Connect with us

تازه خبرونه

د نړۍ اوږد مهاله جګړې مسوولانه پای ته رسوو – جو بایډن

Ariana News

خپور شوی

 په

(Last Updated On: February 11, 2021)

د امریکا ولسمشر جو بایډن د چارشنبه پر ورځ  له پنټاګون څخه د لیدنې پر وخت ویلي؛ هغه به هیڅکله د امریکا د دفاع لپاره د ځواک له کارولو ډډه ونکړي، خو هغه ژمنه وکړه، چې د نړۍ له مشرانو سره به د روانې اوږدمهالې جګړې پر پای ته رسولو کار وګړي.

بایډن څرګنده کړې: ستاسو د اعلی سر قومندان په توګه به هیڅکله د امریکا، د امریکا د خلکو او په ټوله نړۍ کې زمونږ د متحدینو د حیاتي ګټو د ساتنې لپاره د ځواک کارول ونسپموي.

هغه زیاته کړې، باید ووایو، چې د دفاع وزارت مرکزي او اړین ماموریت دا دی، چې د دښمنانو د یرغل مخه ونیسي او که اړتیا وي جګړه او ګټل د امریکې خوندي وساتي.

هغه په ​​دې مراسمو کې د دفاع وزارت کارمندانو ته څرګنده کړه، چې د امریکا دفاع وزارت په ټوله نړۍ کې د بهرنیو چارو وزارت ډیپلوماتانو ته اړین دی.

جو بایډن ژمنه وکړه، چې د دفاع له وزیر لویډ آسټین او د نړۍ له مشرانو سره به کار وکړي، چې اوږدمهاله جګړې مسولانه پای ته ورسوي او دا ډاډ هم ترلاسه شي، چې ترهګریز ګواښونه د امریکا د خلکو امنیت له خطر سره مخ کولی نشي.

بایډن د می د لومړۍ نېټې د عسکرو ایستلو کومه نغوته نده کړې. په داسې حال کې، چې د امریکا او طالبانو تر منځ د ۲۰۲۰ زېږدیز کال د فبرورۍ پر ۲۹ د لاسلیک شوې هوکړې له مخې باید په افغانستان کې د ځواکونو شمېر صفر ته ورسوي.

تر دې دمه ، نښې نښانې داسې دي، چې نوې اداره به پر لاسلیک شوي ټړون بیاکتنه کوي او د ځواکونو وتل به د شرایطو پر بنسټ وي، نه د هوکړې له مخې.

تازه خبرونه

امریکا او ناټو تر ۵ میاشتو خپل ټول پوځیان له افغانستان وباسي – انټوني بلیکن

Ariana News

خپور شوی

په

توسط

(Last Updated On: April 14, 2021)

د امریکا بهرنیو چارو وزیر انټوني بلینکن د چارشنبه پر ورځ په بروکسل کې څرګنده کړې، چې په افغانستان کې د ناټو په مشرۍ ځواکونو ائتلاف به هم د سپتمبر پر ۱۱ نېټه زمونږ له پلان سم ووځي او غواړي په افغانستان کې خپله اوږده جګړه نوره پای ته ورسوي.

ټاکل شوې، په راتلونکیو څو ګړیو کې د امریکا ولسمشر جوبایډن د ځواکونو د ویستو خپله سخته پرېکړه اعلان او د امریکا اوږدې جګړې ته د پای ټکی کېدي.

هغه به ووایي، چې تر ۵ میاشتو ټول ځواکونه له افغانستان وباسي.

ولسمشر بایډن دا پرېکړه له پوځي مشرانو، د ملي امنیت له ډلې، شریکانو او متحدینو سره په ګډه کړې ده. جوبایډن باوري دی، چې افغانستان پوځي حل لار نلري.

د امریکا دفاع  او بهرنیو چارو وزیران بروکسل ته رسېدلي؛ بلینکن د ناټو له عمومي منشي سره په یوه ګډه خبري ناسته کې ویلي؛ د امریکا او ناټو ځواکونو د وتلو وخت رارسېدلی او له خپلو متحدینو سره یوځای راوانه اوږده تاریخي جګړه به پای ته ورسوي.   

انټوني بلینکن وایي: زه همدلته یم، چې له متحدینو او د ناټو له عمومي منشي سره له نږدې کار وکړو او دې ژمنې ته، چې یوځای راغلي یو او یوځای له افغانستان وځو.

ناټو هم له امریکا سره له افغانستان څخه د وتلو پرېکړې ته همغږې ده.

د ناټو عمومي منشي ینس سټولتنبرګ وايي: نن به مونږ په افغانستان کې د خپل راتلونکي حضور په اړه پرېکړه وکړو. مونږ له دې رامنځته شوي فرصته هرکلی کوو، چې له نږدې له خپلو ټولو متحدانو سره پرې مشوره وکړو، ځکه په افغانستان کې د راتلونکي شتون په اړه همغږي یو.

د افغانستان حکومت د امریکا دې پرېکړې ته، چې له افغانستان څخه به ځواکونه وباسي؛ درناوی لرو او په دې صورت کې افغان ځواکونه د خپل هېواد د ساتنې وړتیا لري.

د ولسمشرۍ د ویاند مرستیال لطیف محمود وایي: امنیتي ځواکونه مو د هېواد ساتنې له وړتیا برخمن دي.

د یادونې ده، چې دمګړۍ د ناټو د اته زره سرتېرو تر څنګ په افغانستان کې د امریکا څه نا څه ۲۵۰۰ سرتېري شتون لري.

Continue Reading

تازه خبرونه

په روان کال کې ملکي زیانونه ۲۹ سلنه ډېر شوي ـ یوناما

Ariana News

خپور شوی

په

توسط

(Last Updated On: April 14, 2021)

په افغانستان کې د ملګرو ملتونو سیاسي استازولۍ څرګنده کړې؛ د روان کال په تېرو ۳ میاشتو کې نږدې ۶۰۰ ملکي وګړي وژل شوي او له ۱۲۰۰ ډېر ټپیان دي.

یوناما یو ځل بیا د تلفاتو سترعامل طالبان بولي او وایي، چې د تلفاتو دوه یم ستر عامل افغان امنیتي او دفاعي ځواکونه دي.

 یوناما د جګړې له ښکېلو خواوو غوښتي، چې د ملکي وګړیو د وژلو د درېدو لپاره د حل یوه بیړنۍ لار پیدا کړي.

د یوناما د راپور له مخې؛ د ۲۰۲۱ کال له جنورۍ یا د مارچ تر ۳۰ ، ۵۷۳ ملکي وګړي وژل شوي او ۱۲۱۰ نور ټپیان دي.

په راپور کې راغلي؛  په همدې موده کې  ۳۷ سلنه ښځې او ۲۳ هغه ماشومان دي.

په افغانستان کې د ملګرو ملتونو استازې ډیبرا لاینز ویلي:

د ښځو او ماشومانو د ځاني زیانونو ډېرېدل ځوروونکې ده. مونږ له ښکېلو لوریو غواړو، تاوتریخوالی چټک راکم کړي.

په راپور کې د ۴۳.۵ ځاني زیان عاملان طالبان پېژندل شوي او ورپسې ملي، امنیتي او دفاعي ځواکونه دي، چې د ۲۵ سلنه هغې عامل پاتې دي.

یوناما ویلي؛ د سولې له هر فرصته باید ګټه پورته شي او د ملکي وګړیو د ځاني زیان د مخنیوي لپاره باید تاوتریخوالي ودرېږي.

د ملي داع وزارت د ویاند مرستیال فواد امان د ټولو ملکي زیانونو پړه پر طالبانو اچوي او وایي، چې

حکومت افغانستان بار دیگر تاکید می کند که عامل تمامی تلفات غیر نظامیان در کشور گروه طالبان است؛ خو طالبانو بیا د حکومت اویوناما څرګندونې رد کړي او د ملکي زیانونو عامل حکومت او بهرني ځواکونه بولي.

دا په داسې حال کې ده، چې د روژې له پیله راپدیخوا د هېواد په ۲۴ ولایتونو کې درنده جګړه روانه ده.

Continue Reading

تازه خبرونه

د ټولو بهرنیو ځواکونو له وتلو پرته به په کنفرانسونو کې ګډون ونکړو- طالبان

Ariana News

خپور شوی

په

توسط

(Last Updated On: April 14, 2021)

طالبانو ویلي، چې دوی به د ټولو بهرنیو ځواکونو له وتلو پرته په هیڅ یو کنفرانس کې هم ګډون ونکړي.

له افغانستان څخه د روان زېږدیز کال د سپتمبر پر ۱۱ د امریکایي سرتېرو د ایستلو د پرېکړې له راپورونو وروسته طالب ویاند محمد نعیم څرګنده کړې: تر هغې، چې ټول بهرني سرتېري له هېواده وتلي نه وي؛ طالبان به د افغانستان په اړه د پرېکړې په کومه ناسته کې برخه وانخلي.

هغه زیاته کړې: اسلامي امارت خپلې چارې د اسلام د سپېڅلي دین له لارښوونو سره سمې ترسره کوي، د مشورې د پایلې پربنسټ به پرېکړه کیږي.

د سې شنبې پر ورځ د سپینې ماڼۍ یوه چارواکي واشنګټن پوسټ ته څرګنده کړې، چې ټول امریکایي سرتېري به د روان کال د سپټمبر تر ۱۱ ووځي.

سرچینې د باخبره سرچینو د څرګندونو له مخې په ډاګه کړې؛ د امریکا ولسمشر جو بایډن به په راتلونکیو میاشتو کې ټول هغه امریکایي سرتېري له افغانستان څخه وباسي، چې د سپټمبر له یوولسمې نېټې له برید وروسته دې هېواد ته راغلي دي.

Continue Reading

Trending

آریانا نیوز: ټول حقونه خوندي دي