Connect with us

نړۍ

د پاکستان د سویلي سیمې د دوه ریل ګاډو په ټکر کې له ۳۰ ډېر کسان وژل شوي

خپور شوی

 په

(Last Updated On: غبرګولى ۱۷, ۱۴۰۰)

پاکستانیو رسنۍ د پولیسو د څرګندونو له مخې ویلي، چې نن (دوشنبه د غبرګولي ۱۷) د پاکستان د سند په شمالي ښار ګوټکي کې د دوه ریل ګاډو په ټکر کې له ۳۰ ډېر کسان وژل شوي او څه نا څه ۵۰ نور ټپیان دي.

د پاکستان د اوسپنیزې کرښې ادارې ویلي؛ دغه پېښه هغه وخت رامنځته شوه، چې ملت اکسپریس د سرګودا په اړوند سیمه کې له کرښې ووت.

د یادې ادارې د څرګندونو له مخې؛ له کرښې څخه د ملت ایکسپریس ریل ګاډی له وتلو سره سم یې د سر سعید ایکسپریس له ریل ګاډي سره، چې له راولپینډۍ یې حرکت کړی و؛ ټکر وکړ.

پولیسو ويلي، چې د ۱۵ یا ۲۰ کسانو پورې اوس هم د ریل ګاډي په کابینونو کې بند پاتې دي او د هغوی د ژغورلو هڅې روانې دي.

نړۍ

فرانسوي ځواکونو په آفریقا کې د داعشي ساحلي مشر وژلی

خپور شوی

په

توسط

(Last Updated On: وږی ۲۵, ۱۴۰۰)

د فرانسې ولسمشر ایمانویل مکرون پرون (چارشنبه د وږي ۲۴ / د سپټمبر ۱۵) وویل، چې فرانسوي ځواکونو په لویه صحرا کې د داعش ځایي مشر عدنان ابو ولید الصحراوي وژلی دی.

مکرون په خپل یوه ټویټ کې څرګنده کړې: دا په ساحل کې د ترهګرو ډلو پروړاندې یوه بله لویه لاسته راوړنه ده.

نوموړي د فرانسوي عملیاتو د ځای یایګي په اړه څه ندي ویلي.

د فرانسې د ولسمشر دفتر په ډاګه کړې، چې صحراوي د لویدیځې آفریقا په ساحلي سیمه کې د داعش تاریخي مشر و، چې په ۲۰۱۷ کال کې یې امریکایي ځواکونه د خپل برید موخه ګرزولي وه.

سرچینې زیاته کړې، چې په ۲۰۲۰ زېږدیز کال کې صحراوي د فرانسوي خیریه موسسې ۶ کارکوونکي او د دوی د نایجریایي موټر چلوونکي د وژلو امر کړی و.

د رویټرز د څرګندونو له مخې؛ فرانسې د روان کال په جولای میاشت کې ویلي وه، چې په آفریقا کې به د داعش پر ضد عملیات پیل کړي.

Continue Reading

نړۍ

شمالي کوریا د کروز توغندیو نوې بڼه وکاروله

خپور شوی

په

توسط

(Last Updated On: وږی ۲۲, ۱۴۰۰)

د شمالي کوریا دولتي ټلویزیون په ډاګه کړې، چې هېواد یې د لرې واټن ویشتونکي کروز توغندي نوې بڼه بریالۍ کارولې ده.

شمالي کوریا دا کارول شوی نوی توغندی یوه ستراتیژیکه بریا او مهمه وسله بولي.

د راپورونو له مخې؛ دغه توغندي د شمالي کوریا له خاورې او ځمکنیو اوبو څخه پر تېرېدو د ۱۵۰۰ کیلومټرو په واټن کې خپله موخه ویشتلې ده.

امریکا د دغو توغول شویو توغندیو په اړه غبرګون ښودلی او وایي، چې په اړه یې بحثونه روان دي.

دا په تېرو شپږ میاشتو کې د شمالي کوریا لومړنۍ توغول شوې آزموینه ده.

کروز هم بالسټیک توغندیو ته ورته د ځمکې له هوا نه وځي.

شمالي کوریا له ۲۰۱۷ کال راپدیخوا د بالسټیک او اټومي توغندیو آزموینه نده کړې.

دغه هېواد د خپلو اتومي او توغندیزو فعالیتونو له کبله له نړیوالو بندیزونو سره مخ شوی دی.

امریکا او شمالي کوریا د اټومي فعالیتونو په اړه بحث او خبرې کړي؛ خو تر دې دمه کومې پایلې ته رسېدلي ندي.

Continue Reading

نړۍ

د مکسیکو هېواد د رښتر ۷ درجې زلزلې ولړزاوه

خپور شوی

په

توسط

(Last Updated On: وږی ۱۷, ۱۴۰۰)

یوې زورورې زلزلې د سې شنبې پر شپه د آکاپولکو ساحل ته نږدې د مکسیکو په سویل لویدیځ کې رامنځته شوې، چې له کبله یې ډبرو ښویېدو ودانیو ته زیان رسولی. تر دې دمه له ځاني زیانونو څه ویل شوي ندي.

دې زلزلې د آکاپولکو شاوخوا غرونه ولړزاول؛ ونې یې راوغورزولې او کاڼې یې پر سړک  راوغورزول.

د مکسیکو ولسمشر انډرس مانویل لوپز اوبراډور ویلي؛ زلزلې له غرونو ډبرې راغورزولي، دیوالونه ویجاړ شوي او لارې یې تړلې؛ خو د آکاپولکو، ګاپروکو ایالت ته ډېر زیان ندی اوښتی.

آکاپولکو د مکسیکو له ښاره ۳۷۵ کیلومتره لرې دی.

رویټرز د یوه شاهد د څرګندونو له مخې څرګنده کړې؛ د مکسیکو ښار په روما سور کې څراغونه مړه کړل او وېرېدلي خلک بهر راووتل. ان د خوب جامې یې پر غاړه وې. د اړوند سیمې اوسیدونکي په باران کې ولاړ ول او ماشومانو کورني څاروي په غېږ کې نیولي وه او ډېره اندېېښمن ول، چې په تورتم کې څنګه کورونو ته ولاړ شي.

د مکسیکو اړوند ادارې ویلي، چې زلزله په پیل کې د رښتر اووه اعشاریه څلور درجې وه، چې بیا وروسته اووه ته را ټیټه شوه.

دغه راز ویل کیږي، چې ژوروالی یې دولسنیم کیلومټره و.

Continue Reading

Trending

آریانا نیوز: ټول حقونه خوندي دي