Connect with us

نړۍ

د پېښور په لاهورۍ سيمه كې ځانمرگو مرگ و ژوبله رامنځته كړه

Avatar

خپور شوی

 په

(Last Updated On: زمری ۲۷, ۱۳۹۰)

د پېښورپه ننيو ځانمرگو بریدونو او بمي چاودنه کې د اووه پولیسو په گډون ۳۵ ته مرگ و ژوبله  اوښتې ده.

دا چاودنې نن سهارد پېښور ښار په لاهورۍ سیمه کې وشوې.

ويل كيږي،چې دغه بريدونه ځانمرگي وه او يوې ميرمنې هم ځانمرگى بريد ترسره كړى دى.

د نړيوالو رپوټونو له مخې د پاکستان په شمال لویدیځ کې نني چاودنو لږ تر لږه اووه تنه ووژل.

د پيښور د پوليسو په وينا:

لومړۍ چاودنه د پولیسو پریوه لارۍ ډوله موټرشوې، چې سرتېري یې ليږدول.

ويل كيږي:

چاوديدونكي توكي په يوه لاسي كراچۍ كې ايښودل شوي وه.

پوليس وايي، چې: ځانمرگې میرمنې خپل ځان د پولیسو له یوې پوستې سره والوزاوه هم یې ځان وواژه او هم یې یوه بله میرمن.

پولیس زیاتوي، چې دا تراوسه څرگنده نه ده، چې دوه يمه میرمن هم بریدکوونکې وه که لاورۍ.

دا چاودنه څو متره ليرې تر دې وشوه، چې یوه ریموټ کنټرول بم د پولیسو موټر په نخښه کړ او پېنځه پولیس، يوه ښځه او یو ماشوم یې ووژل.

د دې دوه چاودنو ترمنځ تر یوه ساعت لږ واټن و. لومړۍ چاودنې نژدې اتلس تنه ټپیان هم کړل. د دې چاودنو مسوولیت تر اوسه چا په غاړه نه دی اخیستی.

Continue Reading
Advertisement
Click to comment

Leave a Reply

Your email address will not be published.

تازه خبرونه

د ټینس نومیالی لوبغاړی خپلې پخوانۍ میرمنې پر زور زیاتي تورن کړ

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

سي این این په ډاګه کړې، چې  د نړۍ د نومیالي ټینس لوبغاړي نیکولوز باسیلاشویلي پخوانۍ میرمنې له محکمې غوښتي، چې د هغه لخوا پرې زورزیاتي شوی دی.

د جورجیا لویې څارنوالۍ څرګنده کړې؛ نیکولوز باسیلاشویلي، چې د نړۍ په ټینس لوبغاړیو کې ۲۷ ځای لري د خپلې پخوانۍ میرمنې نیلي دوروکاشویلي لخوا پرې د زورزیاتي تور پورې شوی دی.

که څه هم د قضیې په اړه څېړنې اوس هم روانې دي؛ خو باسیلاشویلي د ۳۱۳۰۰ ډالرو په ضمانت خوشې شوې او ټاکل شوې، چې د جولای پر ۱۶ بیا محکمې ته حاضر شي.

 د نوموړي وکیلانو او استازیو د باسیلاشویلي په فیسبوک پاڼه کې، چې له تضمین وروسته خوشې شوې شوی؛ څرګندوي، چې دغه تورونه “دروغ او بشپړ بې بنسټه دي.”

د هغه وکیلانو ویلي: مونږ د نیکولاس باسیلاشویلي پلویانو ته ډاډ ورګوو، چې له دې مخکې محکمې ته سپارل شوې ویډیوګانې زمونږ د مؤکل دریځ ښیې او هغه د پورته ذکر شويو ناقانونه تورونو څخه پاکوي.

له بلې خوا، د دوروکاشکا وکیل هم ویلي؛ داسې اسناد او شواهد شته، چې د دې ښځې ادعاګانې ثابتولی شي.

د هغې وکیل ویلي داسې خلک شته، چې د دوی د اړیکو شاهدان دي او وايي، چې د قضیې په اړه ویډیوګانې او آډیو ریکارډونه شته او دغه رازد ټیلیفون غږیز پیغامونه هم ثبته شوي دي.

د یادونې ده، چې د دې جوړې د واده پایله پېنځه کلن زوی دی او تېرکال سره بېل شوي دي.

Continue Reading

تازه خبرونه

ټویټر جورج فلایډ ته د ټرمپ د درناوي جوړه شوې ویډیو له خپلې شبکې لیرې کړه

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د غربي رسنیو د څرګندونو له مخې؛ ټویټر له هغې وروسته جورج فلایډ ته د امریکا د ولسمشر د درناوي ودیو له خپلې شبکې لیرې کړه، چې د کاپي رایت د حق پر بنسټ یې د خلکو اندېښنې تر لاسه کړې.

د ټویټر یوه استازي ویلي: مونږ د کاپي رایت حق خوندي ساتو او مونږ د خپروونکي یا د دوی د استازیو لخوا راپورته شویو اندېښنو ته ځواب ویونکي یو.

ویل کیږي؛ دا کلیپ د لاریونکوونکیو او د جورج فلایډ له مړینې وروسته د تاوتریخوالي له انځورونو او ویډیوګانو څخه، چې په شالید کې ورسره د ټرمپ غږ مل دی جوړ شوی دی.

دا د درې دقیقو او ۴۵ ثانیو لرونکې ویډیو، چې د جون پر ۳ د ترمپ د ډلې لخوا ټویټ شوې؛ اوس هم په یوټیوب کې د ۶۰۰۰۰ لیدلو او ۱۳۰۰۰ خوښولو سره  شته.

Continue Reading

تازه خبرونه

په امریکا کې د فلایډ له وژنې وروسته د لاریونونو په اړه بېلابېلې څرګندونې شوي

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

د الجزیرې د څرګندونو له مخې؛ د جورج فلایډ په مرګ کې د مینیاپولیس ټول ښکېل څلور پولیس افسران تورن وپېژندل شول.

یادې سرچینې په ډاګه کړې: پولیس افسر ډیرک چووین، چې د جورج فلايد پر اورمېږ یې ګونډه ایښې وه او ترې وژل شوی و؛ پر دوه یمه درجه قتل تورن او محکوم شوی او پاتې نور درې پولیس افسران هم د هڅوونکیو او ملاتړیو په توګه پر دوه یمه درجه قتل تورن دي.

 

دغه راز د امریکا پخواني دفاع وزیر جیمز متیس پر ولسمشر ډونالډ ټرمپ تور پورې کړی، چې په ملت کې نفاق ته لمن وهي.

د ټرمپ اوسنی دفاع وزیر مارک ایسسپرهم ویلي؛ ده د ټرمپ له دې پرېکړې سره، چې د لاریونکوونکیو د څارنې لپاره دې ځواکونه وکارول شي، مخالفت کړی دی.

د یاد راپور د څرګندونو له مخې؛ په ځینو ښارونو کې د ملي امنیت د ساتونکیو شتون د لاریونوالو لخوا بې اغېزې شوی دی.

ویل کیږي، چې لاریون کوونکي د امنیتي چارواکو لخوا هم له سخت غبرګون سره مخ شوي دي.

 په ځینو برخو کې پولیسو یو شمېر خبریالان له زور زیاتي سره مخ کړي دي.

د یادونې ده، چې په دغو لاریونونو کې د پولیسو له ټپي کیدو هم راپورونه ورکړشوي دي.

 

Continue Reading

Trending