Connect with us

تازه خبرونه

د ميدان وردګ د بهسود په وروستۍ پېښه کې د وژل شویو خپلوان د عدالت غوښتنه کوي

Ariana News

خپور شوی

 په

(Last Updated On: February 5, 2021)

د میدان وردګ د بهسود لومړۍ حصې په ولسوالۍ کې د وروستۍ پېښې د وژل شویو خلکو خپلوان له مرکزي حکومته عدالت غواړي.

د میدان وردګو د بهسود د لومړۍ حصې د ولسوالۍ د خلکو او حکومتي ځواکونو تر منځ د تېرې جمعې د ورځې په له تاوتریخوالي ډک لاریون کې د وژل شوي علي شجاعي خور زینب شجاعي وایي: پر ورور مې د مرمیو باران جوړ شو؛ یوازې یې پر تن مرمې ندي لګېدلي ان یوه پېښه یې پرې شوې وه. څه وکړو، مونږ له حکومته عدالت غواړو.

نوموړې زیاته کړې؛ علي بزګر و او د خپلې لس کسیزې کورنۍ سرپرستي ور پر غاړه وه.

د وژل شوي علي شجاعي مور بسکول وایي: له علي شجاعي درې زامن او دوه لوڼې پاتې دي. میرمن یې وایي، چې پېنځه یتیمان راته پاتې شول.

د علي شجاعي میرمن فاطمه له مرکزي حکومته غواړي؛ هغه کسان محاکمه او پر سزا ورسوي، چې پر میړه یې ډزې کړي دي.

د علي شجاعي خپلوانه معصومه وایي: باید له پلاوي وپوښتل شي، چې ولې بې ګناه خلک ووژل شول؟ دغه پېښه دې بې پرې وڅېړل شي.

د بهسود د لومړۍ برخې ولسوالۍ د وروستۍ خونړۍ پېښې څېړنې ته له کابله د ورغلي حکومتي پلاوي غړي ایوب سالنګي ویلي، چې پېښه به په روڼ ډول وڅېړي او مجرمین به د قانون منګولو ته وسپارل شي.

ایوب سالنګی وایي: د افغانستان حکومت دې ته ژمن دی، چې اصلي مجرم که هرڅوک وي د قانون منګولو ته وسپاري او په دې اړه به عدالت پلی شي.

د تېرې جمعې پر ورځ( د سلواغې ۱۰) د میدان وردګ د بهسود د لومړۍ حصې اوسېدونکیو یو اعتراضي لاریون وکړ، چې پر تاوتریخوالي واوښت او په کې د علي پور وسلوال له امنیتي ځواکونو سره ونښتل. په دې نښتو کې دولس کسان وژل شوي او ۲۵ نور ټپیان دي.

تازه خبرونه

پاکستان دې له دوستۍ او دښمنۍ، یو غوره کړي ـ اشرف غني

Ariana News

خپور شوی

په

توسط

(Last Updated On: April 18, 2021)

د افغانستان ولسمشر اشرف غني د یکشنبې پر سهار یوې امنیتي ناستې ته په ډاګه کړه؛ له تېرو څو لسیزو راپدیخوا دا لومړي ځل دی، چې د سولې یو رښتینی فرصت رامنځته شوی او افغانستان د بهرنیو ځواکونو وتلو ته پوره چمتووالی لري.

د ولسمشر اشرف غني دغه څرګندونوې له هغې وروسته راپورته کیږي، چې تېره اوونۍ د امریکا ولسمشر جو بایډن او د ناټو عمومي منشي ینس سټولټنبرګ په ډاګه کړه، چې د ټولو بهرنيو سرتېرو وتل به د روان کال د می له لومړۍ پیل او د سپټمبر پر ۱۱ نېټه افغانستان بشپړ شي.

ولسمشر غني د یکشنبې  پر ورځ په ارګ کې د کابل ښار د شپږنیمو بجو په امنیتي غونډه کې له افغانستان څخه د امریکایي ځواکونو د وتلو اعلان ته په نغوته کې څرګنده کړې: په اوسني تاریخ کې په لومړي ځل د افغانستان لپاره تر ټولو غوره فرصت برابر شوی؛ مونږ له دوه کلونو راپدیخوا دې ورځې ته بشپړ چمتوالی لرو او د هغوی د وتلو لپاره مو هر اړخیز پلان برابر کړی دی.

ولسمشر غني ویلي؛ مونږ د خپلې خاورې ساتنې ته بشپړ چمتوالی لرو او د دې وخت را رسېدلی، چې د افغانستان ملي حاکمیت په بشپړ ډول عملي او افغانستان خپل ناپېیلتوب ثابت کړي.

ولسمشر ویلي: یو د جمهوریت صف دی او بل د دښمن، هغوی، چې د جمهوریت په صف کې نه درېږي نور ورته په دولت کې ځای نشته.

د ولسمشر غني د څرګندونو له مخې؛ طالبان د جګړې د دوام لپاره هېڅ راز دیني مشروعیت نلري او د اسلامۍ نړۍ دیني علماوو په افغانستان کې جګړه غندلې ده.

ولسمشر غني له افغانستان سره سیمه ییزو اړیکو ته په نغوته کې څرګنده کړې: نن د پاکستان لپاره د پرېکړې ورځ ده؛ که زمونږ هېواد نارامه وي، د دوی هېواد به هم ناارامه وي او که زمونږ هوساینه غواړي، دوی به هم هوسا شي.

غني زیاته کړې؛ د دوستۍ او دښمنۍ غوراوی د دوی په لاس کې دی؛ د دوستۍ په اړه افغانستان له پاکستان، سیمې او نړۍ سره همکارۍ ته چمتو دی.

دغه راز ولسمشر غني په ډاګه کړې: زمونږ لیدلوری ملي حاکمیت، جمهوریت، ولسواکي، آباد، آزاد او خپلواک افغانستان دی؛ که طالبان په دې چوکاټ کې سوله کوي زمونږ غېږ ورته پرانېستې ده او له دې پرته بل هر انتخاب د جګړې د دوام لپاره د طالبانو پلمه ده.

هغه زیاتوي؛ مونږ د ډار نه، د ټینګې ارادې خلک یو.

همدارنګه نوموړي د یکشنبې د ورځې په امنیتي ناسته کې د لومړۍ امنیتي حوزې ۱۶ منسوبینو ته د بریال دوه یمې درجې دولتي مډالونه هم پر سینه وټومبل.

د ولسمشر لومړي مرستیال امرالله صالح د ستاینو او ویاړلو وروسته د شپږنیموغونډو د لاسته راوړنو په اړه د معلوماتو ورکولو پرمهال وویل: د ژمنو تعقیب پر یو اصل بدل شوی او د دوامداره هڅو په نتیجه کې د جرمونو ګراف په بېساري توګه راټیټ شوی او له دولتي خدمتونو د خلکو د رضایت کچه لوړه شوې ده.

ولسمشر اشرف غني د شپږنیموغونډو لاسته راوړنې وستایلې او وایي: تاسو د ګروپي مدیریت په پایله کې مثبت تغییرات راوستي؛ ظرفیت لرئ، دوام ورکړئ او زه ستاسو بشپړ ملاتړی یم.

Continue Reading

تازه خبرونه

عباس کریمي د امریکا له پارا لمبا سیالیو د سپینو زرو مډال ترلاسه کړ

Ariana News

خپور شوی

په

توسط

(Last Updated On: April 18, 2021)

د هیواد ویاړلی معلول لامبوزن عباس کریمي د امریکا په پارا لمبا سیالیو کې د سپینو زرو مډال ترلاسه کړ.

عباس کریمي د خپلو نړیوالو سیالانو پروړاندې په څلورو ۵۰ مټره شاپرکي برخو، ۱۰۰ او ۲۰۰ آزادې لمبا کې وځلید.

کریمي به سبا د شا پرتختې ۵۰ مټرو په وروستۍ سیالۍ کې د خپلو سیالانو پروړاندې لامبو وکړي.

دغه نړیوالې پارالمبا سیالۍ د امریکا د تګراس ایالت پر کوربتوب د ۲۰ هېوادونو څخه د ۱۱۵ لامبوزنو په ګډون تر سره شوې دي.

عباس کريمي په هېواد کې یوازنی معلول لامبوزن دی، چې د ټوکیو پارالمپیک لوبو ته نوماند شوی دی.

Continue Reading

تازه خبرونه

په افغانستان کې د امریکايي ځواکونو ډېرول شوني دي – امریکا

Ariana News

خپور شوی

په

توسط

(Last Updated On: April 17, 2021)

امریکایي چارواکو ویلي، چې له افغانستان څخه د ټولو بهرنیو سرتېرو د ډاډمنو وتلو لپاره ښایي په شمېر کې یې ډېروالی رامنځته شي.

د امریکا د دفاع وزارت ویاند جان کربي د جمعې پر ورځ یوې خبري غونډې ته څرګنده کړې؛ دا به غوره وي، چې تر سپټمبره د لنډې مودې لپاره د سرتېرو د ډاډمنو وتلو لپاره په وړتیاوو کې ډېروالي رامنځته شي.

نوموړي د سرتېرو د رارسیدو او څرنګوالي په اړه پوره څه ندي ویلي.

هغه په دې اړه زیاته کړې؛ لکه څنګه، چې مونږ عراق پریښود، دغه راز په افغانستان کې هم مونږ لوژیستیکي او انجنري مرستې ته اړتیا لرو.

هغه دا هم ویلي، چې د امریکا دفاع وزارت اوسمهال له افغانستان سره د راتلونکیو کلونو پر امنیتي اړیکو کار کوي.

جان کربي زیاته کړې، چې امریکا به له تروریزم سره په مبارزه کې خپلې هڅې روانې ساتي او د ترهګرو د پټنځي د جوړولو مخنیوی به کوي.

کربي زیاته کړې: مونږ په دې برخه کې ډېر ظرفیتونه لرو  او زه نه غواړم پدې اړه تفصيلاتو ته لاړشم، چې مونږ دا ظرفیتونه څنګه کاروو.

هغه دا هم ویلي، چې له افغانستان څخه د بهرنیو ځواکونو وتل د اړیکو د پرې کولو معنی نلري؛ خو امریکا به د افغان ځواکونو ملاتړ روان ساتي.

دغه راز امریکايي چارواکو ژمنه کړې، چې د افغان امنیتي او دفاعي ځواکونو معاشونه به ورکوي.

طالبانو تر دې دمه په دې اړه څه ندي ویلي؛ خو مخکې یې د دې اعلان په غبرګون کې، چې د سپټمبر تر یوولسمې به امریکایي سرتېري له افغانستان څخه وځي ویلي، چې د امریکا دا کړنې به طالب جنګیالي پوځي ټینګار او مقاومت ته اړ کړي، چې مسوولیت به یې د امریکا پر غاړه وي.

Continue Reading

Trending

آریانا نیوز: ټول حقونه خوندي دي