Connect with us

تازه خبرونه

د ننګرهار د فینیتي عملیاتو د اډې یوګاندایي ساتونکي پر کرونا اخته شوي

Ariana News

خپور شوی

 په

US Army
(Last Updated On: August 26, 2020)

د ننګرهار ولایت جلال آباد ښار ته نږدې د عملیاتي مرکز یا  فنیتي اډې د دروازې ډېري ساتونکي یوګندایي ساتونکي دي، چې پر کرونا ویروس اخته شوي.

د سې شنبې پر ورځ د امریکا پوځي ورځپاڼې څرګنده کړې؛ یوګندایي ساتونکي شاوخوا ۳۰۰ کسان دي، چې د تریپل کینوپي امنیتي شرکت لپاره یې کار کاوه. ویل کیږي، چې دغو سرتېرو اوس یاده اډه پریښې ده.

امریکايي وکیل تارا کوچلین، چې د ځینو ساتونکیو استازی دی وایي: په فینیتي کې دا ناروغي خورا پراخه وه او ډېري پر کرونا اخته تثبیت شوي.

دا په داسې حال کې ده، چې د پرېکنده ملاتړ ماموریت ویلي، چې په ټول افغانستان کې د ناتو اډو امنیت ډاډمن دی.

د ناتو په چوکات کې د بهرنیو او امریکایي ځواګونو قومندانۍ تر دې دمه ندي ویلي، چې د دې ادارې څومره سرتېري او قرارداديان له کورونا ویروسه اغېزمن شوي دي.

په هېواد کې د تاوتریخوالي له ډېریدو او ماتیدونکي روغتیايي حالت سره سره افغانستان د کرونا د مخنیوي هڅې روانې ساتلې دي. د روانې میاشتې په پیل کې د یوې تر سره شوې څېړنې له مخې، په هېواد کې لس میلیون افغانان پر کرونا ویروس اخته شوي دي.

امریکایي ستار او ستریپ ورځپاڼې راپور ورکړی، چې یوګاندایي ساتونکي اوس هم په افغانستان کې یوګاندا ته د ستنېدو په تمه دي.

که څه هم د یوګاندا پولې د کرونا پېښې له کبله تړل شوې دي؛ خو یاد امنیتی شرکت له امریکا، افغانستان او یوګاندا له حکومتونو سره د دغو سرتېر پر لیږدولو کار کوي.

یوه ساتونکي ، چې نه یې غوښتل نوم یې واخیستل شي یادې امریکایي ورځپاڼې ته ویلي؛ دوی څو میاشتې مخکې خپلو لوړ پوړیو چارواکو ته خبرداری ورکړی و، چې په خطر کې دي او په دې اړه یې  فزیکي هڅې کلې.

د هغه په ​​وینا؛ تر دې دمه کومه هڅه نده شوې منیتی شرکت اوس پوهیدلی، چې ساتونکي یې پر کرونا اخته دي.

تازه خبرونه

د ښځو پر وړاندې تاوتریخوالی ۱۱ سلنه لږ شوی – د بشري حقونو کمیسیون

Ariana News

خپور شوی

په

توسط

(Last Updated On: November 26, 2020)

د افغانستان بشري حقونو خپلواک کمیسیون د پنجشنبې پر ورځ( د لیندۍ ۶) په یوه تویت کې څرګنده کړې، چې د ښځو پروړاندې تاوتریخوالی د تېر کال په پرتله ۱۱ سلنه لږ شوی دی.

د دوی د څرګندونو له مخې، د ۲۰۲۰ کال په تېرو ۱۰ میاشتو کې د ښځو پروړاندې د تاو تریخوالي ۳۴۷۷ پېښې ثبت شوې دي.

دغه بنسټ زیاته کړې، چې په ۲۰۱۹ کال کې د ښځو پروړاندې د تاوتریخوالي ۳۹۱۰ پېښې ثبت شوې وې، چې د روان کال د شمېر په پرتله ۱۱ سلنه لږوالی ښیي.

د بشري حقونو کمیسیون څرګنده کړې، چې دغه لږوالی کېدی شي د بېلابېلو فاکتورونو؛ عدلي او قضایي بنسټونو ته د میرمنو د نه لاسرسي، په هېواد کې د ناامنیو خپریدل او پر تګ راتګ محدودیتونه له کبله وي.

دا په داسې حال کې ده، چې  د ښځو چارو وزارت چارواکو پرون ویلي وه، چې د ښځو پر وړاندې تاوتریخوالی په ټول هې واد کې ډېر شوی دی.

Continue Reading

تازه خبرونه

افغانستان د نړیوالې ترهګرۍ په نوملړ کې لومړی شو

Ariana News

خپور شوی

په

توسط

(Last Updated On: November 26, 2020)

افغانستان د ترهګرۍ د قرباني شویو هېوادونو په نړیوال نوملړ کې لومړی مقام خپل کړ.

په ۲۰۲۰ کال کې د ترهګرۍ د نړیوال شاخص له مخې؛ د ترهګریزو بریدونو د ټولو مرګونو ۴۱ سلنه یې په افغانستان کې رامنځته شوي، چې د نړیوال نوملړ له مخې یې لومړی مقام ګټلی دی.

راپور په ډاګه کړې، چې په ۲۰۱۹ کال کې د تېرو درې کلونو په څېر بیا هم افغانستان د ترهګرۍ لوی قرباني هېواد دی، چې له ټولو نورو هېوادونو دغلته ډېرې ترهګریزې پېښې رامنځته شوې دي.

پر ۲۰۱۹ کال له ترهګرۍ بریدونو ۱٣ زره ٨٢٦  کسان وژل شویو، چې ۵۷۲۵  یې افغانان دي.

د ترهګرۍ د نړیوال شاخص له مخې؛ په ۲۰۱۹ کال کې د نړۍ له شل خونړیو پېښو اووه یې په افغانستان کې رامنځته شوي، چې طالبانو تر سره کړي دي.

د ترهګرۍ په نړیوال شاخص کې راغلي؛ الشباب، طالبان، داعش او بوکو حرام په ترتیب سره څلور خونړۍ ډلې پېژندل شوي، چې طالبانو په کې دوه یم ځای لري.

د دغه نوملړ له مخې، له افغانستان وروسته په نیجریه کې ډېرۍ ترهګریزې پېښې رامنځته شوې دي.

د ترهګرۍ نړیوال شاخص، چې هر کال د نړۍ په ۱۶۳ هېوادونو کې د ترهګرۍ اغېزې څېړي؛ د اقتصاد او سولې نړیوالې موسسې لخوا  چمتو کیږي.

بشپړ راپور دلته   وګورئ.

Continue Reading

تازه خبرونه

په افغانستان کې د یو شمېر آسترالیایي سرتېرو قراردادونه فسخه شول

Ariana News

خپور شوی

په

توسط

(Last Updated On: November 26, 2020)

د آسترالیایي رسنیو د څرګندونو له مخې؛ د دې هېواد حکومت په افغانستان کې د ملکي وګړیو او بندیانو پر وژلو تورن لس سرتېري له دندې ګوښه کړي دي.

آسترالیايي رسنیو په ډاګه کړې؛ له باوري شواهدو له خپرېدو وروسته دې هېواد په افغانستان کې د لږ تر لږه لس ځانګړیو سرتېرو تړونونه د ملکي وګړیو د ناقانونه وژنې له کبله فسخه کړي دي.

تېره اوونۍ د آسترالیا حکومت یو لړ باوري شواهد وموندل، چې آسترالیایي ځواکونو په افغانستان کې ملکي وګړي او بندیان وژلي دي.

د ای بي سي سرچینې د څرګندونو له مخې؛ هغه ملکي افغانان، چې د کورنۍ غړي یې د آسترالیا ځانګړيو ځواکونو وژلي؛ اوس هم د عدالت، تاوان او غرامت غوښتنه کوي.

په دې راپور کې راغلي؛ د آسترالیا ۱۹ سرتېري د ملکي افغانانو د وژنې پر تور محاکمه کیږي، چې  تر دې دمه یې ۹ پېژندل شوي او قضایي بنسټونو ته سپارل شوي دي.

راپور دا هم په ډاګه کړې، چې له دغو تورنو سرتېرو څخه ۱۰ یې په رسمي بڼه له دندې ګوښه شوي دي.

په افغانستان کې د قربانیانو کورنیو ویلي، چې د ملکي وګړیو د وژنې عاملین دې د قانون منګولو ته وسپارل شي.

د روزګان ولایت د سرخوم کلي اوسیدونکی عبدالطیف، چې د استرالیايي ځواکونو د عملیاتو پرمهال یې خپل پلار له لاسه ورکړی؛ یادې رسنۍ ته ویلي: زه عدالت غواړم. همدارنګه هغه دردونه، چې دوی ماته رسولي؛ زه یې د جبران غوښتونکی یم.

عبدالطیف زیاته کړې: د اسلامي قانون له مخې دې عدالت رامنځته شي؛ ځکه، چې جرمونه په افغانستان کې شوي او دا سرتېري باید پر اسلامي قانون محاکمه شي. که دوی پر آسترالیایي قانون محاکمه کیږي؛ نو د ژوند تر پايه باید په بند کې وي. مونږ عدالت او تاوان دواړه غواړو.

په راپور کې دا هم راغلې؛ که داسې کره شواهد تر لاسه شي، چې آسترالیايي ځواکونو د افغانانو په وژلو کې ښکېل وي؛ بیا، نو د آسترلیا حکومت باید د قربانیانو کورنیو ته ژر تر ژره تاوان او غرامت هم ورکړي.

آسترلیایي کارپوهانو ويلي؛ دا به بېسارې وي، چې په بهر کې د آسترالیا اتباع محاکمه کړي.

دوی زیاته کړې: د آسترالیا لپاره یوازې یوه لار پاتې ده، چې له پخپل خوندیتوب سترګې پټې کړي؛ خو دا به د قانوني ستونزو لامل شي.

Continue Reading
Advertisement

Trending