Connect with us

تازه خبرونه

د هېواد په کرنیزو تولیداتو کې ۲۵ سلنه ډېروالی راغلی

Ariana News

خپور شوی

 په

(Last Updated On: July 27, 2020)

د کرنې او مالدارۍ وزارت ویلي؛ د تېر کال په پر تله سږکال په کرنیزو محصولاتو او تازه میوو کې پېنځه ویشت سلنه زیاتوالی راغلی دی.

د کرنې او مالدارۍ وزارت مسوولینو ویلي، چې د تېرکال په پرته د هېواد کرنیز محصولات او  تازه میوو په تولید کې نږدې ۲۵ سلنه ډېروالی راغلی.

د کرنې وزارت دا هم ویلي، چې دا وزارت په ملي کچه د هېواد له  کروندګرو او بڼوالو سره د هغوی د وړتیاوو د لوړولو په برخه کارونه تر سره کړي او د هڅولو چارې یې روانې دي.

د کرنې وزارت مسوولین روانې دوې میاشتې د کرنیزمحصولاتړ د تولید او صادراتو لپاره مهم وخت بولي او حرګندوی، چې د فصل له راټولیدو سره سم به یې ارقام له ولس سره شریک کړي۔

د کرنې او مالدارۍ وزارت ویاند اکبر رستمي ویلي؛ زمونږ د سیمه ییزو همکارانو د راپورونو له جوتیږي، چې د تېر کال په پرتله به مو په روان کال کې محصولات ۲۵ سلنه ډېر وي.

د کرنې اومالدارۍ خونې مرستیال هم په روان کال کې د هېواد د کرنیزو محصولاتو زیاتوالی مني او زیاتوي، چې د صنعت او سوداګرۍ وزارت باید د هېواد د کرنیزو محصولات تر نړیوال بازاره رسیدل شوني کړي.

د کرنې او مالدارۍ خونې مرستیال میرویس حاجي زاده وایي: مونږ منو، چې کرنیز محصولات مو ډېر شوي؛ د بازار موندنې  لپاره یې باید چټک ګامونه پورته شي.

د صنعت او سوداګرۍ وزارت مسوولین بیا وایي؛ د کروناو ویرس له کبله په نړیواله کچه تر یوه بریده د هېواد سوداګري له ستونزو سره مخ شوې وه، چې دغه وزارت اوس توانیدلی د هېواد  صادرات سیمه ییزو بازارونوته ورسوي۔

د صنعت او سوداګرۍ وزارت ویاند جواد دبیر څرګنده کړې، چې مونږ د روان مالی کال په لومړیو کې د صادراتو له ستونزو سره مخ وو؛ خو اوس مو د سیمه ییزو هېوادونو مارکیتونو ته صادرات شته او د نړیوال مارکیت ته یې د رسولو هڅې هم روانې دي.

د اقتصادي چارو کا پوهان اوس هم د هېواد د صادراتو پر پالیسیو او پلانونو نیوکه لري او زیاتوي، چې د صنعت او سوداګرۍ وزارت باید د هېواد د صادراتو لپاره بنسټیز تدابیر ونیسي۔

تازه خبرونه

ولسمشر غني له سیاسي او جهادي مشرانو سره د سولې پر روان بهیر خبرې وکړې

Ariana News

خپور شوی

په

توسط

(Last Updated On: June 21, 2021)

ولسمشرۍ ماڼې نن دوشنبه د غبرګولي پر ۳۱ ویلي، چې ولسمشر غني نن سهار د هېواد له سیاسي او جهادي مشرانو سره د سولې پر روان بهیر او د جمهوریت پر لومړیتوبونو بحث او خبرې کړې دي.

د ولسمشرۍ د رسنیزو څرګندونو له مخې: د دغې ناستې ګډونوالو ټینګار کړی، چې د سولې بهیر د افغانستان د اسلامي جمهوریت لومړیتوب دی او پاتې نور ټول راتلونکي ګامونه به په دې بهیر کې پر همغږۍ او یووالي پورته کیږي.

په دې ناسته کې د ملي پخلاینې عالي شورا مشر عبدالله عبدالله ، پخواني ولسمشر حامد کرزي، جهادي مشر عبدالرب رسول سیاف،  د ولسمشر دوه یم مرستیال محمد سرور دانش،  د ولسمشر پخوانی مرستیال یونس قانوني، د مشرانو جرګې مشر فضل الله هادي مسلمیار، د ولسي جرګې مشر میر رحمان رحماني، د اسلامي وحدت ګوند مشر محمد کریم خلیلي، د افغانستان د اسلامي جمعیت د رهبرۍ شورا غړي محمد اسمعیل خان او یو شمېر نورو حکومتي  او دولتي چارواکو ونډه لرله.

د ارګ په خبرپاڼه کې راغلي؛ غونډې  ټینګار کړی، چې د سولې او ثبات د ټینګښت، د جمهوري نظام د پیاوړتیا او د هېواد د امنیتي ځواکونو د ملاتړ لپاره ملي یووالی او قوي سیاسي اجماع ته اړتیا ده او د ثبات د ټینګښت لپاره باید د خلکو ملاتړ وکارول شي.

په دې لیدنه کې امریکا ته د ولسمشر غني او د ملي پخلاینې عالي شورا د مشر په ګډون د یو پلاوي د سفر په اړه هم بحث وشو او دغه سفر مهم او اړین وګڼل شو.

دا په داسې حال کې ده، چې د یکشنبې پر ورځ سپینې ماڼۍ په ډاګه کړه، چې ولسمشر غني او د پخلاینې عالی شورا مشر عبدالله عبدالله ټاکل شوې، چې د روانې میلادي میاشتې پر ۲۵ نېټه امریکا ته سفر وکړي او له ولسمشر جو بایډن سره د امریکا- افغانستان د همکاریو او وتلو په اړه بحث او خبرې وکړي.

Continue Reading

تازه خبرونه

په پکتیا کې د سړک غاړې ماین چادنې ۹ ملکي وګړیو ته مرګ و ژوبله اړولې

Ariana News

خپور شوی

په

توسط

(Last Updated On: June 21, 2021)

په پکتیا ولایت کې د دوشنبې پر سهار د سړک غاړې له بمي چاودنې لږ تر لږه څلور کسان وژل شوي او پېنځه نور ټپیان دي.

د پکتیا پولیسو ویاند حیات الله احمدزي ویلي؛ پېښه د احمد آباد ولسوالۍ د مچلغو په تاله سیمه کې هغه مهال رامنخته شوه، چې یو موټر د ځای پر ځای شوي ماین ه چاودنې سره مخ شو.

نوموړي زیاته کړې؛ تر دې دمه معلومه نده، چې په مړیو کې ښځې او ماشومان هم شته او که نه.

احمدزي ویلي، چې په سیمه کې ډېري ماینونه د طالب وسلوالو لخوا ایښودل کیږي، چې ملکي وګړیو ته یې زیان اړولی دی.

طالبانو تر دې دمه پدې اړه څه ندي ویلي.

د اړوند سیمې خلکو ویلي، چې په قربانیانو کې ښځې او ماشومان هم شته، چې د یکشنبې پر شپه په سیمه کې د وژل شوي سرتېري جنازې ته روان ول.

Continue Reading

تازه خبرونه

ولسمشر غني او عبدالله عبدالله امریکا ته سفر کوي

Ariana News

خپور شوی

په

توسط

(Last Updated On: June 21, 2021)

ولسمشرۍ ماڼۍ ویلي، چې اشرف غني او عبدالله عبدالله به د یوه لوړ پوړي دولتي پلاوي پر ملتیا په راروانو څلور ورځو کې امریکا ته سفر وکړي.

ولسمشرۍ زیاته کړې، چې ولسمشر اشرف غني نن له یوشمېر سیاسي او جهادي مشرانو سره د دغه سفر په اړه سلا مشورې کړې دي.

امریکا هم ویلي، ولسمشر جو بایډن به د چنګاښ پر ۴ او د جون پر ۲۵ په واشنګټن کې د افغانستان له ولسمشر اشرف غني او د پخلاینې عالي شورا له مشر عبدالله عبدالله سره وویني.

د سپینې ماڼۍ د څرګندونو له مخې؛ په داسې حال کې، چې د بهرنیو ځواکونو وتل روان دي، خو د ولسمشر غني او عبدالله عبدالله را سفر به د امریکا او افغانستان اړیکې نورې هم وځلوي.

یادې ماڼۍ زیاته کړې، چې دوی به له افغانستان سره ډیپلوماټیکو، اقتصادي او بشري مرستو ته دوام ورکړي.

په اعلامیه کې راغلي: امریکا به د افغانستان له حکومت څخه خپل ملاتړ روان ساتياو نه غواړي، چې دا هېواد یو ځل بیا د ترهګرو لپاره خوندي ځای او د امریکا خاورې ته ترې خطر پیښ شي.

دا په داسې حال کې ده، چې طالبانو پدې وروستیو کې خپل بریدونه ګړندي کړي او د راپورونو له مخې تر دې دمه یې له ۳۰ دېرې ولسوالۍ له حکومتي ځواکونو نیولي دي.

Continue Reading

Trending

آریانا نیوز: ټول حقونه خوندي دي