Connect with us

تازه خبرونه

د ملا ضعیف د کور د محاصرې په اړه خپاره شوي راپورونه رد شول

Avatar

خپور شوی

 په

(Last Updated On: کب ۲۶, ۱۳۹۷)

کورنیو چارو وزارت څرګنده کړې، چې امنیتي ځواکونو تېره شپه په بګرامي ولسوالۍ کې د ځمکو د یوه غاصب ملا طوطي د نیولو په اړه له مخکې پلان شوي عملیات پیل کړل؛ خو د ملا عبدالسلام ضعیف د کور د محاصرې په اړه خپاره شوي راپورونه یې هم رد کړل.

کورنیو چارو وزارت ویاند نصرت رحیمي زیاته کړې، چې تېره شپه دغه عملیات د بګرامي ولسوالۍ په هغه سیمه کې پیل کړل، چې په پاکستان کې د طالبانو د پخواني سفیر ملا عبدالسلام له کوره لږ واټن لري.

هغه دغه راز څرګنده کړې، چې تر څارنې لاندې د ملا طوطي له کوره دوه میله وسله او نور پوځي تجهیزات هم تر لاسه شوي دي.

ویل کیږي، چې څه وخت مخکې د ملا طوطي ورور داوود هم په یو لړ عملیاتو کې له ۸ میله ناقانونه وسلو او یو هایلکس موتر سره نیول شوی و.

دا په داسې حال کې ده، چې په اسلام آباد کې د وسلوالو طالبانو پخواني سفیر ملا عبدالسلام ضعیف آریانا نیوز ته ویلي، چې د څلیریشت ساعتونو لپاره یې کور د دولتي ځواکونو لخوا محاصره شوې و.

هغه زیاته کړې؛ پوځیانو یې پر کور یرغل کړی او د ده د ساتونکیو او امنیتي ځواکونو په نښته کې یو کس ټپي شوی هم دی.

سیاسي شنونکي نطر محمد مطمین ویلي، چې ملا عبدالسلام ضعیف په قطر کې د طالبانو او امریکايي هیئت سره له لیدو وروسته کابل ته راغی، یوه شپه وروسته کندهار ته ولاړ، هلته نږدې لس ورځې پاتې شو، پرون مازیګر له کندهاره بېرته کابل ته راغی، کورته له رسیدو وروسته، ماښام مهال د دوی ټوله سیمه د امنیتي ځواکونو( ملي امنیت، خاص قطعات او دفاع وزارت اړوندو ځواکونو) له خوا محاصره شوه.

د سیمې خلکو ویلي؛ تېره شپه، چې څه پېښ شوي خلک یې نه یوازې ویرولي، بلکې بېلابېلې اندېښنې یې هم ورسره رامنځته شوې دي.

Continue Reading
Advertisement

تازه خبرونه

په افغانستان کې له تېرو ۲۴ ګړیو راپدیخوا کرونا ویروس ۹ کسان مړه کړي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د عامې روغتیا وزارت ویلي؛ په هېواد کې له کرونا ویروسه درې کسان په بلخ، ډوه ـ دوه په هرات، سمنګان او کندوز ولایتونو کې مړه شوي او ۱۷۸ نور د هېواد له بېلابېلو روغتونونو کورونو ته رخصت شوي دي.

د دوی د څرګندونو له مخې؛ له تېرو څلیریشت ګړیو راپدیخوا په هېواد کې  ۹۱۵ نوې مثبتې پېښې ثبت شوي، چې ۴۲۳  یې د کابل، ۲۰۱ د هرات، ۱۱۶ د بلخ، ۲۹ د کندوز، ۲۳ د کونړ، ۲۱ د کندهار، ۲۱ د فراه، ۲۱ د سرپل، ۲۰ د هلمند، ۱۵ د سمنګان، ۱۱ د پکتیا، ۷ د ننګرهار، ۴ د میدان وردک او ۳ نور د لغمان ولایتونو دي.

له دې سره په ټول هېواد کې پر کرونا ویروس د اخته کسانو شمېر ۱۸۹۶۹ ته پورته شو.

د وروستیو څرګندونو له مخې؛ په هېواد کې له کرونا ویروسه ۳۰۹ کسان مړه شوي او ۱۷۶۳ نور رغیدلي دي.

Continue Reading

تازه خبرونه

فیسبوک د حکومتونو ترڅارنې لاندې رسنۍ په نښه کوي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د فیسبوک نړیوالې شبکې په ډاګه کړې، چې د حکومتونو تر څارنې لاندې ټولو رسنیزو شبکو ته ځانګړې نښې جوړوي.

فیسبوک ټولنیز شرکت غواړي یو شمېر رسنیزې پاڼې لکه د روسیې سپوتنیک، د ایران پریس ټي وي او د چین سیهنووا خبري آژانس د منفی او دولتي تبلیغاتو د مخنیوي لپاره ځانګړې نښې وکاروي.

له دې کاره موخه د خلکو پوهول ښودل شوي، چې دا رسنۍ نا دولتي ندي، بلکې د دولت لخوا څارل کیږي.

فیسبوک تېره ورځ  په یوه اعلامیه کې په ډاګه کړې، چې په سږني دوبي کې به د امریکا له ولسمشریزو ټاکنو مخکې د دغو رسنیو ټولې خبرتیاوي او تبلیغات دلته بند شي.

فیسبوک څرګندوې: مونږ دغو خپرونکیو ته د روڼتیا زمینه برابروو؛ ځکه، چې دوی د رسنیو له لارې دولتي ستراتیزیکې موخې پالي او مونږ باید خلک او اوریدونکي وپوهوو، چې څه اوري او ګوري له دولتي اغېزه برخمن دي.

دې بنسټ دا هم په داګه کړې، چې ناپېیلې او نادولتي رسنۍ به په نښه نشي.

فیسبوک په بشپړ ټینګار څرګنده کړې، چې د امریکا په ولسمشریزوټاکنو کې د بهرنيو لاسوهنو د مخنیوي لپاره  یې دا پرېکړه کړې ده.

فیسبوک شرکت په دې وروستیو کې د خپلو کارکوونکیو له نیوکو سره مخ شوی، چې ولې یې د ټول هېواد په کچه د روان تاوتریخوالي په اړه د ولسمشر ډونالډ ټرمپ د ګواښونو مخنیوی ندی کړی.

Continue Reading

تازه خبرونه

د  دیني عالم ډاکټر ایاز نیازي مړی پر ځانګړیو مراسمو خاورو ته وسپارل شو

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

د  افغانستان د وتلي دیني عالم ډاکټر ایاز نیازي مړی نن پر ځانګړیو مراسمو د وزیر محمد اکبرخان لوی جومات په انګړ کې، چې خطیب یې هم و؛ خاورو ته وسپارل شو.

 ایاز نیازی وړم ماښام په وزیر محمد اکبر خان جامع جومات کې دننه په یوه چاودنه کې لومړی سخت ټپي او بیا یې په روغتون کې ساه ورکړه.

هو! هغه رسا غږ، نور د تل لپاره دغلته تر خاورو لاندې شو.

ایاز نیازی، چې د مصر په الازهر کې یې  دوه ماسترۍ او یوه ډاکټري تر لاسه کړې وې؛ نه یوازې یې په تلویزیوني بحثونو کې دیني لارښوونې کولې، بلکې د مرګ تر ګړۍ یې له ولسونه خبله پوه نه ده سپمولې.

د ارشاد، حج او اوقاقو وزارت چارسمبالی عبدالحکیم منیب دا پېښه د نورو دیني عالمانو لپاره د عطف ټکی بولي او وایي؛ دا پېښه په هر اړخیز ډول څېړل کیږي او د حقیقت موندنې د پلاوي مشري به هم زه پخپله کوم.

طالبانو دا پېښه غندلې او  لوی جنایت یې بولي.

د ولسمشر لومړي مرستیال امرالله صالح تازه پخپلې فیسبوک پاڼې څرګنده کړې، چې طالبان نشي کولی په لنډو جملو کې له دا راز پېښو ځان سپین ثابت کړي.

نوموړي زیاته کړې؛ زیاتره هغه عالمان په افغانستان کې پر نښه کیږي، چې له پاکستان پرته نورو هېوادونو کې یې زدکړې کړې وي.

Continue Reading

Trending