Connect with us

ساینس او ​​ټیکنالوژي

د ټولنیزو شبکو د بندیدو لامل په سیسټم کې تېروتنه وه ـ فیسبوک

خپور شوی

 په

(Last Updated On: تله ۱۳, ۱۴۰۰)

فیسبوک شرکت نن (سې شنبه د تلې ۱۳) په ډاګه کړې، چې د روټر سیسټم د تنظیماتو په بدلولو کې تېروتنې د شرکت ۳ اعشاریه ۵ میلیارډ کاروونکي د ۶ ګړیو لپاره له رسنیزو ستونزو سره مخ کړي وه.

د رویټرز د څرګندونو له مخې دې شرکت له خپلو کاروونکیو څخه د بښنې تر څنګ په ډاګه کړې، چې زموږ د انجنیرۍ ډلو موندلې، چې په روټرونو کې د ترتیباتو بدلول زمونږ شبکې ته یاده ستونزه رامنځته کړې وه.

دغه راز ویل شوي: زمونږ خدمات اوس بیا پیل شوي او هڅه کوو، چې همغږي مو خپل عادي حالت ته بېرته راوګرزوو. مونږ داسې شواهد هم نلرو، چې د رامنځته شوې ستونزې په پایله کې مو کاروونکيو ته څه زیان اوښتی وي.

تېره ورځ ناڅاپه فیسبوک، واټس اپ او انسټاګرام د ۶ ګړیو لپاره له لاسرسي ووت. د دغو درې واړو مشري د فیسبوک پر غاړه ده.

داسې راپورونه هم ورکړ شوي، چې د فیسبوک اجرائیوي مشر مارک زاکربرګ ۷ میلیارډ ډالر او د یونیم میلیارډ په شمېر کاروونکي له لاسه ورکړي دي.

فیسبوک د پیغام رسولو، ژوندۍ خپرونې، مجازی حقیقت او ډېرو نورو ډیجیټلي خدماتو لپاره لوی وړاندې کوونکی ګرزېدلی دی.

په ټوله نړۍ کې ۳ اعشاریه ۵ میلیارډ خلک فیسبوک، انسټاګرام، میسنجر او واټس اپ له لارې له ملګرو او کورنیو سره نښلوي، سیاسي پیغامونه شریکوي او د اعلاناتو او معلوماتو له لارې خپله سوداګري روانه ساتي.

فیسبوک لومړنۍ ټولنیزه شبکه ده، چې له یو میلیارډ ډېر کاروونکي لري او دا مهال له ۲ میلیارډ و ۸۵۰  څخه ډېر میاشتني فعال کاروونکي لري.

دا شرکت همدا اوس د ټولنیزو رسنیو څلور لوی دفترونه لري، چې هر یو یې له یو میلیارډ ډېر میاشتني فعال کاروونکي لري.

د یادونې ده، چې تېره ورځ د کابل پر وخت د شپې شاوخوا ۹:۳۰ دغو شبکو ته لاسرسی ناشونی شو، چې بیا ۶ ګړۍ وروسته بېرته فعال شول.

ساینس او ​​ټیکنالوژي

ګوګل د فیلیپین له ټاکنو مخکې د سیاسي اعلانونو مخه نیسي

خپور شوی

په

توسط

(Last Updated On: ليندۍ ۱۰, ۱۴۰۰)

ګوګل د چارشنبې پر ورځ څرګنده کړې: د راتلونکي کال د می په میاشت کې به هغه مهال د فیلیپین د ټاکنو لپاره، چې د ولسمشر روډریګو ډوټرټي ځای ناستی ټاکي؛ پر سیاسي اعلانونو بندیز ولګوي. 

رویټرز راپور ورکړی، چې دا اقدام په داسې حال کې ترسره کیږي، چې په ۲۰۲۰ کې د امریکا د ولسمشرۍ ټاکنو پر سیاسي اعلاناتو هم فشار راوړل شو.

د ټولنیزو رسنیو پلیټ فارمونه په سویل ختیځه آسیا کې د سیاسي جګړو ډګر ګرځیدلی او څېړنې ښیي، چې فیلیپین په ټولنیزو رسنیو کې د لګول شوي وخت لپاره د نړۍ په کچه په درجه بندۍ کې لومړی ځای لري.

ګوګل د خپلې سیاسي منځپانګې پالیسۍ په تازه کولو کې ویلي، ټاکنیز اعلانونه، چې د کوم سیاسي ګوند یا د کوم شخص یا ګوند د عامه دفتر لپاره نوماندۍ ته وده ورکوي یا یې مخالفت کوي؛ د راتلونکي کال د فبرورۍ له ۸ څخه د می تر ۹ پورې به اجازه ونلري.

په فیلیپین کې د می تر ۹ نېټې پورې د ټاکیز کمپاین وخت دی.

ګوګل ویلي، چې د پالیسۍ تازه کولو په اړه به کسانو ته خبرتیاوې هم واستول شي.

ګوګل له دې مخکې په خپل پلیټ فارم کې سیاسي اعلانونه پر ۲۰۱۹  او ۲۰۲۰ کلونو په کاناډا سینګاپور منع کړي وه.

د ټولنیزو رسنیو پلیټ فارمونه لکه فیسبوک د ډوترټي ملاتړي و په پیاوړي کولو کې مرسته کړې او شنونکي یې د تېرو ټاکنو د بریا وسیله بولي.

فیلیپین به د ډوټرټي ځای ناستی وټاکي؛ ځکه، چې د اساسي قانون له مخې د بلې دورې اجازه نلري؛ کولی شي د سناتور څوکۍ غوره کړي.

Continue Reading

ساینس او ​​ټیکنالوژي

ناسا د نړیوال فضایي تمځي د رغونې پروګرام وځنډاوه

خپور شوی

په

توسط

(Last Updated On: ليندۍ ۹, ۱۴۰۰)

ناسا په ډاګه کړې، چې په نړیوال فضایي تمځي کې یې د څېړنځي د رغونې پروګرام ځنډولی دی.

ټاکل شوې وه، چې نن ویجاړ شوی څېړنځی رغول شوی وای؛ خو د ځمکې په شاوخوا کې د فضایي ککړتیاوو له کبله یې د رغونې پروګرام تر ناڅرګند وخته وځنډاوه.

په پام کې وه، چې دوه امریکايي ستورمزلي نن سهار پر ۷:۱۰  خپل کار پیل کړي؛ خو د ناسا چارواکو په روانه میاشت کې د روسیې د سپوږمکۍ ضد توغندي د پاتې شونو په اړه خبرداری ورکړ او یاد پروګرام یې وځنډاوه.

ناسا څرګنده کړې: ناسا په فضا کې د ککړتیاوو په اړه خبرداری ترلاسه او ستورمزلو ته د پېښ خطر د سمې ارزونې لپاره یې ډلې وګومارلې، چې پرېکړه وکړي او د نورو معلوماتو تر راټولولو خپل پروګرام وځنډوي.

د یادونې ده، چې تر دې دمه دا هم روښانه نده، چې ککړتیا فضايي تمځي ته څومره نږدې ده.

Continue Reading

تازه خبرونه

شیایومي کارخونه به په کال کې د ۳۰۰۰۰۰ موټرو جوړولو وړتیا ولري

خپور شوی

په

توسط

(Last Updated On: ليندۍ ۷, ۱۴۰۰)

د سمارټ ګرځند تر ټولو لوی جوړونکی شیایومي شرکت، چې اوس یې د موټرو صنعت ته  مخه کړې؛ یوهکارخونه جوړوي، چې کولی شي په کال کې ۳۰۰۰۰۰ برښنایي موټر تولید کړي.

د ټکنالوژۍ دغه چینایي لوی شرکت غواړي، چې د موټردغه کارخونه په پلازمېنه بیجینګ کې جوړه کړي.

د شیایومي چارواکو ويلي؛ تمه ده، چې تر ۲۰۲۴ زېږدیز کاله ډېر شمېر برښنایي موټر تولید شي.

دغه شرکت د مارچ په میاشت کې اعلان کړی و، چې تر راتلونکیو لس کلونو به د برښنایي موټرو پر تولیداتو لږ تر لږه ۱۰ میلیارډ ډالر پانګونه وکړي.

Continue Reading

Trending

آریانا نیوز: ټول حقونه خوندي دي