Connect with us

تازه خبرونه

د ټولګډونه حکومت پر جوړښت خبرې روانې دي – طالبان

خپور شوی

 په

(Last Updated On: وږی ۱, ۱۴۰۰)

د طالبانو د رهبرۍ غړي خلیل الرحمان حقاني ویلي، چې د ټولګډونه حکومت د جوړولو لپاره د سیاسي او نظامي ډلو د یو ځای کولو هڅې روانې دي.

طالبان له پنجشېر پرته د افغانستان پر ټوله خاوره واکمن دي او پلازمېنې کابل ته له څه باندې یوې اوونۍ راپدیخو ننوتي؛ خو نوی حکومت یې نه دی جوړ کړي.

د طالبانو د رهبرۍ غړی خلیل الرحمان حقاني په دې څو ورځو کې د یو شمېر سیاستوالو کورونو ته ورغلی او له هغوی یې غوښتي، چې د حکومت د جوړښت لپاره له دوی سره بیعت او اطاعت وکړي.

د طالبانو د رهبرۍ غړی خلیل الرحمان حقاني وایي: مونږ ټول سیاسي او پوځي ګوندونه یووالي ته راټولوو، چې سره ګد کار تر سره؛ غوره افغانستان جوړ او ترې ساتنه وکړو.

 سیاستوالو ويلي، چې طالبان د نړیوالې ټولنې له ملاتړ پرته نشي کولی نوی حکومت جوړ او دوام ورکړي.

سیاستوال حشمت غني احمدزي ویلي؛ طالبان پوهیږي، چې سوله څرنګه راولي؛ خو کله، چې د مالي اړتیاوو او کدرونو خبرې کیږي بیا، نو په دې برخه کې له نیمګړتیاوو سره مخ کیږي.   

کارپوهانو ويلي، چې په افغانستان کې د ټولګډونه حکومت د جوړیدو اړتیا ډېره ده او په دې برخه کې ځنډ ستونزې ډېرولی شي.

حقوقپوه عبدالسبحان مصباح ويلي، چې د هېواد اقتصادي بهیر د درولو د مخنیوي لپاره طالبان او سیاستوال باید پرټولګډونه حکومت سلا وکړي.

کابل ته د طالبانو د سیاسي مرستیال ملا عبدالغني برادر په مشرۍ د پلاوي له رارسېدو سره سم  بهرنیو رسنیو څرګنده کړه، چې طالبان به په لنډ وخت کې د نوي حکومت جوړښت اعلان کړي.

تازه خبرونه

د روغتیا نړیوالې ټولنې افغانستان ته ۳۷۸ میليون ډالر وغوښتل

خپور شوی

په

توسط

(Last Updated On: ليندۍ ۹, ۱۴۰۰)

د روغتیا نړیوالې ټولنې څرګنده کړې، چې د افغانستان د روغتيايي خدمتونو د روان ساتلو لپاره تر دې دمه له نړیوالې ټولنې ۳۷۸ میليون ډالر مرسته غوښتل شوې ده.

په افغانستان کې د روغتیا نړیوالې ټولنې د همغږئ مشر ډاکټر جمشطد رسولي ویلي؛ هڅه کوي، چې نړیواله ټولنه او نور مرستندویان وهڅوي، چې د افغانستان د ۲۳۳۱ روغتونو تر څنګ د کرونا ویروس د درملنې ځانګړي مرکزونه او نور روغتيايي مرکزونه هم د خپلو مرستو تر چتر لاندې فعال وساتي.

نوموړی وایي، چې تر دې دمه د افغانستان د روغتيايي برخې د فعال ساتلو لپاره د نړیوالو له لوري د ۳۷۸ ميليون ډالرو مرسته ډاډمنه شوې او دوي به دا مرستې جذب او په مناسب وخت او ځای کې خلکو ته وروسوي.

نوموړي داډ څرګند کړ؛ موږ ژمنه کوو، چې دا کار به کوو ان شاالله او خلکو ته به قناعت ورکوو، چې ډونران جذب کړو.

دغه راز په افغانستان کې د ملګرو ملتونو د پراختيايي ادارې مشر کندهار ته د سفر پرمهال ويلي؛ د ملګرو ملتونو اړوند موسسې به د افغانستان له خلکو سره بېړنۍ مرستې ونکړي، بلکې مرستې به د کار په بدل کې وي، چې له دې لارې د خلکو اقتصاد پياوړی شي.

په افغانستان کي د ملګرو ملتونو د پراختيايي چارو مشر عبدالله الدرداري له کندهار والي سره په لیدنه کې ویلي؛ دا خبره بايد روښانه کړم، چې د ملګرو ملتونو ادارې استازي دلته راغلي؛ بېړنۍ مرستې نکوي، چې يو چاته غنم يا اوبه برابرې کړي؛ مونږ دلته راغلي يوو، چې خلک خپله کاروکړي او په حاصلاتو کې یې زياتوالی راشي. یعنې دا ادارې انکشافي ادارې دي او غواړي ستاسې په انکشافي کارونو کې مرستې وکړي.

په کندهار کې د اسلامی امارت سيمه یيز مسوولین د ملګرو ملتونو ټولو مرستندويه ادارو ته د امنيت ډاد ورکوي او غوښتنه کوي، چې دا ادارې دې ژر تر ژره خپلې مرستې پيل کړي.

د کندهار والي حاجي محمد يوسف وفا وایي: مونږ به همکاري وکړو او مرستې دې دوی وکړي. اوس يي نو وخت دي د خلکو ورته ډېره اړتیا ده او ډېر مشکلات لري. مونږ ته خلک راځي روزمره دا شيان راته وايي؛ ځکه د جنګونو له کبله د ارغنداب، ژیړۍ، پنجوايي، ډنډ او ارغستان په ګډون د لس ولسواليو خلک ټول بېځايه شوي؛ سرپناوې او کورونه يي د امريکايانو په بمبارد او جنګونو ویجاړ شوي او هیڅ سرپناه نلري. دوی دې د سرپناوو مرسته وکړې، چې خلکوته سرپناوې جوړې شي.

کندهار او ګاونډ ولایتونه یې په تېرو شل کلونو کې د درندو او ویجاړوونکیو جګړو لیدونکي وه. دې جګړو ډېر خلک له خپلو مېنو بې ځایه کړي او اوس د ژمي په درشل کې دوی له مرستندویانو د بیړنیو مرستو غوښتنه لري.

Continue Reading

تازه خبرونه

پاکستان به د افغانستان په اړه د اسلامي هېوادونو د سرمشریزې کوربتوب وکړي

خپور شوی

په

توسط

(Last Updated On: ليندۍ ۹, ۱۴۰۰)

د پاکستان د بهرنیو چارو وزیر شاه محمود قریشي ویلي، اسلام آباد د افغانستان په اړه د اسلامي هېوادونو د بهرنیو چارو وزیرانو د ځانګړې غونډې کوربتوب ته چمتووالی ښودلی دی.

د پاکستانيو رسنیو د راپورونو له مخې؛ قریشي پرون (دوشنبه د لیندۍ ۸) په یوه بیان کې د سعودي عربستان له دې وړاندیز تود هرکلی وکړ، چې د اسلامي هېوادونو د بهرنیو چارو وزیرانو د بېړنۍ غونډې د جوړولو لپاره دې د افغانستان وضعیت وڅېړل شي، چې له دې هېواد سره مرسته وکړي.

هغه ډاډ څرګند کړی، چې نور غړي هېوادونه به د روان کال د ډسمبر پر ۱۷ په اسلام آباد کې د دې ټولنې ځانګړې غونډه له ترسره کولو هم ملاتړ وکړي.

قریشي زیاته کړې؛ افغانستان د اسلامي همکاریو د سازمان له بنسټیزو غړیو څخه دی او مونږ د اسلامي امت د یوې برخې په توګه د افغانستان له خلکو سره د ورورګلوۍ اړیکې لرو.

د پاکستان د بهرنیو چارو وزیر زیاته کړې، چې افغانستان له جدي بشري ناورین سره مخ دی.

هغه وایي: افغانستان دا مهال له يوه جدي بشري ناورين سره مخ دى؛ د ښځو او ماشومانو په ګډون ميليونونه افغانان د خوراکي توکو، درملو او د ژوند د نورو اړتيا وړ توکو د نشتوالي له کبله له مبهم حالت سره مخ دي او د ژمي موسم دغه بشري ناورين نور هم چټک کړى دى.

هغه یادونه کړې، چې د اسلامي هېوادونو د همکارۍ سازمان د بهرنيو چارو وزيرانو لومړۍ ځانګړې غونډه د ١٩٨٠ زېږدیز کال پر جنورۍ په اسلام آباد کې جوړه شوې وه او تمه ده، چې پاکستان به په راتلونکې مياشت کې بيا له افغان ولس سره د پيوستون او ملاتړ په موخه په اسلام آباد کې یوه غونډه جوړه کړي.

Continue Reading

تازه خبرونه

په کابل کې چاودنې پېنځه کسان ټپیان کړل

خپور شوی

په

توسط

(Last Updated On: ليندۍ ۹, ۱۴۰۰)

نن سهار مهال ۹:۴۵ د اوومې ناحیې اړوند حبیبیې لیسې ته نږدې د اسلامي امارت پر ځواکونو ماین چاودنه شوې، چې په کې د امنیتي ځواکونو په ګډون پېنځه کسان ټپیان شوي دي.

عیني شاهدانو ویلي، چې د چاودنې موخه یو هایلکس موټر و.

دغه راز ویل کیږي، چې چاودنه د سړک غاړې د ماين له کبله ده او مرګ ژوبله يې اړولې ده.

په سیمه کې د آریانا نیوز خبریال د عیني شاهدانو د څرګندونو له مخې څرګندوي، چې په چاودنه کې د اسلامي امارت د ځواکونو په ګډون لږ تر لږه پېنځه تنه ټپیان شوي دي.

له چاودنې وروسته د اسلامي امارت ځواکونو سيمه وتړله او د پيښې ځايې ته امبولانسونه راورسېدل.

کورنیو چارو وزارت تر اوسه د پېښې د مرګ و ژوبلې په اړه څه ندي ویلي.

د یادونې ده، چې تر دې دمه کومې ډلې د دې چاودنې مسوولیت پر غاړه ندی اخیستی؛ خو د داعش خراسانۍ ډلې په دې وروستیو میاشتو کې د کابل په ګډون د یو شمېر چاودنو مسوولیت منلی دی.

Continue Reading

Trending

آریانا نیوز: ټول حقونه خوندي دي