Connect with us

نړۍ

د ليبيا مركز طرابلس دولتي ځواكونه څاري- سیف الاسلام قذافي

Avatar

خپور شوی

 په

(Last Updated On: وږی ۲, ۱۳۹۰)

د لیبیا د مشر معمر القذافي زوی سیف الاسلام نن په مرکز طرابلس کې یوې خبرې غونډې ته خبرې وکړې.

پرون، چې کله یاغي ځواکونه طرابلس ته ورننوتل؛ نو ادعاء یې وکړه، چې:

سیف الاسلام یې نیولی  او په  څو ساعتونو کې به ټولې سیمې لاندې کړي.

سیف الاسلام، چې یو وخت داسې باورکېده، چې دی به له معمر القذافي وروسته د لیبیا مشري کوي وایي:

پلار یې خوندی دی او د لیبیا مرکز یاغیانو نه دی نیولی.

یاغیانو د دوشنبې په ورځ وویل، چې:

پېنځه نوي په سلو کې یې طرابلس نیولی دی.

سیف الاسلام ناټو او لویدیځ هېوادونه ملامته کړل، چې د ده د نیولو په اړه یې ناسم رپوټونه خپاره کړې د.

دى وايي، چې :

لومړی غواړم ټولې اوازې رد کړم، ناټو او لویدیځ نوې ټکنالوژي لري، خو دوى يې ارتباطات قطع کړي او بند کړې دي.

نوموړى وايي، چې:

د لیبیا خلکو ته يې د لیبیا د شبکې له لارې د خپلو بریاوو پیغامونه استولې دي.

دوى د دولتي تلویزیون خپرونې  ودرولې او د رسنیو او ټکنالوژۍ جگړه  يې پیل کړې، چې په دې توگه په لیبیا کې ویره پیدا کړي او یو گډوډ حالت رامنځته کړي.

سیف الاسلام همدا راز وویل، چې:

یاغیانو ته د دوشنبې په ورځ هغه مهال، چې دوى غوښتل په طرابلس کې د قذافي پر استوگنځي برید وکړي درانه تلفات واوښتل.

سیف الاسلام او د هغه پلار معمر القذافي په هاگ کې د جنگي جرمونو نړېوالې محکمې د محاکمې لپاره احضار کړې دي

Continue Reading
Advertisement
Click to comment

Leave a Reply

Your email address will not be published.

تازه خبرونه

آسټرالیا په نړۍ کې د انټرنیت تر ټولو چټک سرعت رامنځته کړ

Avatar

خپور شوی

په

توسط

(Last Updated On: غبرګولى ۵, ۱۳۹۹)

د موناش، سوینبرن او آر ام آی ټي پوهنتونونو څیړونکو د آپټیکل (نوري) چپ څخه د نړۍ ترټولو چټک او ګړندی انټرنیټي سرعت، چې په ثانیه کې د ۴۴ اعشاریه ۲ تیرابیت ظرفیت لري، رامنځته کړی دی.

یوه شننه چې د نیچر کمیونیکشنز په مجله کې خپره شوې ښیې چې په آسټرالیا کې د موناش، سوینبرن او آر ام آی ټي پوهنتونونو د څیړونکو یوې ډلې د انټرنیټ ترټولو چټک سرعت ایجاد او په بریالیتوب سره ازموینه هم کړې.

دا څیړنه ښیې چې د دې اختراع په کارولو سره، د معلوماتي ټیکنالوژۍ پدې سرعت سره، مونږ کولی شو په ثانیو کې ۱۰۰۰ لوړ کیفیته فلمونه ډاونلوډ کړو.

څیړونکو د انټرنیټ دا لوړه وړتیا د ۸۰ لیزرونو پر ځای چې دمخه د مخابراتي سیګنالونو لیږدولو لپاره کاریدل، یو د مایکرو کام یا نوري چپ په کارولو سره، لاسته راوړې ده.

د یادو موندنو له مخې، په دې ټکنالوژې سره به نه یوازې د آسټرالیا د مخابراتو ظرفیت ګړندی شي، بلکه په ټوله نړۍ کې به دغه ټیکنالوژي وکارول شي.

د دې موندنو پراساس، دغه ټیکنالوژي به په میلبورن، آسټرالیا او په نړۍ کې ترټولو لوړ انټرنیټ سرعت وي چې ملیاردونو پیرودوني به ترې خوند واخلي.

دا لومړی ځل دی چې یو مایکرو کام په داسې تجربه کې کارول شوی، او دا د نوري چپ څخه رامینځته شوي عنصر، د خورا ډیر معلوماتو ظرفیت لري.

ډاکټر بل کورکوران، چي د یادو څیړونکو له جملې څخه یو دې، داسی وایي: “موږ اوس په دې پوهیږو چې څنګه د انټرنیټ کارولو بې ساري شمیر له امله، په دوه یا دریو کلونو کې د انټرنیټ بیخبنا لا زیاته ګړندې کړو.”

Continue Reading

تازه خبرونه

طالبان د حکومت لخوا د ۲زرو بندیانو د خوشې کولو اعلان یو ښه ګام بولي

Avatar

خپور شوی

په

توسط

(Last Updated On: غبرګولى ۵, ۱۳۹۹)

طالبانو د حکومت لخوا د ۲۰۰۰ بندیانو د خلاصون اعلان یو ښه ګام ګڼلې خو ټینګار یې کړې چې د ۵ زرو بندیانو خوشې کول اړین ټکې دې.

د طالبانو د سیاسي دفتر ویاند سهیل شاهین د ټویټر له لارې د حکومت لخوا د ۲۰۰۰ بندیانو د خلاصون اعلان یو ښه ګام ګڼلې خو ټینګار یې کړې چې افغانانو د خپلمنځي خبرو د پیل لپاره د ۵ زرو بندیانو خوشې کول د دوحې په هوکړه منل شوې دي.

هغه لیکي: “د دوحې په توافقنامه کې د ۵ زرو بندیانو د خلاصون غوښتنه د دې لپاره وه چې د اعتماد مناسبه فضا رامنځته شي، باید دغه پروسه تکمیل شی څو د بین الافغاني مذاکراتو د پيل په مخکې خنډونه لیري شي.”

همداراز هغه زایته کړې چې طالبان “هم په خپله خوا کې د بندیانو خلاصون ته متعهد دی.”

دا په داسی حال کې ده چې تیره ورځ، د اختر له لمانځه وروسته، ولسمشر غني د طالبانو د درې ورځني اوربند اعلان په څواب کې وویل چې د ښه نیت له مخې به حکومت شاوخوا ۲۰۰۰ طالب بندیان خوشې کړي؛ هغه پر وسلوالو طالبانو غږ وکړ چې د امنیتي ځواکونو د بندیانو خوشې کولو پروسه پیل کړي.

له بلی خوا، متحده ایالاتو هم د افغانستان د ولسمشر محمد اشرف غني لخوا د دې اعلان ستاینه کړې ده.

ولسمشر په خپل ټویټر کې لیکلي چې هغه د امریکې د بهرنیو چارو د وزیر مایک پامپیو څخه په دې مناسبت تلیفون اړیکه ترلاسه کړې او وایي: “هغه د افغان حکومت څخه د ۲زرو طالب بندیانو د خوشې کولو دغه زړوره پرېکړه وستایله. هغه تاکید وکړ چې متحده ایالات به د اوږد مهاله اوربند / د تاوتریخوالي کمول او د مستقیمو خبرو اترو د پیل لپاره ټینګار وکړي.”

د یادونې وړ ده چې حکومت د متحده ایالاتو او طالبانو ترمینځ افغانستان ته د سولې راوستلو د تړون له لاسلیک وروسته، ۱۵۰۰  طالب بندیان خوشې کړل. همدادراز، طالبانو هم شاوخوا ۲۰۰ حکومتي پرسونل چې له دغې ډلې سره اسیر ول، خوشې کړي دي.

خو له بده مرغه، د طالبانو لخوا د تاوتریخوالي د کچې له لوړېدو وروسته، حکومت اعلان وکړ چې دغه پروسه به ودروي. خو ښایي چې د امریکي استازي زلمي خلیلزاد تازه هڅې زرغونې شوي او دغه لړې بیا پیل کیږي.

Continue Reading

تازه خبرونه

په فیسبوک کې د لمسي پرانځور خپرونې نیا جریمه شوه

Avatar

خپور شوی

په

توسط

(Last Updated On: غبرګولى ۳, ۱۳۹۹)

هرڅوک غواړي، چې انځورونه یې په ټولنیزو رسنیو ډېر خوښ او لایکونه تر لاسه کړي؛ خو د نړۍ په په یوه څنډه کې، نیا د خپلو لمسیانو د انځورونو پر پورته کولو محاکمې ته راکښل شوې ده.

د هالنډ هېواد په ګدرلنډ کې، دا پېښه هغه وخت محکمې ته وړاندې شوه، چې یوې نیا په ټولنیزو رسنیو کې د خپلې ناوې له اجازې پرته د خپلو لمسیانو انځورونه پورته کړی وه؛ له لیرې کولو ډډه وکړه.

د محکمې په پرېکړه کې د هغې د ناوې د څرګندونو له مخې راغلي: په ټولنیزو رسنیو کې زما د ماشومانو انځور خپراوی د هغو له خصوصي حریمه ښکاره سرغړونه ده.

په پرېکړه لیک راغلي: که دې نیا تر لس ورځو پورې دا انځورونه له پاڼې لیرې نکړل؛ نو باید د هرې ورځې پر تېریدو ۵۵ ډالره جریمه ورکړي. که انځورونه له دې مودې ډېر پاتې شول؛ بیا به ۱۱۰۰ ډالره جریمه کیږي.

دا قانون په اروپا کې د افرادو د ملاتړپه عمومي قانون (GDPR) کې تثبیت شوی دی.

پورته قاعده دا معنی لري؛ کله، چې یو عکس فیسبوک ته پورته شي؛ بیا یې د درېیم کس له لاسوهنې بچ ساتلی نشو.

په اروپا کې له دې قانون (GDPR) څخه، چې په ۲۰۱۸ کې رامنځته شوی  موخه دا ده، چې د خلکو شخصي حریم زیانمن نشي او ځانګړي مواد یې خوندي پاتې شي.

Continue Reading

Trending