Connect with us

تازه خبرونه

د وري په میاشت کې له زر ډېر ولسي وګړیو او پوځيانو ته مرګ و ژوبلې اوښتي

Avatar

خپور شوی

 په

(Last Updated On: غویی ۲, ۱۳۹۸)

په وري یا حمل میاشت کې له زرو ډيرو پوځیانو او ملکیانو ته مرګژوبله اوښتې ده. د اریانا نیوز موندنې ښيي چې د حمل په میاشت کې څلور سوو دوه شپیتو ملکیانواو پنځه سوه پنځه اویا پوځيانو ته مرګ و ژوبله اوښتې ده.

د اریانا نیوز موندنې ښيي چې په وري میاشت کې ځانمرګي بریدونه کم شوي خو چاودنې په بیساري توګه ډيرې شوي دي. امنیتي بنسټونه هم مني چې جګړه سخته شوې؛ خو ټينګار کوي چې په دغه جګړه کې یې وسلوالو مخالفینو ته ډيره مرګژوبله اړولې ده.

یوازې د وري په میاشت کې دري سوه نهه څلويښت افغان سرتیري د وسلوالو طالبانو په بریدونو او چاودونو کې وژل شوي او دوه سوه دوه څلوېښت نور ټپیان شوي دي.

 د حمل په تیره میاشت کې د ملکیانو مژکژوبله هم لوړه وه. په دغه میاشت کې یو سلو دوه ولسي وګړي په افغان سرتیرو او وسلوالو طالبانو په جګړو کې او ماین په چاودنو کې وژل شوي او درې سوه شپیته نور چې ماشومان او ښځې هم پکې دي، تپیان شوي دي.

په دې هکله آریانا نیوز ته د کورنیو چارو وزارت د ویاند د دفتر سرپرست      نصرت رحیمي و وېل: موږ په دې وروسیتو کې د ملي دفاع وزارت سره او د کشف او اسخباراتو سره او د هغوی له ځواکونو سره په ګډه د دښمن پر وړاندې په کلکه درېدلي یو په دوي مو تهاجمي او تعارضي عملیات زیات شوي دي البته د افغانستان په ګوټ ګوټ کې چې ښې پایلې یې لرلي دي

همدا راز د ملي دفاع وزارت د ویاند مرستیالزبیر عارف و وېل: د سولې خبرې روانې دي، دښمن کوښښ کوي چې د جګړې له لارې امتیاز تر لاسه کړي، دوی هڅه کوله چې ډېری ولسوالي تر خپلې ولکې لاندې راولي؛ اما د دفاعي او امنیتي ځواکونو له کلک غبرګون سره سره په لوړه کچه له تلفاتو وروسته په شاه وتمبول شول

دغه راز د حمل په میاشت کې د جګړو په ترڅ کې د د باغیس بالامرغاب او د بدخشان ارغجخواه ولسوالۍ هم د ښکیلو خوا تر منځ لاس په لاس شوې. یو شمیر پوځي کارپوهان وايي چې حکومت باید د پوځي او ولسي تلفاتو د مخنیوي لپاره جدي تدبیرونه ونیسي.

د وري په میاشت د نړیوالو سرتیرو لپاره هم مرګونې وه. په دغه میاشت کې پنځه امریکايي سرتیري وژل شوي او درې نور ټپیان شوي دي. جګړې او وژنو په داسې حال کې زور اخیستی چې د سولې لپاره هم هڅې روانې دي.

Continue Reading
Advertisement

تازه خبرونه

په بدخشان کې د سړک غاړې ماین چاودنې ۱۱ سیمه ییز پولیس وژلی

Avatar

خپور شوی

په

توسط

(Last Updated On: غبرګولى ۱۷, ۱۳۹۹)

د بدخشان ولایت امنیتي چارواکو ویلي، چې د سړک غاړې د ماین چاودنې په پایله کې ۱۱ سیمه ییزو پولیسو ساه ورکړې ده.

د دې ولایت د پولیسو ویاند ثنا الله روحاني ویلي، چې دا پېښه تېره شپه ۱۱ بجې د دې ولایت د خان ولسوالۍ د درخوان په اړوند سیمه کې رامنخته شوې ده.

د نوموړي د څرګندونو له مخې په دې پېښه کې د سیمه  ییزو پولیسو قومندان مزاري له خپلو ۱۰ ساتونکیو سره وژل شوی دی.

روحاني دا هم ویلي، چې د قومندان مزاري موټر هغه مهال له دې چاودنې سره مخ شو، چې غوښتل یې د امنیتي ځواکونو له یوې پوستې سره مرسته وکړي.

د بدخشان د پولیسو ویاند زیاته کړې، چې په درخوان ولسوالۍ کې د طالبانو او سیمه ییزو پولیسو له نښتې خاش ولسوالۍ ته د طالبانو نومول شوی ولسوال حمید الله له خپلو دوه ساتونکیو سره وژل شوی دی.

طالبانو تر دې دمه په دې اړه څه ندي ویلي.

ویل کیږی، چې بدخشان د هېواد یو له ناامنو ولایتونو څخه دی، چې په یو شمېر ولسوالیو کې یې طالبان داعش او القاعده پراخې هڅې تر سره کوي.

Continue Reading

تازه خبرونه

د افغانستان د سولې بهیر د چتکولو لپاره سیمې ته خلیلزاد سفر پیل کړی

Avatar

خپور شوی

په

توسط

(Last Updated On: غبرګولى ۱۷, ۱۳۹۹)

 امریکا ویلي، چې د افغانستان د سولې لپاره د امریکا ځانګړي استازي زلمي خلیلزاد د سیمې هېوادونو ته خپل کاري سفر پیل کړی دی.

د امریکا بهرنیو چارو وزارت په ډاګه کړې، چې خلیلزاد تېره ورځ دوحې، اسلام آباد او کابل ته روان شوی دی.

یاد وزارت دا هم څرګنده کړې، چې د خلیلزاد له دې سفره موخه په افغانستان کې د ښکېلو لوریو تر منخ د سولې راوستلو لپاره پر خپلمنځي خبرو هوکړه ده.

د دغو څرګندونو له مخې به خلیلزاد په کابل کې د امریکا او طالبانو د سولې راوستو د هوکړې او د واشنګټن او کابل د اعلامیې او دغه راز د اورکم او طالب بندیانو د خوشې کولو په اړه له ټولو لوریو سره خبرې اترې ولري.

دا په داسې حال کې ده، چې امریکایي ځواکونو د پنجشنبې پر ورځ د طالبانو پر سنګرونو دوه هوایي بریدونه کړي دي.

په افغانستان کې د امریکایي ځواکونو ویاند ساني لګیت په خپل یوه ټویټ کې څرګنده کړې، چې د اختر له اوربند وروسته امریکایي ځواکونو له افغان ځواکونو څخه د ملاتړ په موخه د طالبانو پر سنګرونو هوایې بریدونه کړي دي.

د نوموړي د څرګندونو له مخې؛ د امریکا هوایي ځواک په فراه کې پر ۲۵ جنګیالیو هوایي برید کړی او دغه راز په کندوز ولایت کې هغه وسلوال طالبان بمبارد شویو، چې پر افغان خواکونو یې د برید هڅه کوله.

Continue Reading

تازه خبرونه

په افغانستان کې د رسنیو ډېر کارکوونکي پر کرونا اخته دي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د بې سرحده  خبریالانو ټولنې په ډاګه کړې، چې په افغانستان کې د کرونا ویروس له خوریدو راپدیخوا د دې هېواد د رسنیو څه نا څه ۷۰  کارکوونکي پر کرونا ویروس اخته شوی دي.

یادې ټولنې د رسنیو مسلکي کارکوونکي ( د مړینې نوملړ ته څه له بریدونو او څه هم د کرونا له ډګره ورزیاتیږي ) تر سرلیک لاندې ګزارش خپور کړی، چې په افغانستان کې د کرونا ویروس له خوریدو راپدیخوا د دې هېواد د رسنیو څه نا څه ۷۰  کارکوونکي پر کرونا ویروس اخته ښودل شوي دي.

دې راپور دا هم په ډاګه کړې، چې په افغانستان کې تر دې دمه پر کرونا اخته د رسنیو دوه کارکوونکيو خپل خوږ ژوند له لاسه ورکړی دی.

د خبریالانو دې ټولنې ویلي، چې د آریانا نیوز او آریانا تلویزیونونو ډریور سلیمان یوسفي او د ننګرهار ملي رادیو ټلویزیون خبریال نصیر احمد ساپی د رسنیو هغه کارکوونکی دي، چې له دې ویروسه یې خپل خواږه ځانونه له لاسه ورکړی دي.

دغه راز د بې سرحده خبریالانو ټولنې ویلي، چې په افغانستان کې پر کرونا اخته خبریالان نه د درملنې او نه هم له مالي امکاناتو برخمن دي.

Continue Reading

Trending