Connect with us

بی بی سی پښتو

د ملاله یوسفزۍ د ژوند اړوند ۷ خبرې

Avatar

خپور شوی

 په

(Last Updated On: February 17, 2021)
ملالہ یوسفزئی

Getty Images
هغه وخت ملاله چې د ژوند او مرګ ترمنځ وه.

د نوبل جایزې ګټونکې ملاله یوسفزۍ له بي بي سي سره تازه مرکه کې د خپلو زدکړو، د راتلونکي په اړه د هیلو او پر دې خبرې کوې چې ولې یې د برمنګهم ګړدود (لهجه) خوښ دی.

۲۳ کلنه ملاله دې مرکه کې د خپل ژوند پر نورو بېلابېلو اړخونو هم غږېدلې ده.

دلته مو د بي بي سي څلورمې راډیو سره د هغې د مرکې اووه مهم ټکي راخیستي دي.

۱: برمنګهم د هغې دویم کور دی

ملاله یوسفزۍ اته کاله وړاندې په داسې حال کې د برمنګهم ‘کوین الیزابت’ روغتون کې بستر شوه چې سر ته په ډزو لګېدلې او مرګوني حالت کې وه.

هغه د پښتونخوا سوات کې ښوونځي ته روانه وه چې ځايي طالبانو یې موټر ودراوه او ویې ویشته.

ملاله یوسفزۍ له دې کبله په نښه شوه چې ویل یې نجونې باید ښوونځي ته لاړې شي.

هغې په دې مرکه کې لارن لیورني ته ویلي کله چې په سد راغله نو پر دې نه پوهېده چې څومره موده به روغتون کې پاتې وي، نو مور پلار ته یې ویلي و چې د فزیک کتابونه یې ور وړي، ځکه پاکستان کې یې د ښوونځي ازموینې رانږدې وې.

ملاله وايي تر دې وروسته یې برمنګهم دویم کور شو.

هغه په مسکه څېره زیاتوي “لومړی مو باید د دې ځای لهجه زده کړې وی”. اوس د برمنګهم پر ځايي ‘برومي’ ګړدود حاکمه ده.

ملاله وايي: “سوات مې تل لومړی کور او له ځان هم راته ډېر ګران دی. هیله منه یم چې ژر بېرته پاکستان ته ولاړه شم او بېا خپل کور ووینم.’

۲: د زدکړو دوره څنګه وه؟

ر

BBC
ملاله یوسفزۍ د ۲۰۱۸ کال مارچ کې سوات ته تللې وه.

ملالې یوسفزۍ تېر کال له اکسفورډ پوهنتون په فلسفه، سیاست او ټولنپوهنه کې سند تر لاسه کړ.

هغه د ګڼو نورو محصلینو په څېر اړ وه چې د دغه پوهنتون چاپیریال سره ځان بلد کړي.

اغلې یوسفزۍ وايي ‘دا لومړنۍ موقع وي چې تاسې له کور وتلو ته پکې اړ کېږئ – ځان بسیاینه در زده کوي.’

هغه وايي “د ژوند هغه ورځې مو ښې وي چې له ملګرو سره اوسئ، ګرځئ راګرځئ. د ژوند له یوې غمجنې تجربې وروسته دا لومړۍ موقع وه چې د ماشومتوب د راګرځېدو احساس مې وکړ.”

نوموړې زیاتوي:”پوهنتون ته تر تګ وړاندې ژوند پیکه و، خو چې پوهنتون ته ولاړم، خپل همزولي مې وکتل او د خپل عمر کسانو سره مې ناسته پاسته شوه، نو پوه شوم چې عمر مې دومره نه دی.”

هغه د کورونا وېروس له کبله اړ شوه چې له کور ازموینې ورکړي او د کورنۍ له غړو سره ډېر وخت تېر کړي.

خو ملاله یوسفزۍ اوس هم له خپلو ملګرو سره تماس کې ده او د ویډیو له لارې خبرې او مرکې ورسره کوي.

۳: د هغې د خپلې دورې مزاحیه ډرامې خوښې دي

د سند له ترلاسه کولو وروسته بېکاره وخت کې هغې ته د ‘بلیکاډر’، ‘اونلي فولز اینډ هارسز’ او ‘یس منسټر’ په څېر د پخوانیو ډرامو د لیدو وخت په لاس ورغلی.

ملاله به خندنۍ څېره وايي چې برېتانوۍ ډرامې یې خوښېږي او ګوري یې.

د هغې د ‘ویسټ اینډ’ مشهورې سندرې هم خوښې دي.

هغه وايي: ‘چې کله بریتانیا ته راغلم نو د دې ځای کلتور او فرهنګ راته بیخي نوی و.’

نوموړې زیاتوي چې د دې ځای موسیقي یې خوښه ده، ‘فېنټم اوف دې اوپېرا’ یې ډېره کتلې او د هغې هره سندره یې خوښېږي.

۴: هغه ‘بېبر’ دی

د هغې د جسټن بیبر له ‘نیور تر نیور’ کمپوز هم خوښ دی.

ملاله وايي دا سندرې یې پاکستان کې هم اورېدلې – که څه هم هغه مهال ورته پاپ موسیقي نوې وه، خو پاکستان کې د خلکو خوښېده.

۵: شخصیت یې حاکمانه خو مثبت دی

کله چې ترې وپوښتل شول چې شخصي ‘کورنی’ او بهر ژوند څنګه سره جلا کوي، نو ویې ویل “کور کې یوه جلا ملاله وي.”

هغه زیاتوي “زه یو رنګه حکم چلوم، په مثبت ډول – تل هڅه کووم چې خپل وروڼه وپوهوم”.

ملاله وايي چې پلار یې ضیا الدین د ښځو د حقونو ټینګ ملاتړی دی، خپلو خوېندو سره یې توند چلند بیخي نه خوښاوه:

“تل یې ما سره هم هغسې چلن کړی چې څنګه چې مې یې وروڼو سره کوي. “

هغه د خپل مور او پلار د مینې کیسه هم کوي.

وايي د مور پلار د لومړۍ لیدنې کیسه یې ښکلې ده.

ملاله وايي مور پلار یې بهر سره نشول لیدلی “مور مې کله ناکله د پلار کور ته راتله، له لیرې یې یو بل ته په غلا غلا کتل. د هغوي د مینې کیسه څه داسې وه.”

۶: ښايي یوه ورځ د سیاست ډګر کې ګام کېږدي

ملاله وايي چې کله کوچنۍ وه نو دا فکر به یې کاوه چې “که یوه ورځ لومړۍ وزیره شم نو هر څه به سم کړم. اوس راته مالومه شوه چې دا اسان کار نه دی ډېرې پیچلتیاوې لري.”

هغه زیاتوي: “اوس مې پام د نجونو پر زدکړو ورټول دی او وروسته مالومه نه ده. ۲۰ کاله وروسته سیاست ته په راوتلو غور کولی شم. هغه ته لا ډېر وخت مخ کې پروت دی.”

اغلې یوسفزۍ د هغه څه په رایادولو سره چې دا یې پاکستان کې د بشري حقونو فعالیت ته اړیسته وايي تل دا وېره ورسره وه چې ټول عمر به په همداسې چاپېریال کې د ژوند تېرول ورترغاړې وي.

۷: هغه د ‘اپلاتون’ او د ‘شونډو ملهم‘ ډېره شوقي ده

له هغې چې وپوښتل شول که کوم یوازې ټاپو ته ځي نو له ځان سره به څه یوسي، ویې ویل پوهنتون کې له اپلاتون سخته متاثره شوه او وبه غواړي چې د هغه ټول لیکل له ځان سره یوسي:

“له لېپ بام (د شونډو ملهم) پرته هم نشم اوسېدی نو دا به هم ځان سره وړم. نازک کمرنګه لېب بام چې ښکلی رنګ باسي. له دې سره تل خوشاله اوسېدی شم.”

Continue Reading
Advertisement

بی بی سی پښتو

کېم کارداشیان د میلیاردرانو په نوملړ کې راغله

Avatar

خپور شوی

په

(Last Updated On: April 7, 2021)
کیم کارداشیان

Getty Images
کیم کارداشیان د ۲۰۲۰ کال د پاریس د سټایل اونۍ کې

مشهوره تلوېزیوني ستورې کېم کارداشیان وېسټ یو میلیارد ډالرو ته د خپلې شتمنۍ په رسولو سره د شتمنو له کلب سره یوځای شوه.

‘فوربز’ مجلې ویلي مېرمن کارداشیان سوچه شتمي د تلویزیوني عوایدو، سوداګریزو اعلانونو او سینګار توکو، جامو یا کالیو له خرڅلاو څخه تر لاسه کړې.

کارداشیان اوس د هغو ۲۷۵۵ کسانو له ډلې ده چې د فوربز د میلیاردرانو په لړلیک کې راغلي.

د امازون شرکت مشر جف بېزوس د ۱۷۷ میلیارد ډالرو په درلودلو سره د نوملړ په سر کې ځای لري.

د بامبل اپلیکېشن بنسټګر ویتني هرډ (۱٫۳ میلیارد ډالر) فلم جوړوونکی ویتني وولف (یو میلیارد ډالر) او د شیلډن اډلسن کونډه میریاماډ‌لسن د قمار صنعت ( ۳۸٫۲ میلیارد ډالر) په درلودو سره هغه امریکایان دي چې په تېر یوه کال کې دغه نوملړ کې راغلي دي.

د کېم کارداشیان مېړه کانیه وېسټ چې اوس له یو بل سره ژوند نه کوي. له دې وړاندې د ۱٫۸ میلیارد ډالرو په درلودو سره په دغه نوملړ کې راغلی و، خو د کېم کارداشیان خور کایلي جنر په تېره میاشت کې له دغه نوملړه لرې شوه، ځکه فوربز مجلې ادعا کړې وه کورنۍ یې د هغې د شتمنۍ ارزښت له اندازې زیات ښودلی.

کېم څنګه دغې بریا ته ورسېده؟

د فوربز د راپور له مخې، د ۴۰ کلنې کېم ۷۸۰ میلیون ډالرو شتمي په تېره اکټوبر میاشت کې یو میلیارد ډالرو ته رسېدلې ده چې ډېر عواید یې هم د سینګار توکو شرکت (کي کي ډبلیو بیوټي) او د کالیو شرکت ( سکمیز) ترلاسه کړي دي.

کي کي بیوټي په ۲۰۱۷ کال کې جوړ شو او اسکمیز دوه کاله وړاندې کار پیل کړ.

کېم کارداشیان تېر کال د سینګار توکو (کي کي ډبلیو بیوټی) شل سلنه برخه په ۲۰۰ میلیون ډالرو په کوتي شرکت خرڅه کړه. د هغې نوی کار د سکمیز شرکت له خوا د کالیو جوړول دي چې د کور څخه د کار کولو لپاره راحته او مناسب بلل شوي او تر ډېره په غه کار کې بریالی هم وه.

د کورونا وېروس وبا پر مهال کېم کارداشیان په ټولنیزو رسنیو کې فعاله ونډه درلوده چې په انسټاګرام کې ( ۲۱۳ میلیون او تویټر کې ۶۹ میلیون) کسانو څارلې او له همدې لارې یې د خپل شرکت کالیو ته هم بازار موندنه کړې.

کارداشیان ۲۰۱۷ کال کې د یو سریال د ستورې په توګه چې د دې د کورنۍ ریښتینی ژوند پکې انځور شوی و کار وکړ او له همغه وخته یې خپل محبوبیت ساتلی دی.

د راپورونو پر بنسټ، په تېره فبرورۍ میاشت کې مېرمن کارداشیان له خپل مېړه د طلاق غوښتنه وکړه، هغوی ۷ کاله له یو بل سره ژوند کړی او څلور ماشومان لري.

Continue Reading

بی بی سی پښتو

د ښکلا سیالۍ کې اخ و ډب؛ د ګټونکې ښځې سر مات شو

Avatar

خپور شوی

په

(Last Updated On: April 6, 2021)
سري لنکا

AFP

په سري لنکا کې د ښکلا تر ټولو ستره سیالۍ کې پر دریځ یا سټېج د اخ و ډب له رامنځته کېدو وروسته د سیالۍ ګټونکې مېرمن سر ټپی شوی دی.

د یکشنبې پر ورځ د سري لنکا ښکلا ملکې سیالۍ کې پشپیکا ډي سلوا ګټونکې اعلان شوه او دغه سیالۍ د هېواد پر ملي ټلویزیون هم خپرېده.

خو له اعلان څو شېبې تېرې وې، چې د ۲۰۱۹ کال ورته سیالیو ګټونکې مېرمنې د اغلې ډي سلوا له سره تاج واخیست او ادعا یې وکړه، چې نوموړې طلاقه شوې، ځکه باید ګټونکې و نه بلل شي.

د مراسمو منتظیمینو وروسته اعلان وکړ، چې اغلې ډي سلوا نه ده طلاقه شوې او تاج یې بېرته هغې ته سپاري.

دغه سیالۍ د یکشنبې پر شپه د پلازمېنې کولمبو یو تیاتر ننداره کې تر سره شوې، چې منصفه پلاوي اغلې ډي سلوا پکې ګټونکې اعلان کړه.

خو د ۲۰۱۹ کال دغسې سیالیو ګټونکې کارولین جیوري د اغلې ډي سلوا له سره تاج واخیست او له منتظمینو یې د یوه خبره تکرار کړه، چې په سیالیو کې ګډون کوونکې مېرمنې باید طلاق شوې نه وي. اغلې جیوري نندارې ته ناستو خلکو ته وویل:

یو اصول دا دی چې په سیالۍ کې د واده شویو او بیا طلاق شویو ښځو مخه نیسي، ځکه نو زه دا اقدام کوم، چې دا تاج باید د دویم ځای ګټونکې پر سر کېښودل شي.

سري لنکا

BBC
په ویډیويي کلیپ کې لیدل کېږي چې تاج دویم ځای خپلونکې مېرمن ته ور په سروي.

په یوه ویډیو کې لیدل کېږي، چې اغلې جیوري تاج له اغلې ډي سلوا اخلي، د دویم ځای ګټونکې مېرمن پر سر یې ږدي او اغلې ډي سلوا له اوښکو ډکې سترګې له دریځه کوزیږي.

منتظمینو له اغلې ډي سلوا بښنه غوښتې چې وايي، له مېړه بېله شوې، خو طلاق یې نه دی اخیستی. وروسته نوموړې پر فېسبوکپاڼه ولیکل، روغتون ته د سر ټپونو درملنې لپاره تللې وه.

نوموړې زیاتوي، رښتینې ملکه هغه ښځه نه ده، چې د بلې ښځې تاج اخلي. د سري لنکا مېرمن نړۍ ملي سیالۍ مشر چاندي مل جیاسینګ بي بي سي ته وویل، د سې شنبې پر ورځ به اغلې ډي سلوا ته تاج بېرته ورکړل شي. نوموړی وايي:

دا زموږ لپاره یو شرم دی، د نه منلو خبره ده. د مېرمن سري لنکا نړۍ ښکلا سیالي په هېواد کې یوه مهمه سیالي بلل کېږي. په مراسمو کې د لومړي وزیر مېرمنې هم ګډون کړی و.

Continue Reading

بی بی سی پښتو

د دوبۍ پولیسو هغه ډله نیولې چې د هوټل برنډه کې یې لوڅ عکسونه اخیستي

Avatar

خپور شوی

په

(Last Updated On: April 6, 2021)
Dubai marina

Getty Images

په دوبۍ کې یوه ډله کسان په دې تور نیول شوي چې د یوې لوړې ودانۍ پر برنډې یې لوڅ عکسونه اخیستي. پر دوی په عام محضر کې د عیاشۍ تور لګېدلی دی.

په یوې ویډیو کې چې پر انټرنټ خپره شوې ښکاري چې اته بربنډې ښځې پر برنډې عکسونه اخلي.

دوبۍ کې د روسیې قونسلګري وايي په نیول شویو کې اته یې روسۍ دي او “جدي” تورونه پرې لګېدلي.

په دوبۍ کې په عام محضر کې د عیاشۍ سزا شپږ میاشتې بند او ۵۰۰۰ درهمه نقدي جریمه ده چې څه کم ۱۰۰۰ امریکايي ډالره کېږي.

د متحده عربي اماراتو ډېری قوانین شرعي دي او په تېر کې خلک د ځان لوڅولو او همجنسخوښۍ پورې تړلو اړیکو په تور نیول شوي.

د دوبۍ مرینا سیمه کې د کابو لسو ښځو عکسونه خپاره شوي. خو روسۍ رسنۍ وايي چې ۴۰ کسان په دې عکس اخیستلو کې ښکېل ول.

د روسیې قونسلګرۍ ویلي، تورن کسان د مرستې غوښتلو لپاره ورغلي وو، خو ډېره ګرانه ده چې قونسلګرۍ دې څه وکړای شي.

روسۍ نیا ناووستي رسنۍ وايي، د عکاسۍ پر تنظیموونکي ښايي یو نیم کال قید وخېږي.

د دوبۍ پولیسو خبرداری ورکړی چې هر هغه څوک چې پورن مواد او یا داسې څه خپاره کړي چې د عامه خلکو پر اخلاقو ناوړه اغېز وکړي بندي او جریمه کېږي.

د پولیسو په یوه بیان کې راغلی “دا ډول د نه منلو وړ چلن د امارتي ټولنې د ارزښتونو او اخلاقو ښکارندويي نه کوي.”

هر هغه څوک چې په اماراتو کې ژوند او سیاحت کوي د دې قانون تابع دی، د سیلانیانو له پاره هېڅ استثنا نشته.

په ۲۰۱۷ کال کې یوه بریتانیوۍ ښځه یو کال بندۍ شوه ځکه له داسې چا سره يې په خپله خوښه سکس کړی و چې پرې واده نه وه.

خبره وروسته له هغه رسوا شوه چې ښځې چارواکو ته شکایت وکړ چې دا کس له ګواښونو ډک پیغامونه وراستوي.

Continue Reading

Trending

آریانا نیوز: ټول حقونه خوندي دي