سیمه ییز خبرونه
د مسافر وړونکې الوتکې د غورځېدو علت د روسیې په خاوره کې ډزې وې – آذربایجان
الهام علییوف په روسیه کې د حقیقت پټولو پر هڅو خواشیني څرګنده کړې ده.

د آذربایجان ولسمشر د یکشنبې پر ورځ ( د مرغومي نهمه) ویلي؛ هغه مسافر وړونکې الوتکه، چې په قزاقستان کې ولوېده او ۳۸ کسان په کې ووژل شول؛ په روسیه کې له ځمکې څخه د ډزو له کبله زیانمنه شوې ده.
الهام علییوف په روسیه کې د حقیقت پټولو پر هڅو خواشیني څرګنده کړې ده.
علییوف پر خواشینۍ څرګنده کړې؛ په روسیه کې ځینې کړۍ هڅه کوي، چې د آذربایجان د مسافر وړونکې الوتکې د نسکورېدو د علتونو په اړه د ناسمو روایتونو پر وړاندې کولو حقیقت پټ کړي.
د شنبې پر ورځ د روسیې ولسمشر ولادمیر پوتین له عليیوف څخه د هغه څه له کبله بښنه وغوښته، چې کرملین د روسیې لپاره یوه “غمجنه پېښه” یاده کړې وه.
دا په داسې حال کې ده، مسکو تر اوسه پر رسمي بڼه د آذربایجان د هغې الوتکې د غورځولو مسوولیت ندی منلی، چې د ډسمبر پر پېنځهویشتمه د قزاقستان په خاوره کې ولوېده.
سیمه ییز خبرونه
د پاکستان په جنوب لویدیځ کې ځانمرګي برید ۳۶ کسانو ته مرګ او ژوبله اړولې
رویټرز راپور ورکړی، چې د بلوچستان د نارامه ولایت په نوشکي ولسوالۍ کې د برید مسوولیت بلوڅ آزادي غوښتونکي پوځ پر غاړه واخیست.

د پاکستان چارواکو د یکشنبې پر ورځ ویلي، چې بېلتون غوښتونکو وسلوالو له چاودېدونکو توکو ډک موټر د نیمه پوځي ځواکونو پر کاروان وچاوه او لږ تر لږه پېنځه کسان یې یې ووژل او ۳۱ نور یې ټپیان کړل.
رویټرز راپور ورکړی، چې د بلوچستان د نارامه ولایت په نوشکي ولسوالۍ کې د برید مسوولیت بلوڅ آزادي غوښتونکي پوځ پر غاړه واخیست.
د نوشکي ولسوالۍ د پولیسو لوړ پوړی افسر هاشم مومند ویلي، چې د نیمه پوځي ځواکونو له ۳۰ څخه ډیر غړي هم ټپیان شوي دي.
د پاکستان لومړي وزیر شهباز شریف په یوه خبرپاڼه کې دا برید وغانده.
پوځ ویلي، چې بي ایل ای د سېشنبې پر ورځ د بلوچستان ولایت په یوه لرې پرتې غرنۍ لاره کې د جعفر ایکسپریس کنټرول په لاس کې واخیست او په یوه برید کې یې د اورګاډي پټلۍ والوزوله او ۳۱ سرتېري او ملکي وګړي یې ووژل.
په خیبر پښتونخوا ایالت کې، چې د بلوچستان شمال ته پروت دی او له افغانستان سره ګډه پوله لري؛ د دې ایالت اعلی وزیر علي امین ګنډاپور په ټول ولایت کې پر پولیسو د بریدونو لړۍ وغندله.
هغه د تلفاتو شمېر ونه ښوده؛ خو د تحریک طالبان پاکستان (ټي ټي پي) وسلوالې ډلې ویلي، چې په تېرو ۲۴ ساعتونو کې ۱۶ بریدونه شوي دي.
د پاکستان چارواکو ژمنه کړې، چې د وسلوالو د مخ پر زیاتېدونکو بریدونو مخه به ونیسي.
دې چارواکو زیاته کړې، چې دا وسلوال په افغانستان کې د میشتو وسلوالو لخوا تمویلیږي؛ خو دا تور واکمن اسلامي امارت ردوي.
سیمه ییز خبرونه
د بلوچستان د ریلګاډي په برید کې هند لاس لري – اسلام آباد
شفقت علي خان په یوه مطبوعاتي کنفرانس کې ویلي، چې بریدګر د پېښې پر مهال په افغانستان کې له خپلو همکارانو سره په اړیکه کې ول.

د پاکستان بهرنیو چارو وزارت ویاند ويلي، چې په بلوچستان ایالت کې پر مسافر وړونکي اورګاډي برید د هند له خوا ترسره شوی دی.
شفقت علي خان په یوه مطبوعاتي کنفرانس کې ویلي، چې بریدګر د پېښې پر مهال په افغانستان کې له خپلو همکارانو سره په اړیکه کې ول.
هغه زیاته کړې؛ ترهګر په افغانستان کې پټنځایونه لري او اسلامي امارت باید د بلوچستان د آزادۍ پوځ په څېر ډلو ته اجازه ورنکړي، چې د افغانستان خاوره د پاکستان پر وړاندې وکاروي.
د پاکستان پوځ هم ادعا کړې، چې په بلوچستان کې وروستی برید په افغانستان کې مېشتو وسلوالو پلان کړې و.
پر ریلګاډي برید، چې ۴۰۰ مسافر یې لېږدول؛ د سېشنبې پر ماسپښین مهال پیل شو او د چارشنبې پر ورځ پای ته ورسېد. په دې پېښه کې ۲۱ مسافر، ۳۳ بریدګر او څلور سرتېري ووژل شول، چې مسوولیت یې د بلوچستان د آزادۍ پوځ پر غاړه واخیست.
د افغانستان اسلامي امارت د پاکستان د پوځ د ویاند هغه ادعاوې رد کړې، چې ګواکې په بلوچستان ایالت کې پر مسافر وړونکي اورګاډي برید له افغانستان سره تړاو لري.
د اسلامي امارت د بهرنیو چارو وزارت ویاند عبدالقهار بلخي له پاکستان وغوښتل، چې د بې مسوولیته څرګندونو پر ځای دې د خپلو امنیتي مسلو او کورنیو ستونزو حلولو ته پام راواړوي. هغه ویلي؛ د بلوڅ اپوزیسیون هیڅ غړی په افغانستان کې نشته او نه یې له اسلامي امارت سره کومه اړیکه لرلې ده. نوموړي زیاته کړې: “د سیاسي موخو لپاره د ملکي وګړو قرباني کول د توجیې وړ نده او مونږ په دې پېښه کې د بې ګناه خلکو پر مرګ او ژوبلې خواشیني یوو..”
پاکستانيو چارواکو تل ادعاوې کړي، چې په پاکستان کې بریدونه د افغانستان له خاورې پلان کیږي؛ خو اسلامي امارت دا ادعاوې تل رد کړي او څرګندوي، چې افغانستان د پاکستان د “امنیتي ناکامیو” مسوول ندی.
سیمه ییز خبرونه
د اورګاډي پېښه د ۲۱ یرغملو او څلور سرتېرو پر وژل کېدا پای ته ورسېده – د پاکستان پوځ
د بلوچستان بېلتون غوښتونکو وسلوالو د سېشنبې پر ورځ د بلوچستان له مرکز کوټې څخه د خیبر پښتونخوا ایالت پېښور ته د سفر پر مهال د اوسپنې پټلۍ والوځوله او په جعفر ایکسپریس یې وسلوال برید وکړ، چې ۴۴۰ کسان په کې سپاره ول.

د پاکستان پوځ ويلي؛ امنیتي ځواکونو د چارشنبې پر ورځ د بیلتون غوښتونکو وسلوالو لخوا پر ریلګاډي د برید ټول ۳۳ بریدګر وژل شوي او د سلګونه تښتول شویو کسانو په ګډون د یوې ورځې اوږده نښته پای ته ورسېده.
د بلوچستان بېلتون غوښتونکو وسلوالو د سېشنبې پر ورځ د بلوچستان له مرکز کوټې څخه د خیبر پښتونخوا ایالت پېښور ته د سفر پر مهال د اوسپنې پټلۍ والوځوله او په جعفر ایکسپریس یې وسلوال برید وکړ، چې ۴۴۰ کسان په کې سپاره ول.
پوځ ویلي، چې د دې نښتې پر مهال ۲۱ یرغمل شوي کسان او څلور امنیتي ځواکونه وژل شوي دي.
د پوځ ویاند احمد شریف چودري څرګنده کړې؛ “نن مونږ د ښځو او ماشومانو په ګډون ګڼشمېر خلک آزاد کړل… وروستی عملیات په پوره پاملرنه ترسره شول.”
د پوځ له اعلان مخکې؛ د بلوڅ آزادي غوښتونکي پوځ، چې د برید مسوولیت یې پر غاړه اخیستی ویلي؛ د چارشنبې پر ماښام ۵۰ یرغمل مسافر وژل شوي دي.
بېلتون غوښتونکو د سېشنبې پر ورځ ویلي وه: ۲۱۴ کسان، چې ډېر یې امنیتي کسان دي؛ ساتلي.
دغه راز یې ګواښ کړی، چې که چارواکي د بلوڅ سیاسي بندیانو، فعالانو او ورک شویو کسانو د خوشې کولو لپاره د دوی د ۴۸ ساعتونو ضرب الاجل په پام کې ونه نیسي؛ نو د یرغمل شویو کسانو اعدام به پیل کړي.
بي ال ای BLA د هغو څو قومي وسلوالو ډلو څخه یوه لویه ډله ده، چې په بلوڅستان کې له حکومت سره جګړه کوي، چې له افغانستان او ایران سره پوله لري.
وسلوالو په دې وروستیو میاشتو کې خپل فعالیتونه زیات کړي؛ د درندو تلفاتو او ټپي کېدو او د پاکستاني پوځ د پر نښه کولو لپاره یې نوي تاکتیکونه کارولي دي.
د بلوڅ وسلوالو د څرګندونو له مخې؛ دوی د سیمې د کانونو او معدني شتمنیو د لویې ونډې لپاره مبارزه کوي، چې مرکزي حکومت یې ردوي.
د چارشنبې پر ورځ د کورنیو چارو وزارت مرستیال وزیر طلال چودري جیو ټلویزیون ته ویلي؛ وسلوالو، چې د یرغمل شویو مسافرو په منځ کې د ناستې پر مهال ځانمرګي واسکټونه اغوستي وه او د ژغورنې هڅې یې پیچلې کړې وې.
هغه ويلي، چې له ۷۰ څخه تر ۸۰ بريدګرو د ریلګاډی مسافر تښتولي وه.
چودري ويلي، پوځ سلګونه سرتېري، هوايي ځواک او ځانګړي ځواکونه يې هم له اورپکو سره د مقابلې لپاره واستول.
هغه ويلي: د عملياتو په وروستي پړاو کې ځانګړو ځواکونو لومړی ځانمرګي بريد کوونکي ووژل او وروسته له هغې سرتېري له ګاډي څخه بل ګاډي ته لاړل او پاتې وسلوال يې ووژل.
هغه د عملیاتو په دې پړاو کې د ژوندي پاتې شویو کسانو شمېر یاد نکړ او دا روښانه نده، چې مسافر به څنګه او چیرته لیږدول کیږي.
چارواکو له دې مخکې په یوه پوځي خبرپاڼه کې ویلي وه، چې د ریلګاډي چلوونکی او څو نور کسان وژل شوي دي.
حکومتي چارواکو له پوځي خبرپاڼې مخکې، چې ویلي وه، چې ۱۹۰ کسان ژغورل شوي او له ۵۰ څخه ډېر یې له خپلو عزیزانو سره د یوځای کیدو لپاره کویټې ته لېږدول شوي دي.
یوه امنیتي چارواکي رویټرز ته ویلي، چې وسلوال کسان د سرتېرو او امنیتي پرسونل په لټه کې ول.
۷۵ کلن محمد اشرف، چې په ریلګاډي کې سفر کاوه ویلي؛ هغه په غرنۍ سیمه کې د یوې زورورې چاودنې غږ واورېد، چې ټول ډبې یې ولړزولې.
هغه ویلي: کله، چې درندې ډزې پیل شوې؛ مونږ پر ځمکه پروت وکړ. “لږ وروسته وسلوال سړي ریلګاډي ته ننوتل او زمونږ د هویت ارزونه یې پیل کړه.”.
-
تازه خبرونه4 days ago
د واخان سړک د دوهیم فاز د جوړولو تړون لاسلیک شو
-
تازه خبرونه5 days ago
پر مسافر وړونکي ریلګاډي برید په افغانستان کې پلان شوی و- د پاکستان ادعا
-
سوداگري1 day ago
په ۱۴۰۳ کال کې د ۲۹۲ میلیون ډالرو پر ارزښت د هوايي دهلیزونو له لارې سوداګري شوې
-
تازه خبرونه2 days ago
د ټرمپ حکومت د امریکا غږ کارکوونکي جبري رخصتۍ ته اړ کړل
-
سیمه ییز خبرونه5 days ago
د اورګاډي پېښه د ۲۱ یرغملو او څلور سرتېرو پر وژل کېدا پای ته ورسېده – د پاکستان پوځ
-
تازه خبرونه4 days ago
اسلامي امارت د پاکستان په بلوچستان کې پر ریلګاډي د برید ادعا رد کړه
-
تازه خبرونه4 days ago
په افغانستان کې د نشهیي توکو تولید او قاچاق د پام وړ کم شوی – عبدالمتین قانع
-
تازه خبرونه2 days ago
امریکا په یمن کې د ۳۱ حوثیانو پر وژلو د هوايي بریدونو لړۍ پیل کړه