Connect with us

تازه خبرونه

د نظام له پاشل کیدو او د ترهګرۍ پر ځاله د افغانستان له بدلیدو د غني ډارول

Ariana News

خپور شوی

 په

(Last Updated On: January 12, 2021)

ولسمشر غني په کابل پوهنتون کې د سولې پر خبرو د خپل لکچر په یوه برخه کې خبرداری ورکړ، چې د نظام د پاشل کیدو له کبله به افغانستان یو ځل بیا د نړیوالو ترهګرو پر مرکز واوړي او دا به نه یوازې ټوله نړۍ زیانمنه کړي، بلکې بیا به هیڅوک ښه ورځ ونه ویني.

ولسمشر اشرف غني څرګنده کړې، چې د امریکا او اروپا له فعالې ډیپلوماسۍ پرته د سیمې په حالاتو کې سمون ناشونی دی.

اشرف غني په ډاګه کړه: د افغان سولې، ملي حاکمیت، او ولسواکۍ لپاره نړیواله اجماع شته؛ خو د امریکا او اروپا له فعالې ډیيلوماسۍ پرته ناشونې ده، چې په سیمه کې سوله او ثبات راشي.

همدارنګه په دوحه کې د افغانستان د جمهوریت د پلویانو او طالبانو مرکچي پلاوي د اجندا پر ځانګړي کولو خبرې راوانې ساتلي؛ خو د درې ورځو پر تېرېدو هم روښانه نده، چې کومې موضوعګانې بحث ته وړاندې شوې دي.

د مصالحې د عالي شورا ویاند فریدون خوځون ویلي؛ د اجنډا د جوړښت او راټولیدو په اړه له طالبانو سره بحٍ پیل شوی او هیله من یو، چې په دې پړاو کې یوې ډاډمنې پایلې ته ورسیږو.

په کابل کې د یو شمیر سیاسي ګوندونو لخوا د لنډ مهالي حکومت د نسخې په غبرګون کې د ولسي جرګې غړیو ویلي، چې له جمهوریت پرته بل حکومت د منلو ندی.

د ولسي جرګې رييس میر رحمان رحماني وایي: پارلمان د خلکو د ارادې ښکارندوي دی او د دوحې د سولې بهیر څاري؛ که د ولسواکه اسلامي ارزښتونو پر خلاف کومه معامله احساس شي، نو پر وړاندې به یې ودریږي.

د افغانستان جمهوریت پلوی مرکچي پلاوي ټينګار کوي، چې د اجنډا په سر کې به پر اوربند خبرې کیږي؛ خو طالبان بیا وايي، چې تر ټولو مهمه موضوع د راتلونکي سیاسي نظام بڼه ده.

ویل کیږي، چې اوس هم د طالبانو د مرکچي پلاوي مشر او ځینې غړي دوحې ته ندي رسیدلي.

 

تازه خبرونه

د امریکا دوه پخوانیو دفاع وزیرانو جو بایډن ته د ځواکونو پر ساتلو ټینګار څرګند کړی

Ariana News

خپور شوی

په

توسط

(Last Updated On: March 2, 2021)

د امریک دوه پخوانیو دفاع وزیرانو ویلي، چې دوی به ولسمشر جو بایډن ته له افغانستان څخه د ټولو امریکایي ځواکونو د نه ایستلو پر سپارښتنه ټینګار وکړي.

د امریک پخواني دفاع وزیر مارک یسپر ویلي، چې د بروکینګز انسټیټیوټ له مایکل اوهانلون سره په یوه مرکه کې ویلي، چې له طالبانو سره د ځواکونو د ایستلو تړون تل له شرایطو تړاو لرلی.

یسپر ویلي: طالبانو پخپلې ژمنې پلې کړې ندي؛ تاوتریخوالی روان دی، له افغان سره د سیاسي هوکړې پایله ناڅرګنده ده او له القاعدې سره پوره اړیکې پرې شوې ندي.

نوموړي زیاته کړې؛ هغه په افغانستان کې د ټرمپ د ټاکنو پر مهال د ځواکونو شمېر ۲۵۰۰ ته له راټیټولو سره مخالفت کړی و، چې د ده د څرګندونو له مخې پر طالبانو یې د امریکا فشار بې اغېزې کړ.

نوموړي غوښتل، چې په افغانستان کې د ځواکونو شمېر باید د شرایطو تر ښه کېدو پورې ۴۵۰۰ وساتل شي.

یسپر زیاته کړې، چې ټرمپ جو بایډن له سخت وضعیت سره مخ کړی.

د نوموړي د څرګندوړنو له مخې؛ مونږ باید ډاډ ترلاسه کړو، چې افغانستان بیا د تروریزم لپاره خوندي ځای نشي.

دغه راز د پخواني ولسمشر بارک اوباما دفاع وزیر رابرټ گیټس له واشنګټن پوسټ سره په خبرو کې ویلي، چې امریکا باید په افغانستان کې د سولې تر راتلو پاتې.

نوموړي ویلي؛ زما نظر دا دی، چې د ولسمشر د څرګندونو له مخې کېدی شي مونږ د می پر لومړۍ نېټه خپل پاتې سرتېري ونه وباسو او له خپلو متحدینو سره د پاتې کېدو شونتیا په پام کې ونیسو.

ګیټس څرګنده کړې: مونږ اوس په افغانستان کې ۲۵۰۰ سرتېري لرو او دوی پاتې کیدو ته اړتیا لري او  لږ تر لږه تر هغه وخته پاتې شي، چې طالبان یې شتون ومني.

دغه راز په کابل کې د امریکا سفارت ویلي؛ د افغانستان د سولې لپاره د امریکا ځانګړی استازی زلمي خلیلزاد به دوحې او د سیمې نورو هېوادونو ته سفر وکړي، چې د افغان سولې په تړاو له افغان مشرانو، طالب استازیو او نورو هېوادونو سره خبرې اترې بیا پیل کړي.

دا په داسې حال کې ده، چې د امریکا د استازیو جرګې د بهرنیو چارو کمیټې مرستیال په ډاګه کړې؛ د افغانستان د سولې لپاره د امریکا ځانګړي استازي زلمي خلیلزاد د افغانستان په ګډون سیمې ته سفرونه پیل کړي، چې د امریکا او طالبانو ترمنځ د سولې راوستو په هوکړه لیک کې بدلون رامنځته کړي.

Continue Reading

تازه خبرونه

اشرف غني او خلیلزاد د افغانستان د سولې پر راتلونکي پړاو خبرې وکړې

Ariana News

خپور شوی

په

توسط

(Last Updated On: March 1, 2021)

ولسمشر محمد اشرف غني نن له غرمې مخکې په افغانستان کې د سولې لپاره د امریکا له ځانګړي استازي زلمي خلیل زاد سره وکتل.

ولسمشرۍ څرګنده کړې؛ ولسمشراشرف غني نن له غرمې مخکې د افغانستان د سولې لپاره د امریکا د بهرنیو چارو وزارت له ځانګړي استازي ډاکتر زلمي خلیلزاد سره وکتل.

ولسمشرۍ په ډاګه کړې؛ په دې ناسته کې د سولې پروسې پر راتلونکیو ګامونو بحث وشو او دواړو لوریو د دې پروسې پر ګړندي کولو هم ټینګار کړی دی.

ډاکتر زلمي خلیلزاد د سولې لپاره پر داخلي اجماع، سیمه ییزې او بین المللي ډيپلوماسۍ خوښي وښوده او یو ځل بیا یې په افغانستان کې د سولې د ټینګښت لپاره د امریکا د اغېزناک رول ډاډ څرګند کړ.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

دا په داسې حال کې ده چې د ملي پخلاینې عالي شورا رییس عبدالله عبدالله د دوشنبې پر سهار په کابل کې له خلیلزاد سره د افغانستان د سولې بهیر په اړه خبرې کړې دي.

Continue Reading

تازه خبرونه

خلیلزاد د ملي پخلاینې عالی شورا له مشرتابه او غړیو سره ولیدل

Ariana News

خپور شوی

په

توسط

(Last Updated On: March 1, 2021)

د ملي پخلاینې عالي شورا مشر عبدالله عبدالله د دوشنبې پر سهار په کابل کې د امریکا د سولې له ځانګړي استازي زلمي خلیلزاد سره د افغانستان د سولې پر روان بهیر بحث او خبرې کړې دي.

عبدالله عبدالله په خپل یوه ټویټ کې څرګنده کړې؛ مونږ په دوحه کې  د سولې، د تړون د بیاکتنې او د راتلونکيو پرمختګونو په اړه خبرې وکړې.

هغه ویلي، چې مونږ د تاوتریخوالي د سمدستي پای او د سولې خبرو د ګړندۍ کیدو غوښتنه کوو.

سیمې ته د خلیلزاد سفر له طالبانو سره د امریکا د ولسمشر جو بایډن تر مشرۍ لاندې د خبرو د بیا پیل ښکارندویي کوي.

د امریکا د نوي حکومت لخوا د افغان سولې لپاره د امريكا د بهرنيو چارو وزارت د ځانګړي استازي زلمي خلیلزاد د دندې له غزولو وروسته؛ زلمي خلیلزاد خپل کاري سفر له خپل نوي مرستیال سره په ګډه له جرمني پیل کړ. دی له هغه هېواده افغانستان ته راغی؛ قطر، پاکستان، عربي متحده اماراتو او ځينو نورو هېوادونو ته به هم سفرونه ولري او د افغان سولې د خبرو د بري لپاره به د دې هېوادونو ملاتړ او مرسته تر لاسه کړي.

یو کال مخکې د کب پر لسمه د قطر په دوحه کې د امریکا او طالبانو ترمنځ په افغانستان کې د سولې رامنځته کولو تړون لاسلیک شوی، چې افغان حکومت ترې بې برخې پاتې شوی او اوس حکومت د امریکا د ولسمشر جو بایډن د نوې ادارې لخوا پرېکړې ته له بیاکتنې هرکلی کوي.

Continue Reading

Trending

آریانا نیوز: ټول حقونه خوندي دي