Connect with us

سوداگري

د پاکستان د ګوادر بندر له لارې د افغانستان د ترانزیټ سوداګرۍ پیلیدل

Ariana News

خپور شوی

 په

(Last Updated On: زمری ۶, ۱۳۹۹)

د یکشنبې پر ورځ د متحده عربي اماراتو ترانزیت سودا ګري د پاکستان د ګوادر بندر له لارې افغانستان ته پیل شوه.

د افغانستان لپاره د پاکستان ځانګړي استازي محمد صادق ویلي؛ د ګوادر بندر له لارې افغانستان ته پر سوداګریزو توکو د بار لاریو لیږد پیل شو او د راتلونکیو ورځو لپاره هم څو بار وړونکي قطارونه جوړ شوي دي.

نوموړي زیاته کړې: مونږ د یوه ترانزیتي ښار په توګه د باور د رامنځته کولو لپاره یو بل مهم پړاو ته مخه کړې.

د جیو نیوز د راپور له مخې، افغانستان ته د سوداګریزو توکو لیږدونکې کښتۍ په بندر کې ځای په ځای شوي، چې د ګمرکي مالیاتو له سپارلو وروسته به دغه هېواد ته ولیږل شي.

 دغه ۶۰۰ کیلو متره ساحلي لیکه د سوداګرۍ لپاره یو ډېر اړین بندر دی، چې اوس د چین لخوا اداره کیږي. دغه بندر د هند بحر ته لار خلاصوي، چې د پاکستان او چین د ۶۴ میلیارد دالري پروژې یو اقتصادي دهلیز جوړوي.

د دغه اقتصادي دهلیز له لارې چین آفریقا او مینځني ختیځ ته ارزانه لاسرسی مومي او د میلیاردونو ډالرو عاید د تر لاسه کولو لپاره به د نړۍ دوه یم لوی اقتصاد ته د ترانزیت آسانتیاوې هم برابرې کړي او پاکستان ته هم میلیاردونه دالر برابرولی شي.

د جولای پر ۱۳ اسلام آباد د پاکستان – افغانستان د ترانزیت سوداګریز تړون (APTTA) له مخې له افغانستان څخه هند ته د سرحدي صادراتو دغه اړینه لار پرانسته.

تېره میاشت، پاکستان د چمن، تورخم او غلام خان بندرونه افغانستان ته د ترانزیت سوداګرۍ او صادراتو لپاره بیا پرانستل.

تازه خبرونه

د افغانستان حکومت د برښنا څلور بادي او لمریزې پروژې تصویب کړې

Ariana News

خپور شوی

په

توسط

(Last Updated On: تله ۱, ۱۳۹۹)

د افغانستان د اقتصاد عالی شورا په هرات، کابل او بلخ ولایتونو کې د برښنا څلور بادي او لمریزې پروژې تصویب کړې دي.

د مالیې وزارت د عامه خصوصي شرکتونو د پالیسۍ مشره لیمه خرم وايي، پر دغو پروژو ۱۶۰ میلیون دالر لګښت راځي.

نوموړې څرګنده کړې: په هرات کې یوه د بادي برښنا پروژه ده، چې ۲۵ میګاواته، بله هم د لمریزې برښنا پروژه ده، چې ۲۵ میګاواته وړتیا لري. دغه راز په مزارشریف کې د ۴۰ میګاواته لمریزې برښنا پروژه ده او دغه راز د کابل ولایت په نغلو کې د اوبو پر سر د شل میګاواته لمریزې برښنا تختې نصبېږي.

دا پروژې د دولت او خصوصي سکتور تر منځ د عامه – خصوصي مشارکت یوه برخه ده.

 دا په داسې حال کې ده، چې تېره میاشت د افغانستان د حکومت او اماراتي شرکت ترمنځ په افغانستان کې د ۳۰۰۰ میګاواته لمریزې بریښنا د تولید تړون لاسلیک شوی دی.

د افغانستان برښنا شرکت ويلي، چې په دې پروژه کې پانګونه او وخت او د لمریزېي برېښنا تولید ځای ته په پام سره توپیر لري. افغانستان دا مهال د کورونو روښانولو او اقتصادي څرخ خوځولو لپاره دوه زره میګاواټه برېښنا ته اړتیا لري

افغانستان دا مهال د کورونو روښانه کولو او اقتصادي پیاوړتیا ته ۲۰۰۰ میګا واته برښنا ته اړتیا لري، چې په دې برخو د ګاونډ هېوادونو څخه پر وارداتي برښنا خورا ډېر تکیه کوي.

Continue Reading

تازه خبرونه

اتمر په تاجکستان کې د افغانانو ستونزو ته پر پاملرنه ټینګار څرګند کړ

Ariana News

خپور شوی

په

توسط

(Last Updated On: وږی ۲۹, ۱۳۹۹)

د بهرنیو چارو وزارت چارسمبالی حنیف اتمر د تاجکستان په پلازمېنه دوشنبه کې د افغانستان له یو شمېر افغان  کډوالو، زدکړیالانو او سوداګرو سره وکتل.

د بهرنیو چارو وزارت د څرګندونو له مخې؛ په دې کتنه کې، چې د جمعې مبارکې پر ماښام د وږي د میاشتې پر ۲۸ تر سره شوې، د ناستې ګډونوالو پر بېلابېلو موضوعاتو خبرې وکړې او خپلې ستونزې یې نوموړي ته وړاندې کړې؛ د پوهنې وزارت په چوکاټ کې د سامانیانو د لیسې رسمي کیدل، د کرونا په بهیر کې د زدکړیالانو تګ راتګ او د سوداګریزو توکو د آسانه لیږد لپاره په پوله کې د خنډونو او ستونزو لرې کیدل، د دغې ناستې د بحث وړ ټکي وه.

د افغان کډوالو د استازیو خبرو، غوښتنو او وړاندیزونو له اوریدلو څخه وروسته د بهرنیو چارو وزارت چارسمبالي په دوشنبه ښار کې د افغانستان سفیر ته سپارښتنه وکړه، چې له مرکز سره په اړیکه کې د دوی ستونزې حل کړي او ژمنه یې وکړه، چې یادو مسایلو ته به پخپله په کابل کې هم پام راواړوي.

حنیف اتمر تاجکستان ته د خپل سفر د لاسته راوړنو په اړه هراړخیزې خبرې وکړې او په تاجکستان کې یې د میشت افغان کډوالو ونډه د دواړو دوست، هم تاریخه او هم فرهنګه هېوادونو ترمنځ د هراړخیزو اړیکو د پراختیا په برخه کې مهمه وبلله.

نوموړي زدکړې او تحصیل د وطن د سوکالۍ او آبادۍ لامل وباله او له افغان محصلینو یې وغوښتل، چې د زدکړو له بشپړولو وروسته هېواد ته راستانه شي او د افغانستان په آبادۍ او پرمختګ کې ونډه واخلي.

Continue Reading

تازه خبرونه

پاکستان له افغانستان سره ۱۲ سرحدي بازارونه جوړوي

Ariana News

خپور شوی

په

توسط

(Last Updated On: وږی ۲۸, ۱۳۹۹)

پاکستان له افغانستان او ایران سره د خپلو پولو په اوږدو کې ۱۸ بازارونه جوړوي.

د پاکستان حکومت ویلي، چې د بازارونو له جوړولو موخه د درې واړو هېوادونو ترمنځ د سوداګرۍ وده او د قاچاقي توکو مخنیوی دی.

دا پرېکړه تېره ورځ د پاکستان د لومړي وزیر عمران خان په مشرۍ په یوه ناسته کې رامنځته شوې ده.

د عمران خان د دفتر په یوه څرګندونه کې راغلي: په دې ناسته کې ویل شوي، چې له افغانستان سره د پولې په اوږدو کې ۱۲ او له ایران سره پولې ته نږدې به شپږ بازارونه جوړ شي.

د یاد دفتر د څرګندونو له مخې؛ لومړي وزیرعمران خان په بلوچستان کې د دوه سرحدي بازارونو او په خیبر پښتونخوا کې د یوه سرحدي هغه جوړول د یوې ازمایښتي پروژې په توګه منظور کړي، چې د فبرورۍ په میاشت کې به بشپړ او فعال شي.

د عمران خان دفتر زیاته کړې، چې د قاچاقي توکو د مخنیوي لپاره به نورې هڅې هم تر سره شي.

د سرحدي بازارونو رامنځته کولو په اړه د پاکستان لومړي وزیر ویلي، چې دا بازارونه باید په داسې یو ځای کې جوړ شي، چې د سرحدي سیمو اوسیدونکي په ځانګړي توګه ځوانان د سرحدونو له دیوال جوړولو وروسته غوره سوداګریز فرصتونه ولري.

ویل کیږي، چې پاکستان خپلو ځانګړیو موخو ته د رسیدو لپاره له دې مخکې د دیورند د فرضي کرښې په اوږدو کې د خپلې خوښې اغزن تار زغلولی دی.

Continue Reading
Advertisement

Trending