Connect with us

نړۍ

د نړۍ په ډېرو هېوادونو کې د کرونا مثبتې پېښې ډېرې شوي

Ariana News

خپور شوی

 په

(Last Updated On: زمری ۵, ۱۳۹۹)

نه یوازې په ټوله نړۍ کې، بلکې  په هغو هېوادونو کې لکه امریکا، برازیل او هند، چې له کرونا ډېر زیانمن شوي؛ د اخته کسانو شمېر پورته شوی، دغه راز  آسترالیا، جاپان، هانګ کانګ، بولیویا، سودان، ایتوپیا، بلغاریا، بلجیم، ازبکستان او اسرائیل هم د مثبتو پېښو د ډېریدو لیدونکي دي.

هغو هېوادونو، چې ټولنیز واټن او بندیزونه لیرې کړي؛ اوس د یوې میاشتې په بهیر کې د دوه یمې څپې لیدونکی شوي دي.

د روغتیا نړیوالې ټولنې مدیر تدروس آدهانوم قبریسوس ویلي؛ د تېرمهال عادي ورځو ته به ورونه ګرځو. د دې ویروس خوریدو مو د ژوندانه بنه له بدلون سره مخ کړې ده.

قبریسوس څرګنده کړې، چې خلک دې د کارونو د ترسره کولو، لیدنو او تګ راتګ په اړه خپله پرېکرې کوي؛ ځکه دا د ژوند او مرګ خبره ده.

د رویتر څرګندونې، چې له رسمي سرچینو تر لاسه شوي ښیي؛ چې په تېره یوه میاشت کې پر کرونا د اخته کسانو په ورځني شمېر کې زیاتوالی راغلی دی.

لږ تر لږه ۸ هېوادونو درې اوونۍ مخکې، ۱۳ هېوادونو دوه اوونۍ مخکې، ۲۰ هېوادونو تېره اوونۍ او ۳۷ هېوادونو په روانه اوونۍ کې ډېروالی درلود.

اوس هم له کرونا څخه د مړینې بشپړ شمېر نامعلومه او حقیقي ندی؛ ځکه د رویترز معلومات هم د هغو هېوادونو تر لاسه شوي، چې د پېښو منظم ورځنی شمېر وړاندې کوي.

امریکا د نورو هېوادونو په پرتله د زیانمنو هېوادونو د نوملړ په سر کې دي. دمګړۍ یې پر کرونا ۴۱۷۸۷۳۰ کسان اخته، ۱۴۶۴۶۳ مړه او ۱۲۷۹۴۱۴ رغیدلي دي.

آسترالیایي چارواکو د یوې پېښې په رامنځته کیدو ۶ اوونیز بندیز ولګاوه او د مخ ماسک یې د هېواد په دوه یم لوی ښار ملبورن کې اړین وګرځاوه.

آسترالیا او جاپان، چې په روانه اوونۍ کې د ځوانانو تر منځ د مثبتو پېښو لیدونکي شول؛ نو ګواښ یې وکړ، چې خلک دې هوټلونو او میلمستیاوو ته له تګ ډده وکړي.

په مکسیکو کې هم د اخته کسانو شمېر ډېر شوی، چې د مړینې د پېښو د شمېر له کبله څلورم هېواد شمېرل شوی دی.

اروپا او اسپانیا هم په ورځني شمېر کې د دېروالي له کبله له اندېښنو سره مخ شوي او ان اسپانیا د سیلانیانو د ورتګ منخنیوی کوي.

په منځني ختیځ کې عمان دوه اوونیز بندیزونه په پام کې لري، چې د شنبې پر ورځ به پیل شي او لوی اختر به هم ترې اغېزمن شي.

تازه خبرونه

آرمنستان او آذربایجان پر لانجمنه سیمه نښته کړې

Ariana News

خپور شوی

په

توسط

(Last Updated On: تله ۷, ۱۳۹۹)

ترکیې له آرمنستان وغوښتل، چې له آذربایجان سره د نګورنو- قره باغ پر سیمه روانه دښمني ژر تر ژره ودروي.

ارمنیا ادعا کړې، چې آذربایجان پرې هوایي او توپچي بریدونه پیل کړي. پوځي حکومت له خلکو د راټولیدو او متحد کیدو غوښتنه کړې ده.

آذربایجان هم ویلي، چې د آرمنستان د برید ځواب یې ورکړی دی. په هرحال دواړو لوریو د ملکي وګړیو له مرګ و ژوبلې خبر ورکړی دی.

روسیې هم د یکشنبې پر ورځ له آذربایجان او آرمنستان څخه د سیمې د ثبات لپاره د سمدستي اوربند غوښتنه کړې ده.

ارمنیا او آذربایجان د پخواني شوروي اتحاد یوه برخه وه، چې په ۱۹۹۱ کې ووېشل شول او نګورنوـ قره باغ یې تر منځ لانجمنه سیمه پاتې شوې ده.

نړیواله ټولنه نګورنو – قره باغ د آذربایجان یوه برخه ګڼي؛ خو اوس پرې د ارمنستان واک چلیږي.

نن د دواړو هېوادونو ترمنځ وسلوال تاوتریخوالی رامنځته شو، چې ویل کیږي ملکي وګړیو ته په کې مرګ و ژوبله هم اوښتې ده.

د آرمنستان دفاع وزارت ويلي؛ آرمنستاني ځواکونو دوه آذربایجاني چورلکې او درې ډرون الوتکې ویشتلي دي.

د هغه په ​​وینا، نښته نن ځایي وخت د سهار پر ۴:۳۰ پیل شوه.

د آذربایجان دفاع وزارت ویلي، چې د تانکونو، توپچي توغندیو، جنګي جت الوتکو او ډرونونو په کارولو  مو د آرمنستان د نظامي فعالیتونو د ځپلو او د خلکو د امنیت د خوندي کولولپاره عملیات پیل کړل.

دې وزارت منلې، چې د آذربایجاني چورلکه نسکوره شوې؛ خو چاته په کې ځاني زیان ندی رسیدلی.

د آذربایجان د ولسمشرۍ ویاند حکمت حاجیف څرګنده کړې؛ د ملکي او پوځي تلفاتو راپورونه شته.

الجزیرې څرګنده کړې، چې د ناګورنو- قره باغ چارواکو هم پوځي حکومت اعلان کړی او اتباع یې هڅولي دي.

د سیمې مشر آرتک بګلاریان ویلي، چې د سیمې خلکو هم ځاني زیانونه رسیدلي دي.

دغه راز د ترکیې دفاع وزیر هولوزي آکار د انادولو خبري اژانس ته ویلي، چې په قفقاز کې د سولې او ثبات پر وړاندې ترټولو لوی خنډ د آرمنیا له دښمني ډک دریځ دی او باید سمدلاسه دغه دښمني ودروي له لولپه کیدو وژغوري.

د یکشنبې پر ورځ آکاز ویلي: ترکیه به پخپلو ټولو وړتیا له باکو ملاتړ وکړي.

آرمنیا تر دې دمه په دې اړه څه ندي ویلي.

Continue Reading

تازه خبرونه

هند په سیمه کې له اسلام وېره هڅوي – عمران خان

Ariana News

خپور شوی

په

توسط

(Last Updated On: تله ۵, ۱۳۹۹)

د پاکستان لومړي وزیر عمران خان ټینګار کړی، چې په سویلي آسیا کې دوامداره سوله اړینه ده؛ خو هند له اسلام وېره او اسلام دښمني یا اسلاموفوبیا هڅوي.

عمران خان د جمعې پر ورځ د ملګرو ملتونو عمومي اسامبلې ته په له مخکې ثبت شوې وینا کې ویلي، چې له پاکستان څخه د افغان کډوالو راستنېدل باید د سیاسي حل یوه برخه وي.

خان زیاته کړه، چې اسلام دښمنۍ په هندوستان کې بې سارې وده کړې ده او د هند نږدې ۲۰۰ میلیون مسلمانان ګواښي.

هغه ټینګار کړی، چې شر جوړول او کرکه خپرول باید په نړۍ کې ناقانونه شي او له ملګرو ملتونو یې وغوښتل، چې د اسلام دښمنۍ پر ضد د مبارزې نړیواله ورځ دې ونومول شي.

عمران خان زیاته کړې، چې د هند حکومت جوماتونه ویجاړ کړي، مسلمانان یې وژلي او د هغوی پېژندنه د تبعیضي قوانینو له مخې په خطر کې ده.

عمران خان دا هم ویلي؛ په تېروتنه مسلمانان د کرونا د ویروس د خپریدو له کبله رټل شوي، سپک شوي او قرباني شوي دي. دوی له روغتیايي پاملرنې بې برخې دي او په ډېري مواردو کې د دوی پر دندو هم بندیزونه لګیدلي دي.

په خواشینۍ، چې هند په نړۍ کې یوازنی هېواد دی، چې اسلام دښمني هڅوي او ترې  ملاتړ کوي.

دغه راز عمران خان په پاکستان کې د کرونا ویروس مسله هم راپورته کړه او په دې اړه یې څرګنده کړې؛ هوښیار قرنطین مو له هېواد سره مرسته کړې، چې د دغې ناروغۍ د خپریدو په مخنیوي کې مرسته وکړي.

هغه دا هم په ډاګه کړې: مونږ نه یوازې دا، چې ویروس وڅاره، بلکې له اقتصادي ثباته هم برخمن یو. له ټولو مهمه دا، چې مونږ توانیدلي یو، چې د خپلې ټولنې بېوزله برخه د قرنطین له ناوړه پایلو څخه وژغورو.

Continue Reading

تازه خبرونه

ترمپ غواړي، چې د ټاکیزو پایلو پرېکړه ستره محکمه وکړي

Ariana News

خپور شوی

په

توسط

(Last Updated On: تله ۳, ۱۳۹۹)

که د امریکا ولسمشر دونالد ترمپ د روان کال د نومبر د درېیمې په ټاکنو کې له ماتې سره مخ شي؛ نو د واک سوله ییز لیږد ته به زړه ښه نکړي او د ټاکنیزو پایلو په اړه پرېکړه به ستره محکمه وکړي.

جمهوریت غوښتونکي ترمپ په سپینه مانۍ کې خبریالانو ته په دې اړه، چې آیا هغه په ​​سوله ییزه توګه واک سپارلو ته چمتو دی؛ ویلي: باید وګورو، چې څه پېښیږي.

رویترز څرګنده کړې، چې ترمپ په ځلونو له ثبوت پرته د راتلونکیو ټاکنو مشروعیت تر پوښتنې لاندې راوستی او ټینګار یې کړی، چې رای ورکول به د پوست منجر له لارې پایلې له درغلۍ او جعل سره مخ کړي.

هغه زیاته کړې، چې د رایو صندوقونه یو ناورین دی.

دیموکراتانو پوست رایې له کرونا ویروس څخه د خوندیتوب لپاره هڅولي دي.

د امریکا اردو له کلونو راپدیخوا پوست رایې کاروي.

دیموکرات جوبایدن خبریالانو ته ویلي، چې د ترمپ څرګندونې منطق نلري.

د نوموړي ټاکنیزې ډلې ویلي، چې د د ترمپ هر راز شیطانت چچمتو والی لري. د امریکا حکومت د دې وړتیا لري، چې سرغړوونکي له سپینې ماڼۍ وباسي.

دا په داسې حال کې ده، چې ترمپ د چهارشنبه پر ورځ په ډاګه کړې: ټاکنې به په ستره محکمه کې پای ته ورسیږي. مونږ ۹ قاضیان لرو، چې خورا مهم دي.

Continue Reading
Advertisement

Trending