Connect with us

تازه خبرونه

د ملګرو ملتونو سرمنشي د افغانستان لپاره خپل ځانګړی استازی ټاکلی

خپور شوی

 په

(Last Updated On: کب ۲۸, ۱۳۹۹)

د ملګرو ملتونو سرمنشي انټونیو ګوټرش ژان آرنولډ د افغانستان او سیمه ییزو چارو لپاره د خپل ځانګړي استازي په توګه ټاکلی دی.

ملګرو ملتونو په ډاګه کړې، چې آرنولډ به په افغانستان کې د ملګرو ملتونو د مرستې ماموریت (یوناما) او د سیمې له نورو هېوادونو سره په افغانستان کې د سیاسي حل لپاره همکاري کوي.

ملګرو ملتونو زیاته کړې؛ آرنولډ په نړیواله ډیپلوماسۍ کې ۳۰ کلنه تجربه لري او په اروپا، آسیا، آفریقا، لاتینه امریکا او افغانستان په هېوادونو کې یې د ملګرو ملتونو د استازي په توګه هم دنده ترسره کړې ده.

هغه له دې مخکې د کولمبیا لپاره د ملګرو ملتونو د عمومي منشي د ځانګړي استازي او همدارنګه  د سولې په چارو کې د ملګرو ملتونو د سرمنشي د ځانګړي استازي په توګه دندې ترسره کړي دي.

دغه راز یې له ۲۰۱۹ څخه تر ۲۰۲۰ کلونو پورې د بولیویا په هېواد کې د ملګرو ملتونو د عمومي منشي ځانګړی استازی و.

امریکا غواړي په افغانستان کې د سولې بهیر ګړندي کړي  او له ملګرو ملتونو یې هم په دې اړه د مرستې غوښتنه کړې ده.

دا په داسې حال کې ده، چې نن په مسکو ښار کې د افغانستان د سولې په اړه  د طالبانو او افغان حکومت ترمنځ ناسته جوړه شوې ده.

تازه خبرونه

په کابل ښار کې پر امنیتي ځواکونو د لاسي بم برید وشو

خپور شوی

په

توسط

(Last Updated On: تله ۲۸, ۱۴۰۰)

د کورنیو چارو وزارت ویاند قاری سعید خوستي څرګنده کړې؛ د چارشنبې پر سهار د کابل ښار د درېيمې امنیتي حوزې اړوند په دهمزنګ سیمه کې د ژوبڼ له لورې پر امنیتي ځواکونو د لاسي بم برید شوی، چې دوه کسان يې ټپیان کړي دي.

قاري سعید زیاته کړې د پېښې د عاملينو پلټنه روانه ده.

عیني شاهدانو ویلي، چې په دې برید کې ۴ کسان ټپیان شوي دي.

دبرید پړه  تر دې دمه چا پرغاړه نده اخیستې.

Continue Reading

تازه خبرونه

په مسکو کې د روسیې، چین او پاکستان استازیو ګډه ناسته کړې

خپور شوی

په

توسط

(Last Updated On: تله ۲۸, ۱۴۰۰)

د روسیې، چین او پاکستان استازیو پرون د سې شنبې پر ورځ په مسکو کې د افغانستان پر اړوند سیاسي، امنیتي اوله شخړې وروسته مسایلو بحث خبرې کړي دي.

درې واړو خواوو د شوني امنیتي ګواښونو په اړه د اندونو تبادله کړې او افغانستان ته یې د بېړنیو بشري او اقتصادي مرستو د برابرولو لپاره خپله ګډه اراده څرګنده کړې ده.

روسیې امریکا ته بلنه ورکړې وه، چې د مسکو په خبرو کې برخه واخلي؛ خو د هغه هېواد د بهرنیو چارو وزارت ویاند نډ پرایس د لوژستیکي ستونزو له کبله په دې خبرو کې ګډون رد کړی وایي، چې امریکا له دې بهیره ملاتړ کوي.

د رویټرز د څرګندونو له مخې، د روسیې بهرنیو چارو وزارت ویلي؛ د چارشنبې پر ورځ به د افغانستان د اسلامي امارت او د نورو هېوادونو استازي هم په ډې خبرو کې برخه واخلي.

د روسیې د بهرنیو چارو وزیر سرګي لاوروف به د چارشنبه په غونډه کې وینا وکړي.

استازي به په افغانستان کې د نظامي او سیاسي وضعیت، د ټولمنلي افغان حکومت پر جوړولو او په افغانستان کې د بشري ناورین په مخنیوي کې د نړیوالې ټولنې د رول په اړه بحث او خبرې وکړي.

دې ناستې ته، چې د افغانستان پر راتلونکي راڅرخي د ا.ا.ا، روسیې، چین او پاکستان په ګډون  ۱۱ هېوادونه بلل شوي دي.

په کابل کې د روسیې سفارت ویلي، چې په دې غونډه کې د کورني سیاست په ګډون له شخړو وروسته رامنځته شوي شرایط، چې د دغه هېواد د بیارغونې لپاره اړین دي وڅېړل شي.

دا په داسې حال کې ده، چې دې غونډې ته د افغانستان د لومړي وزیر د مرستیال مولوي عبدالسلام حنفي په مشرۍ د بهرنیو چارو، اقتصاد، صنعت او سوداګرۍ وزیران او نور لوړپوړي چارواکي ورغلي دي.

Continue Reading

تازه خبرونه

پوتین په جي ـ ۲۰ سرمشریزه کې انلاین برخه اخلي

خپور شوی

په

توسط

(Last Updated On: تله ۲۸, ۱۴۰۰)

کرملین یا د روسیې ولسمشرۍ ماڼۍ نن څرګنده کړې، چې ولسمشر ولادمیر پوتین به دجي – ۲۰ په سرمشریزه کې انلاین ګډون وکړي.
کرملین ویلي، چې پوتین په دې اړه د ایټالیا له لومړي وزیر سره د ټیلیفون له لارې خبرې کړې دي.
د کرملین په څرګندونو کې راغلي، چې دواړو هېوادونو د دوه اړخیزو اړیکو او د افغانستان وضعیت تر بحث لاندې نیولی دی.
له دې مخکې د امریکا بهرنیو چارو وزارت ویلي، چې د افغانستان په اړه د مسکو په غونډه کې به ګډون ونکړي.
د امریکا بهرنیو چارو وزارت ویاند نډ پرایس ویلي: مونږ د مسکو په غونډه کې ګډون نه کوو. پرمختللې ټریکا یو ګټوره او حیاتي اړخ لري. مونږ هڅه کوو په راتلونکيو ناستو کې ولرو؛ اوس په دې غونډه کې د نډې لرلو په حالت کې نه یو.
له دې مخکې د افغانستان لپاره د روسیې د ولسمشر ځانګړي استازي ضمیر کابلوف ویلي وه، چې د هغه هیواد به د افغانستان په اړه د اسلامي امارت له پلاوي او د پاکستان او چین له استازیو سره ناسته ولري.
دا په داسې حال کې ده، چې د افغانستان اسلامي امارت یو لوړپوړی پلاوی نن په اړوند ناسته کې د ګډون لپاره مسکو ته روان شوی دی.

Continue Reading

Trending

آریانا نیوز: ټول حقونه خوندي دي