Connect with us

تازه خبرونه

د هلمند د ناوې ولسوالۍ لار له وسلوالو پاکه شوه- چارواکي

Ariana News

خپور شوی

 په

(Last Updated On: January 14, 2021)

د هلمند امنیه قومندان ولي جان سرحدي ویلي، چې د افغان ملي، امنیتي او دفاعي ځواکونو د ګډو عملیاتو په پایله کې د دې ولایت د ناوې ولسوالۍ سړک په بشپړه توګه له وسلوالو پاک شو او اوس خلک کولی شي ډاډمن سفر وکړي.

د نوموړي د څرګندونو له مخې؛ له وسلوالو مخالفانو څخه د ناوې ولسوالۍ د پاکولو ګډ عملیات پیل شوي او تر هغې به روان وي، چې دا ولسوالي پوره ترې پاکه شوې نه وي.

ولي جان سرحدي په ډاګه کړې، په هلمند ولایت کې وضعیت ښه دی او افغان ځواکونه وتوانیدل، چې ناوې ولسوالۍ ته ورغلې عامه لار خلکو ته خلاصه کړي او دښمن ته درنده مرګ و ژوبله واړوي.

سرحدي وایي: په دې عملیاتو کې لږ تر لږه د مخالفانو د سیمه ییزو قومندانان هر یو ملا قاسم، ملا ابراهیم ، ملا روزي، ملا عبدالسلام او ملا محمد نبي په ګډون ۱۶۰ وسلوال وژل شوي او ۵۵ نور ټپیان دي، چې مهمات او وسلې یې هم د ملي ځواکونو لاس ته لوېدلې دي.

هغه زیاته کړې؛ د عملیاتو په بهیر کې افغان ځواکونو وکولی شول، چې د لارې په اوږدو کې شاوخوا ۲۰۰ ماینونه کشف او شنډ کړي.

د سرحدي د ټینګار له مخې؛ دښمنانو عامه سړک ته سخت زیان اړولی او عامو خلکو ته یې اجازه نه ورکوله، چې سمه ګټه ترې پورته کړي.

هغه د هلمند ولایت په ټولو برخو کې د دښمن د ځپلو ژمنه کړې او اجازه به ورنکړي، چې وسلوالې هڅې تر سره کړي.

هغه وایي؛ په پام کې ده، چې ډېر ژر د دې ولایت د بولان، چانجیراو نادعلي په ولسوالیو کې هم چاڼیز عملیات پیل کړي.

تازه خبرونه

په کابل کې د دفاع وزارت د چارسمبالي پر کور موټر بم ۲۸ کسانو ته مرګ و ژوبله اړولې

Ariana News

خپور شوی

په

توسط

(Last Updated On: August 4, 2021)

کورنیو چارو وزارت د چارشنبې پر ورځ تائید کړه، چې تېره شپه اته بجې د کابل په شېرپور سیمه کې د دفاع وزارت د چارسمبالي بسم الله محمدي له کوره بهر له موټر بم بریده د یوې میرمنې په ګډون اته کسان وژل شوي او ۲۰ ډېر نور ټپیان دي.

د یاد وزارت د څرګندونو له مخې؛ له موټر بم برید سمدستي وروسته وسلوالو پر کور ډله ییز برید وکړ او له امنیتي ځواکونو سره یې پېنځه ګړۍ جګړه روانه وساتله.

په یاده څرګندونه کې راغلي: نښته تېره شپه د ځانګړیو ځواکونو او بریدګرو ترمنځ له پېنځه ګړیو نښتې وروسته پای ته ورسېده.

دغه وزارت ویلي، پېنځه بریدګر په پېښه کې ښکېل ول.

د سې شنبې پر شپه چارواکو وویل، چې د دفاع وزارت چارسمبالی بسم الله محمدي خوندي دی.

محمدي له برید څو ساعته وروسته یو ویډیويي پیغام خپور کړ او ویې ویل، چې هغه او کورنۍ یې په کابل کې د هغه پر استوګنځي له “ترهګریز برید” وروسته خوندي دي.

هغه ویلي، چې د هغه یو شمېر امنیتي ساتونکي ټپیان شوي دي.

په ورته وخت کې د ولسمشر لومړي مرستیال امرالله صالح د چارشنبې پر سهار له محمدي سره پخپل دفتر کې وکتل.

طالبانو د دفاع وزارت د چارسمبالي بسم الله محمدي پر کور د تېرې شپې د موټر بم برید مسولیت منلی او وایي، چې دا برید غچ اخیستونکی و او له برید وروسته یې ګڼ ځاني زیانونه هم رامنځته کړي دي.

دغه راز پولیسو ویلي، چې د سې شنبې د شپې پر چاودنې سربېره د چهارشنبې پر سهار شاوخوا ۸:۱۵ دقیقې د کابل د لسمې ناحیې په اړوند سیمه کې د ماین چاودنه شوې ده.

د پولیسو د څرګندونو له مخې په دې پېښه کې دوه تنه ټپیان شوي دي.

Continue Reading

تازه خبرونه

امنیت شورا په هرات کې د ملګرو ملتونو پر ودانۍ برید غندلی

Ariana News

خپور شوی

په

توسط

(Last Updated On: August 4, 2021)

د ملګرو ملتونو امنیت شورا غړیو د تېرې جمعې پر ورځ  د ( زمري اتمه ) په هرات ولایت کې د ملګرو ملتونو پر ودانۍ د برید پروخت د یو امنیتي کس پر وژل کېدو اندېښنه څرګنده کړې او پر ملکي وګړیو یې د برید کلکه غندنه کړې ده.

د م.م امنیت شورا په افغانستان کې د روانې جګړې له کبله په اغېزمنو سیمو کې د بشري حقونو د یو شمېر سرغړونو په اړه هم اندېښنه څرګنده کړې ده.

د ملګرو ملتونو امنیت شورا غړیو ټینګار کړی، چې ټولې خواوې باید په هر راز شرایطو کې د نړیوال بشردوستانه قانون تر چتر لاندې د ملکي وګړیو د خوندیتوب لپاره خپلو مسوولیتونو ته درناوی وکړي.

دوی ټینګار کړی، چې پر ملکي وګړیو، د ملګرو ملتونو پر کارمندانو او د ملګرو ملتونو پر ودانیو قصدي بریدونه جنګي جرم ګڼل کیدی شي او د جنګي جرمونو د عاملینو پر محاکمه کولو یې ټینګار کړی دی.

د ملګرو ملتونو امنیت شورا د افغانستان پر حکومت او طالبانو غږ کړی، چې د افغانانو په مشرۍ او واک د سولې په هراړخیز بهیر کې د پام وړ رول ولوبوي، چې وکولی شي د سیاسي جوړجاړي او اوربند پر لوري چټک پرمختګ وکړي.

د امنیت شورا غړیو ویلي، چې تلپاتې سوله یوازې د یوه پراخه او د افغانانو په مشرۍ د سولې بهیر له لارې ترلاسه کیدی شي، چې موخه یې تلپاتې هراړخیز اوربند او رښتینی سیاسي حل وی.

د ملګرو ملتونو امنیت شورا په افغانستان کې د روان تاوتریخوالي د سمدستي پای ته رسېدو غوښتنه وکړه.

دې ټولنې ويلي؛ پر افغان ملکي وګړیو قصدي بریدونه جنګي جرم ګڼل کېدی شي.

Continue Reading

تازه خبرونه

طالبان دې تاوتریخوالی بند او سیاسي هوکړې ته غاړه کېدي

Ariana News

خپور شوی

په

توسط

(Last Updated On: August 4, 2021)

د امریکا د بهرنیو چارو وزیر یو ځل بیا له ولسمشر اشرف غني سره په ټیلیفوني خبرو کې اعلان کړی، چې واشنګټن کابل ملاتړ ته ژمن دی او د تاوتریخوالي دوام، چې طالبان په کې ملکي وګړیو ته زیان رسوي؛ د منلو ندی.

ولسمشرۍ ماڼۍ ویلي، چې امریکا د افغان ځواکونو پر ملاتړ ټینګا کړی او ویلي یې دي، چې د سولې خبرې باید ګړندی شي او د سیاسي حل لارې روغه رامنځته شي او دا د شخړې د حل یوازنۍ لار ده.

د ولسشمر د ویاند مرستیاله فاطمه مورچل وایي: ولسمشر اشرف غني د امریکا له بهرنیو چارو وزیر سره ټیلیفوني خبرې کړي. امریکا له امنیتي ځواکونو تلپاتې ملاتړ څرګند کړې دی. په دې لیدنه کې د سولې پر چټک بهیر، د سیمې او ګاونډ هېوادونو پر سوله ییزو هڅو او د طالبانو لخوا مخ پر ډېرېدونکي تاوتریخوالي بحث او خبرې شوې دي.         

د امریکا د بهرنیو چارو وزارت ویلي، چې د سې شنبې پر ورځ د امریکا بهرنیو چارو وزیر انټوني بلینکن او د افغانستان د ولسمشر اشرف غني ترمنځ ټیلیفوني خبرې د دوحې پر ځنډیدلیو خبرو راڅرخېدلي او د اړتیا له مخې یې پر چټکو خبرو پیلولو هوکړه کړې ده.

د امریکا د بهرنیو چارو وزارت ویاند نډ پرایس په په ډاګه کړې؛ همدارنګه بلینکن او غني د طالبانو روان بریدونه او د ملکي وګړیو بې ځایه کیدل غندلي دي.

پرایس خبریالانو ته څرګنده کړې؛ که طالبان له خبرو ډډه وکړي ځانته به پاتې شي او لویه اندېښنه مو داده ، چې دا هېواد به د کورنۍ جګړې ښکار شي.

د امریکا د بهرنیو چارو وزارت ویاند ټینګار کوي، چې که طالبان له تاوتریخوالي لاس وانخلي، او د زور له لارې واک ته ورسي، نو دا شونې نده، چې نړیوال به یې پر رسمیت وپېژني.

دا په داسې حال کې ده، چې د دوحې په خبرو کې پرمختګ ندی شوی. که څه هم ټاکل شوې وه، چې د افغانستان جمهوریت پلوي پلاوي لوړپوړي غړي یو ځل بیا له طالبانو سره خبرو ته کیني؛ خو تر اوسه د خبرو بیا پیل لپاره نېټه نده ټاکل شوې.

Continue Reading

Trending

آریانا نیوز: ټول حقونه خوندي دي