Connect with us

تازه خبرونه

د قطر د شپږم پړاو د خبرو په پیل کې د طالبانو او خلیلزاد اختلافات په ډاګه شوي

Avatar

خپور شوی

 په

(Last Updated On: غویی ۱۳, ۱۳۹۸)

د افغانستان د سولې لپاره د امریکا ځانګړي استازي په خپل تویت کې څرګنده کړې؛ د مذاکراتو په پیل کې یې له طالبانو غوښتي، چې وسلې پر ځمکه کیدي او له افغانستان څخه د نړیوالو ځواکونو د وتلو، اوربند، د افغانانو په خپلمنځي خبرو او د ترهګرۍ ضد هڅو کې د تضمین په ورکړه له واشنګتن سره هوکړې ته ورسیږي.

د قطر په دوحه کې د طالبانو او امریکایانو شپږم پړاو خبرې روانې دي، چې د افغانستان سولې لپاره برخلیک ټاکوونکې یادیږي.

د افغانستان د سولې لپاره د امریکا ځانګړي استازي زلمی خلیل زاد ویلي، د دوحې خبرو په پیل کې  یې له طالبانو غوښتي، چې وسلې پر ځمکه کیدي او له تاوتریخوالي لاس واخلي. که څه هم، چې طالبانو ویلي وه د خبرو په دې پړاو کې له افغانستان څخه د نړیوالو ځواکونو د وتلو پر څرنګوالي او ترهګرۍ ضد هڅو کې د تضین په ورکړې بحث کیږي؛ خو زلمي خلیلزاد په یوه تویت کې ښکاره کړې: سوله دې ته اړتیا لري، چې مونږ د څلور تړلو مسایلو پر سر؛ د ځواکونو وتل، د ترهګرۍ ضد تضمین، د افغانانو خپلمنځي خبرې او د تاوتریخوالي کموالی، چې د هر اړخیز اوربند سبب ګرځي؛ ګډون وکړو. هیڅ څیز به وروستی نشي تر هغې، چې مونږ د دې څلورو مسایلو په تړاو هوکړه ونکړو.

طالبانو د زلمي خلیلزاد پر خبرو توند غبرګون ښودلی او څرګنده کړې یې ده، چې زلمی خلیلزاد باید له طالبانو څخه  پر ځمکه د وسلو کېښودو  فکر او خیالي غوښتنې وړاندې نکړي. غوره ده، چې خلیلزاد د شف – شف پر ځای په زغرده شفتالو ووایي.

د سولې عالي شورا د دارالانشا رییس محمد عمر داوود زی وایي، چې زه د امریکا له هڅو او سیاست څخه، چې د سولې په اړه یې پیل کړي ملاتړ کوم. زمونږ او د امریکا اړیکې بنسټیزې او اوږدمهاله دي.

پخوانی ولسمشر  حامد کرزی وایي؛ د دې وخت را رسیدلی، چې مونږ سوله وغواړو، ملا عبدالغني برادر او د طالبانو تحریک ځینې نور مشران هم په افغانستان کې د سولې په لټه کې دي.

طالبان تمه لري، چې د دوحې مذاکرات له افغانستان څخه د نړیوالو ځواکونو د وتلو مهالوېش وروستی کړي؛ خو د زلمي خلیلزاد خبرې ښیي، چې د مذاکراتو تر وروستي کیدو پورې ډېر وخت پاتې دی.

د طالبانو د ډلې پخوانی غړی سید اکبر آغا  وایي، چې خلیلزاد هم هیله من دی او طالبان هم وایي، چې د خبرو جرئیات پاتې دي. په دې خبرو کې به د بهرنیو ځواکونو د وتلو وخت په ډاګه کیږي.

د دوحې مذاکرات تېره ورځ پیل شوي؛ خو روښانه نده، چې کله به پای ته رسیږي او د افغانستان سولې ته به وروستۍ پایله ولرې  او که نه؟

تازه خبرونه

د افغانستان د وګړیو شمېر نږدې ۳۳ میلیون اټکل شوی- مرکزي احصائیه

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

د مرکزي احصائې ادارې د څرګندونو له مخې؛ په روان لمریز کال کې د افغانستان د وګړیو شمېر نږدې ۳۳ میلیون اټکل شوی دی.

دوی دا هم په ډاګه کړې، چې د تېر کال په تناسب د هېواد وګړي څه باندې اووه سوه زره زیات شوي دي. د مرکزي احصائې د راپور له مخې، یو اویا سلنه وګړي په کلیو کې او پاتې نور په ښارونو کې ژوند کوي. دغه راز د کوچیانو شمېر هم یو نیم میلیون ښودل شوی، چې څلوراعشاریه شپږ سلنه کیږي.

په دې راپور کې له ۱۵ کلونو ټیټ عمره کسانو شمېر ۱۵نیم میلیون ښودل شوی دی.

د ملي احصائې او معلوماتو ادارې ویانده روبینا شهابي وایي، د دغو وګړیو یو پنځوس سلنه نرینه دي، چې له ۲۳ میلیون ډېر یې په کلیو کې ژوند کوي.

د یادې ادارې د څرګندونو له مخې؛ د نفوسو ۱۶ میلیون او اته سوه زره نرینه او ۱۶ میلیون او سل زره ښځینه دي.

 د نرینه وو نفوس له ښځینه وو څه باندې یوه سلنه ډېر دی.

د مرکزي احصائې په راپور کې په ډاګه شوې، چې د هېواد د نفوسو څه باندې څلور پنځوس سلنه وګړي د بېوزلۍ تر کرښې لاندې ژوند کوي او د نفوسو له ډېریدو سره بېوزلي هم پراختیا مومي.

ټولنپوه عبدالقیوم سجادي وایي، وړاندې شوې احصائيه له تخنیکي ستونزو سره مخ ده.

خلک وایي؛ پرلپسې جګړو له حکومت دا موقع اخیستې، چې د طالبانو په تر واک لاندې سیمو کې خلک وشمېري.

Continue Reading

تازه خبرونه

په افغانستان کې د کرونا مثبتو پېښو ډېریدو اندېښنې راپورته کړي

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

په افغانستان کې د کرونا ویروس چټکه خوریدنه ټکان ورکوونکې ده او عامې روغتیا وزارت ویلي؛ که  روغتیایي سپارښتنو ته پاملرنه ونکړو، هېواد به له لوی ناورین سره مخ شي.

 د عامې روغتیا وزارت د څرګندونو له مخې، په تېرو څلیریشت ګړیو کې یوولس سوه اته شپېته بېلګې کتل شوي، چې ۵۴۵ یې مثبتې را وتلي دي.

د عامې روغتیا وزارت مرستیال وحبد الله مجروح زیاته کړې؛ د کرونا ویروس له دې پېښو سره د ټولو مثبتو هغو شمېر۱۵۷۵۰ ته رسیدلی، چې په همدومره وخت کې ترې ۸ کسان مړه شوي دي.

د عامې روغتیا وزارت مرستیال د کرونا کنټرولولو لپاره د خلکو همکاري اړینه او له دې حالت څخه د وتو یوازنۍ لار بولي او خبرداری ورکوي که روغتیایي سپارښتنې رعایت نشي؛ هېواد به له لوی ناورین سره مخ کړو.

کرونا ویروس د نورې نړۍ په څیر افغانستان هم ځپلی او زیاترو خلکو، چې اقتصادي ستونزې یې درلودې؛ د کرونا له اړخه لګیدلو محدویتونو یې ژوند نور هم تریخ کړ. که څه هم د عامې روغتیا وزارت له خلکو څخه په بیا بیا غوښتي، چې په کورونو کې پاتې او روغتیایي سپارښتنې عملي کړي؛ خو د کابل په ګډون په لویو ښارونو کې ډېر خلک پر ټولنیزو کارونو اخته تر سترګو کیږي.

Continue Reading

تازه خبرونه

حکومت ۳۰۰۰ نه، بلکې ۲۲۸۴ طالب بندیان خوشې کړي- شاهین

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

په قطر کې  د طالبانو د سیاسي دفتر غړي او ویاند سهیل شاهین ویلي؛ حکومت د درې زره طالب زندانیانو د خوشي کولو خبره کوي، خو په وینا یې تر دوه نیم زره کم طالب بندیان خوشي شوي دي.

د ده په خبره حکومت تر دې دمه له خپلو زندانونو د طالبانو ۲۲۸۴ بندیان خوشي کړي دي.

شاهین زیاته کړې، چې د بندیانو د خوشي کولو بهیر باید روڼ وي او په دې لړ کې دې ګډوډي نه رامنځته کېږي.

د افغانستان امنیت شورا ویلي، چې په درې ورځو کې یې د طالبانو زر بندیان خوشې کړي دي.

د ملي امنیت شورا ویاند جاوید فیصل ویلي، چې له اختر مخکې ۱۰۰۰ طالب بندیان خوشې شوي دي.

د نوموړي د څرګندونو له مخې؛ په اختر کې ولسمشر په ډاګه کړه، چې دوه زره نور بندیان دې هم خوشې شي، ۱۰۰۰ یې د اختر په ورځو کې خوشې شول.

۷۱۰ کسان په تېرو درې ورځو کې خوشې شول او ټاکل شوې، چې ۲۹۰ نور هم خوشې شي، چې له دې سره به ټول ۳۰۰۰ پوره شي.

پخواني طالب سید اکبر آغا ویلي؛ د یو شمېر ډاډمنو سرچینو د څرګندونو له مخې، د بندي طالبانو د آزادولو په بهیر کې د نشه یي توکو ځینې قاچاق وړونکي هم خوشې شوي دي.

طالبانو هم له څلور ۴۰۰ ډېر بندیان آزاد کړي دي، چې حکومت ویلي و؛، ځینې یې ملکیان دي.

د حکومت د سولې خبرو مرکچي پلاوی له طالبانو غواړي، چې په سملاسي توګه د افغانانو خپلمنځي خبرو ته حاضر شي.

د حکومت د سولې مرکچي پلاوي غړی فاروق مجروح ویلي؛ ځینې هېوادونه د دې خبرو اترو کوربتوب ته چمتو شوي دي او څومره، چې ژر کیدای شي، حکومت او طالبان دې د دې خبرو د ځای پر سر هوکړې ته ورسیږي.

د ملي پخلاینې شورا، چې د سولې خبرو اترو د پر مخ بیولو په برخه کې واک لرونکې اداره ده، پخپل اداري جوړښت له کار کولو خبر ورکوي.

د حکومت د مرکچي پلاوي غړې فوزیه کوفي وایي، چې د دې شورا د مشرتابه په کچه کې باید ښځې ټاکوونکی رول ولري.

د ولسمشر له فرمان سره سم د دوو زرو طالب بندیانو د خلاصولو بهیر د یکشنبې پر ورځ بشپړ شو؛ خو حکومت ندي ویلي، چې دا بهیر غزوي او که نه؟ خو د طالبانو تخنیکي ډله، چې د خپلو بندیانو پېژندنې لپاره کابل ته راغلې، اوس هم په کابل کې ده.

مخکې سرچینو آریانا نیوز ته ویلي وه، چې د جون پر لسمه یا ۱۵ ښایي د افغانانو خپلمنځي خبرې پیل شي؛ خو طالبانو او حکومت  په دې اړه په رسمي بڼه څه ندي ویلي.

حکومت تمه لري، چې د زندانیانو له خوشي کولو سره د افغانانو خپلمنځي خبرې پيل او د تاوتریخوالي کچه راټيټه شي؛ خو طالبانو د تولو ۵۰۰۰ بندیانو له خوشې کیدو وروسته د سولې خبرو د دوه یم پړاو یا خپلمنځي خبرو پر پیلولو ټینګار ښکاره کړې دي.

Continue Reading

Trending