Connect with us

تازه خبرونه

د پنجشیر له لوبغالي د پوځي اډې په توګه کار اخیستل باید ودرول شي – المپیک ملې کمیټه

Ariana News

خپور شوی

 په

(Last Updated On: May 27, 2020)

د المپیک ملې کمیټې له حکومته غوښتي، چې په پنجشیر کې د دغه فدراسیون له سپورټې لوبغالو څخه د پوځي اډې په توګه کار وانخلي.

 د دوی د څرګندونو له مخې؛ د پنجشیر د فوټبال فدراسیون  له جوړیدو راپدیخوا په دې لوبغالي کې نه یوازې دا، چې سیالۍ ندي شوي، بلکې پوځي ګټه ترې پورته شوې ده.

په دې څرګندونه کې راغلي؛ یو کال مخکې د بدني روزني او ورزش ریاست په وړاندیز د ولسمشر لخوا یو کمیسیون وټاکل شو او د پنجشیر د سیمه ییزو ارګانونو خپلواکې ادارې ته امر وشو، چې د پوځي الوتکو د پروازونو او کیناستلو لپاره بل ځاي وټاکي.

خو دغو ویناوو سره سره، تر دې دمه له یاد لوبغالي څخه د پوځي موخو لپاره کار اخیستل کیږي.

تازه خبرونه

څلور نورې ولسوالۍ هم وسلوالو طالبانو ونیولې

Ariana News

خپور شوی

په

توسط

(Last Updated On: June 15, 2021)

امنیتي ځواکونو د فراه له انار درې، د روزګان له خاص روزګان، د سرپل له ګوسفندي او صیاد ولسوالیو بشپړ شاتګ کړی دی.

د سې شنبې پر شپه امنیتي ځواکونه د سرپل له دوه ولسوالیو پر شا شول. په داسې حال کې، چې د سرپل په مرکز کې جګړې روانې دي.

وسلوالو طالبانو د فراه د انار درې ولسوالۍ ودانۍ له نیولو وروسته پر بمونو والوځولې او له خاورو سره یې خاورې کړې.

دغه راز د پلخمري ښار د شپږمې ناحیې په اړوند سیمه کې یو مرکز طالبانو نیولی، چې په کې شپږ پوځیان وژل شوي او ۱۶ نور یې نیولي.

د روزګان والي محمد عمر شېرزاد منلې، چې د خاص روزګان ولسوالۍ، امنیه قومندانۍ او د ملي امنیت ادارې ځینې برخې او دولتي تاسیسات د سې شنبې پر ورځ د طالبانو لاسونو ته لویدلي دي.

د هېواد د لویدیځ په درې ولسوالیو، د فراه په ځینو برخو، غور او بادغیس کې د دولتي ځواکونو او طالب جنګالیو تر منځ نښتې روانې دي.

د پروان د غوربند د څلور ګونه ولسوالیو په اړوند سیمو کې له دوه ورځو راپدیخوا جګړې روانې دي، چې د سیمه ییزو مسوولینو د څرګندونو له مخې؛ په غوربند کې د نمک آب سیمه د طالبانو لاسونو ته لوېدلې.

د نیمروز والي زمریالی احدي وایي، چې په نیمروز کې له یوې اوونۍ  راپدیخوا امنیتي او دفاعي ځواکونه بریالي شوي، چې خاشرود ولسوالي د طالبانو له شتون پاکه کړي او  ځاني زیانونه ورواړوي.

په نورو سیمو کې هم افغان ځواکونو د طالبانو په وړاندې پرمختګونه کړي.

د ملي امنیت شورا ویاند رحمت الله اندړ وایي، چې طالبان نشي کولی بریالي شي.

ملي اردو وایي، چې له دوه سوه زره ډېر امنیتي او دفاعي ځواکونه په ۲۲ ولایتونو کې له مخالفانو سره په جګړه کې دي او د دې جګړې لمن هره ورځ پراخیږي.

د ولسمشر لومړي مرستیال هم ویلي، چې د طالبانو پرمختګ په یوه نرۍ تړانګه کې دی، چې ژر به د دوی پر ادیره بدل شي.

Continue Reading

تازه خبرونه

د تاوتریخوالي له ډېرېدو سره به ډېر خلک بې ځایه شي – ملګري ملتونه

Ariana News

خپور شوی

په

توسط

(Last Updated On: June 15, 2021)

د کډوالو په چارو کې د ملګرو ملتونو عالي کمېشنري څرګندوي، چې د تاوتریخوالي له ډېرېدو سره به د خلکو بې ځایه کېدل هم ډېر شي.

د دې ادارې مسوولینو ویلي، چې دوی په افغانستان کې او ترې بهر د کډوالو او بې ځایه شویو د ستونزو لپاره چمتووالی نیسي.

د کډوالو چارو وزارت د معلوماتو له مخې؛ په تېرو شپږ میاشتوو کې شاوخوا اتلس زره کسان له جګړو  بې ځایه شوي دي.

په افغانستان کې تاوتریخوالي زرګونه کورنۍ بې ځایه کړي.

د کډوالو په چارو کې د ملګرو ملتونو عالي کمېشنري څرګندوي، چې د بهرنیو ځواکونو له وتو وروسته جګړې ډېرې شوې او د خلکو بې ځایه کېدل هم ډېر شوي؛ ځکه، نو دوی دې حالت ته چمتووالی نیسي.

د دې ادارې چارسمبالي ویلي؛ په بغلان کې د ماین پاکۍ پر موسسې برید د اندېښنې وړ او لس کارکوونکي یې وژل شوی دي.

د کډوالو په چارو کې د ملګرو ملتونو د عالي کمېشنري چارسمبالی فیلیپو ګراندي ویلي: د تاوتریخوالي د ډېرېدو لیدونکي یو، چې ښایي نور هم ډېر شي او د نړیوالو ځواکونو له وتلو سره به حالات نور هم خراب او د اندېښنې وړ شي؛ نو، ځکه مونږ به د هېواد په داخل کې د ډېرې بې ځایه کېدنې لیدونکي وو.

د ملګرو ملتونو د مرستو مشر مارک لوکاک وایي: اتلس اعشاریه څلور میلیون کسان، چې د ټولو وګړیو  نږدې نیمایي کیږي، بشردوستانه مرستو ته اړتیا ولري.

تر څو کلونو مخکې د نړیوالو ډېر پام افغانستان ته و. اوس دا خبره نه شته او دا یوه ننګونه ده، چې کولی شي د افغانستان اړتیاوو ته د لاسرسی او ترې د ملاتړ جلبولو له ستونزو سره مخ شي.

د ملګرو ملتونو د معلوماتو له مخې، دا مهال په ټوله نړۍ کې شاوخوا دوه نیم میلیون پناه غوښتوونکي ثبت شوي او څلور نیم میلیون په هېواد کې بې ځایه شوي.  

د کډوالو وزارت مطبوعاتي سلاکار عبدالباسط انصاري  ویلي، چې په تېرو شپږ میاشتو کې شاوخوا اتلس زره کورنۍ د جګړوله کبله بې ځایه شوي دي.

دا اندېښنې په داسې حال کې بیانیږي، چې د ناټو مشرانو د دوشنبې پر ورځ له کابل سره د پوځي ماموریت پر پای ته رسېدو او مالي ملاتړ خبره وکړه. په دې همکاریو کې مالي ملاتړ، د افغان ځواکونو روزنه په بهر کې، غیر پوځي حضور او د مهمو زیربناوو ساتنه مهم موارد دي.

Continue Reading

تازه خبرونه

د افغانستان د فوټبال فډراسیون مشر پر کرونا ویروس اخته شوی

Ariana News

خپور شوی

په

توسط

(Last Updated On: June 15, 2021)

د افغانستان فوټبال فډراسیون په ډاګه کړېو چې د دغه بنسټ مشر محمد یوسف کارګر پر کرونا ویروس اخته شوی او دمګړۍ له کورني قرنطینه برخمن شوی دی.

دا په داسې حال کې ده، چې د افغانستان فوټبال ملي لوبډله به نن سې شنبه ۶:۳۰ د غبرګولي ۲۵ د هند له ملي لوبډلې سره ولوبیږي.

د آسیایي هېوادونو راتلونکي پړاو جام ته د شیران خراسان لار موندل به ملي لوبډلې ته برخلیک ټاکونکې وې.

دغه لوبې به د قطر په پلازمینه دوحه کې ترسره شي.

عمان افغانستان ته د تېرې جمعې پر ورځ یو پر دوه ماتې ورکړه او د نړیوال جام راتلونکي پړاو ته له لار وموندنې پاتې شو.

د افغانستان فوټبال ملي لوبدلې په اووه لوبو کې د پېنځه امتیازونو په درلودلو په اي ګروپ کې څلورم ځای لري او د هندوستان د فوټبال ملي لوبډلې ته به په دې لوبو کې ماته ورکړي.

د هندوستان فوټبال ملي لوبډله له شپږ امتیازونو سره په اي ګروپ درېیم ځای لري.

Continue Reading

Trending

آریانا نیوز: ټول حقونه خوندي دي