Connect with us

بی بی سی پښتو

د پښتون ژغورنې غورځنګ یوه مشره ثنا اعجاز له بلوچستان و اېستل شوه

Avatar

خپور شوی

 په

(Last Updated On: January 18, 2021)

د پښتون ژغورنې غورځنګ یوه مشره ثنا اعجاز وايي، د بلوچستان او پښتونخوا سرحدي ښار ژوب کې تر نیول کېدو وروسته پښتونخوا کې پرېښودل شوه.

نوموړې د چارواکو پرونی چلن نامناسب بولي:

“زه یوه ښځه یم، خو د امنیتي ځواکونو دومره لوی کاروان کې له بلوچستان و اېستل شوم، لکه ترهګره چې یم. “

ځايي چارواکي وايي، ثنا اعجاز بلوچستان ته له تګ منع شوې وه، ځکه د دې صوبې له ضلعې یا ولسوالۍ و اېستل شوه.

خو ثنا اعجاز د حکومت دا ګام غندي او د اساسي قانون د ۱۵ مادې خلاف یې بولي.

ثنا ژوب کې څه کول؟

ثنا اعجاز د کتابتون پرانیستلو لپاره د بلوچستان ژوب ته تللې وه او په دې تړاو یې یوه غونډه کې وینا هم کوله.

هغه وايي، دې غونډه کې د ګډون لپاره د شنبې په ورځ له پښتونخوا په بس کې ژوب ته تلې وه.

د هغې په خبره، د ښځو واک غورځنګ دا کتابتون د نجونو زدکوونکو لپاره جوړ کړی دی.

هغه زیاتوي چې دې غورځنګ پر پېښور، مردان، کوټه او سیف الله کلا سربېره ځینې نورو سیمو کې هم دا کتابتونونه جوړ کړي دي.

نوموړې زیاتوي، کله چې سهار لس نیمې بجې کتابتون پرانیستلو ته ورسېده، نو هلته د ژوب مرستیال کمېشنر او د پولیسو مشر له ډېرو پولیسو سره وو.

د پښتون ژغورنې غورځنګ مشران هم له بلوچستان اېستل شوي دي.

Getty Images
د پښتون ژغورنې غورځنګ مشران هم له بلوچستان اېستل شوي دي.

د هغې په خبره، د کتابتون تر پرانیستې وروسته یې ښځو ته وینا هم کوله، خو په ډېر تکلیف یې د کتابتون پټۍ پرې کړه او غونډه کې له ګډون منع شوه:

“مرستیال کمېشنر را ته وویل چې پر ما سربېره د پښتون ژغورنې غورځنګ مشر او نور مشران هم بلوچستان ته له تګ منع شوي دي، ځکه ما هم له بلوچستان باسي. “

ثنا زیاتوي چې مخکې بلوچستان ته له تګ منع شوې وه، خو هغه بندیز درې میاشتې او ختم شوی و.

د پښتون ژغورنې غورځنګ فعالان نیول شوي

د نقیب الله مسید دریم تلین؛ پښتون ژغورنې غورځنګ پر کومه خوا روان دی؟

دا زیاتوي چې له نیول کېدو وروسته امنیتي ځواکونو د پښتونخوا سیمه کې پرېښوده:

“امنیتي ځواکونو ته مې وویل چې زما سره ګاډی هم نشته، ځکه مې یوه مناسب ځای کې پرېږدئ، خو دوی ویل، زموږ له دې سره کار نشته. “

ثنا وايي، پاکستانۍ وګړې ده او سوله ییزې سیاسي هڅې کوي، خو له بلوچستان اېستلو سره یې قانوني او بنسټیز حقونه تر پښو لاندې شول.

چارواکي څه وايي؟

د بلوچستان د کورنیو چارو مرستیال حافظ عبدالباسط وايي، دغې صوبې ته د ثنا په تګ بندیز دی.

د هغه په خبره، صوبایي حکومت د پښتون ژغورنې غورځنګ پر نورو مشرانو هم دغې سیمې ته په تګ بندیز لګولی، ځکه د ژوب ځايي چارواکو په دغه بندیز د عمل لپاره ثنا له ژوب اېستلې ده.

د پښتون ژغورنې غورځنګ نور مشران-منظور پښتین، علي وزیر او محسن داوړ- هم له دې مخکې له بلوچستان اېستل شوي، خو دا لومړی ځل دی چې د غورځنګ یوه مشره له دې صوبې استل کېږي.

Continue Reading
Advertisement

بی بی سی پښتو

امرخېل امنیتی چارواکو ته: که د خصوصي تلویزیون د کارمنانو قاتلین پیدا نه کړئ، له دندو به استعفا کوئ

Avatar

خپور شوی

په

(Last Updated On: March 3, 2021)

د افغانستان ختیځ جلال اباد ښار کې د یوه خصوصي تلوېزیون د درېیو ښځینه کارمنانو تر وژل کېدو یوه ورځ وروسته، د ننګرهار والي ضیاء الحق امرخېل بي بي سي ته وویل، که د ننګرهار امنیتي سکتور او امنیتي چارواکي ددغو ښځینه خبریالانو قاتلین پیدا نه کړي،نو دوی مجبور دي چې له خپلو دندو استعفا وکړي.

دی وايي، د پېښې په تړاو یې یو کس نیولی، اوس پوښتنې ګروېږنې ترې روانې دي، که نور کسان په دې پېښه کې ښکېل وي، چې هغوی هم وموندل شي:

“موږی باید قاتلین پیدا کړو، معلومات یې پیدا، موثق او ثبت شي. له امنیتي چارواکو مې په جدي ډول دا غوښتنه کړې ده چې عاملین یې ومومي.”

ناپېژاندو وسله والو نن سې شنبې (۲ مارچ) مازديګر مهال جلال اباد ښار کې دوو جلا بریدونو کې د انعکاس په نامه خصوصي تلویزیون درې ښځینه کارکوونکې وژلې دي او یوه بله مېرمن یې ژوبله کړې ده. دا بریدونه په یوه وخت مازدیګر ۴ نیمې بجې د جلال اباد ښار دوو جلا سیمو کې شوي.

یو برید د ښار په لومړۍ ناحیه کې مدینې پلازې ته څېرمه د خلکو د ګڼې ګوڼې په سیمه کې شوی، او بل برید د ښار څلورمې ناحیې قصبې سیمه کې شوی.

د ننګرهار حوزوي روغتون چارواکو بي بي سي ته ویلي، روغتون ته درې مړي او یوه ژوبله مېرمن ور وړل شوې.

ننګرهار کې امنیتي سرچینو هم منلې ده چې په دوه پېښو کې د انعکاس تلویزیون درې کارکونکې وژلې شوې دي او یوه بله مېرمن ژوبله ده.

د ننګرهار امنیه قومندان جمعه ګل همت وايي د “نننۍ پېښې رهبري کوونکی له یو میل تفنګچې او ریکشې سره نيول شوی دی” چې نوموړي د “طالبانو اړوند کس یاد کړی دی”

د انعکاس خصوصي تلوېزيون مسئول زلمي لطیفي بي یي سي ته وويل، په دغو بریدونو کې یې درې کارکونکې وژل شوې دي.

نوموړي زیاته کړه، دا مېرمنې يې د دوبلې (ژباړې) برخې کارکونکې وې چې له کار وروسته کور ته پر لار وې.

کارمندان تلویزیون انعکاس

EPA

وژل شوې مرسل، ساديه او شهناز تر ډېره د ټلوېزيون په پرده نه راڅرګندېدې، يوازې یې د ياد تلويزيون لپاره ډرامې او فلمونه پښتو کول او په رسنيز ډګر کې هم ډېرې پېژندل شوې نه وې.

تر دې دمه کومې ډلې د دې برید پړه نه ده منلې.

کورني او نړيوال غبرګونونه

د افغانستان ولسمشرۍ ماڼۍ په یوه اعلامیه کې ویلي، ولسمشر محمد اشرف غني دا برید غندلی او له اسلامي او افغاني ارزښتونو سره یې په ټکر کې بللی.

اعلامیه کې د ولسمشر غني له قوله راغلي چې طالبان په دا ډول بریدونو او د وېرې فضا رامنځته کولو سره نشي کولی چې د جمهوریت او تېرو شلو کالو لاسته راوړنو دفاع لپاره پورته شوی غږ چوپ کړي.

خو د طالبانو ویاند ذبیح الله مجاهد پر خپله ټوېټر پانه لیکلي چې جلال اباد کې ترسره شوی برید په دوی پورې اړه نه لري.

کابل کې د امریکا سفارت یوه اعلامیه کې دا برید غندلی او له افغانستان حکومت یې غوښتي چې د د بیان ازادي او د خبریالانو ژوند خوندي کړي.

یاد سفارت وایي، دا بریدونه د خبریالانو د وېرولو لپاره کېږي، خو دا چاره د زغملو نه ده.

د افغانستان پخواني ولسمشر حامد کرزي دغه وژنه غندلې او دا يې “بشري ضد جنايت” بللی دی. نوموړي ويلي “د هېواد، سولې او ارامۍ بدغوښتونکي غواړي د ځوانو مفکورو او استعدادنو په وژلو افغانستان کمزوری کړي او له دې لارې خپلو شومو اهدافو ته ځان ورسوي”.

په افغانستان کې د ملګرو ملتونو سیاسي استازولۍ يوناما د خواشينۍ په څرګندولو سره د دغو ښځينه وو وژنه په افغانستان کې د رسنيو لپاره يوه بله وېرونکې ورځ بللې ده او د دې “وحشيانه وژنو په اړه یې د سملاسي رڼو او خپلواکو پلټونو” غوښتنه کړې ده.

افغانستان کې د ازادو رسنیو د ملاتړ بنسټ نی، هم دغه پېښه غندلې او پر افغان حکومت يې غږ کړی چې د رسنيو پر کارکوونکو د بريدونو مخنيوی او د داسې هدفي وژنو پلټنه وکړي.

د انعکاس تلویزیون پر کار کوونکو دویم خونړی برید

ملاله

BBC
ملاله د خپلې مور له وژل کېدو وروسته د کور سرپرسته هم وه

په په تېرو ۳ میاشتو کې دویم ځل دی چې ننګرهار کې د انعکاس په نامه د خصوصي تلویزیون کارکوونکي د وسلوالو لخوا په نښه کېږي.

له دې وړاندې د تېرې دسمبر میاشتې پر لسمه نېته د همدې تلویزیون یوه ویانده ملاله میوند جلال اباد ښار کې دفتر ته پر لاره له خپل موټر چلوونکي محمد طاهر سره یو ځای د ناپېژاندو وسلوالو لخوا ووژل شوه.

د ملالې میوند له وژنې څو ساعته وروسته د ننګرهار والي ضیا الحق امرخېل پر خپله فېسبوک پاڼه لیکلي وو چې د هغې وژونکي یې نیولي او بریدګرو پر خپل جرم اعتراف هم کړی.

همد راز د افغانستان د کورنیو چارو وزارت ویاند طارق ارین ویلي وو، د ملالې میوند وژونکی او ورسره بل ملګری کس یې نیولي دي او څېړنې ترې روانې دي.

خو تر دې دمه د هغه برید په جرم د نیول شویو کسانو برخلیک نه دی مالومه.

یاده دې وي چې په وروستیو څو میاشتو کې په افغانستان کې د هدفي وژنو پېښې زیاتې شوې دي او څو ولایتونو کې خبریالان په نښه شوي او وژل شوي دي.

افغان حکومت تور لګوي چې طالبانو د جګړې په دوام سره هېواد کې هدفي وژنو ته زمینه برابره کړې او مسئولیت یې د دې ډلې پر غاړه دی.

خو طالبانو تل په دې بریدونو کې ښکېلتیا رد کړې ده او ټینګار کوي چې خبریالان، مدني فعالان او غیر پوځي کسان د دوی په هدفونو کې نه دي.

Continue Reading

بی بی سی پښتو

“د هغه جرم بدل کې یې ورکړم چې زما تر زېږېدو لس کاله وړاندې شوی و”

Avatar

خپور شوی

په

(Last Updated On: March 6, 2021)

“زما تر زېږېدو لس کاله وړاندې زما پلار یو کس وژلی وو. تردې پېښې دوه کاله وروسته جرګې ددې کس د وژنې په بدل کې زموږ د یوه خپلوان لور په “بدو” کې ورکړه.

خو اته کاله وروسته چې کله زه وزېږېدم، نو د هغې جینۍ مور او پلار زما پلار ته وویل،‌ چې اوس دي د دوی د لور پر ځای خپله لور هغو خلکو ته ورکړي. همداسې زما دې نړۍ ته تر راتګ لس کاله وړاندې – زه د خپل پلار د جرم په بدل کې په ؛بدو؛ کې ورکړل شوم”.

زرڅانګه (نوم يې بدل دی) دا وخت له پنځه اویا بیا تر اتیا کلونو پورې عمر لري. دا تر زېږېدو سمدستي وروسته په بدو کې ورکړل شوې او د نهه کالو په عمر کې يې واده شوی.

دا سپين سرې وايي “زه خپل واده ته واده نه وایم، ځکه چې زه خو لا ماشومه وم او ان د واده تر شپې پورې لا له خپلې مور سره یو ځای ویدېدم. د واده شپه يې راته نوي کالي راواغوستل، دوې د پاخه عمر ښځې راغلې او زه يې په زوره له خپل کوره وایستم”.

د پښتنو په ځينو قبیلو کې نن هم په بدو کې د ورکړل شوې ښځو په ودونو کې د عادي واده په څېر خوشالۍ نه لمانځل کېږي او تر ډېره دغه ښځې په توره شپه په چوپه چوپاهي کې د پلار له کوره ایستل کېږي.‌

د زرڅانګې په خبره ددې په واده کې یواځې همدا دوې پخې ښځې راغلې وې، چې دې ته يې نوې جوړه راوړې وه او نیم ساعت وروسته يې له خپل کوره په زوره وایسته.

“ما ته یاد دي،‌ چې مخ مې لا ونه وینځه او پوه شوم، چې همدا مې واده دی. ځکه چې تردې څو ورځې وړاندې زما مور ژړاوي شروع کړې وې او اکثره به يې زه په غېږ کې ونیولم او په چیغو چیغو به یې ژړل”.

د زرڅانګې په خبره دې د واده او په بدو کې د ورکړل شويو ښځو په هکله اورېدلي وو، خو په دې نه وه خبره چې ددې واده به په نهه کلنۍ کې کېږي.

د زرڅانګې د پلار د کندهار په یوه کلي کې باغونه وو. شاوخوا نیوي کاله وړاندې ددې د پلار او د یوې بلې قبیلې د خلکو د اوبو پر وېښ جنګ شوی وو. د هغه وخت خلک وايي، چې ددې پلار په دغه جنګ کې د مخالفې ډلې یو کس وواژه.

لکه د پښتنو د نورو جګړو په څېر تردې جګړې دوه کاله وروسته روغه وشوه او د زرڅانګې یوه خپله يې ددې بدو په ورغه کې ورکړه. وخت تېرېده او اته کاله وروسته چې کله زرڅانګه دې نړۍ ته راځي، نو سمدستي يې نوم په بدو کې ورکړل کېږي.‌

“کله چې زه پيدا کېږم نو خپلوان مې پلار ته راځي او ورته وايي، چې مړی خو تا کړی وو،‌ نو په بدو کې هم د دوی د لور پر ځای باید خپله لور ورکړي، ځکه چې اوس خو یې لور شته”.

تر واده وروسته د ژوند په هکله زرڅانګه وايي،‌ چې ددې له مېړه ماسوا ټولې خسرګنۍ همدا د دوی د وژل شوي کس د وژل کېدو زمه واره بلله او د هغه د وژنې غچ به يې له دې اخیست.

“څو کاله يې ماته په څلرویشت ساعته کې یواځې یوه ډوډۍ راکوله او نور به يې هیڅ نه راکول. ماته یاد دي،‌ چې زموږ یوې څنګلورې به کله نا کله چای او ډوډۍ زما له خسرګنۍ پټه ماته راوړه”.

زرڅانګه چې یې په بدو کې کوم کس ته کښېنولې وه، د هغه مخکې لا دوه نور ودونه هم وو او درېیمه ښځه يې زرڅانګه شوه. د نورو ډېری و پښتنو کورنیو په څېر د زرڅانګې خسرګنۍ هم یو لوی کور وو، چې درې وروڼه، خسر او خواښې له خپلو زامنو او لوڼو سره پکې اوسېدل.

.

BBC

د زرڅانګې په خبره که څه هم ددې مېړه دې ته ډېرې خوښۍ نه دي ورکړې، خو هغه وخت چې به يې مېړه پر کور وو، نو خسرګنۍ به يې ډېر ظلم نه ورباندې کاوو. ددې په خبره مېړه به يې له ښاره لرې په بل ښار کې خواري کښه، چې ان یونیم یا دوه کاله وروسته به کور ته راتلو.

زرڅانګه وايي، تر واده يې شاوخوا اووه کاله وروسته مشر زوی پيدا شو، چې خسرګنۍ به يې بیا هم په څلرويشت ساعته همغه یوه ډوډۍ ورکوله. دا وايي، په څلور پنځه کاله کې چې به کله د پلار کور ته راغله نو ان هلته به يې هم نه خپله ډېره ډوډۍ خوړه او نه به يې خپل ماشوم زوی ته ډېره ډوډۍ ورکوله، ځکه چې ددې په خبره وېره ورسره همدا وه، چې دواړه په ډېره ډوډۍ اموخته نه شي، ځکه چې د خسر په کور بیا نه ورته رسېږي.

“یوځل زه د خپل پلار کور ته راغلم او څو ورځې وروسته له مور سره د خپلوانو کور ته د څه وخت لپاره ورغلم. کله چې زه بېرته کور ته راغلم، نو کشرې خور مې زما زوی د تناره په غاړه ورسره کښېنولی او توده توده ډوډۍ ورکوي. ما خپلې خور ته ور ږغ کړل چې دومره ډېره ډوډۍ مه ورکوه، هسې نه په توده او ډېره ډوډۍ اموخته شي، هلته به يې بیا زه له کومه ورکوم؟ زوی مې را ږغ کړه،‌ وايې مورې! دلته مې ډوډۍ ته پرېږده، هلته به بیا زه هم صبر وکړم”.‌

زرڅانګه زیاتوي، شاوخوا پنځلس کاله ددې خسرګنۍ دا وهله ډبوله او ان څو څو ځلي به يې هډوکي هم ورمات کړل. ددې په لاسونو کې نن هم ددې ټپونو داغونه ښکاري.

دغه سپين سرې وايي، په بدو کې د ورکړل شويو اکثره ښځو ژوند ډېر تریخ وي او خسرګنۍ ورباندې ډېر ظلمونه کوي،‌ خو ددې په خبره ددې په څېر ظلمونه به ډېرو کمو ښځو ګاللي وي.‌ دا زیاتوي،‌ چې کله به د کور په کارونه کې ډېره ستړې شوه او د ډوډۍ غوښتنه به يې وکړه، نو په ځواب کې به يې خسرګنۍ دومره ووهله، چې بیا به څو څو ورځې نه وږې کېده.

“یوه ورځ ډېره ستړې شوم، خواښې ته مې وویل چې نن بېخي ډېره وږې یم او له لوږې مې په بدن کې سېک نشته،‌ نو د خوړلو لپاره یو څه راکړه. خواښې مې د کور ټول نارینه راوغوښتل او ورته وې ویل، زموږ د دوښمن لور زموږ په کور کې د خوراکونو فرمایشونه کوي.‌ تر هغه وروسته مې دوه لېورونه او د هغو زامن راباندې راولاړ شول او دومره يې ووهلم چې نن هم راته یاد نه دي،‌ چې څو شپې بې هوشه پرته وم”.

.

BBC

‌د زرڅانګې په خبره یو ځل دا خسرګنۍ دومره ووهله، چې کوڅۍ يې ترې وکښې. دا وايي،‌ هغه کوڅۍ يې غوټه بیا څو میاشتې وروسته خپلې مور ته راوړې، چې هغې تر کلونو کلونو له ځان سره ايښې وې.

“زما مشرې ورېندارې بیا یو وخت راته وویل، چې زما مور هغه کوڅۍ څو کاله په خپله بوخڅۍ کې ايښې وې او اکثره به يې مخ ته نیولې او ورته ژړل به يې”.

زرڅانګه نن هم په څلور پنځه کاله کې یو ځل د خپلو وروڼو کور ته راځي او هلته بیا میاشت یا دوې تېري کړي.‌ دا وايي په دوی کې همدا دود دی، چې ودکړې ښځه د پلار یا د وروڼو کور ته په یوه یا دوه کاله کې یواځې یو ځل راځي. خپله زرڅانګه چې په بدو کې ورکړل شوې، د یوه یا دوه کاله پر ځای به په څلور پنځه کاله کې یو واري د پلار یا وروڼو کور ته راتله.

ددې په خبره تر واده يې شاوخوا پنځلس کاله وروسته خسرګنۍ سره جلا شوه او ددې مېړه هم خپل جلا کور جوړ کړ.

اته لسیزې وړاندې په بدو کې ورکړل شوې هغه ماشومه اوس د یو شمېر لمسیو او لمسیانو “انا” ده. که څه هم اوس يې ژوند ښه تېرېږي، خو زیاتوي، په تېر کې ورباندې شوي ظلمونه يې نن هم یو – یو یاد دي. “هغه ظلمونه به مې هله هېر شي، چې ډورۍ ته مې ورکښته کړي”.

Continue Reading

بی بی سی پښتو

افغانستان د ښځینه پولیسو شمېر لسو زرو ته لوړوي

Avatar

خپور شوی

په

(Last Updated On: March 3, 2021)
پولیسې

AFP
د کورنیو چارو وزارت د رسمي شمېرو پر بنسټ دا وخت له ۱۲۰ زرو ډېر پولیس د امنیت او قانون ټینګښت په موخه په دندو بوخت دي.

د افغانستان کورنیو چارو وزارت تر راتلونکو څلورو کلونو لسو زرو ته د ښځینه پولیسو د شمېرو لوړولو اعلان کړی.

وزارت ویلي دا مهال ۴۰۰۰ ښځینه پولیسې د پولیسو په لیکو کې په کار بوختې دي چې د ټولو پولیسو درې سلنه جوړوي.

داسې ښکاري چې د افغانستان کورنیو چارو وزارت د پولیسو په لیکو کې د مېرمنو ونډې ډېرېدو ته د یوه داسې لومړیتوب په سترګه ګوري چې له بیا بیا هڅو سره هم نه دي ور رسېدلي .

د کورنیو چارو وزیر مسعود اندرابي ولس ته د دولت حساب ورکولو په یوه پروګرام کې وویل چې د مېرمنو اړتیاوو ته د رسیدو په موخه چې د هغه په وینا د افغانستان د نفوس نیمه برخه جوړوي ډېرو ښځینه پولیسو ته اړتیا ده.

پولیسې

AFP
د افغانستان کورنیو چارو وزیر مسعود اندارابي ویلي د ښځینه پولیسو شمېر لوړوالي ترڅنګ د دوی کاري او ښوونیزو ظرفیتونو لوړول هم د دې پروګرام بله مهمه برخه ده.

دی وایي وزارت یې په پام کې لري چې تر څلورو نورو کلونو د ښځينه پولیسو شمېر له اوسنۍ اندازې دوه نیم برابره ډېر او لس زرو تنو ته ورسوي.

د ښاغلي اندرابي په خبره د دې پروګرام موخه یوازې د ښځینه پولیسو شمېر او کمیت نه بلکې هڅه به دا وي چې د کیفیت او ظرفیت له اړخه هم د اړتیا سره سم ښه ځواک ولري:

“اوس مهال د پولیسو په لیکو کې ۴۰۰۰ ښځينه پولیسې لرو او مونږ د دې پروګرام له مخې په پام کې لرو چې دا شمېر تر لسو زرو ښځینه پولیسو ورسوو. تر ۲۰۲۴ کاله پورې د پولیسو په لیکو کې د مېرمنو ونډه تر لسو زرو غښتلي کول یوازې شمېره نه ده بلکې موږ دلته د دوی رول ته په کتو د دوی زدکړو، مهارتونو ، ظرفیتونو او وضعیت ته هم ګورو.”

د افغانستان د کورنیو چارو وزارت د رسمي شمېرو له مخې، دا مهال ۱۲۴ زره کسان د پولیسو په چوکاټ کې په دندو بوخت دي چې له ډلې یې څلور زره هغه مېرمنې دي.

دا اندازه ښځینه پولیسې په هوايي ډګرونو، ځمکنیو پولو او ځينو ادارو کې په پلټنو او ځينې هغه یې په ځانګړو عملیاتو کې په دندو بوختې دي.

پولیسې

AFP

د ځینو په باور د نامناسب کاري چاپېریال، په افغان ټولنه کې د ځينو دودونو او دودیز ژوند له کبله ډېرو مېرمنو ته د پولیسو لباس اغوستل او دنده اسانه کار نه دی.

په افغان ټولنه کې د مېرمنو پولیسو پر وړاندې د پرتو ګڼو خنډونو ور ها خوا د کورنیو چارو وزیر مسعود اندرابې په دې برخه کې ځینې ادارې ستونزې هم مني د هغه په باور پولیس لا هم له خپلې اصلي دندې چې د قانون حاکمیت او له جرمونو سره مبارزه ده لرې او یوه زیاته انرژي یې په جګړو لګېږي.

خو ده په دې غونډه کې وویل چې د رهبرۍ په کچه هڅې ګړندۍ شوي چې پولیس خپلو اصلي دندو ته وګرځي.

Continue Reading

Trending

آریانا نیوز: ټول حقونه خوندي دي