته کوي. ان د وتلو پرمهال یې هم له ملاتړه خبر ورکړ شوی دی.

امریکایي ځواکونه په افغانستان کې د داعش او القاعدې د ډېریدو په اړه هم اندېښمن دي.

د امریکا د استخباراتو د ادارې پخوانی غړی برډ جانسن  ویلي؛ جو بایډن له ترهګرۍ سره د مبارزې لپاره ټولې اړینې سرچینې او هڅې وباسي. په داسې حال کې، چې اوس داعش، القاعده او طالبان مخ پر ډېریدو دي.

د جو بایدن د نوې پرېکړې له مخې؛ د بهرنیو ځواکونو وتل په می میاشت کې پیل شوي او د سپټمبر پر ۱۱ به پای ته ورسیږي؛ خو سیمه او نړۍ هڅه کوي، چې د سرتېرو له بشپړ وتلو مخکې افغان حکومت او طالبان یوې سیاسي هوکړې ته نږدې کړي؛ ځکه، چې د سولې بهیر نه بري د کورنۍ جګړې د احتمال په اړه اندېښنې راپورته کړي دي.

Continue Reading

Trending

آریانا نیوز: ټول حقونه خوندي دي