Connect with us

تازه خبرونه

د م.م استازې له افغان مشرانو سره د سولې پر بهیر وغږېده

خپور شوی

 په

(Last Updated On: وری ۲۳, ۱۴۰۰)

د یوناما د څرګندونو له مخې؛ د افغانستان لپاره د ملګرو ملتونو ځانګړې استازې او په افغانستان کې د ملګرو ملتونو د مرستې ماموریت (یوناما) مشرې ډیبرا لاینز د دوشنبې پر ورځ له ولسمشر اشرف غني او د ملي پخلاینې عالي شورا له مشر عبدالله عبدالله سره وکتل او د استانبول پر راتلونکې ناستې یې بحث او  خبرې وکړې.

د غونډې په بهیر کې د ملګرو ملتونو استازې پر سیاسي جوړجاړي د تاوتریخوالي د پای ته رسولو پر داسې اړتیا ټینګار وکړ، چې د ښځو په ګډون د ټولو افغانانو د هیلو ځوابویونکې وي.

دغه راز د یوناما د څرګندونو له مخې؛ د یوناما مشرې د ملي پخلاینې عالی شورا له مشر عبدالله عبدالله سره هم لیدلي او ټینګار شوی، چې روانې شخړې پای ومومي او د افغان مشرانو ترمنځ د ګډ لیدلوري د رامنځته کېدو تر څنګ د استانبول کنفرانس ته هم هلې ځلې چټکې شي.

د عبدالله عبدالله دفتر هم دغه ناسته تائید کړې او وایې، چې دوی د سولې په بهیر کې وروستي پرمختګونه ، د استانبول غونډې لپاره چمتووالی او له لاینز سره د افغانستان اسلامي جمهوریت د سولې پر طرحې بحث او خبرې شوې دي.

دا په داسې حال کې ده، چې تېره ورځ عبدالله عبدالله د افغانستان د اسلامي جمهوریت د سولې د ګډې طرحې له وروستي کېدو خبر ورکړی و.

تازه خبرونه

په جلال آباد کې د وروستیو چاودنو په تړاو ۴۰ کسان ونیول شول

خپور شوی

په

توسط

(Last Updated On: وږی ۲۹, ۱۴۰۰)

د ننګرهار د ملي امنیت مشر ډاکټر بشیر ويلي؛ د دې ولایت په جلال آباد کې د وروستیو چاودنو په تړاو د استخباراتي کړیو اړوند۴۰ کسان نیول شوي دي.

د تېرې شنبې او یکشنبې پر ورځ د جلال آباد ښار د دوه یمې، درېیمې او پېنځمې ناحیو په اړوند سیمو کې څلور چاودنې رامنځته شوې دي.

 روغتیايي سرچینو رسنیو ته ویلي وه، چې، د چاودنو له ځایه ۷ مړي او ۲۵ ټپیان وروړل شوي وه.

د ننګرهار د ملي امنیت مشر ډاکټر بشير وايي، په دې چاودنو کې څلور کسان مړه او شپږ نور ټپیان دي، چې په اړه یې په بېلابیلوعملیاتو کې تر دې دمه شاوخوا ۴۰  کسان نیول شوي او له څېړنو وروسته به اړونده ادارو ته وسپارل شي.

ډاکټر بشير له جزئیاتو ورکولو پرته څرګنده کړې، چې په دې پېښو کې د یو شمېر استخباراتي کړیو لاس دی.

په جلال آباد ښار کې د تېرې شنبې او یکشنبې د چاودنو مسوولیت د داعش ډلې پرغاړه اخېستی دی.

عام خلک له ټولو ډلو څخه د سولې لار خپلول او په هېواد کې خوندي ژوند تېرول غواړي.

د تېرې شنبې د ورځې په یوه چاودنه کې د ننګرهار د برښنا شرکت یو موټرچلوونکی فقیرمحمد نومی هم وژل شوی.

له نوموړي اووه کوچني اولادونه پاتې شول.

کورنۍ یې له واکمنو څخه د جګړو پای ته رسول غواړي.

د ننګرهار د استخبارتو سرتېرو د پخوانۍ ادارې له یوشمېر قومندانانو څخه لسګونه میله وسله ترلاسه کړې ده.

د ملي امنیت مشر ډاکټر بشیر ويلي، د دې بنسټ سرتېرو هغه درې کسیزه ډله هم نیولې، چې وسلوالې غلاوې به یې کولې.

د ننګرهار د استخبارتو مشر وايي، د پخواني حکومت ټولو غټو او وړو کارکونکیو ته عمومي بښنه شوې او اسلامي امارت د پخوانیو کارکوونکیو د څارنې او ځورولو حق نلري؛ خوهغه کسان، چې د پخواني حکومت وسلې او یا نور دولتي اجناس یې له ځان سره ساتلي باید اسلامي امارت ته یې وسپاري.

نوموړي زیاته کړې؛ اسلامي امارت د ورانکارو د ځپلو هڅې پیل کړي، چې په دې لو کې د دې بنسټ سرتېرو په سره رود ولسوالۍ کې هغه درې کسیزه ډله هم نیولې، چې وسله والې غلاوې یې کولې او همدارنګه دوه نور کسان د ټابلیټکا د پلورلو پرمهال نیول شوي دي.

له نیول شویو کسانو څخه ځېنو یې خپل جرم هم منلی دی.

د ویلو ده، چې په دې وروستیو کې  ننګرهاریان له غلاوو، ځورونو او چاودنو اندېښمن شوي او په دې اړه د امنیتي چارواکو د جدي هڅو غوښتنه کوي.

Continue Reading

تازه خبرونه

په ننګرهار کې د چاودنو مسوولیت داعش منلی

خپور شوی

په

توسط

(Last Updated On: وږی ۲۹, ۱۴۰۰)

د اعماق خبري سرچینې د څرګندونو له مخې؛ داعشیانو د افغانستان د ختیځ ننګرهار ولایت په جلال آباد ښار کې د یو لړ بمي چاودنو مسوولیت پر غاړه اخیستی دی.

داعش د شنبې او یکشنبې چاودنو ته په نغوته او اشاره کې په ډاګه کړې: له ۳۵ څخه ډېرو طالبانو (د اسلامي امارت مشرانو) ته په یو لړ چاودنو کې مرګ و ژوبله اوښې ده.

د دغې مرګ و ژوبلې په اړه د افغانستان اسلامي امارت تر دې دمه کومه تبصره نده کړې.

د اسلامي امارت چارواکو د یکشنبې پر ورځ ویلي وه، چې د شنبې د ورځې په چاودنو کې لږ تر لږه دوه کسان وژل شوي او ۱۵ نور ټپیان دي.

عیني شاهدانو او د ننګرهار روغتون سرچینو ویلي، چې په دغو پېښو کې اووه کسان وژل شوي او ۲۵ نور ټپیان دي.

دا په داسې حال کې ده، چې د امریکا دفاع وزیر لویډ آسټین او د دغه هېواد استخباراتي چارواکو تېره اوونۍ خبرداری ورکړی و، چې القاعده یا داعش به په یو یا دوه کلونو کې یو ځل بیا سر راپورته او امریکا ته ګواښ رامنځته کړي.

Continue Reading

تازه خبرونه

امریکا باید د خپلو تېرو کړنو حساب ورکړي- اسلامي امارت

خپور شوی

په

توسط

(Last Updated On: وږی ۲۹, ۱۴۰۰)

 د افغانستان اسلامي امارت د امریکا د بې پیلوټه الوتکې هغه برید غندلی، چې په کابل کې یې د یوې کورنې ۱۰ ملکي افغانان وژلي او څرګندوي، چې امریکا باید د تېرو وژنو او ظلمونو مسوولیت پر غاړه واخلي.

امریکا د اګست پر ۲۹ مه د کابل په ۱۵ ناحیه کې د استوګنې پر یوه کور هوایي برید وکړ؛ خو هغه مهال یې ویل، چې د داعش غړي یې وژلي او اوس یې منلې، چې دا یوه تېروتنه وه.

د اسلامي امارت ویاند او د اطلاعاتو او فرهنګ وزارت مرستیال ذبیح الله مجاهد چینایي رسنیو ته ویلي: دا یوازې یو برید ندی، چې دوی ترسره کړی؛ دوی په تېرو ۲۰ کلونو کې د افغانستان ملکي خلک وژلي دي.

مجاهد زیاته کړې: دوی پر ځلونو د ملکي خلکو پر کورونو بریدونه کړي او د دوی وروستي برید د یوې کورنۍ  ۱۰ غړي وژلي، چې ښځې او ماشومان هم په کې دي.

د اسلامي امارت ویاند ویلي، چې امریکا باید د خپلو دغو کړنو حساب ورکوونکی وي.

مجاهد وایي؛ امریکا باید د خپلو تېرو کړنو حساب ورکوونکی وي او له افغانانو سره د وژنو او ظلمونو د جبران لپاره کار وکړي.

دغه راز اسلامي امارت په افغانستان کې د ملګرو ملتونو د مرستندویه ماموریت یا یوناما له ماموریت غزونې هرکلی کړی دی.

ذبیح الله مجاهد په دې اړه ویلي: مونږ د یوناما د فعالیتونو د پراخیدو په اړه خوښ یو؛ ځکه د ملګرو ملتونو یو بنسټ او یوه نړیواله اداره ده. افغانستان باید د نړیوالې ټولنې تر نظر لاندې وي او نړۍ باید له مونږ سره پاتې شي.

هغه زیاته کړې، چې افغانستان له نړیوالې ټولنې سره ښې اړیکې غواړي.

مجاهد دا هم ویلي، چې: ټاکل شوې، چې نړیواله ټولنه له مونږ سره ښې اړیکې ولري. مونږ اوس هم د ملي ګټو په چوکاټ کې له نړۍ سره مثبتې اړیکې غواړو. مونږ له یوناما سره بشري مرستې همغږې کوو. مونږ دغه راز د بشري حقونو په برخه کې له یوناما سره همغږي روانهساتو.

هغه وایي؛ مونږ له هغوی څخه غواړو، چې نه یوازې خپل ماموریت وغزوي، بلکې له افغانانو سره کار او مرسته هم وکړي، چې خپل غږ پورته کړي. ملګري ملتونه باید له افغانانو سره مثبت سیاسي رول ولوبوي.

دا په داسې حال کې ده، چې تېره جمعه د ملګرو ملتونو امنیت شورا په افغانستان کې د یوناما ماموریت د شپږ میاشتو لپاره وغزاوه.

Continue Reading

Trending

آریانا نیوز: ټول حقونه خوندي دي