Connect with us

لوبی

د هند کرکټ لیګ پاتې لوبې به په متحده اماراتو کې ترسره شي

Ariana News

خپور شوی

 په

(Last Updated On: May 29, 2021)

د هند کرکټ بورډ (بي سي سي آی) نن (شنبه د غبرګولي ۸ ) څرګنده کړې، چې د هند غوره لیګ پاتې لوبې، چې روانه میاشت د کرونا ویروس د زیاتوالي له کبله وځنډول شوې؛ د سپټمبر او اکتوبر په میاشتو کې به په عربي متحده اماراتو کې تر سره شي.

دغه راز زیاته شوې، چې هند د کرکټ له نړیوالې شورا څخه د اکتوبر او نومبر په میاشت کې د شل اوریزه کرکټ نړیوال جام کوربتوب لپاره د پوره وخت غوښتنه کړې ده.

لوبی

درې افغان کډوال ورزشکاران د المپیک کډوالو لوبډلې ته ومنل شول

Ariana News

خپور شوی

په

توسط

(Last Updated On: June 9, 2021)

د اولمپیک نړیوالې کمېټې (آی او سي) د ټوکیو المپیک سیالیو ته د کډوالۍ ډلې غړي اعلان کړل، چې په کې درې افغان کډوال راغلي دي.

د دغې لوبډلې اووه غړي هغه کډوال دي، چې په آلمان کې اوسیږي.

دغه راز د افغانستان المپیک ملي کمیټې ویلي، چې معصومه علیزاده د فرانسې یوه بایسکل چلوونکی، د بلجیم د تکواندو مبارز عبدالله صدیقي او له روسیې څخه د جودولوبغاړې نګاره شاهین د ټوکیو المپیک ته بلنلیکونه ترلاسه کړي دي.

د افغان ورزشکارانو لنډه پېژندنه، چې د المپیک لپاره غوره شوي:

عبدالله صدیقي: نوموړی له اته کلونو راپدیخوا د تکواندو تمرین کوي.

څلیریشت کلن صدیقي، چې دا مهال په بلجیم کې روزل کیږي؛  په دې وروستیو کې یې له المپیک نړیوالې کمیټې سره په یوه مرکه کې څرګنده کړې، چې له هېواده د کډوالۍ  او د کرونا ویروس د خپرېدو پر مهال یې سپورت د لارې مشال ګرځېدلی دی.

معصومه علی‌زاده: د علیزاده لپاره ټول شیان د فرانسوي ټلویزیون له هغه پروګرام وروسته بدل شول، چې د کابل کوچني شاهزادګۍ نومی یو مستند فلم یې خپور کړ.

دې مستند فلم د هغې له خور زهرا سره په افغانستان کې د یوې ښځې په توګه د بايسکل چلولو ستونزې ښودلې.

علیزاده ای ایف پي ته ویلي: په افغانستان کې نرینه فکر کوي، چې بایسکل ځغلول د ښځو لپاره نامناسب دي.

د المپیک نړیوالې کمیټې د څرګندونو له مخې؛ د دې مستند فلم له لیدو وروسته پاټریک کمونال یو متقاعد فرانسوي وکیل د دغو دوه خویندو ته په فرانسه کې د استوګنې د برابرولو لپاره بشردوستانه پلان جوړ او  دواړه خويندې په فرانسه کې استوګن شول.

علی زاده وایي، د بایسکل چلول د نرینه او ښځینه دواړو لپاره خورا آسانه او مناسب دي.

نګاره شاهین:  په افغانستان کې زیږیدلې او د جودو لوبغاړې ده، چې وزن یې له ۷۰ کیلو ګرام څخه کم دی.

هغه په ۱۱ کلنۍ کې د جودو تمرین پیل کړ او د پاکستان په پېښور ښار کې کډواله وه؛ ځکه، چې د ورزش هنر یې یو کورنی دود و.

هغه د روسیې په یکاټرینبرګ پوهنتون کې د نړیوالې سوداګرۍ زدکړه کوي او په پام کې لري د ماسټرۍ سند هم ترلاسه کړي.

دا ورزشکاران د خپلو وړتیاوو له مخې غوره شوي او په دې لوبو کې به د افغانستان تر درې رنګه بیرغ لاندې لوبیږي.

د دویچه ویلې؛ د دې ډلې اووه غړي په آلمان کې پناه غوښتونکي دي.

د جاپان په المپیک کې سږکال ، له ۱۳ هېوادونو څخه ۵۵ ورزش کوونکیو د پناه غوښتونکیو په المپیک لوبو کې د غړیتوب لپاره د سیالۍ کولو فرصت درلود. پر آلمان سربېره ۲۰ نورو هېوادونو هم پناه غوښتونکو ته د اولمپیک په لوبو کې د ګډون فرصتونه برابر کړي دي.

د جولای پر ۲۳ د المپیک د دغو لوبو لومړۍ ورځ ټاکل شوې مشري له کینیا څخه د نړۍ اتل لیګلا لورپ لخوا کیږي.

د کډوالۍ لوبډلې لومړی ځل د ۲۰۱۶  کال په ټورنمنټ کې برخه واخیسته. په دې وخت کې د ایتوپیا، سوریې، سویلي سوډان او د کانګو ډیموکراټیک جمهوریت لس ورزشکارانو برخه اخیستې وه.

 

د اولمپیک نړیوالې کمېټې د اکتوبر په ۲۰۱۸ کې پرېکړه وکړه، چې د المپیک کډوالۍ سیالۍ برنامې ته وده ورکړي. د دې لوبو ملاتړ د ملګرو ملتونو د مهاجرینوعالي کمیشنري کوي.

د یادونې ده، چې د دې لوبو ټورنمنټ د کرونا له کبله یو کال و ځنډول شو؛ خو اوس به په دوبي کې ترسره شي.

Continue Reading

تازه خبرونه

اصغر افغان د کرکټ ملي لوبډلې له لوبډلمشرۍ ګوښه شو

Ariana News

خپور شوی

په

توسط

(Last Updated On: June 1, 2021)

اصغر افغان د افغانستان د کرکټ بورډ د څېړنیزې جرګه ګۍ د څېړنو او د دې بورډ د غړیو د پرېکړې په پایله کې د ملي لوبډلې له لوبډلمشرۍ لرې او پر ځای یې نور لوبډلمشران معرفي شول.

دغه بنسټ په ډاګه کړې؛ د افغانستان او زمبابوې ترمنځ په لومړۍ ټیسټ لوبه کې د افغانستان د کرکټ بورډ د څېړنیزې جرګه ګۍ څېړنو وښوده، چې د پخواني لوبډلمشر اصغر افغان د پرېکړو له مخې لوبډلې لومړۍ ټیسټ لوبه بایللې ده.

په خبرپا ڼه کې راغلي: اصغر افغان پر ګډه پرېکړه له خپلې دندې ګوښه شو؛ حشمت الله شهیدي د لوبډلمشر په توګه او رحمت شاه زرمتي د ټیسټ او یوې ورځینیو نړیوالو لوبو د مرستیال لوبډلمشر په توګه وټاکل شول.

دغه راز ویل شوي، چې نوی لوبډلمشر به د شل اوریزو لوبو لپاره هم معرفي شي او راشد خان د شل اوریزو لوبو په نړیواله بڼه کې د ملي لوبډلې د مرستیال په توګه خپل ځای خوندي کړی دی.

افغانستان به د روان کال په نومبر کې له آسټرالیا سره یوه بله ټیسټ لوبه ترسره کړي، چې تېرکال لوبېدلي وه؛ خو د کرونا ویروس د خپرېدو له کبله هغه مهال وځنډول شوه.

Continue Reading

لوبی

په کابل کې د نجونو د کانګفو د لومړي پړاو د غوراوي سیالۍ پیل شوې

Ariana News

خپور شوی

په

توسط

(Last Updated On: May 23, 2021)

د افغانستان د بدني روزنې او لوبو لوی مشرتابه نن یکشنبه د غبرګولي ۲ ویلي، چې دا سیالۍ نن د دې څانګې د لوبو په جمنازیم کې د ۴۰ لوبغاړیو په ګډون پیل او تر سره شوې.

د یاد ریاست د څرګندونو له مخې؛ د سیالیو ګډونوال به د ځوانانو او لویانو د وزنې څانګو په اته کټګوریو کې د دوه ورځې لپاره د کابل غوره لوبدلې د غړیتوب ترلاسه کولو لپاره د سیالۍ دګر ته راوتلې دي.

د افغانستان د بدني روزنې او لوبو لوی مشر حفیظ الله ولي ویلي، چې د دغو لوبو له سیالیو مو موخه داده، چې د ښځینه سیالي لوبغاړي ورسره وده وکړي.

دغه راز د کانګفو ملي فډراسیون چارواکو هم ويلي، چې له دغه راز لوبو او سیالیو موخه داده، چې د کابل ښځینه ملي لوبدلې ته ۱۶ بریالۍ څېرې غوره او وټاکل شي.

Continue Reading

Trending

آریانا نیوز: ټول حقونه خوندي دي