Connect with us

تازه خبرونه

د لویې څارنوالۍ پر کارمندانو برید د سولې بهیر د ګډوډولو یوه هڅه ده- خلیلزاد

Ariana News

خپور شوی

 په

(Last Updated On: چنګاښ ۳, ۱۳۹۹)

د افغان سولې لپاره د امریکا ځانګړي استازي زلمي خلیلزاد د لويې څارنوالۍ پر کارمندانو برید غندلی او وایي، چې د سولې خبرو د ګډوډولو لپاره په افغانستان کې د ننه او بهر هڅې پیل شوې دي.

په کابل کې د دوه څارنوالانو په ګډون د لویې څارنوالۍ د پېنځه کارکوونکیو وژل کیدو غبرګونونه را پارولي دي.

د افغان سولې لپاره د امریکا ځانګړي استازي ویلي، چې د لویې څارنوالۍ دغو پېنځه کارکوونکيو د طالب زندانیانو په خوشې کولو کې آسانتیاوې برابرولې.

ده ټينګار کړی، چې د دغې پېښې عاملین باید پیدا شي. دغه برید هغه څه ښيي، چې مونږ ټول پرې پوهیږو؛ کورني او بهرني مخربین غواړي، چې سوله ګډه وډه کړي او یا یې وځنډوي.

ولسمشرۍ ماڼۍ ویلي، چې د تاوتریخوالي ډېروالی به د سولې خبرې له ستونزو سره مخ کړي.

 د ولسمشر ویاند صدیق صدیقی ویلي؛ د دې پېښې ردول، طالبان له دې پېښې سپنړلی نشي. د هېواد قاضیانو ورته ډېر بریدونه شوي، چې د طالبانو کار و. طالبان باید په دې اړه ځواب ویونکی وي او تاوتریخوالی به د سولې پر بهیر منفي اغېز وکړي.

وسلوالو طالبانو په برید کې لاس لرل رد کړي او ویلي یې دي، چې پېښه جدي څېړي او په وینا یې ټول  اړخونه باید د سولې د مخالفینو دسیسو ته متوجه شي.

د بشري حقونو د خپلواک کمیسیون غړی نعیم‌ نظري ویلي: که څه هم د څارنوالانو ترور نه یوازې له نړیوالو بشري حقونو سره په تضاد دی، بلکې اوسمهال د سولې بهیر هم زیانمنوي.

د افغانانو خپلمنځي خبرو ته د ورنږدې کیدو له راپورونو سره همهاله، هدفي وژنو زور اخیستی او څوک یې مسوولیت هم پر غاړه نه اخلي.

سیاسي شنونکی ولی الله شاهین وایي: تر هغې، چې خپلمنځي خبرې پیل نشي؛ جګړه به روانه وي او د خلکو وژنه به روانه وي. په لومړۍ ناسته کې پر تلپاتي اوربند برېکړه کیږي.

زلمي خلیلزاد ویلي، چې طالبان او حکومت باید په دغو شرایطو کې وېره ونلري او ژر دې خپلمنځي خبرې پیل کړي.

د سولې په برخه کې د  دولت وزارت ویانده ناجیه انوري وایي: تمه ده، چې د خپلمنځي خبرو د پیل نېټه همغږې شي؛ د بندیانو د تبادلې بهیر تر سره او د تاوتریخوالي کمښت وروستی شي او مونږ د خبرو پیل ته ورودانګو.

له دې مخکې ملګرو ملتونو په خپل راپور کې ویلي وه، چې له سولې سره مخالف طالبان له نورو سخت دریځو ډلو سره یو ځای شوي او د ولایت په نوم یې ډله جوړه کړي، چې سوله ګډه وډه کړي.

تازه خبرونه

په افغانستان کې پر کرونا ویروس ۳۷۵۰۶ کسان اخته شوي

Ariana News

خپور شوی

په

توسط

(Last Updated On: زمری ۲۵, ۱۳۹۹)

د عامې روغتیا وزارت په تېرو څلیریشت ګړیو کې د ۴۰۸ شکمنو پېښو له لیدلو ۷۵ نوې مثبتې بېښې په ډاګه کړې دي.

د روغتیایي چارواکو د څرګندونو له مخې؛ له تېرې یوې شپې او ورځې راپدیخوا په کابل کې ۴، په هرات کې ۳۶، په بلخ کې ۳، په پکتیا کې ۱، په بامیان کې ۴، په ننګرهار کې ۲، په بادغیس کې ۵، په لوګر کې ۲، په غزنی کې ۱۲، په کونړ کې ه، په دایکندي کې ۵ کسان پر کرونا اخته شوي دي.

روغتیا وزارت ویلي، چې تر دې دمه د کووید -۱۹ په کتنځیو کې د  کرونا ویروس ۹۸۱۹۹ پېښې کتل شوي، چې ۳۷۵۰۶ مثبتې وې.

یاد وزارت ويلي، چې دا مهال په هېواد کې پر کرونا ویروس ۹۳۴۷ د مثبتو پېښو لرونکي ناروغان لرو.

له بلې خوا، په تېرو ۲۴ ګړیو کې له کرونا ویروسه شپږ کسان مړه شوي، چې پېنځه یې په هرات او یو بل په لوګر کې ثبت شوي دي. دغه راز ۴۵۲ کسان له درملنې وروسته ښه شوي دي.

په هېواد کې تر دې دمه له دې ویروسه ۱۳۶۹ کسان مړه شوي او ۲۷۱۶۶ نور رغیدلي دي.

دغه راز د عامې روغتیا وزارت دوه اوونۍ مخکې په ۳۴ ولایتونو کې د خپلې تر سره شوې سروې له مخې ویلي وه، چې د هېواد یو پر درېیمه برخه وګړي پر کرونا ویروس اخته شوي دي.

د روغتیا وزارت په وینا، د ټول نفوس ۳۱.۵ سلنه، چې لس د؛ ر دې ناروغۍ اخته شوي، چې اوس یې ډېررغیدلي دي.

د روغتیا وزارت چارسمبالی جواد عثماني ویلي: ۳۴ ولایتونه پر ۹ زونونو وېشل شوي؛ د کابل زون د ټولو وګړیو ۵۳ سلنه، ختیځ زون ۴۲.۹ سلنه، مرکزي ولایتونه ۳۶.۳ سلنه، په غربي ولایتونو کې ۳۴.۱ سلنه او ختیځ سهیل ولایتونه ۳۲.۴ سلنه پر کرونا ویروس اخته شوي دي.

 تېره میاشت سره صلیب خبرداری ورک، چې افغانستان له کووید – ۱۹ ناروغۍ څخه د رامنځته کیدونکي احتمالي روغتیایي ، ټولنیز او اقتصادي ناورین په څنډه کې دی؛ ځکه، چې دا د نړۍ د ۱۰ ترټولو زیان منونکي هېوادونو پر اوږه یو دروند بار پریباسي.

دې ادارې زیاته کړه، چې د ساري ناروغۍ اصلی شمېر د محدودو ازموینو او ضعیفو روغتیایي سیستمونو له کبله د افغانانو ترمنځ خورا ډېر دی.

په ټوله نړۍ کې، د کرونا ویروس د مثبتو پېښو شمېر ۲۰۹۶۰۴۲۴رسیدلی، چې لږ تر لږه ترې ۷۶۰۳۷۱ کسان ترې مړه شوي او ۱۳۰۲۸۸۲۹ یې بېرته رغیدلي دي.

Continue Reading

تازه خبرونه

حکومت د ۴۰۰ ناندریزو طالب بندیانو د خوشې کولو بهیر پیل کړ

Ariana News

خپور شوی

په

توسط

(Last Updated On: زمری ۲۴, ۱۳۹۹)

حکومت د ۸۰  طالب بندیانو له خوشې کولو سره د پاتې۴۰۰ ناندریزو بندیانو د خوشې کیدو بهیر پیل کړ.

د ملي امنیت شورا د دفتر د څرګندونو له مخې؛ پرون پنجشنبه د پاتې ۴۰۰ طالب بندیانو د خوشې کیدو بهیر د سولې مشورتي جرګې د پرېکړې او ترې یوه ورځ وروسته د ولسمشر اشرف غني د فرمان له مخې پیل شوی دی.

له څلور سوه طالب بندیانو څخه اتیا یې پرون د پنجشنبې پر ورځ د څرخي پله له زندان څخه آزاد شول. خوشې شوي طالبان، چې ملي امنیت شورا ترې انځوریزې مرکې خپرې کړي وایي؛ د وژنو، تښتونو او اخلاقي رسولۍ په تورونو نیول شوي وه.

یو آزاد شوی طالب بندي محمد شریف وایي: د طالب کیدو او قتل په جرم بندي شوی وم . غواړم، چې په هېواد کې سوله او تلپاتې اوربند رامنځته شي.

یو آزاد شوي بندي محمد انور نومي ویلي، چې د انسان تښتنونې پر جرم بندي وم؛ له مشرانو غواړم، چې تلپاتې سوله رامنځته کړي.

د دغو بندیانو ډېر پر اعدام محکوم دي؛ حق العبد دوسیې لري، د نشه یي توکو د قاچاقو تور پرې لګېدلی، د حکومت او د ځینو متحدو هېوادونو په تور نوملړ کې راغلي او په اخلاقي رسوایۍ کې هم ګرم پېژندل شوي دي.

پخواني طالب سید اکبر آغا ویلي، چې د بندیانو د خوشې کولو د خپلمنځي خبرو پیلیدو ته هیلې ډېرې کړي دي.

ویل کیږي، چې د بندیانو له خوشې کیدو یوه اوونۍ وروسته به خپلمنځي خبرې پیل او اوربند رامنځته شي.

د حکومت مرکچي پلاوي غلام فاروق مجروح ویلي؛ چمتووالی مو وروستی شوی او د روانې اوونۍ په نیمایي کې به قطر ته سفر وکړو.

له دې مخکې حکومت ویلي وه، چې له دغو بندیانو څخه یوشمېر یې پر اعدام محکوم شوي، چې په څرخي پله او بګرام زندانونو کې ساتل شوي دي.

د څلور سوه طالب جنګیاليو د خلاصون مساله د افغانانو د سولې خبرو د پیل یو لوی خنډ یادیده؛ ځکه، نو ولسمشر د سولې مشورتي لویه جرګه را وبلله او د سولې مشورتي لویې جرګې د پرېکړې له مخې یې د دې ۴۰۰ نالنړدریزو بندیانو د خوشې کولو حکم لاسلیک او تېره ورځ یې د خوشې کیدو لړۍ پیل شوه.

طالبانو تر دې دمه د خوشې شویو ۸۰ بندیانو په اړه څه ندي ویلي.

Continue Reading

تازه خبرونه

روسیې د کرونا ویروس له ۵۰۰۰ ډېرې نوې مثبتې پېښې ثبت کړي

Ariana News

خپور شوی

په

توسط

(Last Updated On: زمری ۲۴, ۱۳۹۹)

روسیې د جمعې پر ورځ په ټول هېواد کې د کرونا ویروس د ۵۰۶۵ مثبتو پېښو له ثبتیدو خبر ورکړی دی.

د دغو نویو مثبتو پېښو له شمېر سره په روسیه کې د کروناویرس د ناروغانو شمېر ۹۱۲۸۲۳ ته ورسید، چې دا هېواد یې په نړۍ کې پر دغې ناروغې د اخته هېوادونو په څلورمه لیکه کې ودراوه.

په روسیه کې د کرونا ویروس ځواب ورکوونکي مرکز څرګنده کړې؛ له تېرو څلیریشت ګړیو راپدیخوا په دې هېواد کې د دې ناروغۍ ۱۱۴ ناروغان مړه شوي، چې له دې سره د مړینې رسمي شمېر یې ۱۵۴۹۸ ته رسیدلی دی.

دا معلومات په داسې حال کې خپریږي، د روسیې ولسمشر ولادیمیر پوتین د اګست پر ۱۱ وویل، چې روسیې له کرونا ویروس سره د مبارزې لپاره د واکسین پر جوړولو بریالی شوی دی.

پوتین په یوه حکومتي ناسته کې څرګنده کړې وه؛ تر هغه ځایه، چې زه پوهیږم نن سهار د کرونا ویروس پر وړاندې د نړۍ لومړی واکسین ثبت شوی دی.

که څه هم پوتین ویلي، چې دغه ثبت شوی ویروس یې پر لور آزمویلی؛ خو د روسیې دغه جوړ شوی واکسین باید د جواز ترلاسه کولو لپاره وروستی پړاوونه ووهي.

په نړۍ کې د کرونا ویروس د ناروغانو شمېر۲۰۹۲۴۶۰۳ ته رسیدلی، چې امریکا د ۵۲۵۲۱۷۱ پېښو په لرلو لومړی، برازیل د ۳۲۲۴۸۷۶ شمېر په لرلو دوه یم، هند د ۲۴۶۱۱۹۰ پېښو په لرلو سره درېیم  هېواد شمېرل شوی دی.

د یادونې ده، چې په نړۍ کې له دې ناروغۍ ۷۵۹۷۱۶ تر دې دمه مړه شوي شوي او ۱۲۹۹۹۲۲۸ نور ترې رغیدلي دي.

سرچینه: رویترز

Continue Reading

Trending