Connect with us

تازه خبرونه

د ولسمشر غني واک و ځواک مخ پر کمزوري کېدو دی – نیویارک ټایمز

خپور شوی

 په

(Last Updated On: وری ۲۲, ۱۴۰۰)

نیویارک ټایمز د یوه لوړپوړي افغان پوځي چارواکي د څرګندونوله مخې لیکلي، چې که بهرني ځواکونه له سیاسي حل پرته ووځي؛ نو افغانستان به له ژور مشکل سره مخ شي.

دغه لوړپوړي پوځي چارواکي نیویارک ټایمز ته څرګنده کړې؛ که بهرني ځواکونه له سیاسي هوکړې (د افغانانو تر منځ له سیاسي تړون) پرته ووځي، نو مونږ به له جدي ستونزو سره مخ شو.

دغه چارواکي زیاته کړې: مونږ له نظامي پلوه هیڅ هیله نلرو. که طالبان پرمختګ وکړي؛ نو سخته جګړه به وشي.

همدارنګه په کابل کې یوه غربي ډیپلومات نیویارک ټایمز ته ویلي، چې په افغانستان کې نظامي وضعیت مخ پر خرابیدو دی او هره ورځ تروریستي پېښې او وژنې رامنځته کیږي.

دغه ډیپلوماټ نیویارک ټایمز ته د نظامي ځواک د له لاسه ورکولو په اړه ویلي؛ دوی نشي کولی تینګ شي. د حکومت ځاني زیانونه، اعتبار او مشروعیت د ټینګې ندی.

نیویارک ټایمز څرګندوي، چې د ولسمشر غني متحدین کم شوي او د هغه نړیوال همکاران په افغانستان کې د ګړندۍ سولې بهیر لپاره فشار راوړي؛ خو له بلې خوا طالبان په نظامي توګه پیاوړي کیږي.

نیویارک ټایمز د خلکو، شنونکیو او سیاستوالو د څرګندونو له مخې په ډاګه کوي، چې ولسمشر غني پر افغانستان کنټرول نلري او په راتلونکي کې به ولسمشرۍ ته هم ونه دریږي.

نیویارک ټایمز زیاتوي؛ ولسمشر غني د محدودو خلکو پر مشورو او سلاکارانو تکیه کوي او ان د ټلویزیون خبرونه هم نګوري.

ورځپاڼې څرګنده کړې، په افغانستان کې جنګیالي له نظامي پلوه برلاسي دي. د دې هېواد له ۵۰ سلنې ډېر خلک له لوږې سره مخ دي. د افغانستان د پیسو ډېره برخه د بهرنيانو لخوا تمویلیږي او په هېواد کې پراخ فساد هم روان دی.

ورځپاڼه زیاتوي؛ امریکا هڅه کوي، چې له افغانستان څخه خپل ځواکونه وباسي او دا امکان به ان د افغان ځواکونو د کمیدلو لامل هم شي.

د افغانستان د ملي امنیت پخواني مشر رحمت الله نبیل، نیویارک ټایمز ته ویلي: غني ناهیلی حالت لري.

هغه زیاته کړې: مونږ کمزوري یو، امنیت کمزوری دی او هرڅه کمزوري کیږي؛ خو طالبان له دې فرصته ګټه پورته کوي.

نیویارک ټایمز زیاته کړې: ډېري افراد او اشخاص پر غني نیوکې کوي، چې طالبانو ته امتیاز نه ورکوي او له دې حالته نور ستړي شوي دي. ان ولسمشر غني ته د امریکا د بهرنیو چارو د وزیر انټوني بلنکن لیک دومره سخت و، چې حتا د غني نږدې کسان یې د ځان سپکاوی بولي.

د امریکا ولسمشر جوبایډن هم ویلي، چې هغه له طالبانو سره د معامله هم په پام کې نیسي.

مقالې په ډاګه کړې، چې اوسنۍ اړتیا د لنډمهاله حکومت رامنځته کول دي، چې له مخې به یې د غني د استعفا غوښتنه کیږي؛ خو ولسمشر غني ویلي، چې هغه به یوازې د ټاکنو له لارې بل چا ته واک لیږدوي.

د مقالې د څرګندونو له مخې: د ولسمشر طرحه او په افغانستان کې د امنیت لپاره د امریکا طرحه ممکن بریالي نشي؛ ځکه، چې داسې هیڅ نښه نشته، چې طالبانو د واک شریکولو او په ټاکنو کې برخه اخیستو ته زړه ښه کړي.

د افغانستان د امنیت شورا سلاکار تېره اوونۍ له امنیتي بنسټونو سره یوې ګدې خبري ناستې ته وویل: تر هغه ځایه، چې مونږ پوهیږو؛ دوی مطلق واک و ځواک غواړي او په دې تمه دي، چې ځان پر زور ته ورسوي.

پر ولسمشر غني یو شمېر نیوکه کوونکیو ویلي، چې اشرف غني د پوځي چارو په ګډون د هر وزارت په کوچنيو چارو کې هم لاسوهنه کوي.

هغه پر ځان مین شوی او داسې انګېري، چې یوازې هغه کولی شي جدي او سمه پرېکړه وکړي.

د ملي امنیت شورا سلاکار حمدالله محب دا تورونه رد کړي او وایي؛ ولسمشر له څو اوونیو راپدیخوا په امنیتي غونډه کې ګډون ندی کړی.

ورځپاې د قومندان علی پور اړوند افرادو ته په نغوته کې، چې د افغان ځواکونو یوه چورلکه یې رانسکوره کړې حرګندوي؛ په افغانستان کې به ملیشې هڅه وکړي، چې خپل ځانونه تجهیز کړي.

تازه خبرونه

پر رسمیت نه پېژندلو د افغانستان خلک له اقتصادي ستونزو سره مخ کړي

خپور شوی

په

توسط

(Last Updated On: مرغومی ۲۹, ۱۴۰۰)

د ا.ا.ا لومړي وزیر نن د افغانستان اقتصاد تر سرلیک لاندې په یوه ورځني جوړ شوي کنفرانس کې وویل، چې اسلامي هېوادونه دې خپله خپلواکي ثابته کړي او د افغانستان نوی حکومت دې په رسمیت وپېژني.

د ا.ا.ا لومړي وزیر ملا محمد حسن اخوند ویلي، چې په رسمیت نه پېژندلو او اقتصادي بندیزونو د افغانستان خلک له ستونزو سره مخ کړي دي.

د افغانستان د اسلامي امارت لومړي وزیر ملا محمد حسن اخوند څرګنده کړې؛ اسلامي امارت ټول هغه معیارونه پوره کړي، چې د رسمیت پېژندلو لپاره اړین وي.

نوموړي زیاته کړې؛ تمه لري، چې اسلامي هېوادونه به یې ژر پر رسمیت وپېژني او د امریکا خولې ته به نګوري.

د هغه په خبره؛ اسلامي هېوادونو ته په کار ده، چې خپله خپلوا کي ثابته او د افغانستان نوی حکومت پر رسمیت وپېژني.

ملا حسن اخوند په ډاګه کړې؛ نړیوالې ټولنې له هغه نظامه شل کاله ملاتړ وکړ، چې د مسوولینو نومونه يي د نړۍ د مفسدو مشرانو په نوملړ کې دوه یم ځای لري.

ملا محمد حسن اخوند پوښتي، چې نړیوال مونږ ولي پر رسمیت نه پېژني؟ دوی د اشرف غني اداره پر رسمیت پېژندله، چي هغه د فساد په نړیوال نوملړ کې دوه یم نوم درلود؛ خو مونږ نه پېژني، چې فساد مو ختم کړی او امنیت امنیت خوندي کړی دی.

لومړي وزیر ویلي، چې د نړۍ لخوا د اسلامي امارت پر رسمیت نه پېژندلو او نړیوالو بندیزونو افغان ولس له کړاو سره مخ کړی دی. دوی دې په افغانستان کې پانګونه وکړي؛ له افغانستان سره دې اقتصادي مرستې وکړي او په اوسنیو ستونزمنو شرایطو کې دې د افغانانو لاسنیوی وکړي.

هغه وایي؛ اوس په افغانستان کې د پانګونې لپاره ټول شرایط برابر دي؛ خو د رسمیت نه پېژندلو له کبله په افغانستان کې د پانګونې بهیر کمزوری شوی دی.

هغه یو ځل بیا ټینګار وکړ، چې دوی له هیچا څخه د خپل ځان لپاره مرستې نه غواړي، بلکې تمه لري، چې له افغانانو سره په مستقیمه توګه بشردوستانه مرستې وشي.

د افغانستان د لومړي وزیر دوه یم مرستیال ملا عبدالسلام حنفي هم په دې یوه ورځني کنفرانس کې د نړۍ له بشري مرستو هرکلی څرګند کړ او زیاتوي؛ مرستندویه بنسټونه او نړیوال باید په افغانستان کې انکشافي پروګرامو نه پيل کړي، چې د افغانستان اقتصاد رښتینی حرکت وکړي.

ملا عبدالسلام حنفي زیاتوي؛ اسلامي امارت د افغانستان د صنعتي کیدو پر طرحه تمرکز کوي؛ کانونه به استخراج شي، کرنې ته به وده ورکړ شي او غښتلی بانکي سیستم به رامنځته کړي.

هغه دغه راز څرګنده کړې؛ مونږ غواړو، چې په افغانستان کې د پانګونې بهیر لپاره قوانین ساده کړو؛ ځکه، چې زمینه برابره ده، فساد ختم دی، بروکراسي ورکه شوه، غصب نشته او امنیت خوندي دی. مونږ غواړو، چې یو رښتیني اقتصادي حرکت رامنځته کړو، چې پر نړیوالو مرستیو متکي نوي.

د بهرنیو چارو وزارت چارسمبالي مولوي امیر خان متقي د افغانستان اقتصاد تر سرلیک لاندې یو ورځني کنفرانس استازیو ته وویل، چې ا.ا په کمه موده کې له نړۍ سره ښې اړیکې جوړې کړې دي. د مهمو متوازنو پالیسیو له لارې یې وښودله، چې افغانستان اوس یو مسوول او رښتینی استازی حکومت لري.

مولوي متقي وایي، په وروستیو پېنځه میاشتو کې اسلامي امارت له خپلو ګاونډیانو، سیمې او نړۍ سره د افغانستان په اړیکو کې د یوه نوي فصل پر پرانیستلو تمرکز کړی دی.

دغه راز ا.ا د مالیې وزارت چارسمبالي هدایت الله بدري ویلي: مالي سیسټم د پخوا په پرتله په بشپړ ډول فعال شوی؛ د مالیاتو په راټولولو کې د فساد مخه نیول شوې او په ګمرکونو کې د عوایدو د راټولولو بهیر پوره روڼ روان دی.

د ملګرو ملتونو د مرستندویه دفتر مشرې ډیبرا لاینز دغه یوه ورځني کنفرانس ته د خبرو پر مهال د افغانستان اقتصاد له خورا ناوړه حالت سره مخ وباله او وایي؛ دوی هڅه کوي، چې د افغانستان اقتصادي او بانکي نظام وژغورل شي.

ډیبرا لاینز ویلي، چې افغانستان په هغه دریځ کې ندی، چې یوازې پر کورنیو عوایدو ملي پروګرامونه پر مخ یوسي او ولس ته خدمتونه وړاندې کړي.

ډیبرا لاینز خبرداری ورکړ، چې په روان کال کې به د افغانستان اقتصادي وضعیت شل په سلو کې نور هم ولویږي؛ خو د افغانستان د اقتصادي او بشري وضعیت د ښه والي لپاره یې د اته میلیارډ ډالرو د مرستې راټولو غوښتنه کړې ده.

ډیبرا لاینز وایي: د عامو افغانانو لاسنیوي د یوه پراخ بشري ناورین مخنیوی کړی دی. مونږ د راتلونکي کال لپاره له افغانستان سره د بشري مرستو لپاره د ۸ میلیارد ډالرو د راټولو لو طرحه نړۍ ته وړاندي کړې، چې په افغانستان کې بشري ناورین پرې مدیریت شي.

په یاد کنفرانس کې د ملګرو ملتونو د مرستندویه دفتر مشرې د افغانستان په اقتصادي او ټولنیزه وده کې د ښځو د کار پر اړتیا هم ټينګار وکړ.

دې کنفرانس ته د ملګرو ملتونو پر استازیو سربېره د یو شمېر هېوادونو سفیرانو او د مرستندویه بنسټونو استازي هم راغلي وه.

د افغانستان اسلامي امارت دا کنفرانس په داسې حال کې جوړ کړ، چې د افغانستان اقتصادي وضعیت له جدي ستونزو سره مخ دی. د افغانستان څه کم لس میلیارډ ډالره ملي پانګه امریکا کنګل کړې، بانکي سیسټم نیمه فعال دی، سلګونه زره کسانو میاشتنۍ تنخواګانې ندي اخیستي او فقر تر ټولو لوړې کچې ته رسیدلی دی.

Continue Reading

تازه خبرونه

اروپايي ټولنې افغانانو ته له ۳۰۰ میلیون ډالرو ډېره مالي مرسته اعلان کړه

خپور شوی

په

توسط

(Last Updated On: مرغومی ۲۹, ۱۴۰۰)

اروپايي ټولنې په ډاګه کړې، چې ۲۶۸ میلیون یورو یې د روغتیا او پوهنې په برخو کې پر اووه پروژو ولګول شي.

اروپايي ټولنې له افغانستان سره د بشري مرستو په لړ کې له ۳۰۰ میلیون ډلرو ډېره نوې مالي مرسته  اعلان کړې ده.

د یادې ټولنې د خبرپاڼې له مخې، دا مرستې به د ملګرو ملتونو د ماشومانو د وجهي صندوق (یونیسف) د ملګرو ملتونو د کډوالو عالي کمیشنرۍ، د ملګرو ملتونو د پراختیايي پروګرام، د روغتیا نړیوالې ټولنې او د خواړو نړیوال پروګرام له لارې مستحقو او اړو کسانو ته ورسيږي.

اروپايي ټولنه غواړي د افغانستان ښوونکیو ته هم بېړنۍ مرستې چمتو کړي او تمه کیږي، چې د ژمي په پاتې دوه میاشتو کې شاوخوا ۱۹۴ زره  ښوونکیو ته ۹۰ یورو میاشتنۍ مرسته ورسوي.

د پوهنې وزارت د نشراتو او عامه اړیکو مشر عزیز احمد ریان پر اروپايي ټولنې غږ کړی، چې له دغه وزارت سره په همغږۍ کې د پوهنې له برخې سره خپلې مرستې پراخه کړي.

دغه راز د خواړو نړیوالې ټولنې د یونیسف په همکارۍ د نجونو او هلکانو لپاره خواړه برابروي او د نجونو له کورنیو سره نغدي مرسته هم کیږي؛ خو په دې شرط، چې د زدکړو لپاره ښوونځیو ته ولاړې شي.  

همدارنګه په آروپایي ټولنه کې د نړیوال ګډون د برخې کمیشنرې جونا ارپلینین د سې شنبې پر ورځ ویلي وه، چې
د دې  ټولنه د اصولو له مخې باید په نړۍ کې څوک نالوستی پاتې نشي.

هغې زیاته کړې، چې اروپایي ټولنه د نجونو زدکړې ته ژمنه ده او له پخوا یې ژمنه کړې، چې افغانان به شاتګ ته پرېنږدي.

که څه هم په وروستیو څو میاشتو کې له افغانستان سره ډېرې بشري مرستې وشوې؛ خو مرستندویه هېوادونو ویلي، چې د مرستو ورکول د افغانستان د نوي حکومت د پېژندلو معنا نلري.

Continue Reading

تازه خبرونه

په تاجکستان او ازبکستان کې درول شوې چورلکې افغانستان ته ستنېدلی نشي – امریکا

خپور شوی

په

توسط

(Last Updated On: مرغومی ۲۹, ۱۴۰۰)

د پنټاګون ویاند جان کربي د سې شنبې پر ورځ څرګنده کړې، چې د امریکا حکومت اوس هم په تاجکستان او ازبکستان کې د درول شویو افغان چورلکو پر مسله کار کوي؛ خو افغانستان ته ستنېدلی نشي.

جان کربي یوې رسنیزې ناستې ته ویلي: مونږ اوس هم د دغو درول شویو چورلکو په اړه کار کوو. زما پر اند دا چورلکې به افغانستان ته د دې لپاره وانستول شي، چې طالبان (د افغانستان اسلامي امارت) یې وکاروي.

تېره اوونۍ د افغانستان اسلامي امارت د دفاع وزارت چارسمبالي ملا محمد یعقوب له ازبکستان او تاجکستان څخه وغوښتل؛ د افغان هوايي ځواک هغه الوتکې او چورلکې بېرته ورکړي، چې د تېر کال په اګست میاشت کې افغان پیلوټانو دغو ګاونډ هېوادونو ته وتښتولې.

ملا محمد یعقوب ویلي وه، چې د دوی حکومت به هیڅکله دغو دواړو هېوادونو ته د الوتکې او چورلکو د خپلولو یا کارولو اجازه ورنکړي.

ملا محمد یعقوب په ډاګه کړې وه، چې: زه په درنښت له ازبکستان او تاجکستان څخه غواړم، چې زمونږ د صبر له امتحانولو دې ډډه وکړي او مونږ دې ته اړ نکړي، چې [د الوتکو د بېرته ستنولو لپاره] شوني غچ اخیستونکي ګامونه واخلو.

د امریکا لخوا د افغان هوايي ځواک روزل شويو پیلوټانو د اګست پر ۱۵ د اسلامي امارت لخوا د کابل له بیا نیولو وروسته د ای ـ ۲۹ الوتکو او بلک هاک چورلکو په ګډون له ۴۰ څخه په ډېرو الوتکو او چورلکو کې ځانونه او خپلې کورنۍ ازبکستان او تاجکستان ته بریالي ورسول.

ازبک چارواکو د سپټمبر په لومړیو کې راپور ورکړ، چې دوی سلګونه افغان پیلوټان ​​او د دوی کورنۍ، چې په غیرقانوني توګه په پوځي الوتکو کې راغلي وه؛ شړلي دي.

د راپورونو له مخې؛ دغه افغان وګړي د عربي متحده اماراتو یوې امریکایي پوځي اډې ته د یوې داسې هوکړې له مخې، چې واشنګټن له ازبکستان سره د ۴۵۰ څخه د زیاتو افغانانو د لیږدولو په اړه کړې وه؛ ولیږدول شول.

د یادونې ده، چې د دغو الوتکې او چورلکو برخلیک اوس هم ناڅرګند پاتی دی. د اګست په میاشت کې د حکومت له نسکورېدو مخکې افغانستان له ۱۶۴ ډېرې فعالې الوتکې درلودې، چې ډېر شمېر یې له هېواده وتښتول شوې؛ خو د افغان رسنیو د راپورونو له مخې یوازې ۸۱ یې پاتې دي.

Continue Reading

Trending

Copyright © 2022 Ariana News. All rights reserved!