Connect with us

تازه خبرونه

د هرات په دولتي دفترونو کې د آسانتیاوو د نشتون له کبله د کورونا ویروس خپریدل

خپور شوی

 په

(Last Updated On: غویی ۲۱, ۱۳۹۹)

د هرات ولایت په دفترونو کې د آسانتیاوو د نشتون له کبله له ۱۲۰ ډېر دولتي کارکوونکي پر کورونا ویروس اخته شوي دي.

د عامې روغتیا چارواکو منلې، چې اوسمهال په هرات کې ډېري کارمندان په خپلو کورونو کې قرنطین شوي دي.

په هرات کې د آریانا لخوا تر سره شوې څیړنې ښیې، چې د دولتي کارمندانو او دفترونو ته د مراجعه کوونکیو کسانو لخوا روغتیا مشورو ته بې پامي د دې لامل شوې، چې په دولتي ادارو کې کرونا ویروس پراختیا ومومي.

د یادې څېړنې موندنې ښيي، چې د ترانسپورت ادارې ۴، د اوبو رسونې درې، د ښاروالۍ ۴، د مستوفیت ۳، د برښنا شرکت ۵، د عامې روغتیا ریاست ۷۵، پولیس او سرتېري ۱۰، د هرات امبولانس ۴، د هرات ولایت و بشري سرچینو د مشر په ګډون د ولایت ۳، د جوماتونو ۱۱ ملاامامان او د هرات ګمرک ۸ کارکوونکي پر کرونا ویروس اخته شوي دي.

د هرات د عامې روغتیا مشر داکتر عبدالحکیم تمنا ویلي، چې د دولتي کارکوونکیو او ښاریانو لخوا د عامې روغتیا سپارښتونو ته پاملرنه نکول دغه ویروس یو نوي پړاو ته وردننه کړی دی.

د نوموړي د څرګندونو له مخې؛ که دغه بې پامې همداسې روانه وساتل شي؛ لیرې نده، چې په نږدې راتلونکي کې مو له یو ستر ناورین سره مخ کړي.

هغه دا هم ویلي، چې د حکومت ډېري کارکونکي دمګړۍ له ښه روغتیایي حالت سره مخ دي.

دغه راز په هرات کې یو شمېر دولتي چارواکي ټینګار کوي، چې له کرونا ویرس سره د مبارزې لپاره په دفترونو کې روغتیايي آسانتیاوې نشته، چې له کبله یې ډېري دولتي کارکوونکي پر کرونا ویروس اخته شوي دي.

شریف احمد د هرات د حکومتي دفتر کارمند ويلي، چې دوی ته په اوونۍ کې یو ماسک او دستکشې ورکړ شوي او هره ورځ له ګڼشمېر مشتریانو سره لیدنې لري.

هغه دا هم ویلي، چې که څه هم د ادارې درې کارمندان مو پر کرونا ویروس اخته شوي؛ خو دا اداره هیچا عفوني ضد نکړه.

د اوبو رسولو ریاست مشر انجنیر راتیب حمیم منلې، چې د دې ادارې یو کارمند پر کرونا ویروس اخته شوی او دوه همکاران یې شکمن دي.

انجنیر حلیم ویلي، چې د دوی اداره یو خدماتي اداره ده او دوی له قرنطین سره سره له تېرو دوه میاشتو راپدیخوا کارونه روان ساتلي دي.

نوموړي زیاته کړې؛ ډېري خلک، چې دې دفتر ته راځي ماسکونه نلري او د خوندیتوب لارښوونې هم نه تعقیبوي.

د هرات ښاروال غلام مشفق خدمتګار هم په دولتي دفترونو کې د کورونا ویروس خوریدل مني او وایي، چې د دې ادارې یو کارمند پر کرونا ویروس اخته دی او دمګړۍ په کور کې قرنطین دی.

د هرات ښاروال ويلي، چې هره ورځ د دوی د کاري ډلې لخوا عامه ځایونه او ځینې له ګڼې ګوڼې دکې دولتي ادارې ضد عفوني کیږي.

 پدې وروستیو کې د هرات والي د دغه ولایت د دولتي ادارو کارمندانو ته لسپارښتنه کړې، چې روغتیایي سپارښتنو ته دې پاملرنه وکړي او ماسکونه وکاروي.

همدارنګه د هرات امبولانس مشر ډاکټر ابراهیم محمدي ټینګار کوي، چې په هرات کې پر کرونا ویروس د خلکو اخته کیدل ورځ تر بلې مخ پر زیاتیدو دي او ډېري خلک خپله ناروغي پټوي او په کورونو ځان قرنطین کوي.

هغه دا هم منلې، چې په هرات کې د بېلابېلو دولتي ادارو له ۱۲۰ ډېر کارمندان پر کورونا ویروس اخته دي.

هرات په افغانستان کې د کرونا ویروس مرکز دی او لومړی ولایت دی، چې د ۱۳۹۸ لمریز هجري کال کب پر ۵  په کې کرونا ویروس وپېژندل شو.

تازه خبرونه

 پاکستان د بهرنیو چارو وزیر د یوه لوړ پوړي پلاوي په مشرۍ کابل ته راغلی

خپور شوی

په

توسط

(Last Updated On: تله ۲۹, ۱۴۰۰)

د پاکستان د بهرنیو چارو وزیر شاه محمود قریشي نن (پنجشنبه د تلې ۲۹) له افغان چارواکو سره د خبرو لپاره د یوه لوړ پوړي دولتي پلاوي په مشرۍ کابل ته راورسید.

د پاکستان د بهرنیو چارو وزارت په څرګندونه کې راغلي، چې قریشي به د افغانستان د بهرنیو چارو وزارت له چارسمبالي وزیر امیر خان متقي او نورو افغان چارواکو سره وویني.

د یادې سرچینې په خبرپاڼه کې راغلي، چې د ناستې پر مهال به پر دوه اړخیزو اړیکو سربېره د بېلابېلو برخو د همکاریو پر پراختیا خبرې وشي.

دغه راز څرګنده شوې: د بهرنیو چارو وزیر به له دې رامنځته فرصت څخه په سیمه کې د سولې او ثبات په اړوند مسلو کې د پاکستان د اندونو د شریکولو لپاره ګټه پورته کوي. پاکستان، د یوه ورور ګاونډ په توګه تل د افغانستان تر څنګ ولاړ دی.

د پاکستان د بهرنیو چارو وزارت زیاته کړې، چې د کرونا ویروس تر پروتوکول لاندې د دواړو هېوادونو ترمنځ سوداګرۍ او ټرانزیټ لپاره لارې خلاصې دي.

دغه وزارت وايي، چې د افغانانو او سوداګریزو چارو د تګ او راتګ لپاره ترتیبات نیول شوي دي.

پاکستان څرګنده کړې: په وروستیو میاشتو کې پاکستان د خواړو او درملو بشري او نورې مرستې کړې دي.

دغه راز ویل شوي، چې د بهرنیو چارو د وزیر سفر د ورور افغانستان له خلکو څخه د پاکستان د ثابت سیاست او ملاتړ ښکارندوي، دوه اړخیزې سوداګرۍ او اقتصادي اړیکو پیاوړي کولو او د خلکو ترمنځ نږدې اړیکو آسانولو لپاره تر سره کیږي.

خپاره شوي انځورونه ښيي، چې د افغانستان د بهرنیو چارو وزارت چارسمبالی د قریشي پر مشرۍ راغلي پلاوي ته ښه راغلاست وایي او دغه راز له پاکستان څخه په راغلي پلاوي کې د استخباراتو پخوانی مشر جنرال فیض حمید هم لیدل کیږي.

Continue Reading

تازه خبرونه

د مسکو ناستې ګډونوالو له افغانستان سره خپلې ژمنې بیا تایید کړې

خپور شوی

په

توسط

(Last Updated On: تله ۲۹, ۱۴۰۰)

د افغانستان په اړه د مسکو مشورتي غونډې ګډونوالو د پنجشنبې پر ورځ په یوه اعلامیه کې په ډاګه کړې، چې دوی د افغانستان حاکمیت، خپلواکۍ او ځمکنۍ بشپړتیا ته پوره درناوی لري او له دې هېواد سره پر ډېرو نورو عملي همکاریو ټینګار کوي.

د روسیې، چین، پاکستان، ایران، هند، قزاقستان، قرغزستان، تاجکستان، ترکمنستان او ازبکستان د ځانګړیو استازیو لخوا په یوه ګډه اعلامیه کې ویل شوي، چې ټولو خواوو له افغانستان سره د یوه سوله ییز، نه وېشل کېدونکي، خپلواک او له اقتصادي پلوه مخ پر ودې حکومت په توګه ټینګار ټینګار څرګند کړ او غواړي، چې دا هېواد باید له ترهګرۍ او مخدره توکو پاک او د بشري حقونو درناوي ته په کې زمینه برابره شي.

دا غونډه د چارشنبې پر ورځ  د تلي پر ۲۸ په مسکو کې جوړه شوه د افغانستان د اسلامي امارت د لومړي وزیر د مرستیال عبدالسلام حنفي او ورسره د مل پلاوي په ګډون د ۱۰ نورو هېوادونو استازیو ونډه لرله.

په خبرپاڼه کې راغلي، چې په روان نوي څپرکي کې له افغانستان سره عملي همکارۍ ته اړتیا ده.

د غونډې ګډون کوونکیو هېوادونو د اسلامي امارت له مشرانو وغوښتل، چې د حکومت ښه کولو لپاره نور ګامونه هم پورته او یو رښتینی ټولمنلی حکومت رامنځته کړي، چې په هېواد کې د ټولو سترو قومي-سیاسي ځواکونو ګټې په مناسبه بڼه وځلوي.

په اعلامیه کې راغلي: دا کار به په افغانستان کې د ملي پخلاینې د بشپړیدو لپاره یو بنسټیز شرط وي.

د مسکو د غونډې ګډونوالو د افغانستان له اسلامي امارته غوښتي، چې معتدل، سالم داخلي او بهرني سیاستونه پلي او د ګاونډ هېوادونو پر وړاندې دوستانه پالیسي غوره کړي، د تلپاتې سولې، امنیت، خوندیتوب او اوږدمهاله سوکالۍ ګډ اهداف ترلاسه کړي او د قومي ډلو، ښځو او ماشومانو حقونو ته درناوی وکړي.

دغه راز څرګنده شوې، چې په افغانستان کې د ترهګرو سازمانونو د فعالیتونو په اړه د رامنځته شویو  اندېښنو د مخنیوي لپاره باید په افغانستان کې د امنیت او ثبات د ودې لپاره لیوالتیا او ژمنې یو ځل بیا ډاډمنې شي.

په اعلامیه کې راغلي: د غونډې برخوال خوښ دي، چې د افغانستان د سرپرست حکومت لخوا نورو هېوادونو ته د ګواښ نه پېښودو ډاډ رامنځته شوی دی.

په افغانستان کې له تېر حکومته پاتې اقتصادي او بشري ناورین اوسني حکومت ته اداري ستونزې رامنځته کړي، چې نړیواله ټولنه باید له افغان ولس سره بیړنیو بشري او اقتصادي مرستو ته زمینه برابره او هراړخیزې عملي هڅې ګړندۍ کړي.

Continue Reading

تازه خبرونه

په هرات کې يو ډاکټر د انسان تښتوونکیو له منګولو آزاد شو

خپور شوی

په

توسط

(Last Updated On: تله ۲۹, ۱۴۰۰)

د افغانستان اسلامي امارت وايي، چې په هرات ولایت کې استخباراتي ادارو یو ډاکټر د تښتوونکیو له منګولو آزاد کړی دی.

د هرات والي عبدالقیوم روحاني ویلي، چې دغه ډاکټر شرف الدینه یوه اوونۍ مخکې د هرات له ښاره تښتول شوی و او د دغه ولایت په ګوزره ولسوالۍ کې د سړي تښتوونکیو له خوا ساتل کېده.

د نوموړي د څرګندونو له مخې؛ د دې پېښې په تړاو څلور کسان نيول شوي، چې تر پلټنو لاندې دي.

د هرات والي ټینګار کوي، چې د اسلامي امارت ځواکونه د دغه راز پېښو د له منځه وړلو لپاره کار کوي.

Continue Reading

Trending

آریانا نیوز: ټول حقونه خوندي دي