Connect with us

تازه خبرونه

د ډوب شویو کډوالو ۵ مړي کابل ته راولیږدول شول

خپور شوی

 په

(Last Updated On: زمری ۲, ۱۳۹۹)

د ترکیې په اوبو کې د ډوب شویو ۵ افغان کډوالو مړي د چارشنبې پر ورځ افغانستان ته راولیږدول شول.

په ترکیه کې د افغانستان سفارت د روانې اوونۍ په پیل کې په ډاګه کړه، چې ۵۹ کډوال د ترکیې د وان له جهيله د تېریدو پر مهال ډوب او مړه شوي، چې ۲۹ یې افغانان ول.

د مهاجرینو او بېرته راستنیدونکیو چارو وزارت ویاند سید عبدالباسط انصاري ویلي: له کام ایر هوایي شرکت سره مو هوکړه کړې، چې مړي کابل ته راولیږدوي. کام ایر هوایي شرکت اړوند مړي له انقرې څخه کابل ته وړیا رالیږدوي.

د افغانستان د بهرنیو چارو وزارت له ټولو افغانانو غوښتي، چې که له خپلوانو سره یې اړیکې له لاسه ورکړي؛ نو له دغه وزارت سره دې اړیکه ونیسي.

په ترکیه کې چارواکي بریالي شوي، چې د ۲۹ افغان کډوالو مړي وپېژني؛ پاتې نور د پاکستان او ایران کډوال دي.

د اسوشیتد پرس خبرې سرچینې د راپور له مخې؛ حشمت الله نوري یو له هغو کسانو دی، چې په دې پېښه کې یې ۱۰ خپلوان له لاسه ورکړي، چې ټولو له ۲۲ کلنۍ لږ عمرونه لرل. هغه نن سهار د کابل هوایي ډګر ته تلی، چې د دوه ۱۹ کلنو خورینو مړي وروسپارل شي.

هغه دغې خبري سرچینې ته په ډاګه کړې، چې: دلته دندې او کار نشته، یوازې جګړه ده؛ هغوی له وتلو پرته بله چاره نلرله.

راپورونه په ډاګه کوي؛ دغه کښتۍ، چې له ۵۵ څخه تر ۶۰ مسافر په کې سپاره ول، د جون پر ۲۷ یې له ډوبیدو خبر ورکړ شو.

ترکی چارواکو ویلي؛ قاچاقګر کډوال د وان له اوبوپه څنګ تېروي، چې  پوځي او پولیسي پوستې یې ون ویني.

ترکیه، چې دمګړۍ د شاوخوا ۳.۷ میلیون سوریايي مهاجرین کوربتوب کوي، چې اروپا ته د رسېدو نیت لري.

په هر حال دا لومړۍ کښتۍ نده، چې په وان اوبو کې ډوبیږي.

تازه خبرونه

د یوناما مشرۍ د کورنیو چارو له چارسمبالي څخه د ورکو شویو ښځو په اړه څېړنه غوښتې

خپور شوی

په

توسط

(Last Updated On: سلواغه ۵, ۱۴۰۰)

په افغانستان کې د ملګرو ملتونو مرستندویه پلاوي (یوناما) د اسلامي امارت له مشرتابه غوښتي، چې د ورکو شویو ښځینه هڅاندو موضوع وڅېړي او خلاصون یې ډاډمن کړي.

د افغانستان لپاره د ملګرو ملتونو د سرمنشي ځانګړې استازې ډیبرا لاینز په دې اړه د کورنیو چارو له چارسمبالي سراج الدین حقاني سره لیدلي دي.

یوناما ټویټ کړی، چې: هغې د طالبانو (اسلامي امارت) له مشرتابه د ورکو شویو ښځینه هڅاندو موضوع وڅېړي، چې د راپورونو له مخې تېره اوونۍ له خپلو کورونو څخه تښتول شوي؛ وڅېړي او خوندیتوب یې ډاډه کړي.

د راپورونو له مخې؛ تمنا زریاب پرواني او د هغې درې خویندې او پروانه ابراهیم خېل، چې د اسلامي امارت ضد مظاهرو کې یې برخه اخیستې وه، له خپلو کورونو نیول شوې دي.

د کورنیو چارو وزارت هم ټویټ کړی، چې د دې وزارت چارسمبالي د افغانستان لپاره د ملګرو ملتونو د سرمنشي له ځانګړي استازې سره کتلي دي.

د کورنیو چارو وزارت وايي؛ میرمن ډیبرا لاینز په افغانستان کې د اسلامي امارت د ځواکونو لخوا د ملګرو ملتونو د بنسټونو له امنیته ډاډ څرګند کړی دی.

هغې ویلي، نړیواله ټولنه قانع ده، چې مونږ باید له افغانانو سره د فقر په له منځه وړلو کې مرسته وکړو.

د یادونې، چې د اسلامي امارت د څرګندونو له مخې؛ دوشنبې پر ورځ د سلواغې پر څلورمه په مزارشریف ښار کې ۴۰ هېوادوال په داسې حال کې ونیول شول، چې په ناقانونه توګه یې غوښتل د هوا له لارې بهر ته ووځي.

Continue Reading

تازه خبرونه

په بلخ ولایت کې ۴۰ کسان بهبر ته د ناقانونه وتلو پر تور ونیول شول

خپور شوی

په

توسط

(Last Updated On: سلواغه ۵, ۱۴۰۰)

د افغانستان اسلامي امارت څرګنده کړې، چې ۴۰ کسان يې په ناقانونه توګه له هېواده د وتلو په حال کې نيولي دي.

د اسلامي امارت د ویاند مرستیال انعام الله سمنګاني ټوېټ کړی، چې د دوشنبې پر ورځ د سلواغې پر ۴ ۴۰ هېوادوال په داسې حال کې ونیول شول، چې په ناقانونه توګه یې غوښتل د هوا له لارې بهر ته ووځي.

انعام الله سمنګاني زیاته کړې: يو شمېر يې له پوښتنو وروسته خوشي شوي؛ خو هغه میرمنې، چې وارثان يې حاضر شوي ندي اوس هم د ښځو په توقيف خونه کې ساتل کېږي.

په دې اړه نور جزئیات ورکړ شوي ندي.

ځینو سرچینو بي بي سي ته څرګنده کړې، چې اسلامي امارت په مزارشریف ښار کې له یوه کوره دوه ورځې مخې د ۱۶ ښځینه هڅاندو په ګډون لسګونه کسان نیولي دي.

سرچینې دا هم ویلي، چې دا کور د امريکايانو له لوري کرايه شوى و او په کې ښځينه فعالانې او هغه زيانمنونکي وګړي اوسېدل، چې ټاکل شوې وه له دې ځايه بهر ته ولېږدول شي.

دا په داسې حال کې ده، چې د ملګرو ملتونو استازې ډیبرا لاینز د اسلامي امارت له کورنیو چارو وزارت له چارسمبالي سراج الدین حقاني سره په لیدنه کې د هغو ښځو د نیول کېدو په اړه د څېړنې غوښتنه کړې، چې د راپورونو له مخې تېره اوونۍ له خپلو کورونو نیول شوې دي.

Continue Reading

تازه خبرونه

بیات بنیاد د پروان له سلګونه اړمنو کورنیو سره دخوراکي توکو مرسته وکړه

خپور شوی

په

توسط

(Last Updated On: سلواغه ۴, ۱۴۰۰)

د بیات بنیاد د خوراکي توکو ژمنۍ مرستې دا ځل په پروان ولایت کې سلګونه اړمنو کورنیو ته له کړې سروې وروسته ووېشل شوې.

د بیات بنیاد د مسوولینو په خبره؛ دا مرستې، چې اوړه، غوړي او وریجې په کې دي له سروې وروسته پر مستحقو او بېوزله کورنیو ووېشل شوې.

دې خیریه بنسټ تر دامهاله د هېواد پېنځه ویشت ولایتونو ته ژمنۍ مرستې رسولي او په پام کې ده، چې د دې مرستو لړۍ نورو ولایتونو ته هم وغزول شي.

د بیات بنیاد مرستیال حاجي محمد اسماعیل خان ویلي: د بیات بنیاد ژمنۍ مرستېهر کال پر اړمنو کورنیو وېشل کیږي. نن مو له یو شمېر ولایتونو وروست خپلې مرستې پروان ولایت ته رالېږدولي او له مخکې سروې شویو مستحقینو ته به ووېشل شي. په دې خوراکي توکو که اوړه، وریجې او غوړي شته، چې ان شاالله په پاتې نورو ولایتونو کې به هم پر اړمنو کورنیو ووېشل شي.

هغه کسان، چې دا مرستې یې ترلاسه کړي وايي، دا مرستې د ژمي په روانو ستونزمنو شپو او ورځو کې پوره غنیمت دی.

د پروان ولایت مرسته شوی اړمن څرګندوي: د دې لپلاره، چې هوا سړه او د توکو بیې هم لوړې دي؛ نو دا مرسته دېره اغېزمنه ده.

یو بل مرسته شویي هېوادوال ویلي؛ مونږ له بیات بنیاد مننه کوو؛ دغه مرستې په اړین وخت کې ووېشل شوې.

دوی له نورو خیریه بنسټونو هم وغوښتل، چې له اړمنو خلکو سره باید دا مرستې روانې وساتل شي.

د بیات بنیاد مسوولینو ويلي، چې د خپلو مرستو لمن به د هېواد نورو ولایتونو ته هم پراخه کړي.

د یادونې وړ ده، چې بیات خیریه بنسټ تر دې دمه خپلې مرستې د هېواد له ۲۵ حخه د ډېرو ولایتونو اړمنو کورنیو ته رسولي او دا لړۍ اوس هم روانه ده.

Continue Reading

Trending

Copyright © 2022 Ariana News. All rights reserved!