Connect with us

تازه خبرونه

د میدان وردګ د جلریز ولسوالۍ مرکز هم طالبانو نیولی

Ariana News

خپور شوی

 په

(Last Updated On: May 21, 2021)

 د میدان وردګ د ولایتي شورا مرستیال ویلي، چې وسلوالو طالبانو د جلریز ولسوالۍ امنیتي پوستې نیولي؛ د ولسوالۍ ودانۍ او روغتیایي مرکز یې سوځولي دي.

د میدان وردګ د ولایتي شورا مرستیال محمد سردار بختیاري وایي؛ د جلریز ولسوالي د طالبانو ترکنترول لاندې راغلې ده.

د ولسي جرګې غړي مهدي راسخ هم منلې، چې نن سهار د دې ولایت جلریز ولسوالي د طالبانو ونیوله او له  ۶۹ ډېر امنیتي ځواکونه له پوځي تجهیزاتو، وسایطو، وسلو او مهماتو سره د طالبانو تر څارنې لاندې راغلي دي.

هغه زیاته کړې؛ جلریز له دوه کلونو څخه په ډېره موده کې محاصره وه؛ خو په تېرو درې شپو او ورځو کې له امنیتي بنسټونو د مرستې غوښتنه شوې، چې هیچا( نه کورنیو چارو او نه دفاع وزارتونو او نه د ملي امنیت عمومي ریاست) ورته پاملرنه ونکړه؛ مهمات او اعاشه ورونرسېده، چې د ولسوالۍ د سقوط علت مرکزي حکومت دی.  

طالبانو منلې، چې نن سهار د جلریز ولسوالۍ پر نیولو بریالي شوي دي

دفاع وزارت پدې اړه څه نه وایي؛ خو څرګندوي، چې په دې ولسوالۍ کې د امنیستي ځواکونو پر هوایي برید لس طالبان وژل شوي او ډېر ژر به دا ولسوالي له وسلوالو طالبانو پاکه شي.

دغه راز امنیتي چارواکو منلې، چې له تېرې یوې شپې او ورځ راپدیخوا په ۱۶ ولایتونو کې سختې نښتې شوي؛ له لس ډېر پوځیان او ملکیان وژل شوي او نږدې شل نور ټپیان دي.

د ملي دفاع وزارت د څرګندونو له مخې، په دې نښتو کې له سل ډېر طالبان هم وژل شوي دي.

د کابل – کندهار پر لویه لار هم نښتې شوي دي.

د غزني اوسېدونکی عصمت الله ځلاند، چې تازه کابل ته راغلی وایي، جګړه د ښار په څنډو کې روانه ده، او د کابل – کندهار د لارې په ډېرو برخو کې جګړې روانې دي.

په زابل  او کندوز کې هک په تېره یوه شپه او ورځ کې له نښتو پولیسو ته ځاني زیانونه اوښتې دي.

په زابل کې شپږ پولیس او په کندوز کې یو کس وژل شوي.

په بغلان کې دوه ملکي وګړي وژل شوي او په غور کې د یوې کورنۍ څلور غړي ماین چاودنې وژلي دي.

د فاریاب امنیه قومندان غیب الله سادات وایي، چې په تېره یوه شپه او ورځ کې یو سل و اووه څلویښت طالبان وژل شوي؛ خو طالبان پدې اړه څه نه وایي.

تېره ورځ طالبانو د لغمان دولتشاه ولسوالۍ مرکز هم طالبانو نیولې؛ خو دفاع وزارت دا یو تکتیکي پرشاتګ ګنلی دی.

دا په داسې حال کې ده ، چې د عامې روغتیا وزارت ویلي، چې وروستو ناامنیو له درې میلیون ډېر ماشومان د ګوزڼ له واکسین بې برخې کړي دي.

تازه خبرونه

ناټو افغانستان ته له خپل ملاتړ ډاډ ورکړ

Ariana News

خپور شوی

په

توسط

(Last Updated On: July 27, 2021)

د ناټو عمومي منشي ینس سټولټنبرګ نن سې شنبه د زمري ۵ له ولسمشر سره په ټیلیفوني خبرو کې د افغانستان له امنیتي او دفاعي ځواکونو د ناټو ملاتړ تائید کړ.

سټولټنبرګ د افغانستان وضعیت کړکېچن وباله؛ خو څرګندوي، چې سیاسي هوکړه ورته اړینه ده.

سټولټنبرګ زیاته کړې: ناټو به د مالي ملاتړ، ملکي شتون او روزنې په ګډون د افغانانو ملاتړ ته دوام ورکړي.

ټاکل شوې ده ټول بهرني سرتېري د اګست تر ۳۱ له افغانستان څخه ووځي.

دغه راز د ملي امنیت شورا سلاکار حمدالله محب له یو خبري سرچینې سره په خبرو کې ویلي، چې د یو شمېر برخو سقوط د ناټو ځواکونو له وتلو څخه د رامنځته شوې خلا پایله ده.

محب په دې اړه زیاته کړې: هغو ولسوالیو ته، چې لرې پرتې وې مهمات ورونه رسېدل او سقوط شوې هغه دا هم ویلي؛ تبلیغاتو د ولسوالیو په سقوط کې رول لوبولی. له هغې وړتیا سره، چې مونږ یې لرو؛ کولی شو له لاسه وتلې سیمې بېرته ترلاسه کړو. اوس هم ډېری سیمې افغان ځواکونو نیولې دي.

دغه حکومتي چارواکی د افغانستان راتلونکي لپاره درې سناریو وړاندې کوي: د جګړې په ډګر کې ځنډ و خنډ، د کورنۍ جګړې رامنځته کېدل او ټینګو معنا لرونکیو خبرو ته وردننه کېدل.

محب زیاته کړې: زه فکر کوم، چې جګړه کې ځنډ و خنډ رامنځته شوی؛ خو په پای کې به خبرو ته لار اواره کړي. مونږ په طالبانو کې هیڅ بدلون ندی لیدلی. طالبان باید پخپلو خبرو عمل وکړي او د خبرو اترو له لارې رامخته شي.

دا په داسې حال کې ده، چې د هېواد ډېرې برخې د سختې جګړې لیدونکې دي؛ یو شمېر سیمې طالبانو نیولي او په زرګونه خلک له خپلو سیمو بې ځایه شوې دي.

Continue Reading

تازه خبرونه

پاکستان د چمن – سپین بولدک لار لاریو ته خلاصه کړه – راپور

Ariana News

خپور شوی

په

توسط

(Last Updated On: July 27, 2021)

رویټرز څرګنده کړې، چې پاکستان د دوشنبې پر ورځ د زمري ۴ د چمن – سپین بولدک لار، چې اوس د طالبانو تر څارنې لاندې ده پرانیستې او له سل ډېرې لارۍ افغانستان ته راواوښتې.

د چمن – سپین بولدک لار د دې میاشتې په سر کې د امنیتي ځواکونو او طالبانو ترمنځ د درندو جګړو له کبله بنده شوې وه.

د چمن ګمرک یوه لوړ پوړي چارواکي عارف کاکړ رویټرز ته څرګنده کړې؛ پاکستان نن د چمن په سیمه کې له افغانستان سره خپله پوله پرانیستې؛ سوداګريزې چارې یې له سره پیل کړې، چې یوه میاشت ځنډېدلې وې.

کارکړ ویلي، چې دغه لار به په اوونۍ کې شپږ ورځې پرانیستې وي.

د پاکستان د ګمرک دوه چارواکو د نوم د نه ښودلو پر شرط رویټرز ته ویلي، چې سپین بولدک او د وېش سرحدي ښارګوټی اوس هم د طالبانو په ولکه کې دي او دوی نه پوهیږي، چې څوک مالونه کښته کوي.

رویټرز زیاته کړې؛ پاکستاني چارواکي د سوداګرو تر فشار لاندې ول، چې خپل مالونه افغانستان ته د ننه ولېږدوي.

تر دې دمه طالبانو، د افغانستان کورنیو چارو او مالیې وزارتونو پدې اړه رسنیو ته څه ندي ویلي.

له دې مخکې د امریکایي ځواکونو د مرکزي قومندې قومندان جنرال کینت مککنزي، چې په افغانستان کې له امریکایي سرتېرو څارنه کوي ویلي وه، چې حکومت د سپین بولدک بندر د بېرته نیولو هڅه کوي.

Continue Reading

تازه خبرونه

امریکا افغانستان ته پر الوتنې نوي بندیزونه ولګول

Ariana News

خپور شوی

په

توسط

(Last Updated On: July 27, 2021)

د امریکا فډرال هوایي چلند ادارې (اف ای ای) د دوشنبې پر ورځ د زمري ۴ ویلي، چې د امنیتي چاپېریال د بدلیدو په غبرګون کې د افغانستان پر فضا پر امریکایي الوتنو نوي بندیزونه لګېدلي دي.

د یادې ادارې په بېړنۍ سپارښتنه کې راغلي، چې د ترهګرو خطرونو ته د پاملرنې له مخې د کابل معلوماتي سپارښتنو ته په کتو باید الوتنې له ۲۶۰۰۰ فوټو ټیټې نه وي. البته د کابل له هوایي ډګر پرته نور په ټول افغانستان کې باید یاد لوړوالی په پام کې ونیول شي.

د سرچینې د څرګندونو له مخې؛ یاد بندیږ پر ټولو امریکایي اوتنو ، چې افغانستان ته الوت کوي لګېدلی، له راتلونکې یکشنبې د پلي کېدو وړ دی.

د امریکا هوایي چلند ادارې ویلي، چې دا بندیزونه د امریکا پر پوځي الوتنو نه پلي کیږي.

Continue Reading

Trending

آریانا نیوز: ټول حقونه خوندي دي