Connect with us

تازه خبرونه

د هېواد په هوایي ډګرونو کې د غوره خدمتونو د ترسره کولو تړونونو لاسلیک شول

Ariana News

خپور شوی

 په

(Last Updated On: October 30, 2020)

د هېواد د ۴ نړیوالو هوایي ډګرونو د امنیتي خدمتونو، عملیاتي مدیریت، ځمکني خدمتونو، سیستم جوړولو او ټکنالوژۍ تړونونه لاسلیک شول.

دغه تړونونه تېره ورځ په چارچنار ماڼۍ کې د ولسمشراشرف غني، د ملي امنیت د سلاکار حمدالله محب، د مالیې وزارت د چارسمبالي عبدالهادي ارغندیوال، د چارو ادارې د لوی مشر او یو شمېر نورو لوړپوړو دولتي مقاماتو په  شتون کې د متحده عربي اماراتو د جي ۴۲ شرکت د مشر منصور المنصوري او د ملکي هوایي چلند ادارې د مشر داکتر محمد قاسم وفایي زاده له لوري لاسلیک شول.

په دې مراسمو کې ولسمشر غني څرګنده کړې؛ د متحده عربي اماراتو د جي ۴۲ شرکت له افغانستان سره د هوايي چلند په برخه کې د همکارۍ په خاطر خپله لیوالتیا او ژمنه څرګنده کړه او دغه شرکت د هوایي چلند، انرژۍ، روغتیایي خدمتونو، تېلو، ګاز او استخراجي صنایعو په برخه کې زیاتې تجربې لري.

د متحده عربي اماراتو د جي ۴۲ شرکت مشر منصور المنصوري ویلي د ویاړ ځای دی، چې افغانستان ته راغلی یم او د ولسمشر غني په حضور کې مو د متحده عربي اماراتو د جي ۴۲ شرکت او د افغانستان د ملکي هوايي چلند ادارې تر منځ د همکاریو تړونونه لاسلیک کړل.

 

هغه د هوایي چلند خدمتونو وړاندې کولو او مدیریت په برخه کې د جي ۴۲ شرکت د تجربو په اړه معلومات وړاندې او زیاتوي، د دغو تړونونو لاسلیکول د متحده عربي اماراتو او افغانستان ادارو د همکاریو د فرصتونو پیل دی.

منصوري دا هم ویلي، افغانستان او متحده عربي امارات دوستانه او تاریخي اړیکې لري او دغه مناسبات په وروستیو کلونو کې لا زیات پیاوړي شوي دي.

ولسمشر زیاته کړې، دغه قراردادونه واقعا ستراتېژیک دي. د افغانستان او متحده عربي اماراتو ترمنځ سیاسي او تاریخې نېکې اړیکې د اقتصادي همکاریو بشپړ مشارکت نومولی شو.

اشرف غني ویلي؛ افغانستان په خپلو هوایي ډګرونو کې سترې پانګې لري، خو متاسفانه دغه وړتیاوې نه دي پېژندل شوي. مونږ له اماراتو سره دغه همکاري په دې موخه رامنځته کړې، چې تاسې د هوایي ډګرونو د ټکنالوژۍ او سیستم جوړولو او ځمکني خدمتونو او امنیتي خدمتونو په برخه کې غوره تجربې لرئ.

د هېواد ولسمشر څرګنده کړې: زه باور لرم، چې زمونږ د هوايي ډګرونو مسوولین او پرسونل، پېرېدونکي او خلک به بېلابېل بدلونونه احساس کړي.

ولسمشر په ډاګه کړې؛ مونږ خپلو هوايي ډګرونو ته د مهمو بېخبناوو په توګه ګورو او په خپلو هوايي ډګرونو کې معیاري خدمتونو او هغو معیارونو ته، چې د عملیاتي مدیریت او ځمکني خدمتونو له اړخه مهم دي، اړتیا لرو او د هوایي دهلېزونو له لارې د افغانستان د محصولاتو لېږد باید د همدغو معیارونو پر بنسټ ترسره شي.

ولسمشر غني د خپلو خبرو په پای کې ویلي، مونږ هوايي ډګرونو ته د مهمو زېربناوو په توګه ګورو. د حامد کرزي نړیوال هوايي ډګر ډېر ظرفیت لري، چې د کارګو او مسافرو پر بستر بدلېدی شي او د احمدشاه بابا او هرات بین المللي هوايي ډګرونه اماراتو ته لنډ واټن لري او د مولانا جلال الدین بلخي بین المللي هوايي ډګر کولی شي د مرکزي آسیا لپاره د وصل پر نقطه بدل او خدمتونه وړاندې کړي.

له افغانستان سره د هوایي ډګرونو د مدیریت او آسانتیاوو د برابرولو په اړه د دواړو هېوادونو پر تاریخي اړیکو ټینګار وکړ او وایي، چې دغه اړیکې په وروستیو کلونو کې نورې هم ټینګې شوې دي.  

تازه خبرونه

مجیب الرحمن پر کورونا ویروس اخته شو

Ariana News

خپور شوی

په

توسط

(Last Updated On: December 4, 2020)

د افغانستان د کرکت ملي لوبډلې لوبغاړی مجیب الرحمن پر کرونا ویروس اخته شوی دی.

ټاکل شوې، چې مجیب الرحمن به د آسترالیا په بیګ باش یا کرکت غوره لیګ کې د بریسبان هیت لپاره ولوبیږي.

بریسبان هیت لوبډلې تویت کړی، چې مجیب الرحمان پر کرونا ویروس اخته شویدی.

د یادې لوبډلې د څرکندونو له مخې؛ نوموړی په کویینزلیند په یوه هوتل کې د قرنطین پرمهال له کتنې وروسته وپېژندل شو.

دغه راز زیاته شوې؛ رحمان به تر هغې د کویینزلیند د روغتیا وزارت تر څارنې لاندې وي، چې  بشپړ روغ شي.

د یادونې ده، چې د آسترلیا د کرکت غوره لیګ په سیالیو کې د هېواد د کرکت ملي لوبډلې پېنځه لوبغاړي راشد خان، محمد نبي، نور احمد لیکوال، ظاهر خان او مجیب الرحمن د بېلابېلو لوبډلو لخوا اخیستل شوي دي.

Continue Reading

تازه خبرونه

د رزمي هنرونو لوبغاړی نادر مومند په خپل کور کې وژل شوی

Ariana News

خپور شوی

په

توسط

(Last Updated On: December 4, 2020)

د رزمي هنرونو لوبغاړی نادر مومند تېره ورځ په خپل کور کې د نامعلومو کسانو لخوا د چاقو پر ګوزارونو وژل شوی دی.

د پنجشنبې پر مازیګر له درې نیمو بجو وروسته نادر مومند په خپل کور کې د نامعلومو کسانو لخوا د چاقو پر ګوزارونو سره ووژل شو.

د رزمي هنرونو د دغه لوبغاړي پلار محمدآجان مومند له حکومته غوښتي، چې د دغې پېښې پوره څېړنه دې وشي.

د نادر مومند دوستان او ملګري  د نوموړي د ځانګړنو په اړه وایي، چې ښه ورزشکار و او د پېښې عاملان یې باید پر سزا ورسیږي.

د رزمي لوبو د ملي فدراسیون مشر بازمحمد مبارز په دې پېښې خپګان ښیي او په دې اړه د امنیتي مسوولینو د جدي پاملرنې غوښتنه کوي.

تر دې دمه د دغې پېښې علت په ډاګه شوی ندی؛ خو کورنیو چارو وزارت یې غچ  اخیستل بولي.

د نادر مومند د کورنۍ غړي وایي؛ ټاکل شوې وه نادر مومند په نږدې راتلونکي کې له خپل پاکستاني سیال سره ولوبیږي او دې لوبې ته یې پوره چمتوالی نیولی و، خو دې هدف ته له رسېدو مخکې تورو خاورو ته وسپارل شو.

Continue Reading

تازه خبرونه

په ننګرهار کې د دې ولایت لپاره د داعش نومول شوی والي ووژل شو

Ariana News

خپور شوی

په

توسط

(Last Updated On: December 4, 2020)

د ننګرهار د چپرهار ولسوالۍ په اړوند سیمه کې د دې ولایت لپاره د داعش نومول شوی والي هدایت الله د ملي امنیت د ځانګړيو ځواکونو په عملیاتو کې ووژل شو.

د ننګرهار والي د رسنیو دفتر څرګنده کړې، چې تېره شپه( د لیندۍ ۱۳) د دې ولایت د چپرهار ولسوالۍ د للمې په اړوند سیمه کې داعش والي د ملي امنیت د ځانګړیو ځواکونو  په عملیاتو کې ووژل شو.

د یادې سرچینې د څرګندونو له مخې؛ هدایت الله نومی داعش والي د ځانمرګو واسکتونو د جوړلو مسوول هم و.  

د دغې خبرپاڼې په یوه برخه کې راغلي، چې د یادو عملیاتو په بهیر کې د داعش یو قومندان هم نیول شوی دی.

دغه راز څرګنده شوې، چې د دې ولایت د مرکز جلال آباد ښار د بیز اکمالاتي په اړوند سیمه کې د داعش یو بل قومندان قاري عبدالرحمن( قاري تمیم) هم وژل شوی دی.

Continue Reading
Advertisement

Trending

آریانا نیوز. کلیه حقوق محفوظ است