Connect with us

تازه خبرونه

د ډاکټر غني او ډاکټر عبدالله سیاسي هوکړه لاسلیک شوه

Ariana News

خپور شوی

 په

(Last Updated On: May 17, 2020)

د ۱۳۹۸ لمریز کال د ټاکنو له پایلو وروسته د ډاکټر غني او ډاکټر عبد الله درې میاشتنۍ ناندرې پای ته ورسیدې او د ۱۳۹۹ لمریز کال د غویي پر ۲۸ یې د جوړجاړي سیاسي هوکړه لاسلیک کړه.

 د ۱۳۹۸ لمریز کال د کب پر ۱۹ ولسمشر غني په ارګ کې او عبدالله عبدالله په سپیدار ماڼۍ کې همهاله د ولسمشرۍ د لوړې مراسم تر سره کړل. په داسې حال کې، چط د ټاکنو خپلواک کمیسیون اشرف غني د ولسمشر په توګه اعلان کړی و.

د سیاسي هوکړې د هغې نسخې له مخې، چې آریانا نیوز تر لاسه کړي ډاکټر اشرف غني به ولسمشر وي اوډاکټر عبدالله عبدالله به د پخلاینې عالي شورا د ریاست ترڅنګ په کابینه کې ۵۰ سلنه ونډه ولري.

دغه راز به د سولې بهیر مشري به د پخلاینې عالي شورا کوي او د سولې مرکچي پلاوی به هم راپور ورکوي.

همدارنګه جنرال دوستم به د مارشالۍ له رتبې برخمن کیږي او د دولت په عالي شورا او ملي امنیت کې به هم برخه ولري.

د یو شمېر سرچینو د څرګندونو له مخې؛ د کار او ټونیزو چارو، عدلیې، کورنیو چارو، کډوالو او بېرته راستنیدونکیو، کرنې او مالدارۍ، د لوړو زدکړو، د سرحدونو او قبایلو، د سوداګرۍ او صنعت او د مخابراتو او معلوماتي ټکنالوژۍ وزارتونه ولسمشر غني عبدالله عبدالله ته وړاندیز کړي دي.

د سیاسي هوکړې یو بل ټینګار دادی، چې په حکومت او ټاکنیزو چارو کې به بدلونونه رامنځته کیږي.

دواړو خواوو د یوې پېنځه کسیزې څارونکي شورا پر جوړولو هم ټینګار کړی، چې دغه شورا به له سیاسي مشرانو، ملي شخصیتونو، د ملي شورا له استازیو، د بېلابېلو سیاسي طبقو له استازیو، مدني ټولنې، ښځو او ځوانانو جوړه وي.

که څه هم د لاسلیک شوې سیاسي هوکړې بشپړ جزئیات څرګند ندي؛ خو د تر لاسه شوې هوکړې له مخې به د کابیني پنځوس سلنه ګمارنې د عبدالله له لوري کېږي او تغیر او تبدیل به هم په مشوره تر سره کیږي.

تازه خبرونه

ولسمشر غني او بابېل ګیتس په افغانستان کې پر پولیو وغږېدل

Ariana News

خپور شوی

په

توسط

(Last Updated On: January 26, 2021)

افغان ولسمشر اشرف غني د مایکروسافت شرکت او د بیل او ملینډا ګېټس له بنسټوال سره د ویډیویي کنفرانس له لارې په افغانستان کې د پولیو یا د ماشومانو له ګوزن سره پر مبارزه خبرې وکړې.

د ارګ په خبرپاڼه کې راغلي؛ دواړو لوریو اندېښنه څرګنده کړې، چې تېر میلادي کال په افغانستان کې د پولیو مثبتې پېښې څو برابره وې؛ ځکه  طالبانو تر خپلې څارنې لاندې سیمو کې د پولیو واکسین  کارکوونکیو ته اجازه نه ورکوله.

په دې ویډیویي کنفرانس کې د پولیو واکسین د پلي کېدو په بهیر کې د اصلاحاتو پر رامنځته کولو او د امکاناتو پر زیاتوالي هم هر اړخیز بحث او خبرې شوې دي.

دا په داسې حال کې ده، چې د عامې روغتیا وزارت څو ورځې مخکې ویلي وه، چې د طالبانو د مخالفت له کبله په یو شمېر ولایتونو کې له درې نیم  میلیون ډېر ماشومان د ګوزڼ پر ضد له واکسین پاتې شوي دي.

د روغتیا وزارت څرګندوي، چې طالبانو د دوی په تر کنټرول لاندې سیمو کې د کور پر کور د واکسین کمپاین بند کړی او په تېرو درې کلونو کې دغه مخالفت له ۳ سلنې څخه ۱۰ سلنې ډېر شوی دی.

د دغه وزارت د ګوز ڼ ناروغۍ د له منځه وړلو پروګرام مشر میرجان راسخ ویلي، چې که څه هم طالبانو د واکسین په پلي کولو کې د همکارۍ ژمنه کړې وه؛ خو د تمې خلاف دوی د دې بهیر د پلي کیدو مخه نیولې.

نوموړي زیاته کړې: په پکتیا او میدان وردګ ولایتونو کې هم ماشومانو د ګوزڼ له واکسینه پاتې دي.

تېره اوونۍ ، په افغانستان کې د ګوزڼ واکسین کمپاین پیل شوی؛ خو طالبانو نه یوازې د دغه بهیر په پلي کولو کې پاتې راغلي، بلکې په میدان وردګ، غزني، هلمند، کندهار، کندوز، تخار، پکتیکا او پکتیا ولایتونو کې هم د کور پر کور له کمپاین سره مخالفت کړی دی.

Continue Reading

تازه خبرونه

د افغانستان بانک د نوي چاپ بانکنوټونه بازار ته وړاندې کوي

Ariana News

خپور شوی

په

توسط

(Last Updated On: January 26, 2021)

د افغانستان بانک په ډاګه کړې، چې راروان مالي کال  ته ۳۸۰ میلیون نوي بانکنوټونه چاپوي.

د افغانستان بانک د اداینو(تادیاتو) عمومي مدیر میر عزیز برکي نن ملت ته د حکومت د حساب وړاندې کولو په مراسمو کې ویلي، چې مرکزي بانک د مالي کال په بهیر کې د ۳۸۰ میلیون نویو افغانیو تړون لاسلیک کړی، چې ۱۰، ۲۰، ۵۰ او  ۱۰۰ افغانیو نوټونو به چاپ شي.

میر عزیز برکي زیاته کړې، چې یو څه یې چاپ شوي او ټاکل شوې، چې بازار ته وړاندې شي.

د افغانستان بانک د اداینو لوی آمر د نویو افغانیو د چاپ او د زړو هغو د راټولولو او له منځه وړلو په تړاو هم خبرې وکړې او زیاتوي، چې د افغانستان بانک هر کال په منځني توګه ۳.۸ میلیارډ افغانۍ زاړه بانکنوټونه راټولوي او د پیسو له دورانه یې وباسي.

نوموړي څرګنده کړې، چې دا مهال د مالیې وزارت خزانې، عواید او ګمرکونه د افغانستان بانک د عصري اداینې( تادیې) له سیسټم سره نښلول شوړی او خلک کولی شي له دې سیسټم څخه د خپلو ټولو اداینو لیږد پخپل وخت او ژر بشپړ کړي.

دا په داسې حال کې ده، چې دمګړې لږ تر لږه ۲۹۳ ملیارډ افغانۍ په دوران کې دي.

Continue Reading

تازه خبرونه

د ملا برادر په مشرۍ طالب پلاوی تهران ته رسېدلی

Ariana News

خپور شوی

په

توسط

(Last Updated On: January 26, 2021)

په قطر کې د طالبانو د سیاسي دفتر ویاند محمد نعیم ټویټ کړې، چې د ایرانیو چارواکو په رسمي بلنه د دوی یو پلاوی د سیاسي مرستیال ملا عبدالغني برادر پر مشرۍ تهران ته رسېدلی دی.

په قطر کې د طالبانو د سیاسي دفتر ویاند او د ایران د بهرنیو چارو وزارت ویلي، چې طالب پلاوی به د ایران د بهرنیو چارو له وزیر، د افغانستان په چارو کې د هغه هېواد له ځانګړي استازي او نورو مشرانو سره د افغانستان پر امنیتي او سیاسي وضعیت، سولې او کډوالو بحث او خبرې وکړي.

په افغانستان کې د اروپایي ټولنې سفیر ویلي، چې سوله له ستونزمن پړاو سره مخ شوې دواړه خواوې باید لازم یووالی را منځته کړي.

د اروپایي ټولنې سفیر اندریاس فون برانت وایي: زه فکر کړم، چې د سولې خبرې په ستونزمن پړاو کې دي؛ خو مهمه دا ده، چې په دوحه کې دواړه لوري په اړیکه کې دي او ټول څه هلته ندي. تاسې باید په کابل یا افغانستان کې لازم یووالی پیدا کړئ او هغه څه، چې مونږ یې هیله من یو دا دي، چې دواړه لوري په دوحه کې باید د لازمو امتیازاتو ورکړې ته چمتوالی ولري او د لارې د نقشې د جوړولو لپاره باید واک او سوله ګډه شي.

دغه راز د کابل په یوې څنډه کې، د وروستیو جګړو ځینې قربانیان او معلولان ټینګار کوي؛ داسې سوله غواړي، چې د خلکو عزت په کې خوندي شي.

د معلولانو او شهیدانو د ورثه وو ټولنې مشر سید آغا ملکزاده ویلي؛ داسې سوله غواړو، چې د ټولو حقونه په کې خوندي شي. داسې نشي، چې یو شمېر په واک و ځواک کې مستان وي او خلک په بدبختیو کې شي.           

د جګړې د یوه قرباني شوې کورنۍ غړې پري ګل ویلي؛ مونږ په افغانستانم کې رښتینې سوله غواړو، چې ښځې، ماشومان او میندې په کې ډاډمنې او خوندي وي.       

په کابل کې حکومتي لوړپوړي چارواکي هم پر سوله سلا مشورې کوي؛ ولسمشر غني د سې شنبې پر ورځ له حامد کرزي، عبدالله عبدالله او عبدرب الرسول سیاف سره لیدلي او د اوربند، تاوتریخوالي کمي، د سولې د ټینګښت،  سیاسي اجماع او د وینو د تویېدو پر مخنیوي بحث او خبرې کړي دي.

د طالبانو د سیاسي دفتر مرستیال ملا عبدالغني برادر د یوه پلاوي پر مشرۍ په داسې حال کې ایران ته سفر کړی، چې په دوحه کې د افغانستان حکومتي پلاوی د سولې خپلمنځي خبرو پیلولو ته په تمه دی.

Continue Reading

Trending

Copyright © 2021 Ariana News. All rights reserved!