Connect with us

نړۍ

د هندي سینما نومیالی لوبغاړی دلیپ کمار په ۹۸ کلنۍ کې ومړ

خپور شوی

 په

(Last Updated On: چنګاښ ۱۶, ۱۴۰۰)

د هندي سینما نومیالی، د سیمې او نړۍ ولسونو ته خوږ او ګران فلمي لوبغاړی دلیپ کمار د چارشنبې پر سهار د ۹۸ کلنۍ پر عمر له ورپېښې ناروغۍ مړ شو.

د هندي سینما فلمي لوبغاړی محمد یوسف خان یا دلیپ کومار پر ۱۹۲۲ زېږدیز / ۱۳۰۲ لمریز کال په پېښور کې زیږیدلی، په ۱۹۴۰ / ۱۳۲۹ کال کې یې ځان دلیپ کومار ونوماوه او له هندي سینما سره یې خپلې هنري هڅې پیل کړې.

د چارشنبې پر سهار د هغه یو خپلوان فیصل فاروقي د نوموړي په ټویټر کې څرګنده کړه: په خواشینۍ به څو دقیقي وروسته د خپل خوږ او زړه ته نږدې ښاغلي دلیپ مړینه په ډاګه کړم.

له دلیپ کمار څخه یوه میرمن سایره بانو پاتې شوې، چې د تېرې پېړۍ د ۶ او ۷ میلادي لسیزې نومیالۍ سینمایي لوبغاړې ده.

نړۍ

په امریکا کې د نشه یي توکو د قاچاق یو لوی تونل وموندل شو

خپور شوی

په

توسط

(Last Updated On: غویی ۲۷, ۱۴۰۱)
امریکایي چارواکو تېره ورځ څرګنده کړې؛ د امریکا یوې صنعتي سیمې ته له مکسیکو څخه ورتېره شوې د نشه یي توکو د قاچاق یوه داسې لویه تل لاره یا تونل موندلی، چې د فوټبال د ۶ میدانونو له اوږدوالي سره برابر دی.

اسوشیټیډ پرس راپور ورکړی، چې د مکسیکو له تیجوانا څخه د کلیفورنیا سان ډیاګو ته یوه داسې کېندل شوی تونل موندلی، چې پر اوسپنیزې لارې سربېره د هوا او برښنا سیسټمونه او ټینګ دیوالونه هم لري.

دا تونل د سان ډیاګو اوتای میسا پولې ته نږدې په یوه داسې سیمه کې کشف شوی، چې په تېرو دوه لسیزو کې دې ته ورته نور لسګونه پېچلي تونلونه موندل شوي دي.

د امریکا چارواکو ویلي؛ معلومه نده، چې دا تونل د نشه یي توکو د قاچاق لپاره څه وخت جوړ شوی دی. د ای پي د څرګندونو له مخې؛ د امریکایي چارواکو د پلټنو په پایله کې ۷۹۹ کیلوګرامه کوکاین، ۷۵ کیلوګرامه میټ او ۱.۶ کیلو ګرام هیرویین ترلاسه شوي دي.

دغه تونل د پولې په تر ټولو ډاډمنې او باوري برخه کې جوړ شوی دی، چې له سرحدي دیوالونو سره پرتله کېدلی نشي.

په سان ډیاګو کې د یوه جنایي ثبت شوي راپور پر بنسټ چارواکو د یوه کور له پلټنې وروسته د ښار د ترافیکو او سیمې پلټنه پیل کړه، چې د مخدره توکو د زېرمه کولو لپاره کارېده . ان، چې پولې ته نږې یې له کوکائینو ډک بکسونه وموندل.

فډرالي څارنوالانو ویلي، چې په دې توګه یې یوه تونل ورغلې لار وموندله.

د چارواکو د څرګندونو له مخې؛ له ۲۰۰۶ راهیسې له کالیفورنیا سره د مکسیکو په پوله کې شاوخوا ۱۵ نور پېچلي تونلونه هم موندل شوي دي.

Continue Reading

نړۍ

پر اوکراین د روسیې جګړه بې  پلانه روانه ده

خپور شوی

په

توسط

(Last Updated On: غویی ۲۶, ۱۴۰۱)

د رویټرز د څرګندونو له مخې؛ د ناټو عمومي منشي ینس سټولټنبرګ د یکشنبې پر ورځ ( غویی ۲۵) ادعا کړې، چې په اوکراین کې د روسیې جګړه بې پلانه روانه ده.

د ناټو عمومي منشي ادعا کړې، چې پر اوکراین د روسیې برید ناکام شوی او د دونباس په اړوند سیمه کې یې عملیات ځنډول شوي دي.

سټولټنبرګ خبریالانو ته ویلي، په اوکراین کې د روسیې جګړه له پلان سره سمه نده روانه. دوی د کیف په نیولو کې پاتې راغلي او له خارکوف څخه یې شاتګ کړی او په دونباس کې د دوی بریدونه درېدلي دي.

د ناټو عمومي منشي په داسې حال کې ادعا کوي، چې د روسیې دفاع وزارت ویاند ایګور کوناشینکوف څو ساعته مخکې ویلي؛ د روسیې د پوځ عملیاتي تاکتیکي الوتکو د اوکراین د پوځ د ځواکونو او پوځي تجهیزاتو ۳۲ سیمې په نښه کړې دي.

کوناشینکوف زیاته کړې: د اوکراین اس – ۳۰۰ دوه توغندي ویشتونکي او په درېیمه سیمه کې د رادار پوسته ویجاړه شوې ده.

دا په داسې حال کې ده، چې روسیې په اوکراین کې خپل پیل شوي عملیات ځانګړي نومولي او دغه عملیات د بېلتونپالو پر ملاتړ له روسیې دفاع بولي.

Continue Reading

نړۍ

د کلیفورنیا په کلیسا کې یوه وسلوال ۵ کسانو ته مرګ و ژوبله اړولې

خپور شوی

په

توسط

(Last Updated On: غویی ۲۶, ۱۴۰۱)

چارواکو څرګنده کړې؛ د یکشنبې پر ورځ د غرمې د ډوډۍ پر مهال یوه وسلوال د جنوبي کالیفورنیا په یوه کلیسا کې پر عبادت کوونکیو ډزې وکړې، یو کس ووژل شو او څلور نور ټپیان دي.

چارواکو زیاته کړې، چې شکمن ۶۰ کلن بریدګر عبادت کوونکیو نیولی او پښې یې ورته پر برښنا مزي تړلي دي.

پولیسو ویلي، چې پېښه غرمه مهال ۱:۳۰ بجه رامنځته شوې او له شک پرته د نورې مرګ و ژوبلې مخه نیول شوې ده.

پولیسو زیاته کړې یو بل کس هم لږ څه ټپي شوی او ټول ټپیان روغتون ته لېږدول شوي دي.

د پولیسو د څرګندونو له مخې؛ د پېښې پر مهال په کلیسا کې لږ تر لږه ۳۰ ـ ۴۰ کسان  راټول شوي وه.

ویل کیږي، چې د پېښې په ځای کې دوه میله وسله هم موندل شوې؛ خو د انګیزې په اړه یې پلټنه روانه ده.

د یادونې ده، چې په روانه اوونۍ کې دا دوه یم مرګونی برید دی؛ لومړنی وسلوال برید د شنبې پر ورځ یوه  سپین پوستي امریکایي د نیویارک ښار د تورپوستو پر پلورنځي تر سره کړ ۱۰ کسان یې ووژل او درې نور ټپیان دي. چارواکو دا برید ځانګړی توکمیز هغه نومولی دی.

Continue Reading

Trending

Copyright © 2022 Ariana News. All rights reserved!