Connect with us

تازه خبرونه

د ناټو د عمومي منشي د وروستیو څرګندونو په اړه ا.ا خپل غبرګون څرګند کړ

خپور شوی

 په

(Last Updated On: تله ۲۰, ۱۴۰۰)

د ناټو د عمومي منشي ینس سټولتنبرګ د وروستیو څرګندونو په غبرګون کې د اسلامي امارات ویاند ویلي؛ اوس د قدرت ښودلو وخت تېر شوی او ناټو باید له ډیپلوماټیکو اصولو سره سم خپلې څرګندونې وکړي.

له هغې وروسته، چې د ناټو عمومي سرمنشي په افغانستان کې د ترهګریزو موخو ځپلو ته ان له لرې واټن څخه د برید کولو پر شونتیا خبرداری ورکړ؛ نو د افغانستان اسلامي امارت ویاند د ینس سټولټنبرګ دغه څرګندونو ته غبرګون وښود.

د اطلاعاتو او فرهنګ وزارت مرستیال او د اسلامي امارت ویاند ذبیح الله مجاهد له آریانا نیوز سره په ځانګړې مرکه کې څرګنده کړې، له ناټو سره تر ۲۰ کلنې مخامخ جګړې وروسته د ناټو د زور آزمایلو وخت پای ته رسیدلی او ناټو باید له ډیپلوماټیکو اصولو سره سم خپلې څرګندونې وکړي.

ذبیح الله مجاهد وایي: د ناټو سرمنشي به تر یوه وخته خپل درد حس کوي او دېر څه به د خپلې ناکامۍ په اړه ووایي؛ خو دا باید وپوهیږي، چې د برید وخت تېر شوی دی. ۲۰ کاله مخکې یې ثابته کړه، دغو کړنو پایله نده ورکړې او باید له دیپلوړماتیکو لارو ډګر ته راودانګي.

ذبیح الله مجاهد آریانا نیوز ته زیاته کړې؛ اسلامي امارت چمتو دی، چې پر مشروط بڼه د نړیوالې ټولنې له غوښتنې سره سم ښځو ته د زدکړو او کار حق ورکړي.

هغه وایي: ټولنه هم اړه ده، میرمنې هم کار ته اړتیا لري؛ اسلامي امارت د دغو اړتیاوو د پلې کولو لپاره غوښتي، چې دغه مسله د اسلام عالمانو ته وړاندې کړې، چې پرې هراړخیزې خبرې او بحث وشي.  

نوموړی همداراز د افغانستان په کورنیو چارو کې د پاکستان د لاسوهنو په تړاو ويلي، مونږ له پاکستان سره پوره مشترکات لرو؛ خو اسلامي امارت له پاکستان سره د افغانستان په کورنیو چارو کې د لاس وهنې او یا د دوی په استازیتوب له خبرې کولو سره مخالف دی.  

د اسلامي امارت ویاند ذبیح الله مجاهد وایي: مونږ باید سل په سلو کې ووایو، چې د پاکستان په ګډون د هیچا لاسوهنه نه منو؛ ځکه، چې مونږ یو خپلواک هېواد یوو او نه غواړو د نورو هېوادونو په کورنیو چارو کې لاسوهنه ولرو.  

که څه هم په افغانستان کې د نړۍ د سترو زبرځواکو هېوادونو د نیابتي جګړې په تړاو اوس هم اندېښنې شته؛ خو مجاهد وايي، چې اسلامي امارت به هیڅکله د چین او امریکا په ګډون د نړۍ سترو ځواکونو ته د افغانستان خاوره د دوی د جګړې د ډګر په توګه د کارونې اجازه ورنکړي.

څه باندې دوه لسیزې کیږي، چې پاکستان د افغانستان په کورنیو چارو کې پر لاس وهنې تورن پېژندل شوی او په دې وروستیو کې پاکستانيو چارواکو د نړیوالې ټولنې لخوا د اسلامي امارت د پر رسمیت پېژندلو او د نړیوالې ټولنې د مرستو راټولو لپاره هڅې پیل کړي؛ خو د مجاهد د څرګندونو له مخې افغانستان یو خپلواک هېواد دی او پاکستان د افغانستان په کورنیو چارو کې د لاسوهنې حق نلري.

مجاهد په داسې حال کې د بېلابېلو مواردو په تړاو د اسلامي امارت په دریځ کې د نرمښت په تړاو څرګندونې کوي، چې تر اوسه پورې نړیواله ټولنه د اسلامي امارت څرګندونو ته د شک پر سترګه ګوري او وايي؛ هغه څه، چې د افغانستان د نوي حکومت چارواکي وايي تر اوسه پورې یې په عمل کې نده ثابته کړې.

دا، چې د مجاهد وروستۍ څرګندونې به تر کومه حده د عمل جامه واغوندي هغه پوښتنه ده، چې وخت به یې ځواب کړي.

تازه خبرونه

د ناټو سرمشریزې په څنډه کې د ترکیې او امریکا بهرنیو چارو وزیرانو ولیدل

خپور شوی

په

توسط

(Last Updated On: ليندۍ ۱۰, ۱۴۰۰)

د ترکیې او امریکا د بهرنیو چارو وزیرانو مولود چاووش اوغلو او انټوني بلینکن په لاتویا کې د ناټو د بهرنیو چارو وزیرانو له غونډې مخکې سره وکتل.

له غونډې مخکې کاووش اوغلو ویلي؛ له اوکراین او روسیې سره په اړیکه کې دی، چې د امریکا او روسیې ترمنځ د کړکېچ د کمولو زمینه برابره کړي.

د ترکیې د بهرنیو چارو وزیر زیاته کړې، چې پر مسکو بندیزونه به اوسنی بحران حل نکړي.

اوکرایني او لویدیځو چارواکو ویلي، چې مسکو له اوکراین سره پر پوله پوځيان ځای پر ځای کړي دي. اوکراین نن له ناټو وغوښتل، چې پر روسیې بندیزونه ولګوي.

ویل کېږي، چې د امریکا او ترکیې د بهرنیو چارو وزیرانو د اوکراین، لیبیا او افغانستان په ګډون د سیمې پر وروستیو پرمختګونو خبرې کړې دي.

Continue Reading

تازه خبرونه

د روسیې د بشري مرستو درې الوتکې کابل ته راورسیدې

خپور شوی

په

توسط

(Last Updated On: ليندۍ ۱۰, ۱۴۰۰)

د روسیې ټاس خبري آژانس څرګنده کړې، چې د چارشنبې پر ورځ پر۳۶ ټنو بشري مرستو بار درې روسي الوتکې په کابل هوایي ډګر کې کښته شوې دي.

د روسیې دفاع وزارت څرګنده کړې؛ ټولې درې روسي ایلیوشین ال ـ ۷۶ الوتکې، چې افغانستان ته یې بشري مرستې رسولي؛ د روسي او د ډله ییز امنیت د تړون د هېوادونو وګړي به هم را وباسي.

د دغې سرچینې د څرګندونو له مخې؛ په ټوله کې به له ۳۸۰ ډېر روسان، د ډله ییز امنیت د تړون د غړیو هېوادونو وګړي (په ځانګړې توګه د قرغزستان) او د روسیې د پوهنتونونو افغان محصلین به په دغو الوتکو کې راووځي.

له طبیعي پېښو سره د مبارزې وزارت رسنیو ته ويلي؛ د روسیې د بشري مرستو دوه یمه جوپه، چې ۳۶ مټریک ټنه خوراکي او اکمالاتي مواد په کې دي؛ نن کابل ته راورسېدل.

له دې مخکې روسیې له افغانستان سره په درې پړاوونو کې د ۱۰۸ ټنو بشري مرستو ژمنه کړې وه.

Continue Reading

تازه خبرونه

صعودي عربستان په کابل کې قونسلي چارې پیل کړې

خپور شوی

په

توسط

(Last Updated On: ليندۍ ۱۰, ۱۴۰۰)

سعودي عربستان څرګنده کړې، چې د سې شنبې پر ورځ یې په کابل کې د خپل سفارت د قونسلګرۍ څانګه د افغانانو لپاره د قونسلي خدمتونو د وړاندې کولو لپاره پرانیستله.

د افغانستان اسلامي امارت له دغه وروستۍ هڅې هرکلی کړی دی.

د افغانستان اسلامي امارت مرستیال ویاند حمد الله وثیق ټویټ کړی، چې په افغانستان کي د سعودي عربستان سفارت ١٤ كسيز ډيپلوماتيک پلاوی د سې شنبې پر ورځ د لیندۍ ۹ / د نومبر ۳۰  کابل ته راستون او په خپل سفارت کي یې افغان ولس ته قونسلي خدمات پيل کړل.

د بهرنیو چارو وزارت ویاند عبدالقهار بلخي هم د سعودي حکومت دغه نيک ګام ستايلی او د ښو اړيکو زیری يې بولي.

له دې مخکې عربي متحده اماراتو په کابل کې خپل سفارت بېرته پرانیستی دی.

ذبیح الله مجاهد، د افغانستان اسلامي امارت مرستیال او ویاند تېره اوونۍ ویلي وه، چې د عربي متحده اماراتو د سفارت بیا پرانستل یو “ښه ګام” دی.

عربي متحده امارات یو له څو هېوادونو څخه و، چې د پاکستان او سعودي عربستان پهګډون یې  په ۱۹۹۰ لسیزه کې د اسلامي امارت حکومت پر رسمیت پېژندلی و.

د افغانستان اسلامي امارت له ټولو سیمه‌ییزو او نورو هېوادونو غوښتي،  چې بېرته په افغانستان کې خپل سفارتونه پرانیزي او دوی یې د امنیت خوندیتوب ته ژمن دي.

د اسلامي امارت ویاند مرستیال بلال کریمي هم څه وخت مخکې رسنیو ته ویلي وه؛ یو شمېر نور هېوادونه هم چمتو دي، چې په کابل کې خپل سفارتونه پرانیزي.

نوموړيٍ که څه هم د کوم هېواد نوم ندی اخیستی؛ خو په خبره یې اوسمهال شاوخوا ۱۰ هېوادونه په کابل کې خپل سفارتونه او استازولۍ لري.

تېره اوونۍ په افغانستان کې د جاپان سفیر تاکاشي اوکاډا ویلي وه؛ هېواد یې هم پرېکړه کړې، چې په کابل کې د نوي حکومت لخوا امنیتي ډاد وروسته خپل سفارت بېرته پرانیزي.

د افغانستان د اسلامي امارت د ویاند مرستیال انعام الله سمنګاني ویلي، چې تکاشي اوکاډا دغه موضوع په کابل کې د لومړي وزیر له سیاسي مرستیال عبدالکبیر سره د لیدنې پر مهال مطرح کړې ده.

د نوموړي د څرګندونو له مخې؛ په افغانستان کې د جاپان سفير ډاډ څرګند کړی، چې هېواد يې له افغانانو سره د مرستو لپاره چمتو دى او په دې اړه له اسلامي امارت سره یې کار روان ساتلی دی.

د یادونې وړ ده، چې په تېر اګسټ میاشت کې پر کابل د اسلامي امارت له واکمنۍ او د بهرنیو ځواکونو له وتلو وروسته یو شمېر هېوادونو د کابل سفارتونه وتړل؛ خو اوس یو ځل بیا هڅې پیل شوي، چې تړل شوي سفارتونه بیا پرانیستل شي.

Continue Reading

Trending

آریانا نیوز: ټول حقونه خوندي دي