Connect with us

تازه خبرونه

د هلمند اوسېدونکي: له افغان کلمې پرته تذکره نه اخلو

Ariana News

خپور شوی

 په

(Last Updated On: وږی ۱۶, ۱۳۹۴)

د هلمند اوسېدونکو د يوه لاريون په ترڅ كې ګواښ وكړ چې كه په برېښنايي پېژندپاڼو كې د اسلام او افغان كلمې نه وي نو له اخيستلو به يې ډډه وكړي. لاريون كوونكو له ولسمشر څخه وغوښتل چې يادو شويو ټکو ته جدي پاملرنه وکړي او که يې غوښتنه ونه منل شي د دې لاريونونو لړۍ به وغزوي.

دغه لاريون د دوشنبې په ورځ په هلمند كې د آزادو مدني بنسټونو له خوا په لښکرګاه ښار کې جوړ شوى و ګډونوالو يې له ولسمشر وغوښتل چې په پېژندپاڼو كې اسلام او افغان شامل كړي. دوى ګواښ كوي چې كه يې دا غوښتنه ونه منل شي نو لاريونونو ته به دوام وركړي.

د مدني ټولنې مشر سردارمحمد همدرد وايي: «له ولسمشر څخه غواړو په هر ډول چې وي بايد زموږ په پېژندپاڼو کې د افغان او اسلام کلمې راوړي.»

د مدني ټولنې مشر عبدالرشيد ناصري وايي: «ولسمشره همدې ملت رايه درکړې نو نه بايد چې د ملت حق تر پښو لاندې کړې، موږ په تذکره کې د افغان هويت ليکل غواړو.»

لاريون د يوه پرېكړه ليك په صادرولو پاى ته ورسېد چې اسلام او افغانيت يې خپل ديني او ملي ارزښتونه بللي او ټينګار يې كړى چې د سرپه بيه يې دفاع كوي.

دا په داسې حال كې ده چې تر دې وړاندې په كابل، ننګرهار او كندز كې هم دې ته ورته لاريونونه شوي دي.

خبريال:نعمت الله زهير

Continue Reading
Advertisement

تازه خبرونه

په دایکندي ولایت کې ماین چاودنې د ۵ ماشومانو په ګډون ۱۴ کسان وژلي

Ariana News

خپور شوی

په

توسط

(Last Updated On: تله ۸, ۱۳۹۹)

کورنیو چارو وزارت څرګنده کړې، چې پېښه نن سهار ۹:۰۰ د دایکندي ولایت د کجران ولسوالۍ د دشت سلیمان آباد په اړوند سیمه کې پر یو فلاینکوچ موتر د سړک غاړې ماین چاودنه تر سره شوې.

د دغه وزارت د څرګندونو له مخې؛ ماین د طالبانو لخوا ځای پر ځای شوی و.

دې وزارت زیاته کړې، چې په دغه موتر کې ۱۷ مسافر سپاره ول، چې په کې ۱۴ کسان مړه او درې نور ټپیان شوي دي.

یاد وزارت وايي، په مړو کې اووه ښځې، پېنځه ماشومان او دوه سړي شامل دي.

په ټول هېواد کې له تېرو دوه میاشتو راپدیخوا تاوتریخوالی ډېر شوی؛ په ځانګړي توګه د عامه سړکونو په اوږدو کې د ماینونو ښخول، چې د پوځيانو په پرتله یې ډېر ملکي وګړي وژلي دي.

Continue Reading

تازه خبرونه

له اوسنۍ تاریخي شېبې پرته به وضعیت نور هم بحراني شي – عبدالله عبدالله

Ariana News

خپور شوی

په

توسط

(Last Updated On: تله ۷, ۱۳۹۹)

د ملي پخلاینې عالي شورا مشر عبدالله عبدالله پاکستان ته د خپل درې ورځني سفر پر مهال ویلي؛ که د سولې له روانې تاریخي شېبې ګټه پورته نشي؛ وضعیت به نور هم ورسره بحراني شي.

نوموړي په خپل دغه کاري سفر کې د پاکستان د بهرنیو چارو له وزیر سره خبرې کړي دي.

عبدالله عبدالله له پاکستانيو چارواکو مننه کړې، چې طالبان یې د سولې خبرو ته هڅولي دي.

هغه دا غوښتنه هم کړې، چې له خپلمنځي خبرو کلک ملاتړ وکړي.

هغه ویلي، چې د تاوتریخوالي زیاتوالی به د سولې پر روانو هڅو ناوړه اغېزه وکړي.

د پاکستان د بهرنیو چارو وزیر له عبدالله عبدالله سره په کتنه کې ویلي، چې هېواد یې د افغانستان په چارو کې لاسوهنه نکوي؛ خو د افغانستان د سولې له بهیره ملاتړ کوي.

ټاکل شوې، چې عبدالله عبدالله به په دې درې ورځني سفر کې د پاکستان له لومړي وزیر عمران خان او د پوځ له لوی درستیز سره هم وګوري.

په اسلام آباد کې د افغان پلاوي لپاره ځانګړي تدابیر نیول شوي دي.

د پخلاینې عالي شورا مسوولینو ويلي، چې دا سفر به د افغانستان او پاکستان په اړیکو کې نوی څپرکی پرانیزي.

په دغه سفر کې د پاکستان لپاره د ولسمشر ځانګړی استازی عمر داوودزی هم ملګری دی.

د نوموړي وینا؛ په کار ده، چې پاکستان خبرو ته د طالبانو هڅول روان وساتي.

د افغانستان په سوله او جګړه کې د پاکستان ونډه مهمه ګڼل کیږي.

اوس نظر دا دی، چې پاکستان د افغانستان لپاره په خپلو پالسیو کې یو څه بدلون راوستی او غواړي، چې د سولې له بهیر ملاتړ وکړي.

Continue Reading

تازه خبرونه

په امریکا کې تیک تاک لنډمهاله فعال پاتې کیږي

Ariana News

خپور شوی

په

توسط

(Last Updated On: تله ۷, ۱۳۹۹)

که څه هم د امریکا ولسمشر پر تیک تاک پروګرام بندیز لګولی و؛ خو سره له دې هم په دې هېواد کې د لاسرسي وړ دی.

که د سپینې ماڼۍ غوښتنه منل شوې وای؛ په امریکا کې به نویو کاروونکیو ته د دغه زړه راکښونکي پروګرام  دانلود بند شوی و.

تیک تاک د امریکا او چین تر منځ هغه وخت د لانجې یو بل ټکی شو، چې کیدی شي چین د امریکایي کاروونکيو معلومات وکاروي.

د امریکا حکومت د څو اوونیو لپاره د تیک تاک د امریکایي برخې د پلورلو هڅه وکړه او مایکروسافت هم چمتو شو، چې ویې پېري.

په هرحال داسې ښکاري، چې اوراکل او والمارت یې اوس د خپلولو لیواله شوی دی.

د یکشنبې پر ورځ، د امریکا قاضي د دې هېواد آنلاین پلورنځیو څخه د تیک تاک پروګرامونو په ترلاسه کولو کې د بندیز د لنډمهاله لرې کولو امر کړی.

نوموړي قاضي پرې پراخ بندیز ونه لګاوه؛ ځکه، چې هغه به د نومبر پر ۱۲ نېټه پلي شي او دا پروګرام په امریکا کې بې ګټې دی.

تیک تاک په ډاګه کړې: مونږ خوښ یو، چې محکمې زمونږ له قانوني دلیلونو سره هوکړه وکړه او امر یې وکړ، چې د تیک تاک پر پروګرام لګیدلی بندیز دې لرې شي.

دغه راز ویل شويو چې مونږ به د خپلې ټولنې او خپلو کارمندانو په ګټه د خپلو حقونو دفاع روانه ساتو.

Continue Reading
Advertisement

Trending